Category: Self Development
Showing 49–64 of 124 results
-
Add to cart
💵လစာတိုးပေးဖိုအထက်လူကြီးကိုဘယ်လိုညှိရမလဲ??
ပထမဆုံးတွေးမိတဲ့အဖြေက “NO” လိုဆိုရင် ခင်ဗျားဟာ Negotiation ရဲ့ ပထမဆုံးသောအဆင့်ကိုစရောက်ပါပြီ။
ဒါဆိုဘယ်လိုရှေ့ဆက်ကြမလဲ ???-> အဆင်ပြေမှာမဟုတ်ပါဘူး ဆိုပြီးဆက်မပြောတော့ပဲနေမှာလား😢
-> ကိုယ်ဝင်ငွေတိုးပေးအောင်ညှိနှိင်း နိုင်မယ့် Skill ကိုရှာမလား 🧐🧠ဒီskill တွေကို စာရေးဆရာ Chris Voss ရေးတဲ့ Never Split the Difference ထဲမှာတွေ့နိုင်ပါတယ်
ညှိနှိင်းဆွေးနွေးမှု ဆိုတာ ကျွန်တော်တိုရဲ့ အစိတ်အပိုင်းတစ်ခုပါ။ မနက်အိပ်ရာထပြီး မနက်စာဘာစားမလဲလိုစပြီးတိုင်ပင်တာကအစ အလုပ်မှာ အိမ်မှာ အမြဲတမ်းကျွန်တော်တိုလိုချင်တဲ့အရာတွေ ရရှိဖိုအတွက်အမြဲ တစ်စုံတစ်ယောက်နဲ့ တိုင်ပင်ကြရပါတယ်။နှစ်ဦးနှစ်ဖက်အဆင်ပြေတဲ့ညှိနှိင်းမှုအများစုမှာ ကျွန်တော်တိုဟာ ကိုယ့်လိုအပ်ချက်ကို လျော့ပေါ့ပြီးအလုပ်ဖြစ်အောင် အနစ်နာခံလိုက်ကြရတာများပါတယ်။ ကိုယ်လိုချင်တဲ့အရာအများစုကိုကိုယ့်လက်ထဲရောက်အောင်လုပ်နိုင်တဲ့ Negotiation Skill ကိုလူအနည်းစုသာ တတ်ကျွမ်းကြပါတယ်။
ဒီ Negotiation Skill ကို ကျွမ်းကျင်ဖိုဒီစာအုပ်ထဲမှာဘာတွေပါလဲ ??
🌻 Tactical Empathy
🦻Active Listening
🪞Mirroring
🤔65 85 95 rule
🏷Labeling
❓Calibrated Question စတဲ့ Skill တွေ
⛔️“NO” ဆိုတဲ့စကားလုံးရဲ့အရေးပါပုံ
👌“Yes” ဆိုတဲ့ အဖြေသုံးမျိုး
🗣Negotiator သုံးမျိုး အကြောင်း
🦢စကားလုံးတွေထဲက Black Swan တွေနဲ့ သူတိုကို အသုံးချနည်းတွေBusiness Owner တွေ ,Business Developmentလောကထဲက သူတွေ , Community နဲ့ Relationship Management လုပ်နေတဲ့သူတွေအပြင် ကိုယ်ပိုင်လုပ်ငန်းလုပ်နေတဲ့သူတွေ ဒီစာအုပ်ကိုဖတ်သင့်ပါတယ်။ အထူးသဖြင့် စီးပွားရေး၊ မိသားစုနဲ့ အလုပ်မှာ စကားပြောတာပိုအဆင်ပြေတဲ့ သူ၊ လူတွေနဲ့ ညှိနှိင်းမှု skill ကို Level Up လုပ်ချင်တဲ့သူတွေအတွက်တော့မရှိမဖြစ်ဆောင်ထားသင့်တဲ့ စာအုပ်တစ်အုပ်ပါ။
-
Add to cart
🪢ငါတိုဘယ်လိုဖြစ်တည်လာတာလဲ ? – Nexus: A Brief History of Information Networks from the Stone Age to AI
ကျွန်တော်တိုငယ်ငယ်တုန်းက တစ်ယောက်နဲ့တစ်ယောက် ဆက်သွယ်ဖိုအတွက် စာတိုက်ကနေစာပိုရတယ်. ပြီးတော့လိုင်းဖုန်း, ဆယ်လူလာဖုန်း စသည်ဖြင့် အခုအချိန်မှာ စကားပြောဖိုအတွက် ဘေးနားကဖုန်းလေးကောက်ကိုင်ပြီးစာလေးရိုက်လိုက်တာနဲ့ မိုင်ထောင်ချီကွာဝေးနေတဲ့လူနဲ့လည်းဆက်သွယ်လိုရနေပြီ။ ဒီအရာတွေဘယ်လိုဖြစ်တည်လာသလဲ ? ကျွန်တော်တိုရဲ့ ယုံကြည်မှု၊ ကိုးကွယ်မှုတွေနဲ့ ဒီinformation တွေကိုလူသားတွေဆီပြန့်နှံသွားအောင် ဘယ် Network တွေကလုပ်ဆောင်ပေးခဲ့သလဲဆိုတဲ့အကြောင်းကို လေ့လာနိင်ပါတယ်။ -
Add to cart
သင့်စိတ်ကို ထုဆစ်ပုံသွင်းဖို NLP ( Neuro-Linguistic Programming) ရဲ့ စွမ်းအား🧠✨
လှပတဲ့ရုပ်ထုတစ်ခုဖြစ်အောင် ပန်းပုဆရာကသစ်သားကိုထုဆစ် ပုံသွင်းရသလို🪵၊ စိမ်းလန်းတဲ့ပန်းပင်လေးတွေဖြစ်အောင် ဥယျာဉ်မှုးက မြေကြီးကိုတူးဆွရသလို🌱 ကျွန်တော်တိုလိုချင်တဲ့ အောင်မြင်မှု ငြိမ်းချမ်းမှု စတဲ့ထူးခြားတဲ့အရာတွေကိုရရှိနိုင်ဖိုအတွက် စိတ်ကိုပြုစုပျိုးထောင်လိုရပါတယ်။
💪ခန္ဒာကိုယ်ကြွက်သားတွေသန်စွမ်းချင်ရင်အလေးမပါ။
🧠ကြံ့ခိုင်ပြီးအစွမ်းထက်တဲ့စိတ်ကိုပိုင်ဆိုင်ချင်ရင် NLP ကိုလေ့ကျင့်ပါ။🕯“စိတ်သာရှင်စော ဘုရားဟော” ဆိုတဲ့ စကားပုံအတိုင်း ကျွန်တော်တိုစိတ်ဟာ ကမ္ဘာကြီးကိုတောင်ကိုင်လှုပ်လိုရတယ်ဆိုတဲ့ခံစားရတဲ့အချိန်ရှိသလို တစ်ကမ္ဘာလုံးကိုကျောပိုးထမ်းထားရသလိုလေးလံတဲ့ခံစားချက်လည်းရှိပါတယ်။ ဒီ နေရာတွေမှာ Neuro-Linguistic Programming (NLP) ဟာ ကျွန်တော်တိုရဲ့အပြုအမူ၊အနေအထိုင်၊အပြောအဆိုတွေကိုနောက်ကွယ်ကနေကြိုးကိုင်ထိန်းကျောင်းပေးနေတဲ့အရာတစ်ခုဖြစ်ပါတယ်။
NLP ဆိုတာဟာ
🧠Neuro – (စိတ်အာရုံ) – နေ့စဉ်တွေ့ကြုံနေရတဲ့အရာတွေကို အာရုံကြောလေးတွေကတဆင့်ခံစားမှု။
🗣Linguistic – (ဘာသာပြန်ဆိုခြင်း) – ဒီခံစားမှုတွေကိုနားလည်နိုင်ဖို အဓိပ္ပါယ်ပြန်ဆိုမှုနဲ့
🔁Programming – (အပြုအမူ) – ဒီနားလည်မှုကိုတုံပြန်တဲ့ အပြုအမူတွေ ဆိုတဲ့ အဓိကအစိတ်အပိုင်းသုံးခုနဲ့တည်ဆောက်ထားပါတယ်။NLP မှာပါဝင်တဲ့ ကျွန်တော်ကြိုက်တဲ့အချိုသောအချက်တွေ💡💡
⚡️Cognitive Shortcuts (သိစိတ်ရဲ့ဖြတ်လမ်းတွေ)
ကျွန်တော်တိုနေ့စဉ်ကြုံတွေ့နေရတဲ့ မြောက်များလှစွာသော Information တွေကို အစီအစဉ်တကျ လက်ခံ၊သိမ်းဆည်း၊လုပ်ဆောင်နိုင်ဖိုအတွက် Simplify(ရိုးရှင်းမှု)၊ Fliter(စစ်ထုတ်မှု) နဲ့ Modify(ပြန်လည်မွမ်းမံမှု) ဆိုတဲ့အရာတွေကို သိစိတ်က ဖြတ်လမ်း ( Cognitive Shortcuts) အနေနဲ့လုပ်ဆောင်သိမ်းဆည်းပါတယ်။ဒီဖြတ်လမ်းတွေဟာ ကျွန်တော်တိုလိုအပ်တဲ့ အကြောင်းအရာတွေကိုအသုံးပြုဖိုလိုအပ်တဲ့အချိန်မှာ စဉ်းစားစရာမလိုပဲ လွယ်ကူတဲ့ဆုံးဖြတ်ချက်တွေအနေနဲ့လုပ်ဆောင်နိုင်အောင် ကူညီပေးတဲ့ Auto Pilot Function တွေလိုအလုပ်လုပ်ပါတယ်။ ဥပမာ-ညဘက် အိမ်ပြန်တဲ့အချိန်မှာ မှောင်နေတဲ့လမ်းကမသွားပဲနဲ့ မီးလင်းနေတဲ့လမ်းကို automatic သွားသလိုမျိုး။ ဒီဖြတ်လမ်းတွေဟာ အသုံးဝင်တဲ့နေရာတွေရှိသလို ကျွန်တော်တိုရဲ့ ကန့်သတ်ချက်တွေ၊ လိုအပ်ချက်တွေနဲ့၊ ဘက်လိုက်ဆုံးဖြတ်တတ်တဲ့ အမူအကျင့်တွေကြောင့် တစ်ခါတရံမှာအခက်အခဲတွေဖြစ်စေတတ်ပါတယ်။👁Sensory Manifestation (အာရုံခံစားမှုကို သိသာစေခြင်း)
အမြင်၊အကြား၊အနံ့၊အတွေ့၊အရသာ စသည်ဖြင့် အာရုံခံစားမှုငါးပါးနဲ့လူတွေဟာ ပြင်ပလောကနဲ့ဆက်သွယ်ကြပါတယ်။ခံစားရတဲ့အာရုံခံစားမှုပေါ်မူတည်ပြီး တည်ဆောက်ထားတဲ့ တုံပြန်မှုတွေကို ကျွန်တော်တိုပြုမှုတတ်ကြပါတယ်။ ဥပမာ-တယောသံအေးအေးလေးကြားရင် ငြိမ်းချမ်းသွားတာ၊ အလိုမကျတာတွေ့ရင်ဒေါသထွက်တာ စသည်ဖြင့် အနာဂတ်ကိုတွေးမိရင် စိတ်ပူတတ်ကြပြီး အတိတ်ကိုတွေးရင်စိတ်ဓာတ်ကျမှုတွေဖြစ်ကြပါတယ်။NLP ဟာဒီအာရုံခံစားမှုတွေကို ခွဲခြမ်းစိတ်ဖြာပေးပြီး ထက်မြက်တဲ့စိတ်ခံစားမှုနဲ့အတူအံခွင်ဝင်ကျဖြစ်တဲ့တုံပြန်မှုတွေကိုသိသာစေပါလိမ့်မယ်။🧘NLP ကိုနားလည်ကျင့်သုံးမှုဟာ🧘
1️⃣အဆိုးမြင်အတွေးကိုအကောင်းမြင်အဖြစ်ပြောင်းလဲနိုင်ခြင်း : “ငါမလုပ်နိုင်ဘူး”ဆိုတဲ့အရာကို “ငါတိုးတက်ဖိုသင်ယူနေတယ်”ဆိုတာနဲ့ပြောင်းလဲနိုင်ခြင်း
2️⃣ဆက်ဆံရေးတိုးတက်စေခြင်း : Mirroring အစရှိတဲ့နည်းပညာတွေနဲ့ ပိုမိုကောင်းမွန်တဲ့ဆက်ဆံရေးကိုကိုတည်ဆောက်နိုင်ခြင်း
3️⃣အကျင့်ဆိုးတွေကိုကျော်လွှားနိုင်ခြင်း : အချိန်ဆွဲတာ၊ ယုံကြည်မှုမရှိတာအစရှိတဲ့ မကောင်းတဲ့အကျင့်တွေဖြစ်တည်ပုံကိုနားလည်ပြီး အကျင့်ကောင်းတွေကိုမွေးမြူနိုင်ခြင်း
4️⃣ကောင်းမွန်တဲ့အတွင်းစိတ်နဲ့နေထိုင်နိုင်ခြင်း : အပျက်သဘောဆောင်တဲ့အတွေးတွေကိုကောင်းမွန်တဲ့အတွေးတွေနဲ့အစားထိုးနိုင်ခြင်း
5️⃣သိစိတ်အာရုံခံစားမှုကောင်းမွန်ခြင်း : အသိ၊သတိနဲ့နေထိုင်မှုကြောင့် ရှင်းလင်းပြတ်သားတဲ့အဓိပ္ပါယ်ကိုသိသာစေခြင်း တိုကိုရရှိစေနိုင်ပါတယ်။🚫NLP နဲ့ပက်သက်ပြီးလွဲမှားနေတဲ့အရာတွေ🚫
❌“NLP ဆိုတာ စိတ်လှည့်ကွက်တစ်ခုပဲ”
✅-NLP ဟာ စိတ်ရဲ့ Pattern တွေကိုသဘောပေါက်ပြီး မိမိရဲ့တိုးတက်မှုနဲ့အောင်မြင်မှုအတွက်ဒီ Pattern တွေကိုပြောင်းလဲနိုင်တဲ့အရာဖြစ်ပါတယ်။
❌“NLP ကအရမ်းရှုပ်ထွေးတယ်”
✅-NLP နည်းစနစ်တွေဟာတကယ်လေ့လာရင် ရိုးရှင်းပြီး နေ့စဉ်ဘ၀မှာပါအသုံးဝင်ပါတယ်။
❌“ဒါတွေ အကျိုးဖြစ်ဖို နှစ်တွေအများကြီးလေ့ကျင့်ရမှာပေါ့”
✅-ရိုးရှင်းတဲ့နည်းစနစ်တွေကိုအသုံးပြုရင်တောင် အချိန်တိုအတွင်းမှာ သိသာထင်ရှားတဲ့တိုးတက်မှုတွေရရှိစေနိုင်ပါတယ်။🚀🚀သင်ရဲ့အတွေးအခေါ်၊ အလုပ်အကိုင်၊အပြုအမူနဲ့ ပတ်ဝန်းကျင်ဟာသင့်ရဲ့ တကယ့်အစစ်အမှန်ဖြစ်နိုင်မှုကို ကန့်သတ်ချက်တွေနဲ့ချုပ်ချယ်ထားပါတယ်။ဒါတွေကိုဖောက်ထွက်ပြီး သင်ဖြစ်နိုင်တဲ့အမြင့်မားဆုံးသောအစစ်အမှန်နေရာကိုရောက်ရှိနိုင်ဖိုအတွက် NLP နည်းစနစ်တွေကို စတင်လေ့လာလိုက်ပါ။
-
Add to cart
Netflix cofounder Reed Hastings reveals for the first time the unorthodox culture behind one of the world’s most innovative, imaginative, and successful companies
There has never before been a company like Netflix. It has led nothing short of a revolution in the entertainment industries, generating billions of dollars in annual revenue while capturing the imaginations of hundreds of millions of people in over 190 countries. But to reach these great heights, Netflix, which launched in 1998 as an online DVD rental service, has had to reinvent itself over and over again. This type of unprecedented flexibility would have been impossible without the counterintuitive and radical management principles that cofounder Reed Hastings established from the very beginning. Hastings rejected the conventional wisdom under which other companies operate and defied tradition to instead build a culture focused on freedom and responsibility, one that has allowed Netflix to adapt and innovate as the needs of its members and the world have simultaneously transformed.
Hastings set new standards, valuing people over process, emphasizing innovation over efficiency, and giving employees context, not controls. At Netflix, there are no vacation or expense policies. At Netflix, adequate performance gets a generous severance, and hard work is irrelevant. At Netflix, you don’t try to please your boss, you give candid feedback instead. At Netflix, employees don’t need approval, and the company pays top of market. When Hastings and his team first devised these unorthodox principles, the implications were unknown and untested. But in just a short period, their methods led to unparalleled speed and boldness, as Netflix quickly became one of the most loved brands in the world.
Here for the first time, Hastings and Erin Meyer, bestselling author of The Culture Map and one of the world’s most influential business thinkers, dive deep into the controversial ideologies at the heart of the Netflix psyche, which have generated results that are the envy of the business world. Drawing on hundreds of interviews with current and past Netflix employees from around the globe and never-before-told stories of trial and error from Hastings’s own career, No Rules Rules is the fascinating and untold account of the philosophy behind one of the world’s most innovative, imaginative, and successful companies.
-
Add to cart
➖ အောက်ဆုံးရောက်နေချိန် ဘယ်သူမှ ကိုယ့်အကြောင်း စိတ်မ၀င်စားတော့ဘူး။
DEPRESSION!
❗️ ကိုယ် ကြိုးစားသမျှတွေ အရာမထင်တဲ့ အခါမှာ၊ အချစ်ဆုံးသူငယ်ချင်းက သစ္စာဖောက်သွားတဲ့ အချိန်မှာ၊ ကိုယ့်ကိုယ်ကို ယုံကြည်မှုတွေ ပျောက်ဆုံးလာတဲ့အခါမှာ၊ လူတွေက ကြိမ်ဖန်များစွာ တိုက်ခိုက်လာတဲ့ အချိန်မှာ Depression ၀င်လာကြတယ်။〽️ ကျွန်တော့်ဘ၀မှာ နောင်တအရဆုံး၊ အမှားဆုံး လုပ်ရပ်ကို ပြောပါဆိုရင် ဘယ်ဘက် လက်ပေါ်က ဓားဒဏ်ရာ အမာရွတ် လေးခုပါပဲ။ ငယ်ရွယ်သေးတဲ့ လူငယ်တစ်ယောက်အတွက် တစ်ချိုသော စိတ်ခံစားမှုတွေက မမျှတခဲ့ဘူး။ အမာရွတ်က မသေးတော့ ဖုံးကွယ်ထားဖိုကလည်း မလွယ်ကူပါဘူး။ တစ်ယောက်ယောက်က မြင်လိုမေးပြန်ရင်လည်း တစ်ချိန်တစ်ခါက အမှားတစ်ခုက စိတ်ဒဏ်ရာ တစ်ခုလို ကိုယ့်နောက်က အမြဲလိုက်နေတော့တယ်။ Society တစ်ခုမှာ အနိုင်ကျင့်ခံခဲ့ရတဲ့ လူငယ်ဘ၀က မလွယ်ကူပါဘူး။ ဒါတောင် အဲ့အချိန်တုန်းက Social Media မတွင်ကျယ်သေးပါဘူး။
📛 ကျွန်တော့်မိတ်ဆွေတွေထဲမှာလည်း ဒီလို အတွေးတွေကနေ ရုန်းကန်ထွက်ခဲ့တဲ့သူတွေ အများကြီးပါ။ နောက်ဆုံး စက္ကန့်အကွာလေးတွေကနေ လွတ်မြောက်ခဲ့သူတွေ။ တစ်ခါကဆို သမီးလေး မျက်နှာပေါ်လာလို ဒီအတွေးကနေ ရုန်းထွက်နိုင်ခဲ့တဲ့ မိခင်ကောင်းတစ်ယောက်။ သူမသမီး မျက်နှာလေးသာ သူမရှေ့မှာ မပေါ်လာခဲ့ရင် သူမအခုချိန် အသက်ရှင်နေဦးမှာ မဟုတ်ပါဘူး။ သူမ သမီးက သူမကို ကယ်တင်ခဲ့တယ်။ ဒါကြောင့်ပဲ ဘ၀ကို အရှုးမပေးပဲနဲ့ဆက်ကြိုးစားနေခဲ့တယ်။ အခုချိန်မှာ သူမက သူမ သမီးရဲ့ဘ၀ကို အောင်မြင်အောင် လုပ်ပေးနိုင်ခဲ့တဲ့ မိခင်ကောင်း တစ်ယောက် ဖြစ်တဲ့ အပြင် သူမဘ၀ကို ဦးဆောင်နိုင်တဲ့ သူတစ်ယောက် ဖြစ်နေပါပြီ။
🖋 ယခုစာအုပ်ရဲ့စာရေးဆရာမ Sheryl Sandberg က Facebook ရဲ့ COO တစ်ယောက်အပြင် ကလေးနှစ်ယောက် အမေလည်း ဖြစ်တယ်။ သူမ ကလေးတွေ အတွက် မိခင်ကောင်း တစ်ယောက် အဖြစ် ကြိုးစားနေဆဲ ရုတ်တရက် သူမခင်ပွန်း ဆုံးသွားတဲ့ အခါမှာ အရာရာ အဆင်ပြေချော့မွေ့နေတဲ့ သူမအိပ်မက်တွေ အကုန် ပျက်ဆီးသွားခဲ့တယ်။
📌 “Option A is not Available, Make the Most Out of Option B.”
🕳 ကျွန်တော်တိုတစ်သက်မှာ တစ်ခါတော့ အကြီးမားဆုံး ဆုံးရှုးမှုတွေနဲ့ကြုံတွေ့ရတယ်။ မျှော်လင့်ချက်တွေ ပျောက်ဆုံးပြီး ခက်ခဲကြမ်းတမ်းတဲ့ ဘ၀ရဲ့တိုက်ခိုက်မှုတွေနဲ့ရင်ဆိုင်ရတယ်။ ဘ၀ရဲ့နင်းချေမှုတွေကြုံနေရတဲ့အချိန်မှာ ရုန်းကန်ထွက်နိုင်ဖိုဒီစာအုပ်မှာ ပါတဲ့ အချက်လေးတွေကို ရေးသားပေးလိုက်ပါတယ်။
1. Avoid Three ‘P’s
▪️ Personalization
💢 ဖြစ်ခဲ့သမျှ ကိစ္စတွေ အားလုံး ကိုယ့်အပြစ်လို ခံယူတာကို ရှောင်ကြဉ်ပါ။
▪️ Pervasiveness
💨 စိတ်ဒဏ်ရာက ကိုယ့်ရဲ့လုပ်ရပ်တွေကို လိုက်နှောင့်ယှက်နေခြင်းကို ရှောင်ကြဉ်ပါ။
▪️ Permanence
👁🗨 စိတ်ဒဏ်ရာက ကိုယ့်ဘ၀မှာ တစ်သက်လုံး မပါသွားဖိုကြိုးစားပါ။ တစ်သက်လုံး မဟုတ်ဘူး ဆိုတာကို လက်ခံပါ။
2. Spend time in Groups
👤 ကျွန်တော် အရမ်းစိတ်ညစ်တဲ့ အခါမှာ အများအားဖြင့် တစ်ယောက်တည်း နေပါတယ်။ ကျွန်တော်က စိတ်ညစ်ရင် အရမ်းကို ငြိမ်သက်သွားတယ်။ ကျွန်တော် စိတ်ညစ်နေမှန်း ဘယ်သူမှ မသိပါဘူး။ လူတွေကြားမှာ ပျော်ပျော်ရွှင်ရွှင်ပဲ နေတယ်။ လူတွေကို မယုံကြည်တဲ့ အတွက် မိဘတွေရော၊ သူငယ်ချင်းတွေပါ ဖွင့်ပြောလေ့ မရှိပါဘူး။ အရာရာကို တစ်ယောက်တည်း ဖြေရှင်းဖိုကြိုးစားတယ်။🌑 ဒါပေမယ့် တစ်ချိုညတွေ တစ်ယောက်တည်း နေလိုဆောက်တည်ရာမရ ဖြစ်နေတဲ့ အချိန်မှာတော့ ကျွန်တော် မခံစားနိုင်တော့ပါဘူး။ အဲ့အချိန်တွေမှာ ကျွန်တော့် အချစ်ဆုံးသူငယ်ချင်းတွေက အင်မတန် တန်ဖိုး ရှိပါတယ်။ ည ၁ နာရီ ဖုန်းဆက်ပြီး တွေ့ဖိုပြောလည်း ရောက်လာပါတယ်။ သူတိုတွေနဲ့အချိန် တစ်နာရီလောက် စကားပြောရတာက ကျွန်တော့်ရဲ့စိတ်ပင်ပန်းမှုတွေကို ကွယ်ပျောက်သွားစေပါတယ်။ ဒါကြောင့် စိတ်ညစ်ရင် တစ်ယောက်တည်း မနေပါနဲ့။
3. Life is Never Perfect, So Take Responsibility of Your Life
🌬 ဘ၀ဆိုတာ ပုံပြင်တွေထဲကလို ပျော်ရွှင်စရာ ဇာတ်သိမ်းတွေချည်း မဟုတ်ပါဘူး။ စာရေးဆရာမ Shreyl Sandberg က သူမ ခင်ပွန်း ဆုံးသွားပြီးတော့ အရမ်း ခံစားခဲ့ရပါတယ်။ ဒါပေမယ့် သူမမှာ တာ၀န်ယူရမယ့် သူမ ကလေးနှစ်ယောက်ရှိနေသေးတယ်။ သူမ ကလေးတွေ သူတိုအဖေဆုံးကြောင်း သိအောင် ပြောပြဖို၊ ကလေးတွေ စိတ်အားမငယ်အောင် ပြုစုပျိုးထောင်ပေးဖို၊ သူမ ဆုံးရှုးသွားမှုတွေကို သူမတာ၀န်ယူရပါမယ်။ သူမရဲ့အရှုးမပေးမှုတွေက သူမကို အောင်မြင်တဲ့ သူတစ်ယောက် ဖြစ်လာစေခဲ့တဲ့ အပြင် သူမ သားသမီးတွေ အပေါ်မှာ လေးစားထိုက်တဲ့ မိခင်ကောင်း တစ်ယောက် ဖြစ်ပါတယ်။❄️ စာရေးဆရာမ Sheryl Sandberg ကို 2017 ခုနှစ်မှာ Forbes Magazine က Most Powerful Women, Number 4 အနေနဲ့ဖော်ပြပေးခြင်း ခံရပါတယ်။ Sheryl က 2013 ခုနှစ်မှာ Lean In Women Leadership စာအုပ်ကို ရေးသားခဲ့ပြီး Best Seller စာရေးဆရာမတစ်ယောက် ဖြစ်ခဲ့ပါတယ်။ သူမခင်ပွန်း ဆုံးပြီး နောက်ပိုင်းမှာ သူမရင်ဆိုင်ခဲ့ရတဲ့ အခက်အခဲတွေ၊ သူမ ကလေးတွေ အပေါ် မိခင်ကောင်းတစ်ယောက် ဖြစ်ဖိုကြိုးစားခဲ့ရတာတွေကို Option B စာအုပ်ထဲမှာ ရေးသားခဲ့ပြီး စာအုပ်ကတော့ Million Seller စာအုပ်တစ်အုပ် ဖြစ်လာခဲ့ပါတယ်။ သူမ က ခက်ခဲရုန်းကန်မှုတွေ၊ အရှုံးပေးချင်စိတ်တွေကို ကျော်လွှားပြီး ဘ၀ ကို အောင်မြင်အောင် တည်ဆောက်နိုင်ခဲ့သူ တစ်ယောက် ဖြစ်ပါတယ်။
👣 ဘ၀မှာ လဲကျရင် ချက်ချင်းပြန်ထလိုမရပါဘူး။ ကိုယ် လဲကျပြီဆိုရင် တစ်ယောက်က နင်းသွားမယ်။ နောက်တစ်ယောက်က ကျော်ခွသွားမယ်။ ကျန်တဲ့သူတွေက ဟာသကြည့်သလို နေကြာစေ့စားပြီး လှောင်ရယ်နေဦးမှာ။ သိုပေမယ့်လည်း အရှုးမပေးပါနဲ့။
-
Add to cart
📦 လူတွေအကုန်လုံး outside the box တွေးရမယ်ဆိုရင်တော့ သေချာတာက တကယ်ပြင်ရမှာ အဲ့ box ကိုပါ….
– Malcolm Gladwell🔱 Success က မွေးရာပါ အရည်အချင်းမဟုတ်ပါဘူး။ အခွင့်အရေး အသုံးချနိုင်မှု၊ ပြင်းပြင်းထန်ထန် ကြိုးစားမှု၊ ကောင်းမွန်တဲ့ ဗီဇအကျင့်စရိုက်စတဲ့ အချက်တွေ ပေါင်း၍ ရလာတဲ့ရလဒ် ဖြစ်ပါတယ်။ အခြားသောအချက်တွေဖြစ်တဲ့ ကိုယ်မွေးဖွားကြီးပြင်းတဲ့ အချိန်အခါ၊ နေရာဒေသကလည်း ကိုယ်ရရှိနိုင်မယ့် အခွင့်အရေးတွေအပေါ် သက်ရောက်မှုရှိပါတယ်။
📃 ယခု Outliers – The Story of Success စာအုပ်မှာ Malcolm Gladwell က အကောင်းဆုံး၊ အထက်ဆုံး၊ အအောင်မြင်ဆုံး ပုဂ္ဂိုလ်တွေရဲ့ အကြောင်းသာဓကတွေနှင့်အတူ အတွေးအခေါ်အသစ် တွေပေးထားပါတယ်။ သူ့မေးခွန်းတွေက ဘယ်အရာတွေက High-Achievers တွေကို ကွဲပြားသွားစေလဲ။
❓ အဖြေက ကျွန်တော်တို့က အောင်မြင်သူတွေ ဘယ်လိုပုံစံရှိတယ်ဆိုတာကိုပဲ အာရုံစိုက်လွန်းပြီး သူတို့ဘယ်လို culture၊ ဘယ်လိုမိသားစု၊ ဘယ် generation၊ ဘယ်လိုအရာတွေနဲ့ ကြီးပြင်းလေ့ကျင့်လာတယ်ဆိုတာတွေ အပေါ်မှာတော့ သတိမမူမိကြပါဘူး။
❇️ သူတို့ IQ ဘယ်လောက်ရှိတယ်ဆိုတာထက် အခြားကျွန်တော်တို့ မမြင်နိုင်တဲ့အရာတွေအထိ နက်နက်နဲနဲ လေ့လာသင့်ပါတယ်။ ယခုစာအုပ်မှာ Malcolm က software billionaires တွေရဲ့လျှို့ဝှက်ချက်၊ အကောင်းဆုံးဘောလုံးသမားဖြစ်ဖို့ ဘာတွေလုပ်ခဲ့ရလဲ၊ ဘာလို့အာရှလူမျိုးတွေက သင်္ချာမှာတော်တာလဲ၊ ဘာက The Beatles အဖွဲ့ကို အကောင်းဆုံး rock band ဖြစ်စေလဲ စသည့် တကယ်ဖြစ်ရပ်တွေနဲ့ သင်ခန်းစာတွေ တွဲရှင်းပြထားပါတယ်။
🕳 When opportunity presents itself, seize it.
👣 There is no shortcut to mastery than putting in the hours.
စာအုပ်ထဲက သင်ခန်းစာများအနက် 10,000 Hours Rule
________🎻 တယောတီးတဲ့သူများကို လေ့လာချက်အရ တယောကိုဆရာအဖြစ် ပြန်သင်ပေးဖို့ရတဲ့သူ၊ တကယ်ကောင်းမွန်တဲ့သူ၊ လုံးဝကျွမ်းကျင်တဲ့သူဆိုပြီး သုံးဖွဲ့ထွက်လာပါတယ်။ တယောကို လုံးဝ world class အဆင့်ကျွမ်းကျင်သူတွေအတွက်တော့ သူတို့ကို ဘယ်အရာတွေက ကျွမ်းကျင်သွားစေတာလဲဆိုတော့ ငွေကြေးလည်းမဟုတ်ပါဘူး၊ သူတို့
တယောအရည်အသွေးကောင်းလို့လည်း မဟုတ်ပါဘူး၊ မွေးရာပါ ပါရမီကြောင့်လည်း မဟုတ်ဘူး၊ တစ်ခုသော အရာကပဲ world class ဖြစ်စေခဲ့ပါတယ်။ အဲဒါက Practice ပါ။ နေ့စဉ်အမြဲ practice လုပ်ခဲ့တဲ့ အချိန်နာရီတွေကြောင့်ပါပဲ။📄 သူတို့ရဲ့ လေ့လာချက်အရ အတန်အသင့် ပြန်သင်ပေးဖို့ တတ်တဲ့သူတွေက နာရီ ၄၀၀၀ ကျင့်ခဲ့ပါတယ်။ တယောတီးတကယ် ကောင်းမွန်တဲ့သူတွေက နာရီ ၈၀၀၀ လေ့ကျင့်ခဲ့ပါတယ်။ လုံးဝကျွမ်းကျင်နေသူများကတော့ နာရီပေါင်း ၁၀,၀၀၀ လေ့ကျင့်ခဲ့ပါတယ်။ ဒီနာရီ ၁၀,၀၀၀ နည်းလမ်းက တယောကျွမိးကျင်နေသူတွေမှမဟုတ်၊ အခြားသော ထိပ်တန်းစာရေးဆရာတွေ၊ အားကစားသမားတွေ၊ ဟောပြောသူတွေ၊ Bill Gates၊ The Beatles စတဲ့ ပုဂ္ဂိုလ်တွေတိုင်း သူတို့လုံးဝ ကျွမ်းကျင်သွားတဲ့ အရာတွေအတွက် အနည်းဆုံး နာရီပေါင်း ၁၀,၀၀၀ လေ့ကျင့်ကြပါတယ်။ ဒါကြောင့် ဘယ်ပညာမှာမဆို လုံးဝ master ဖြစ်ချင်ရင်တော့ လုံးဝအချိန်ပေး လေ့ကျင့်ရမှာပါပဲ။
🏇 Practice လုပ်တဲ့အခါကျရင်လည်း ကိုယ့်အတွက် အဆင်ပြေနေတဲ့ဟာကြီးပဲ လေ့ကျင့်မနေဘဲ deliberate practice လုပ်ရပါမယ်။ ကိုယ့်အတွက် ပိုပိုခက်ခဲလာတဲ့ဟာ၊ ပို uncomfortable ဖြစ်စေလာတဲ့ဟာတွေပါ လေ့ကျင့်ပေးရပါမယ်။ ဥပမာ – gym မှာ ဝိတ်မတဲ့အခါ ကိုယ်မလုပ်ချင်ဆုံး exercise တွေက ပို result ကောင်းပေးသလိုပေါ့။ ဒီနေ့ကလိုပဲ မနက်ဖြန်မှာ လေ့ကျင့်နေရင်တော့ မနေ့က result ဟောင်းကြီးပဲပြန်ရမှာပါ။ အဲ့တော့ ကိုယ့်အတွက် ပိုခက်ခဲလာတဲ့အဆင့်တွေ တစ်ဆင့်ချင်း တစ်ဆင့် လေ့ကျင့်သွားရပါမယ်။ ကျွန်တော်တို့ အလုပ်သင့်ဆုံးအရာတွေက ကျွန်တော်တို့ မလုပ်ချင်ဆုံးအရာတွေပါ။
💨 It is not how good you are, it is how good you want to be.🛤 Path to 10,000 hours:
1. When you put in the effort, you get the rewards
2. Focus on factors you can change
3. Go all in
4. Minimize negative factors
5. Track your progress✌️ Outliers စာအုပ်မှာ opportunity and legacy ဆိုပြီးအဓိက အပိုင်း(၂)ခုခွဲထားပါတယ်။ လူငယ်တွေ ဖတ်သင့်တဲ့ စာအုပ်ကောင်းတစ်အုပ်ပါ။
🎖 “Inspiring, revelatory…Gladwell is the best kind of writer – the kind who makes you feel like you are a genius, rather than that he is a genius.”
– Times (London) -
Add to cart
သင့်ဘ၀ကိုမျက်ကွယ်ကထိန်းကျောင်းနေတဲ့အရာနှစ်ခု, စွမ်းအား(Power)နဲ့ အင်အား(Force)တိုရဲ့ယှဉ်ပြိုင်မှု
🏆“The greatest victory is that which requires no battle.” – Sun Tzu, The Art of War
“တိုက်ခိုက်စရာမလိုတဲ့ အနိုင်ရမှုဟာ အကြီးမားဆုံးသောအောင်နိုင်မှုအစစ်အမှန်ဖြစ်တယ်” ဆိုတဲ့ Sun Tuz ရဲ့ Quote တစ်ခုရှိပါတယ်။
ဒီစာအုပ်ကိုဖတ်ပြီးချိန်မှာ ကျွန်တော့်ခေါင်းထဲမှာပေါ်လာတဲ့ပထမဆုံးသော စာသားလေးတစ်ခုပေါ့။နေ့တိုင်းကျွန်တော်တို လူတန်းစေ့နေနိုင်အောင်၊ ပတ်ဝန်းကျင်ကလက်ခံတဲ့လူတစ်ယောက်ဖြစ်အောင်၊ ချမှတ်ထားတဲ့ရည်မှန်းချက်ပန်းတိုင်ကိုရောက်အောင် အင်အားတွေအများကြီးစိုက်ထုတ်ပြီး ရုန်းကန်လှုပ်ရှားရတယ်။ တကယ်လို ကျွန်တော်တိုနေ့စဉ်ကြုံနေရတဲ့ ရုန်းကန်မှု (Career, Relationship, Work) စတဲ့အရာတွေကို အင်အားသုံးပြီးဖြေရှင်းစရာမလိုပဲ ကျွန်တော်တိုဆီမှာရှိနေတဲ့ ပါဝါနဲ့ဖြေရှင်းနိုင်တယ်ဆိုရင် သင်ယုံမလား?
📚David R. Hawkins ရဲ့ Power Vs Force စာအုပ်ကိုလေးပိုင်းခွဲခြားပြီး
🌞စွမ်းအား(Power)နဲ့ 💪အင်အား(Force) တိုရဲ့ကွာခြားမှု
🗺အသိစိတ်မြေပုံ ( The Map of Consciousness )
✔️ဇီဝကမ္မဗေဒ နဲ့ အမှန်တရားစမ်းသပ်ခြင်း (Kinesiology and Truth Testing)
🌍အသိစိတ်စုပေါင်းမှုနဲ့ အကျိုးသက်ရောက်မှု ( The Collective Impact of Consciousness ) ဆိုပြီးလေ့လာလိုရပါတယ်🌞စွမ်းအား(Power)နဲ့ 💪အင်အား(Force) တိုရဲ့ကွာခြားမှု
“The wise man does not fight; he flows.” – Lao Tzu, Tao Te Ching
“ပညာရှိဟာ မတိုက်ခိုက်ဘူး , လိုက်လျောညီထွေစွာနေထိုင်တယ်”
စွမ်းအား(Power) ဟာ စစ်မှန်မှု၊ သမာဓိနှင့် စကြာဝဠာအမှန်တရားများနှင့် ညီညွတ်မှုတိုကနေပြီးဖြစ်ပေါ်လာတယ်။
အင်အား(Force) ဟာ အတ္တဆန်မှု၊ အကျပ်ကိုင်မှု၊ ကြောက်ရွံမှုတို ကနေ အမြစ်တွယ်ပေါက်ဖွားလာတယ်။
Force ဟာ ပူလောင်တဲ့မီးလျှံလိုလောင်ကျွမ်းနေချိန်မှာ Power ကရေတံခွန်တစ်ခုလိုအေးမြမှုကိုပေးစွမ်းတယ်။
အရာရာတိုင်းကို အားနဲ့မာန်နဲ့အမိန့်ပေးခိုင်းစေတဲ့ Manager တစ်ယောက်နဲ့ အမြဲနားလည်မှုပေးပြီးကူညီပေးတဲ့ Manager တစ်ယောက် ဘယ်သူ့နဲ့အတူတူခင်ဗျားအလုပ်လုပ်ချင်သလဲ?⁉️သင့်ကိုယ်သင် ပြန်မေးကြည့်ပါ။
⁉️သင့် မိသားစု၊သူငယ်ချင်း၊လုပ်ဖော်ကိုင်ဘက်တွေအပေါ် Power ကိုသုံးမိနေသလား ? Force ကိုသုံးမိနေသလားဆိုတာကို ?🗺အသိစိတ်မြေပုံ ( The Map of Consciousness )
ဒါကတော့ စာအုပ်တစ်အုပ်လုံးနဲ့ အနှစ်လိုပြောလိုရတယ်။
ကျွန်တော်တိုသိစိတ်တွေအားလုံးဟာ မတူညီတဲ့ Frequency တွေနဲ့ လှုပ်ရှားနေကြတဲ့အကြောင်းကို အသိစိတ်မြေပုံနဲ့လေ့လာကြည့်လိုရတဲ့အပိုင်းပေါ့။
Maslow ရဲ့ Hierarchy of Needs အတိုင်း ကျွန်တော်တိုရဲ့လိုအပ်ချက်တွေမှာ ရှိတဲ့ခံစားချက်တွေပေါ်မူတည်ပြီး ( အနိမ့်ဆုံး – ရှက်ရွံမှု Shame – 20) ကနေပြီး ( အမြင့်ဆုံး – ထိုးထွင်းသိမြင်ခြင်း Enlightment – 700) အထိ မတူညီတဲ့ Energy Levelတွေရှိတဲ့အကြောင်းကိုသိရှိနိုင်ပါတယ်။ (သတ္တိ – 200) Energy Levelဟာ သင်လိုချင်နေတဲ့ပြောင်းလဲမှုကိုစတင်ရရှိဖို အတွက်ခြေလှမ်းရဲ့အစတစ်ခုဖြစ်တဲ့အကြောင်းကိုလည်း တွေ့နိုင်ပါတယ်။ အနာဂတ်မှာရှိမဲ့ စိတ်ချမ်းသာမှုနဲ့ ငြိမ်းချမ်းမှုအတွက် နေ့စဉ်သင့် Energy Level ကိုမြှင့်တင်ပြီးနေထိုင်ရပါမယ်။⁉️ဒီနေ့အတွက် သင့် Energy Level ကဘယ်နေရာမှာရှိနေသလဲ?
⁉️Energy Level ကိုမြှင့်တင်စေမယ့် စာဖတ်တာ၊ တရားထိုင်တာ စသည်ဖြင့် ရေရှည်အကျိုးရှိစေမဲ့အရာတစ်ခုခု သင်ဒီနေ့လုပ်ပြီးသွားပြီလား ?✔️ဇီဝကမ္မဗေဒ နဲ့ အမှန်တရားစမ်းသပ်ခြင်း (Kinesiology and Truth Testing)
နည်းနည်းတော့ရင်ခုန်စရာအပိုင်းတစ်ခုပေါ့ ဟဲဟဲ….
မလန့်ပါနဲ့ ဒီအပိုင်းက ကျွန်တော်တိုရဲ့ အလိုလိုတုံပြန်နိုင်မှုကို ခန္ဒာကိုယ်က ဘယ်လိုသိသလဲဆိုတာကိုစမ်းသပ်ပြတာပါ။
ဥပမာ အပြုံးတုတစ်ခုက မျက်လုံးထောင့်တွေထိမရောက်သလိုမျိုး၊ ယုံကြည်ရတဲ့သူကိုကြည့်ရင် မျက်တောင်ဖြေးဖြေးချင်းခတ်မိတာမျိုးပေါ့။
ကျွန်တော်တို ဟန်ဆောင်မှု၊လိမ်ညာမှု၊အတုအယောင်တွေနဲ့ကြုံတွေ့ရတဲ့အချိန်မှာ ကြွက်သားတွေဟာ အလိုလိုတောင့်တင်းလာတတ်ပြီး ယုံကြည်မှု၊အမှန်တရား၊လက်ခံမှုအစရှိတဲ့အရာတွေနဲ့နေထိုင်တဲ့အချိန်မှာကြွက်သားတွေဟာ ပြေလျော့ပြီးအလိုက်သင့်ဖြစ်နေတာအောင်လုပ်ပေးတတ်တဲ့ ခန္ဒာကိုယ်ရဲ့ Subconscious Function အကြောင်းကိုသိရမှာပါ။ လျှပ်တပြတ်ဖြစ်ပေါ်တဲ့အရာတွေကို ကျွန်တော်တိုဦးနှောက်က မစဉ်စားနိုင်ခင် Body ကပေးတဲ့ Response မှာကြိုတင်သိနိုင်တဲ့အရာတွေကိုရှာတွေ့ရမှာပါ။⁉️အမှန်ကိုပြောတဲ့ခံစားချက်နဲ့ လိမ်ပြောရတဲ့ခံစားချက်ဘယ်လိုကွာသလဲဆိုတာကို တွေးကြည့်ပါ။ သင့်ခန္ဒာကိုယ်က ဘယ်လိုတုံပြန်သလဲဆိုတာကိုခံစားပါ။
⁉️လှည့်စားမှုနဲ့ အမှန်တရား ဘယ်အရာနဲ့လိုက်လျောညီထွေဖြစ်အောင် သင့်ဘ၀ကိုထိန်းကျောင်းမလဲ?🌍အသိစိတ်စုပေါင်းမှုနဲ့ အကျိုးသက်ရောက်မှု ( The Collective Impact of Consciousness )
လူတွေဟာ Social Animal တွေဖြစ်ကြပါတယ်။ အပေါင်းအသင်းမရှိတဲ့လူဆိုတာမရှိပါဘူး။ Energy ဟာမိမိသာသင်မက တခြားသူတွေဆီကိုပါ ပျံ့နှံစေပြီး ရေပွက်တစ်ခုလို ပတ်ဝန်းကျင်ကိုအကျိုးသက်ရောက်မှုရှိစေပါတယ်။တံငါနားနီးတံငါ ၊ မုဆိုးနားနီးမုဆိုးဆိုသလို သင် project လုပ်တဲ့ Energy Level ဟာ သင့်ပတ်ဝန်းကျင်က လူတွေရဲ့ Energy Level ကိုရိုက်ခတ်မှုရှိပါတယ်။ Higher Energy Level ဟာ သူ့ထက်နိမ့်တဲ့ Energy Level ကိုအဆင့်မြှင့်ပေးနိုင်စွမ်းရှိပါတယ်။ဒါကြောင့် ကျွန်တော်တိုဗုဒ္ဓဘာသာ မှာ ချစ်ခြင်းမေတ္တာ (love-500) နဲ့ ငြိမ်းချမ်းမှု(peace-600) နဲ့အမြဲနေထိုင်တဲ့သူတွေဟာ သူတိုပတ်ဝန်းကျင်ကို ငြိမ်းချမ်းတည်ငြိမ်မှုရှိအောင် ဖန်တီးပေးနိုင်တာပေါ့။⁉️ဒီနေ့သင့် Energy Level က ဒီနေ့ဘယ်သူတွေကို အကျိုးဖြစ်စေလဲ ?
⁉️သင့်ရဲ့ ပြောင်းလဲမှုဟာ သင့်ပတ်ဝန်းကျင်ကိုပါ အမြဲဆင့်ကဲပြောင်းလဲမှုဖြစ်စေတာကို သတိမူပါ။👉48 Laws Of Power ကိုဖတ်ပြီးသွားရင်ဒီစာအုပ်ကလေးကို ဖတ်ဖို ကျွန်တော် အကြံပြုချင်ပါတယ်။
သင့်ရဲ့ အပြုအမူ၊အနေအထိုင်၊အပြောအဆိုတွေဟာ သင့် Energy level ကို အမြဲတမ်းသတ်မှတ်နေတယ်ဆိုတာကို လုံး၀မမေ့ပါနဲ့။ဒီစာအုပ်ကလေးက ပုံမှန် Psycholgy စာအုပ်တစ်အုပ်ထက်စာရင် Self-Transforming စာအုပ်တစ်အုပ်လိုပြောရင်ပိုမှန်ပါလိမ့်မယ်။ Power Vs Force ဟာ သင့်နေ့စဉ်နေထိုင်တဲ့ဘ၀မှာ ပြုမူတဲ့အမူအကျင့် သေးသေးလေးတွေကနေစပြီး မလိုအပ်ပဲ အင်အားဖြုန်းတီးမှုမဖြစ်အောင်၊ လိုက်လျောညီထွေမှု၊ ထိန်းချုပ်နိုင်မှုနဲ့အတူ အဓိပ္ပါယ်ရှိတဲ့ရည်မှန်းချက်တွေကို ဖြည့်ဆည်းနိုင်အောင်ကူညီပေးမယ့် အဖော်မွန်ကောင်းတစ်ယောက်လည်းဖြစ်ပါတယ်။🏁Power နဲ့ Force ကိုကွဲခြားသိမြင်ပြီး သင်ရဲ့ ရည်မှန်းချက်တွေကို အမြန်ဆုံးရရှိနိုင်ကြပါစေ..🏁
-
Add to cart
Why do our headaches persist after we take a one-cent aspirin but disappear when we take a fifty-cent aspirin? Why do we splurge on a lavish meal but cut coupons to save twenty-five cents on a can of soup?
When it comes to making decisions in our lives, we think we’re making smart, rational choices. But are we?
In this groundbreaking New York Times bestseller, Dan Ariely refutes the common assumption that we behave in fundamentally rational ways. From drinking coffee to losing weight, from buying a car to choosing a romantic partner, we consistently overpay, underestimate, and procrastinate. Yet these misguided behaviors are neither random nor senseless. They’re systematic and predictable—making us predictably irrational.
-
Add to cart
✨အောင်မြင်တဲ့လူတိုင်းမှာ လူတွေလေးစားရတဲ့ Personal Zone နဲ့ Presence (ကိုယ်ပိုင်ဖြစ်တည်မှု) ရှိကြတယ်။
စကားလုံးတွေသုံးပြီးလူတွေကို ပြောစရာမလိုပဲသူတို့ရဲ့ ပင်ကိုယ်ပုံစံနဲ့တင် တခြားသူတွေက အလိုအလျောက် ဦးစားပေးနေရာဖယ်ပေးကြတယ်။
🤔ဒါကိုသဘောပေါက်ရင် တခြားသူတွေ အဆင်ပြေစေဖို့ ကိုယ့်ကိုကိုယ် ဘေးဖယ်မိနေတာကို သတိထားမိရဲ့လား ?
ဥပမာ အင်တာဗျူးတစ်ခုဖြေဖို့ သင်အကုန်ပြင်ဆင်ထားတယ်။ အတွေ့အကြုံ၊ ပညာအရည်အချင်း၊ လုပ်ငန်းလိုအပ်ချက် အရာအားလုံး အဆင်ပြေပြီး Interview ခန်းထဲလည်းဝင်တဲ့အချိန်ကျမှစကားလုံးတွေရှာမရ စကားတွေထစ်ပြီး အဆင်မပြေတာမျိုးတွေကြုံဖူးသလား ?သင်တစ်ယောက်တည်းမဟုတ်ပါဘူး။ လူအများစုမှာဒီအတွေ့အကြုံမျိုးတွေရှိကြပါတယ်။
❓“ခန္ဒာကိုယ်ကို အတွေးတွေကထိန်းချုပ်တယ်ဆိုရင် အတွေးတွေကိုရော ခန္ဒာကိုယ်ကထိန်းချုပ်နိုင်သလား?”
ဒါက Amy Cuddy မေးခဲ့တဲ့မေးခွန်းတွေထဲကတစ်ခုပါ။
🧠လူတွေမှာအရမ်းကောင်းတဲ့အတွေးတွေ အရမ်းကောင်းတဲ့အလုပ်တွေလုပ်နိုင်စွမ်းရှိကြတယ်။ ဒါပေမယ့် သူများတွေအဆင်ပြေအောင်လုပ်ပေးဖို့ ကိုယ့်ကိုကိုယ်ဘေးဖယ်ရင်း ကိုယ်တိုင်ဖြစ်တည်မှု ( Presence ) ကိုတောင် မသိတော့တဲ့အဖြစ်တွေဖြစ်လာကြတယ်။ Interview ခန်းထဲက ဥပမာလိုပေါ့ ကိုယ်တိုင် ယုံကြည်မှုအပြည့်ရှိနေရင်တောင် သူမေးတဲ့မေးခွန်းကို အဆင်ပြေအောင်ဖြေဖို့ကြိုးစားရင်း သင့်ကိုယ်ရည်ကိုယ်သွေးအစစ်အမှန်ကိုပြဖို့ စိုးရိမ်ပြီး တလွဲတချော်တွေဖြစ်တတ်တယ်။
🧘သင့်ရဲ့ဖြစ်တည်မှု ( Presence )ဆိုတာ သူများတွေကိုပြဖို့ထက် သင်ကိုယ်တိုင်က ကျေနပ်လက်ခံရမဲ့အရာတစ်ခုပါ။စကားလုံးတွေပြောစရာမလိုပဲ သင့်ကိုယ်ဟန်အမူအရာ အလေ့အကျင့် ( Body Language and Behaviors) ပေါ်မူတည်ပြီး သင့်ဖြစ်တည်မှုကိုလူတွေက လက်ခံကြတယ်။
🚫“ဟာ မဟုတ်ဘူး။ ငါကလူတွေအရှေ့ကိုမထွက်ချင်တာ” စတဲ့လေကုန်ပြီး အသုံးမဝင်တဲ့ ဆင်ခြေတွေကိုလွှင့်ပစ်လိုက်ပါ။ သင့်ဖြစ်တည်မှုကိုကိုယ်တိုင်လက်မခံရင် ဘယ်သူ့မှသင့်ကိုလက်ခံမှာမဟုတ်ပါဘူး။ “Fake it until you become it” လို့ စာရေးသူAmy Cuddy ကပြောထားတယ်။ Car Accident ဖြစ်ပြီး ဦးနှောက်ထိခိုက်သွားတဲ့လူတစ်ယောက်က Harvard မှာ Professor အဖြစ်ရောက်အောင်လုပ်နိုင်တာဟာ သူရဲ့အပြောင်မြောက်ဆုံးဥပမာတစ်ခုပါ။သူမရဲ့ဇာတ်လမ်းက ယုံကြည်မှုကို ဘယ်လိုဖန်တီးယူရမလဲဆိုတာရဲ့ သာဓကတစ်ခုပါပဲ။
သင့်ရဲ့ဖြစ်တည်မှုကိုလက်ခံပြီး အခက်ခဲဆုံးသော Challenge တွေကိုအလွယ်တကူကျော်လွှားနိုင်ဖို့
-Power Posing ( စိတ်ကိုပြောင်းလဲပေးနိုင်မယ့် ခန္ဒာကိုယ်အနေအထားတွေ)
-2 Minutes (ဖိအားများတဲ့အချိန်မှာယုံကြည်မှုတိုးတက်နိုင်မဲ့နည်းလမ်း)
-Non-verbal Expressions (စကားပြောစရာမလိုတဲ့ ကိုယ်ဟန်အမူအရာ) စတဲ့ လက်တွေ့ကျတဲ့နည်းလမ်းတွေဒီစာအုပ်ထဲမှာပါပါတယ်။
🚀 တခြားသူတွေ အဆင်ပြေစေဖို့ ကိုယ့်ကိုကိုယ် ဘေးဖယ်မိနေတာကို ရပ်တန့်လိုက်ပါ။ အောင်မြင်တဲ့လူတိုင်းမှာ လူတွေ Respect ပေးရတဲ့ Personal Zone နဲ့ Presence ရှိကြတယ်။ ခေါင်းမော့ရင်ကော့ပြီး မတ်မတ်ရပ်နေတဲ့လူနဲ့ ထောင့်မှာကျုံ့ကျုံ့လေးထိုင်နေတဲ့လူ ဘယ်သူ့ကို သင်ခေါင်းဆောင်အဖြစ်သတ်မှတ်မလဲ?
🌟သင့်ကိုယ်ပိုင်ဖြစ်တည်မှုကို အကောင်းဆုံးအသုံးချပြီး စစ်မှန်တဲ့လူတန်းစေ့ဘ၀ကို Amy Cuddy ရဲ့ Presence နဲ့ပိုင်ဆိုင်လိုက်ပါ။
-
Add to cart
အကောင်းဆုံး Productivity စာအုပ်တွေထဲမှာပါဝင်ပြီး အာရုံစူးစိုက်မှုအကြောင်းကို မတူညီတဲ့ ရှုထောင့်တွေကနေလေ့လာနိုင်ဖို့ ။
📕Hyperfocus
“When you work with greater intention, the better the results you get.” — Chris Bailey (Hyperfocus)
ဒီစာအုပ်က အာရုံလွှဲမှုတွေများပြားတဲ့လောကမှာ အဓိကအရေးကြီးတဲ့အရာကိုအာရုံစူးစိုက်မှုနဲ့အလုပ်လုပ်ရင်း တီထွင်ဖန်တီးဉာဏ်ကိုပါကွန့်မြူးနိုင်စေမယ့်နည်းလမ်းတွေကိုရှင်းပြထားပါတယ်။
⁉️ဘာတွေပါသလဲ?
⚡အဓိကအရာကိုအာရုံစူးစိုက်နိုင်မှုဟာအရေးကြီးတဲ့ Skill တစ်ခုဖြစ်တဲ့အကြောင်း
⚡အရေးကြီးတဲ့အရာတွေအတွက် Hyperfocus Mode နဲ့ တီထွင်ဖန်တီးမှုအတွက် Scatter Focus Mode
⚡Multitasking ဟာProductivity ကိုလျော့ကျစေတဲ့အကြောင်း တွေပါဝင်ပါတယ်။
Hyperfocus ကလက်တွေ့ကျပြီး လိုက်နာကျင့်သုံးဖို့လွယ်ကူတဲ့နည်းလမ်းတွေဟာ အလုပ်တာဝန်တွေအများကြီးကိုတပြိုင်တည်းလုပ်နေပြီး Priority နဲ့ Deadline တွေကိုလှည့်ပတ်ကစားနေရတဲ့သူတွေအတွက် အသုံးဝင်ပါတယ်။
📕Deepwork
“To produce at your peak level, you need to work for extended periods with full concentration on a single task free from distraction.” — Cal Newport (Deep Work)
ဒီစာအုပ်မှာက ဆင်ခြေပေးလို့မရတဲ့အာရုံစူးစိုက်မှုကိုအခြေခံထားပြီးအရေးမပါတဲ့အရာတွေကို ဟန်ဆောင်အလုပ်လုပ်ပြနေခြင်းဟာ တကယ့် Productivity ကိုအလဟဿလေလွင့်အောင်လုပ်နေတာပဲဆိုတာကိုပြောထားပါတယ်။
⁉️ဘာတွေပါသလဲ?
⚡အလုပ်လုပ်ချင်ယောင်ဆောင်တဲ့အလုပ်(Shallow Work) ကိုဖယ်ရှားနည်း
⚡Deepwork ကိုရနိုင် ရောက်နိုင်မယ့်နည်းလမ်းတွေ
⚡အလုပ်များတာနဲ့မတိုင်းပဲ အလုပ်ပြီးစီးမှုနဲ့တိုင်းတာဖို့စံနှုန်းတွေကို လေ့လာရမှာပါ
Deepwork က အပေါ်ယံအလုပ်လုပ်ချင်တာနဲ့ တကယ်အလုပ်ပြီးမြောက်မှုကိုခွဲခြားသိမြင်စေပြီး ရေရှည်အောင်မြင်မှုအတွက် စနစ်ကျတဲ့အာရုံစူးစိုက်မှုကိုတည်ဆောက်ချင်သူတွေအတွက်အသုံးဝင်ပါတယ်။
📕Make Time
“What you pay attention to each day determines the life you live.” — Jake Knapp & John Zeratsky (Make Time)
သင်နေ့စဉ်အာရုံစိုက်တဲ့အရာတိုင်းဟာ သင့်ရဲ့ဘ၀ကိုဆုံးဖြတ်ပေးတယ်။အချိန်ကိုစီမံခန့်ခွဲခြင်းဟာ အလုပ်ကိုစီမံခန့်ခွဲတာထက် အာရုံစူးစိုက်မှုနဲ့ခွန်အားအတွက်အကျိုးဖြစ်တဲ့အကြောင်းကိုရှင်းပြထားပါတယ်။
⁉️ဘာတွေပါသလဲ?
⚡အရေးကြီးတဲ့အရာတွေကိုအာရုံစိုက်နိုင်မယ့် Highlight Method
⚡အနှောင့်အယှက်ကင်းစွာနဲ့နက်နက်နဲနဲအာရုံစိုက်နိုင်ဖို့ Laser Mode
⚡Burn out မဖြစ်အောင် ရှောင်ရှားနိုင်မယ့် အနားယူဖို့ အလေ့အကျင့်ကောင်းတွေ
Make Time က နေ့စဉ်အချိန်ဖြုန်းတီးမှုကိုလျော့ချပြီး လုပ်အားဆုံးရှုံးမှုအနည်းဆုံးနဲ့ Productivity ကိုတိုးတက်စေမယ့် System ကိုတည်ဆောက်ချင်သူတွေအတွက် ရေးသားထားတာဖြစ်ပါတယ်။
သင်ဟာ
✔️နေထိုင်မှုပုံစံကိုအရမ်းပြင်းပြင်းထန်ထန်မပြောင်းလဲပဲ အာရုံစူးစိုက်မှုကိုမြှင့်တင်ချင်ရင်
✔️အလုပ်အရမ်းများလို့ နေ့စဉ်ဘ၀မှာအာရုံစူးစိုက်မှုရှိဖို့ အခက်အခဲရှိနေရင်
✔️အာရုံစူးစိုက်မှုနဲ့အတူ တီထွင်ဖန်တီးမှုကိုပါကွန့်မြူးနိုင်ဖို့ဆိုရင်
📖HyperFocus ကိုဖတ်ပါ။
သင်ဟာ
✔️အာရုံလွှဲမှုတွေအနှောင့်အယှက်တွေကို လုံး၀စိတ်ကုန်နေရင်
✔️အလုပ်လုပ်သလောက် အကျိုးမဖြစ်ထွန်းဘူးလို့ခံစားနေရရင်
✔️တမူထူးခြားတဲ့ Productivity Power နဲ့အဓိကကျတဲ့အရာတွေကိုအာရုံစိုက်ဖို့အဆင်သင့်ဖြစ်နေပြီဆိုရင်
📖Deepwork ကိုဖတ်ပါ။
သင်ဟာ
✔️အချိန်ကိုစီမံခန့်ခွဲဖို့ အခက်အခဲရှိနေရင်
✔️စနစ်ကျတဲ့အာရုံစူးစိုက်မှုကို လိုအပ်ရင်
✔️System ကျတဲ့ Productivity နဲ့ နေ့စဉ်နေထိုင်ချင်ရင်
📖Make Time ကိုဖတ်ပါ
ဒီစာအုပ်တွေမှာပါဝင်တဲ့မတူညီတဲ့ ရှုထောင့်တွေဟာ Productivity ကိုတိုးတက်စေဖို့အတွက်အထောက်အကူဖြစ်စေပါတယ်။
အတိုချုံးပြောရမယ်ဆိုရင်
🔹Hyperfocus ဟာ နေ့စဉ်ဘ၀အတွက်
🔹Deepwork ဟာ ပညာရပ်တစ်ခု၊ လုပ်ငန်းတစ်ခုကိုProfessional အဆင့်ထိတက်မြောက်ဖို့အတွက်
🔹Make Time ဟာ နေ့စဉ်အချိန်ကိုစီမံခန့်ခွဲနိုင်တဲ့ စနစ်ကျတဲ့System ကိုတည်ဆောက်ဖို့အတွက် အလေ့အကျင့်ကောင်းတွေကိုရရှိစေမှာပါ
-
Profit First: Transform Your Business from a Cash-Eating Monster to a Money-Making Machine
19,500 KsAdd to cartSales – Profit = Expense
ရောင်းရငွေ – အမြတ်ငွေ = ကုန်ကျစရိတ်ဟုတ်ကဲ့,
ဒီဖော်မြူလာကိုကြည့်ပြီး CPA , ACCA Certificate တွေကိုင်ထားတဲ့ Financial Expert တွေကျွန်တော့်ကို တုတ်နဲ့ ဝိုင်းမရိုက်ခင်မှာ စာရေးဆရာ Mike Michalowicz ပြောတဲ့ Profit first အကြောင်းကိုအရင်ရှင်းပြပါရစေ။“သူဌေးဆိုတာ စာအုပ်ထဲမှာပဲပိုက်ဆံရှိတာ အပြင်မှာဒီလိုပါပဲ”ဆိုတာ ပြောဖူးသလား?
“ငါ့လုပ်ငန်းက ဘယ်လောက်ကြီးတာကွ” “ဒီ Project တွေကငါလုပ်နေတာ” ဆိုပြီး လုပ်ငန်းရှင်အချင်းချင်းပြောတတ်ကြပါတယ်။ ဒါပေမယ့် ဒီလုပ်ငန်းရေရှည်ဆက်တည်တံ့နိုင်ဖို အခြေအနေဘယ်လိုလည်းဆိုတာ ကိုဘယ်သူမှမမေးတတ်ကြသလို အချိုလုပ်ငန်းရှင်တွေကိုယ်တိုင်မသိကြပါဘူး။တစ်ပတ်လောက်အရောင်းမရှိ တစ်လလောက် Project အသစ်မရှိရင် ရပ်ပစ်လိုက်ရတော့မယ့် Startup လုပ်ငန်းတွေအများကြီးရှိပါတယ်။
ထုတ်ပြောဖိုခက်တဲ့အမှန်တရားတစ်ခုကတော့ လုပ်ငန်းရှင်အများစုဟာ လုပ်ငန်းအသက်ဆက်ဖိုအတွက်ကိုယ်ပိုင် ဝင်ငွေကိုဖဲ့ပေးရင်းနဲ့ အလုပ် ရဲ့ ကျေးကျွန်တစ်ယောက်ဖြစ်လိုဖြစ်နေမှန်းမသိဘူးဖြစ်နေတတ်တာပါ။ လုပ်ငန်းကတော့လည်ပတ်နေပြီး ဝန်ထမ်းတွေလည်းလစာရ Customer တွေလည်းအဆင်ပြေပေမယ့် သင့်အတွက်တော့ကျွန်တစ်ယောက်လို အကျိုးအမြတ်အကြွင်းအကျန်လေးကိုပဲစားရရင် ဘယ်လိုအဆင်ပြေမှာလဲ?Profit First
အမြတ်ကပထမဆုံးလာတယ်
လကုန်လိုပုံမှန်စာရင်းချုပ်ပြီဆိုရင် တစ်လလုံးရောင်းရငွေ – ဝန်ထမ်းစရိတ် – လုပ်ငန်းစရိတ် – အထွေထွေစရိတ် – အခွန် အကုန်နှုတ်ပြီးတော့မှ ကျန်တဲ့ အကျိုးအမြတ်ကို လုပ်ငန်းရှင်ကရပါတယ်( Sales – Expense = Profit )။ ဒီနေရာမှာ လုပ်ငန်းအဆင်မပြေတာ အခက်အခဲတွေရှိတာနဲ့ လုပ်ငန်းလည်ပတ်ဖိုအတွက်က လုပ်ငန်းရှင်အိတ်စိုက်ရတော့တာပဲ (မပူပါနဲ့ ဒီအချိန်မှာခင်ဗျားရဲ့ Manager လစာက ခင်ဗျားဝင်ငွေထက်ပိုတာ ကျွန်တော်သိပါတယ်)။ Profit first မှာသင့်ကိုယ်ပိုင်ဝင်ငွေကို သင်ဖယ်ပြီးသွားရင်ကျန်တဲ့ ငွေအားလုံးဟာ လုပ်ငန်းရဲ့ Expense ဖြစ်သွားပါပြီ( Sales- Profit = Expense) ။ ဒီနည်းကိုအသုံးချပြီး Lean ဖြစ်တဲ့ Team ကိုဘယ်လိုတည်ဆောက်မလဲ, Small plates Strategy ဟာ သင့်ရဲ့ Personal, Professional Finance ကို တိုးပွားအောင်ဘယ်လိုလုပ်ရမလဲဆိုတာကို စာအုပ်ထဲမှာ Detail ရှင်းပြထားပါတယ်။The Survival Trap
လုပ်ငန်းလုပ်တတ်တာနဲ့ အကျိုးအမြတ်ရှာဖွေတတ်တာနဲ့ Skill နှစ်ခုဟာမတူပါဘူး။
Entrepreneur တွေဟာ 9-5 ကနေရုန်းထွက်ဖို ကိုယ်လိုချင်တဲ့ လွတ်မြောက်မှုတစ်ခုကိုရနိုင်ဖိုအတွက် စွန့်စားပြီး ကိုယ်ပိုင်လုပ်ငန်းတွေဖြစ်မြောက်အောင်ကြိုးစားကြပါတယ်။ Traditional Growth formula တွေအရ Entrepreneur အများစုဟာ Check to Check, Panic to Panic နေမိတတ်ကြတဲ့အကြောင်းကို The Survival Trap နဲ့ ယှဉ်ရှင်းပြထားပါတယ်။အရောင်းတွေကျတယ် -> Expense တွေတက်လာတယ် -> ပိုရောင်းရအောင်ကြိုးစားတယ်-> Expense တွေပြန်ကာမိတယ်-> အရောင်းတွေပြန်ကျသွားတယ်
ဒါဟာရိုးရှင်းတဲ့ Formula ပါ။ ရုန်းကန်ဖို ဖောက်ထွက်ဖိုကြိုးစားရင်း ဒီ Trap ထဲမိသွားတဲ့ Entrepreneur တွေဟာ ကိုယ်လုပ်ငန်းစတုန်းကတွေးခဲ့တဲ့အိမ်မက်တွေထက် လုပ်ငန်းရှင်သန်ဖိုပဲအာရုံစိုက်ပြီး ပိတ်မိသွားတတ်ပါတယ်။ သင်က သင့်လုပ်ငန်းကို ခိုင်းရတာပါ။ သင့်ကို သင့်လုပ်ငန်းကပြန်ခိုင်းနေတာမဖြစ်ပါစေနဲ့။
GAAP vs Profit First
GAAP ( Generally Accepted Accounting Principles ) ဟာ လုပ်ငန်းတွေအတွက် ဖြစ်ပြီး Individual Finance နဲ့ လိုက်လျောညီထွေမှုမရှိတာကိုအံ့ဩဖိုကောင်းလောက်အောင်ကျွန်တော်ဒီစာအုပ်ထဲမှာတွေ့မိပါတယ်။ “Have you ever had the thought that the universe knows exactly how much extra money you have?” ဆိုတဲ့မေးခွန်းမှာ ငါးမိနစ်လောက်ကျွန်တော်ကိုယ်တိုင်တွေဝေသွားခဲ့ပါတယ်။ “Bank Balance Accounting” လိုခေါ်တဲ့ Principle ထဲမှာ ကျွန်တော်တိုတွေလက်ထဲမှာရှိတဲ့ပိုက်ဆံကိုအကုန်သုံးမိတတ်တဲ့အကြောင်းနဲ့ အဲ့ဒီ့ပိုက်ဆံကို Necessary Expense ဆိုပြီးခေါင်းစဉ်အမြဲတပ်တတ်တဲ့ အကြောင်းကိုလည်းရှင်းပြထားပါတယ်။ Profit First ကိုအသုံးပြုပြီး သင့်ရဲ့အပိုဝင်ငွေကို သင်ကိုယ်တိုင်မဖြုန်းမိအောင်အဝေးမှာထားတဲ့ နည်းစနစ်တွေကိုဒီမှာတွေ့ရမှာပါ။လုပ်ငန်းရှင်တိုင်းဖတ်သင့်တဲ့စာအုပ်တစ်အုပ်
လုပ်ငန်းရှင်အများစုဟာ လုပ်ငန်းကိုကြီးသထက်ကြီးအောင်လုပ်ဖို စိတ်အားထက်သန်ကြပေမယ့် Healthy Business ဖြစ်အောင်လုပ်ဖိုကိုမေ့နေတတ်ကြတာကို စာရေးဆရာကထောက်ပြထားပါတယ်။ အကောင်ကြီးရင် အကျနာတယ်ဆိုသလို လုပ်ငန်းကြီးဖိုထက် Healthy and Profitable Business ဖြစ်အောင်အာရုံစိုက်မှ လုပ်ငန်းကအသီးအပွင့်ကို သင်ခံစားရမှာပါ။ စာရေးဆရာရဲ့ 4th wall breaking ရေးသားတဲ့ စတိုင်က ကိန်းဂဏန်းတွေအများကြီးပါတဲ့ accounting စာအုပ်ကိုဖတ်ရသလိုမခံစားရပဲ ကိုယ့်ပြသနာတွေကိုဘေးနားကနေ ရယ်စရာပြောပြနေလိုခံစားရတဲ့ အရသာကအရမ်းကောင်းပါတယ်။ မသိသူကျော်သွား သိသူဖော်စားဆိုသလို အပျင်းပြေပဲ ဖတ်ဖတ် ကိုယ်တိုင်အသုံးချဖို Deep learning ပဲလုပ်လုပ် အသုံးဝင်တဲ့စာအုပ်ကလေးကို Airplane မှာ instock ရနိုင်ပါပြီ။ -
Add to cart
At least one-third of the people we know are introverts. They are the ones who prefer listening to speaking; who innovate and create but dislike self-promotion; who favor working on their own over working in teams. It is to introverts—Rosa Parks, Chopin, Dr. Seuss, Steve Wozniak—that we owe many of the great contributions to society.
In Quiet, Susan Cain argues that we dramatically undervalue introverts and shows how much we lose in doing so. She charts the rise of the Extrovert Ideal throughout the twentieth century and explores how deeply it has come to permeate our culture. She also introduces us to successful introverts—from a witty, high-octane public speaker who recharges in solitude after his talks, to a record-breaking salesman who quietly taps into the power of questions. Passionately argued, impeccably researched, and filled with indelible stories of real people, Quiet has the power to permanently change how we see introverts and, equally important, how they see themselves.
-
Add to cart
“ငါ့ညီ အဆင်ပြေတဲ့တခြားနေရာတစ်ခုမှာ အလုပ်အသစ်ရှာတာကပိုအဆင်ပြေပါလိမ့်မယ်”
အစမ်းခန့်သုံးလခန့်ပြီး Permanent assessment meeting ထဲမှာအသစ်ခေါ်ထားတဲ့ Manager လေးကိုကျွန်တော်ပြောလိုက်တဲ့စကားအဆုံးမှာ သူ့မျက်လုံးထဲက မျှော်လင့်ခြင်းတွေတစ်စစီပြိုလဲသွားတာကို မြင်လိုက်ရတယ်။ လေးလံတဲ့ခြေလှမ်းတွေနဲ့ Meeting ခန်းထဲကထွက်သွားတဲ့ သူ့နောက်ကျောကိုမြင်ရပေမယ့် စိတ်ထဲဘာမှမခံစားရသလိုပဲ။
“ငါမကောင်းဆိုးဝါးတစ်ကောင်ဖြစ်နေပြီလား ?” ဆိုတဲ့အတွေးတစ်ခု အဲ့နေ့ညမှာ ကျွန်တော့်ခေါင်းထဲဝင်လာတယ်။ ဒီအတွေးတွေရဲ့အနောက်ကိုလိုက်ရင်း အဖြေရှာမတွေ့တဲ့ညတစ်ညကုန်ဆုံးပြီးတဲ့နောက်နေ့မှာ Bossကိုဒီမေးခွန်းကိုပဲပြန်မေးခွန်းထုတ်တော့ ရိုးရှင်းတဲ့အဖြေတစ်ခုကိုသူပြန်ပေးတယ်။
“Did you try your best not to fire him?”
“သူ့ကိုအလုပ်မထုတ်ရဖိုအတွက် မင်းအကောင်းဆုံးကြိုးစားပြီးသွားပြီလား?”
Boss ရဲ့ဒီမေးခွန်းက ကျွန်တော့်ကို အဖြေတွေအများကြီးပေးခဲ့တယ်။ အလုပ်ရဲ့လိုအပ်ချက်အရ ထိရောက်မှု (Efficiency) ကို ဦးစားပေးရတာနဲ့၊ လူသားတစ်ယောက်အနေနဲ့ တစ်ဖက်သားရဲ့ ခံစားချက်ကို နားလည်စာနာမှု (Empathy) ပေးရတာ – ဒီနှစ်ခုကြားမှာ ခေါင်းဆောင်တစ်ယောက်အနေနဲ့ ဘယ်လို ချိန်ဆရမလဲဆိုတာ အဖြေမရှိတဲ့ ပုစ္ဆာတစ်ပုဒ်လိုပဲ။ စကားတစ်ခွန်းကိုပြောချင်ပေမယ့် တစ်ဖက်သားနာကျင်သွားမှာ စိုးရိမ်ပြီးမပြောပဲနဲ့ ထိန်ချန်ထားရာကနေ နောက်ဆုံးဖုံးမနိုင်ဖိမရတော့မှ အရမ်းဆိုးရွားတဲ့အခြေအနေကိုရောက်သွားတဲ့ ခံစားချက်မျိုးကို ခေါင်းဆောင်တိုင်းခံစားခဲ့ရဘူးတယ်။
ဒါဆို လိုအပ်တဲ့စကားကို တစ်ဖက်သားစိတ်မထိခိုက်ရအောင်ဘယ်လိုပြောမလဲ?
လူတစ်ယောက်ကို စိတ်ရင်းနဲ့ ဂရုစိုက်ပြီး (Care Personally)၊ တစ်ချိန်တည်းမှာပဲ လိုအပ်တဲ့ မှန်ကန်တဲ့ စကားကိုလည်း တည့်တည့်ပြောဖို(Challenge Directly)။ ဒီနှစ်ခုပေါင်းစပ်ထားတဲ့ ‘Radical Candor’ ကမှ ခေါင်းဆောင်တစ်ယောက်အတွက် အကောင်းဆုံး ဆက်သွယ်ပြောဆိုမှုပုံစံဖြစ်တယ်။
Kim Scott ရဲ့ Alex ဇာတ်လမ်း ဟာ ခေါင်းဆောင်တွေရဲ့ လူသားဆန်မှုနဲ့ အလုပ်ပြီးမြောက်မှုကြားက ရုန်းကန်မှုတွေ၊ အထူးသဖြင့် စိတ်မကောင်းဖြစ်မှာစိုးလို အားနည်းချက်ကို မပြောဘဲ ထိန်ချန်ထားရာကနေ ပိုဆိုးရွားတဲ့အခြေအနေကို ရောက်သွားရတဲ့အကြောင်း (Ruinous Empathy) တွေကို Radical Candor နဲ့ ဘယ်လိုဖြေရှင်းနိုင်လဲဆိုတာကို ရှင်းပြထားပါတယ်။
လူတွေကိုစီမံခန့်ခွဲနေရတဲ့သူတွေအတွက် ဒီစာအုပ်က မဖတ်မဖြစ်ဖတ်ကိုဖတ်ရမယ့်စာအုပ်တစ်အုပ်ထဲပါပါတယ်။
အလုပ်ပြီးမြောက်မှု (Efficiency) နဲ့ ကိုယ်ချင်းစာမှု (Empathy) နှစ်ခုလုံးပေါင်းစပ် နိုင်တဲ့အရည်အချင်းရှိတဲ့ခေါင်းဆောင်တစ်ယောက်အတွက် တိုးတက်မှုဟာ မလွဲမသွေရောက်ရှိလာမှာပါ။ မှန်တာကို စိတ်ရင်းနဲ့ အားမနာပဲ ဂရုစိုက်မှုရှိစွာ ပြောနိုင်တဲ့အခါ လူသားဆန်မှု (humanity) ကို မဆုံးရှုးဘဲ ပိုမိုခိုင်မာပြီး အောင်မြင်တဲ့ အဖွဲအစည်းတွေကို ဖန်တီးနိုင်တဲ့ ခေါင်းဆောင်တစ်ယောက်သင်ကိုယ်တိုင်ဖြစ်လာပါလိမ့်မယ်။ -
Add to cart
🎯🎯ချွေးမထွက် အားအင်မသုံးရပဲ ပြိုင်ဘက်တွေကိုထက်အမြဲတစ်ကွက်သာဖိုအတွက် – REWORK
သင့်ပြိုင်ဘက်တွေက ဦးနှောက်တွေခြောက်၊အားအင်တွေသုံး ပြီး ရှုပ်ထွေးနေချိန်မှာ သင်က အေးအေးဆေးဆေးနဲ့အရေးကြီးတဲ့အရာတွေကိုအာရုံစိုက်ပြီး Chess Grand Master တစ်ယောက်လို တစ်ကွက်ချင်းအေးဆေးရွှေ့နိုင်တဲ့ Skill ကိုပိုင်ဆိုင်ထားမယ်ဆိုရင်ဘယ်လိုခံစားရမလဲ ?အဓိပ္ပါယ်မရှိတဲ့ Meeting တွေ၊ အဖြေမရတဲ့ ငြင်းခုံမှုတွေနဲ့ ပင်ပန်းစိတ်ဆင်းရဲမှုတွေကနေလွတ်မြောက်ပြီး အချိန်ကိုအကျိုးရှိစွာအသုံးချနိုင်တဲ့ အရာကိုဆုပ်ကိုင်ထားနိုင်တယ်ဆိုရင်ပေါ့။
ဒါက Rework ရဲ့ စွမ်းအားပါ။
ဒါက” အရိုးကြေအရည်ခန်းအောင်ကြိုးစား” ၊ “Grind!, Grind!, Grind!” ဆိုတဲ့ ထပ်ဖန်တလဲလဲကြားနေရတဲ့ Motivation နောက်တစ်ခုမဟုတ်ပါဘူး။ သင့်ရဲ့ ✨Productivity နဲ့ Progress ကိုအနှောင့်အယှက်ပေးနေတဲ့ အရာတွေကိုစွန့်ပစ်ဖို၊
✨အာရုံစူးစိုက်မှုအားကောင်းစေဖိုနဲ့
✨စိန်ခေါ်မှု ကို သူမတူတဲ့နည်းလမ်းတွေနဲ့ယှဉ်ပြိုင်နိုင်စေဖိုအတွက် လေ့ကျင့်ယူရတဲ့ Skillset တစ်ခုပါ။ရဲရဲတင်းတင်းဆုံးဖြတ်ချက်တွေနဲ့အတူသမားရိုးကျနည်းလမ်းတွေကို စိန်ခေါ်နိုင်ဖို အတွက် Reworkလုပ်ဖိုအဆင်သင့်ဖြစ်ပြီလား?
🏗Progressကိုတည်ဆောက်ပါ။ Perfect ကိုမတည်ဆောက်ပါနဲ့
“ငါအဆင်သင့်မဖြစ်သေးဘူး”ဆိုတဲ့စကားကို မိတ်ဆွေ၊သူငယ်ချင်း၊မိသားစုတွေဆီကသင်ခဏခဏကြားဖူးမှာပါ။
ဒါပေမယ့် ဘယ်သူ့မှအဆင်သင့် မဖြစ်ပါဘူး။ Perfect ဖြစ်တယ်ဆိုတာ အိမ်မက်တစ်ခုပါပဲ။ Progression ကသာတကယ်အစစ်အမှန်ပါ။
💡 သင်လုပ်ချင်တဲ့ Business Idea ရှိသလား? အချိန်ကောင်း ကိုစောင့်မနေပဲ ချက်ချင်းထလုပ်လိုက်၊ အလုပ်ကလုပ်နေရင်းနဲ့သင်သွားလိမ့်မယ်။
🎼တူရိယာတစ်ခုသင်ချင်လား? မတွေးနဲ့ အခုထပြီးသင်တန်းသွားအပ်လိုက်။
“Inspiration is perishable—act on it immediately.”
“လုပ်ချင်စိတ်ကပျောက်သွားတတ်တယ် အခုချက်ချင်းထလုပ်လိုက်” လိုစာရေးသူကပြောထားပါတယ်။📅 Meetings are Toxic
ကုမ္မဏီအလုပ်လုပ်ခဲ့တဲ့သူတစ်ယောက်အနေနဲ့ အဓိပ္ပါယ်မရှိတဲ့ Meeting တွေထိုင်ရတာလောက် အချိန်အလဟသဖြစ်တာမရှိပါဘူး။ Meeting တွေဆိုတာ
✔️ ပြောရမယ့် အဓိကအကြောင်းအရာကိုပြော
✔️ ဆုံးဖြတ်ချက်ချ
✔️ Meeting အဆုံးသတ် နဲ့ပဲပြီးရမှာပါ။
မလိုအပ်တဲ့ Presentation တွေ၊ တစ်ယောက်နဲ့တစ်ယောက် ငြင်းခုံတဲ့ Debate တွေကို သင့်ရဲ့ Meeting တွေမှာလျော့ချပါ။အနာဂတ်မှာရှိမဲ့သင်က သင့်ကိုကျေးဇူးတင်ပါလိမ့်မယ်။💸 Screw Corporate Marketing
လုပ်ငန်းကြီးတွေလို ငွေအများကြီးသုံးပြီး လူအထင်ကြီးမယ့်ကြော်ငြာတွေသုံးမယ်ဆို သေချာစဉ်းစားပါ။ပိုက်ဆံများများသုံးတိုင်း Customer များများရမှာမဟုတ်ပါဘူး။ ဆောင်ပုဒ်တွေထက် သူတိုနဲ့လိုက်လျောညီထွေဖြစ်တဲ့အရာတွေနဲ့လူတွေက ဆက်နွယ်ကြပါတယ်။ စျေးကွက်ရဲ့ အမှန်တကယ်လိုအပ်ချက်ကိုဖြည့်ဆည်းပါ၊ ပြသနာတွေကိုရင်ဆိုင်ဖြေရှင်းပါ၊ Customer တွေရဲ့ Feeback ကိုအမြဲနားစွင့်ပါ၊ မှန်ကန်ပါစေ။
Marketing မှာ
👉လူအထင်ကြီးတာကိုလုပ်မဲ့အစား သင့်လုပ်ငန်းရဲ့ တကယ့်တန်ဖိုးကိုကြော်ငြာပါ။
👉 အရမ်း Smart ဖြစ်တဲ့စကားလုံးတွေမသုံးပါနဲ့ သင့် Customer တွေနားလည်မယ့်ရိုးရှင်းတဲ့စကားလုံးတွေကိုသုံးပါ
👉ပြိုင်ဘက်တွေကကြွားလုံးတွေထုတ်နေတဲ့အချိန်၊ Emotional မဖြစ်ပဲတကယ်အရေးကြီးတဲ့သင့် စျေးကွက်ကိုသာအာရုံစိုက်ပါ။🕒အလုပ်စွဲလမ်းမှုဟာ Productivity ကိုတိုးတက်စေတာမဟုတ်ဘူး။အချိန်ဖြုန်းတာတစ်ခုပဲ။
Busy ဖြစ်တာနဲ့ Productive ဖြစ်တာဟာ လုံး၀တူညီတဲ့အရာနှစ်ခုမဟုတ်ပါဘူး။ အလုပ်ရှုပ်တာဟာ ဂုဏ်ယူစရာမဟုတ်ပါဘူး။ အလုပ်လုပ်ကြောင်းပြဖို အချိန်ပိုလုပ်တာတွေ၊ မလိုအပ်တဲ့နေရာတွေမှာအာရုံစိုက်ဖိုလုပ်တာတွေဟာ တကယ်တော့ဖြုန်းတီးမှုတစ်ခုလိုပြောထားပါတယ်။အလုပ်ချိန်မှာ အရေးကြီးတဲ့အလုပ်တွေကိုပြတ်သားတဲ့ဆုံးဖြတ်ချက်နဲ့ လိုအပ်တဲ့အချိန်အတွင်းထိရောက်အောင်ပြုလုပ်ပြီး လုပ်ချိန်နဲ့နားချိန်မျှချေဖြစ်မှ Smart Work ဖြစ်ပြီး efficiency ကောင်းကောင်းနဲ့ Productive ဖြစ်မှာပါ။🚀အောင်မြင်မှုအတွက် “Rework”လုပ်ဖိုအဆင်သင့်ဖြစ်ပြီလား ?
အဆုံးမရှိ၊ အဓိပ္ပါယ်မဲ့တဲ့အလုပ်တွေကိုလုပ်ဆောင်၊ အလုပ်များနေပြရုံနဲ့ အနိုင်ရမှာမဟုတ်ပါဘူး။ Rework ဟာ
🎯မလိုအပ်တဲ့အာရုံလွှမှုတွေကို စွန့်ပစ်ဖို၊
📈အဓိကကျအရေးပါတဲ့ လုပ်ငန်းဆောင်တာတွေကိုအာရုံစူးစိုက်ဖိုနဲ့
⚡️Perfection ထက် Progress ကိုအာရုံစိုက်ဖိုနည်းလမ်းတွေကိုညွှန်ပြထားပါတယ်။
ဒါဆို Hardwork အစား Smartwork ကိုသုံးပြီးရဲရင့်တဲ့ဆုံးဖြတ်ချက်တွေချနဲ့အတူ သင့်ပြိုင်ဘက်တွေထက်အမြဲတစ်ကွက်သာနေဖိုအတွက် အိုမင်းနေတဲ့စည်းမျဉ်းဟောင်းတွေကိုစွန့်ပယ်ဖိုအသင့်ဖြစ်ပြီလား ?🌟🌟သင့်ပြိုင်ဘက်တွေအံ့ဩမှင်သက်သွားလောက်တဲ့ပြောင်မြောက်တဲ့ အလုပ်တွေကိုလုပ်နိုင်ဖို Rework ကို အခုပဲပိုင်ဆိုင်လိုက်ပါ။🌟🌟
-
Add to cart
⏳“For the Rich, Wealth is measured in time”⏳
ချမ်းသာတဲ့သူတွေအတွက် ကြွယ်၀မှုဆိုတာကို အချိန်နဲ့တိုင်းတာတယ်။💸အခြေခံလူတန်းစားတွေက ပိုက်ဆံ နောက်လိုက်ကြတယ်
🧑🎓လူလတ်တန်းစားတွေက ပိုက်ဆံပိုရဖို ပညာတွေကိုဆက်တိုက်လေ့လာရတယ်။
💵ချမ်းသာတဲ့သူတွေက ပိုက်ဆံကိုခိုင်းစားကြတယ်။👨🦳ကျွန်တော် ငယ်ငယ်တုန်းက ကျွန်တော့်လက်ထဲကို အဖေပေးခဲ့တဲ့ဒီစာအုပ်ကလေး ဟာ အခုချိန်ထိ ကျွန်တော့်ဘ၀အတွက်အရေးကြီးတဲ့အခြေခံ အုတ်မြစ်တစ်ခုဖြစ်နေတုန်းပါ။ ဒီစာအုပ်ကလေးထဲက ဘယ်သင်ခန်းစာတွေကို အခုအချိန်ထိကျွန်တော်ကျင့်သုံးနေသလဲ ? အခုခေတ်လိုမျိုး ပိုက်ဆံဖြုန်းစရာ ငွေကုန်စရာ Distraction တွေအများပတ်လည်ဝိုင်းနေတဲ့အထဲမှာ ခိုင်မာတဲ့ငွေကြေးစီမံခန့်ခွဲမှုကိုဘယ်လိုတည်ဆောက်ရမလဲဆိုတာ ကိုဒီမှာဆက်ကြည့်ရအောင်။
👍“ဒါကိုမလုပ်နိုင်ဘူး”ဆိုတာကို “ဒါကိုလုပ်နိုင်အောင်ဘယ်လိုလုပ်ရမလဲ” ဆိုတဲ့အတွေးကိုပြောင်းလဲပါ။
ကျွန်တော်တို လုပ်လေ့လုပ်ထရှိတဲ့ အမှားတစ်ခုက “ငါ ဒါကိုမလုပ်နိုင်ဘူး” ဆိုပြီး ကိုယ့်ကိုယ်ကို ပိတ်ပင်လိုက်တာပါ။ အရမ်းရိုးရှင်းလွန်းလို ကျွန်တော်တိုလုပ်မိမှန်းတောင်သတိမထားမိတတ်ပါဘူး။ ဥပမာ ခင်ဗျားက Content Writer တစ်ယောက်ဖြစ်ချင်တယ်။ “Content ရေးကျင့်ဖိုအချိန်မရှိဘူး” လိုပြောမဲ့အစား “Content ရေးကျင့်ဖိုအချိန်ရအောင်ငါဘယ်လိုလုပ်ရမလဲ” ဆိုပြီးပြောင်းတွေးကြည့်ပါ။ ( Content မှမဟုတ်ဘူး ခင်ဗျား လိုချင်တဲ့ကြိုက်တဲ့အရာကို ဒီလိုပြောင်းတွေးကြည့်ပါ )။ ဆင်ခြေကနေ အလုပ် ( Excuse to Action ) ဖြစ်လာတဲ့နဲ့အမျှ ခင်ဗျားလိုချင်တဲ့အရာတွေသူ့အလိုလိုပေါ်ပေါက်လာတာတွေ့ပါလိမ့်မယ်။🚙Asset နဲ့ Liability ကိုခွဲခြားသိပါ
Asset = သင့်ကိုဝင်ငွေရတဲ့ အရာ
Liability = သင့်ကို ထွက်ငွေဖြစ်စေတဲ့အရာ
“ငါ ကားဝယ်စီးသင့်သလား” ဆိုတဲ့မေးခွန်းအတွက်အကောင်းဆုံးအဖြေဟာ ဘာလဲ?
ဝယ်စီးသင့်တာပေါ့ ကားစီးရင် လူရှိန်တယ်၊ သွားချင်ရာသွားလိုရတယ်၊ ကြိုက်တဲ့ခရီးထွက်လိုရတယ် ဆိုတာမျိုးတွေးမိရင် အတွေးတွေကိုခဏဘရိတ်အုပ်ထားလိုက်ပါဦး။
ကားတစ်စီးကို ခင်ဗျားဝယ်ပြီး ကားစရိတ် တစ်လ ငါးသိန်း ကျတယ်ဆိုပါစို။
အဲ့ကားက ခင်ဗျားရဲ့အလုပ်အတွက် တစ်လကို ဆယ်သိန်းရှာပေးနိုင်ရင် ဒီကားဟာ ခင်ဗျားလုပ်ငန်းအတွက် Asset တစ်ခုဖြစ်ပြီး အဲ့ကားကိုလုပ်ငန်းအတွက်မသုံးဘူးဆိုရင် ခင်ဗျားအတွက် တစ်လ ငါးသိန်း Liability ဖြစ်တယ်။
ဒီလိုဆိုရင် ဘာလုပ်သင့်လဲ ခင်ဗျားအဖြေရပြီပေါ့။💰ငွေကြေးစီမံခန့်ခွဲမှုနည်းပညာကိုတတ်မြောက်အောင်ကြိုးစားပါ
ဘယ်အရာတွေဘယ်လောက်အရေးကြီးတယ်ပြောပြော နောက်ဆုံးမှာငွေကအရာအများစုကိုဆုံးဖြတ်ပါတယ်။ သင်တန်းတွေဘယ်လောက်တက်တက်, ပညာတွေဘယ်လောက်ပဲများများ သင်ကိုယ်တိုင်က ငွေကြေးစီမံခန့်ခွဲမှုကို မတတ်ရင် မြန်မာစကားပုံထဲကလိုပလိုင်းပေါက်နဲ့ဖားကောက်သလိုဖြစ်နေမှာပါ။ ငွေကြေးနဲ့ပက်သက်ပြီး စည်းကမ်းရှိမှု၊ ကြံ့ကြံ့ခံနိုင်မှု၊စနစ်တကျနေထိုင်သုံးစွဲတတ်မှုကို သင်ကိုယ်တိုင်ကျွမ်းကျင်ပိုင်နိုင်စွာအသုံးချနိုင်မှသာ Rat Race ထဲကသင်လွတ်မြောက်မှာပါ။⚒️အလုပ်သမားကို အလုပ်ခိုင်းရင် တစ်ရက်ကို ရှစ်နာရီပဲအလုပ်လုပ်တယ်။
သင့်ကိုယ်တိုင်အလုပ်လုပ်ရင် တစ်ရက်ကိုဆယ့်လေးနာရီထိအလုပ်လုပ်မယ်။
သင့်ပိုက်ဆံကို အလုပ်လုပ်ခိုင်းထားရင် နှစ်ဆယ့်လေးနာရီ တစ်ပတ်ခုနစ်ရက် သူကအလုပ်လုပ်နေလိမ့်မယ်။
ကိုယ်ကြိုးစားရှာဖွေထားတဲ့ ငွေကိုအဆပွားနိုင်ဖို၊ လိုအပ်တဲ့အောင်မြင်မှုအတွက် ရေသောက်မြစ်ကို
ဆယ်စုနှစ် သုံးစုနီးပါး အရောင်းရဆုံးစာအုပ်တွေထဲမှာပါဝင်တဲ့ Robert Kiyosaki ရဲ့ Rich Dad Poor Dad မှာရှာဖွေပြီး ငွေကြေးစီမံခန့်ခွဲမှုရဲ့ အခြေခံအုတ်မြစ်ကို ကိုယ်တိုင်တည်ဆောက်လိုက်ပါ။ -
Add to cart
ဘယ်တော့မှမပြောင်းလဲတဲ့အရာတွေရဲ့အကြောင်း – Same As Ever by Morgan Housel📚
ကျွန်တော်တိုအမြဲရှာဖွေနေတဲ့အရာတွေဟာ တကယ်တော့ကျွန်တော်တိုရင်ထဲမှာအမြဲရှိနေပြီးသားအရာတွေဖြစ်တတ်ကြပါတယ်။ ရေဒီယို📻၊ တယ်လီဖုန်း📞၊ အင်တာနက်🌐၊ AI🤖 စသည်ဖြင့် ကမ္ဘာကြီးကအဆင့်ဆင့်တိုးတက်ပြောင်းလဲသွားပေမယ့် လူဆိုတဲ့သဘောသဘာ၀ကမပြောင်းလဲပဲတည်ရှိနေပါတယ်။
ဒီလိုမပြောင်းလဲတဲ့အရာတွေကိုနားလည်မှုက သင့်ဘ၀၊ အနာဂတ်နဲ့ ငွေကြေးစီမံခန့်ခွဲမှုကိုအကျိုးပြုတဲ့ဆုံးဖြတ်ချက်ချစေနိုင်တဲ့အကြောင်းကိုကို Morgan Houselက Same As Ever ထဲက ၀ထ္ထုတို 23 ပုဒ်နဲ့ရှင်းပြထားပါတယ်။
အကုန်လုံးကိုရှင်းပြဖို စာအရမ်းရှည်သွားမှာဖြစ်တဲ့အတွက် ကျွန်တော်အကြိုက်ဆုံးလေးတွေကိုပဲရွေးထုတ်ထားပါတယ်။1.လူတွေရဲ့ ခန့်မှန်းလိုရတဲ့ ပေါက်တတ်ကရတုံပြန်မှုတွေ🎭
အခက်အခဲတစ်ခုဖြစ်လာရင် လူတွေဘယ်လိုတုံပြန်မလဲဆိုတာကိုရုတ်တရက်တွေးကြည့်ရင်ခန့်မှန်းရခက်သလိုထင်ရပေမယ့် တကယ်တမ်းက ဒီတုံပြန်မှုတွေက စိတ်ခံစားချက်ပေါ်မူတည်ပြီး တူညီတဲ့အရာတွေ ဖြစ်တတ်ကြပါတယ်။ ဥပမာအားဖြင့်
-🤑စျေးကွက်တစ်ခုအခြေအနေကောင်းလာပြီဆိုရင် လောဘနောက်လိုက်ပြီးမဆင်မခြင်ရင်းနှီးမြှုပ်နှံမှုတွေလုပ်တာတွေ
-😨လုပ်ငန်းအခြေအနေမကောင်းရင် စိုးရိမ်စိတ်တွေလွန်ပြီး ပေါက်တတ်ကရတွေလျှောက်လုပ်တာ
-😱မသေချာမှုနဲ့တွေ့ကြုံတဲ့အခါ မစဉ်းစားပဲ တခြားသူတွေလုပ်သလိုလိုက်လုပ်တာ တွေဖြစ်တတ်ပါတယ်
📉2008 စီးပွားပျက်ကပ် ,🧻 2020 COVID Toilet Paper Shortage တွေဟာ ဒီပေါက်တတ်ကရတုံပြန်မှုရဲ့ အထင်ရှားဆုံးသာဓကတွေပါ။ ဒီတုန့်ပြန်မှုတွေဟာ ရုတ်တရက်ဖြစ်တဲ့ အခြေအနေတစ်ခုကြောင့်လို ထင်ရပေမယ့် တကယ်တော့ လူတွေရဲ့ အမူအကျင့်တွေထဲမှာ နက်ရှိင်းစွာအမြစ်တွယ်နေတဲ့အရာတွေဖြစ်ကြပါတယ်။ ဒီလို Pattern တွေကိုနားလည်ပြီး ကြိုတင်ခန့်မှန်းနိင်မှုဟာ စိတ်ဝင်စားဖိုကောင်းရုံသာမက အသုံးဝင်တဲ့ဆုံးဖြတ်ချက်တွေချနိုင်ဖိုအရေးကြီးတဲ့ အထောက်အကူဖြစ်စေမှာပါ။2.တိုးတက်မှုရဲ့ သဘောတရား (Paradox of Progress)🔄
စာရေးဆရာက တိုးတက်မှု (progress) ဆိုတဲ့အရာတောင် သူ့ရဲ့ကိုယ်ပိုင်မပြောင်းလဲတဲ့သဘောတရားရှိတယ်လိုရှင်းချက်ထုတ်ထားပါတယ်။
တိုးတက်ပြောင်းလဲမှုတိုင်းဟာ
💉Invention and Adoption: စမ်းသပ်တီထွင်ခြင်းနဲ့ လက်တွေ့သုံးစွဲခြင်း
⚠️Unintended Consequences:မထင်မှတ်ထားတဲ့ရလဒ်တွေထွက်ပေါ်လာခြင်း
🤝Adaptation: သာတူညီမျှဖြစ်တဲ့ ဖြေရှင်းချက်တွေနဲ့အတူနေထိုင်ခြင်းဆိုတဲ့ အဆင့်သုံးဆင့်နဲ့ အမြဲမပြောင်းလဲပဲတည်ရှိနေတယ်လိုပြောထားပါတယ်။
ဥပမာ လူတွေဟာ Social Animal တွေဖြစ်တဲ့အတွက်ကြောင့် အပေါင်းအသင်းဆန့်ဖို မိတ်ဆွေတွေပေါများဖိုဆိုတဲ့ရည်ရွယ်ချက်နဲ့ Social Media တွေပေါ်ပေါက်လာတယ်။ လက်တွေ့သုံးကြည့်ကြရင်းနဲ့ ခြေလွန်လက်လွန်တွေသုံးမိကြတဲ့အချိန်မှာ Personal လွတ်လပ်မှုဆုံးရှုးတာတို ADHD တို စိတ်ဓာတ်ကျရောဂါတိုအဖြစ်များတာတိုဖြစ်လာတယ်။ အခုအချိန်မှာ Dopamine Detox နည်းတွေ Focus Application တွေနဲ့အတူ သာတူညီမျှဖြစ်တဲ့ဖြေရှင်းချက်တွေနဲ့အတူ ကျွန်တော်တို လိုက်လျောညီထွေစွာနေထိုင်နေကြပါပြီ။
💡“Progress is not about avoiding problems—it’s about solving the same problems in better ways.”
“တိုးတက်မှုဆိုတာ ပြသနာတွေကိုရှောင်လွှတာမဟုတ်ပဲ နဲ့တူညီတဲ့ပြသနာတွေကို ပိုမိုကောင်းမွန်တဲ့ ဖြေရှင်းချက်တွေထုတ်တာဖြစ်တယ်” ဆိုတဲ့ Morgan Housel ရဲ့ အမြင်ဟာကျွန်တာ်တိုလူတွေရဲ့ ပြသနာတွေကိုအဖြေထုတ်နေသရွေ့ ဒီ မပြောင်းလဲတဲ့သဘောတရားဟာ ထပ်ဆင့်ဖြစ်တည်နေဦးမယ်ဆိုတဲ့အဓိပ္ပါယ်ပဲဖြစ်ပါတယ်။3.ဆင့်ကဲတိုးပွားမှုရဲ့ နိယာမ ( The Principle of Compound Effect )📈
ကောင်းတဲ့အရာပဲဖြစ်စေ၊ မကောင်းတဲ့အရာပဲဖြစ်စေ လူတစ်ယောက်နေ့စဉ်ပြုလုပ်တဲ့အရာတွေဟာအချိန်တစ်ခုကြာလာတာနဲ့အမျှ သူကိုယ်တိုင်သာမက ပတ်ဝန်းကျင်မှာပါ သိသာထင်ရှားစေတဲ့ Compund Effect ဟာအခုအချိန်ထိမပြောင်းလဲတဲ့ နိယာမတစ်ခုဖြစ်ပါတယ်။ Compound Effect ဟာငွေကြေးစီမံခန့်ခွဲမှု💰သာမက လူမှုဆက်ဆံခြင်း🧑🤝🧑၊ အသိပညာရှာဖွေခြင်း🧠နဲ့ အလေ့အကျင့်တည်ဆောက်ခြင်း💪 တိုမှာပါ အစဉ်အမြဲအသုံးပြုနေတဲ့အရာတစ်ခုဖြစ်ပါတယ်။ဥပမာ
📖တစ်ရက်ကို စာဆယ်မျက်နှာလောက်ဖတ်တာဟာ ဘာမှအရေးမကြီးဘူးလိုခံစားရလိမ့်မယ်။နေ့တိုင်းဖတ်ရင် တစ်နှစ်ကြာတဲ့အချိန်မှာသင် စာအုပ် 10 အုပ် 15အုပ်လောက်ဖတ်ပြီးနေပြီ။ဒါက သင်လေ့လာတဲ့အရာရဲ့အမြင်ကိုလေးလေးနက်နက်ပြောင်းလဲဖိုအတွက်လုံလောက်တယ်။
🏋️တစ်ရက်ကို ဆယ့်ငါးမိနစ်လောက်လေ့ကျင့်ခန်းလုပ်ခြင်းဟာဘာမှမသိသာပေမယ့် သင့်စိတ်နဲ့ခန္ဒာကျန်းမာရေးဟာ အချိန်နှင့်အမျှပိုမိုကောင်းမွန်လာလိမ့်မယ်
🍺တစ်ရက်ကိုဘီယာတစ်ခွက်ပဲပုံမှန်သောက်ရင် အချိန်တစ်ခုရလာတာနဲ့အမျှ ဘီယာဗိုက်တစ်လုံးရလာ ပြီးလေးလံထိုင်းမှိင်းလာလိမ့်မယ်။ဒီလိုသေးငယ်တဲ့အကျင့်တွေဟာ လုပ်လိုလုပ်မှန်းတောင်မသိသာပေမယ့် အချိန်တစ်ခုကြာလာတာနဲ့ အမျှ မပြောင်းလဲတဲ့နိယာမအတိုင်း Compound Effect ရဲ့အကျိုးတရားကိုခံစားရမှာပါ။ ငါဒါလေးတစ်ကြိမ်လုပ်တာမသိသာဘူးလိုခံစားရပေမယ့်ဒီလိုတစ်ကြိမ်ပေါင်းမြောက်များစွာပြုမူနေတဲ့အမူအကျင့်တွေဟာ သင့်ရဲ့ အနာဂတ်ကိုဆုံးဖြတ်နေတယ်ဆိုတာသတိပြုပါ။
-Psychology Of Money ကိုဖတ်ပြီးကြိုက်နှစ်သက်သူတွေ
-လူတွေရဲ့ Behavior, Decision Making နဲ့ Thinking Pattern တွေကိုသဘောပေါက်ချင်သူတွေ
-အနာဂတ်မှာကြုံတွေ့ရမယ့်အရာတွေအတွက်ကြိုတင်ပြင်ဆင်ထားချင်သူတွေဒီစာအုပ်ကလေးကို ဆောင်ထားသင့်ပါတယ်🌍အမြဲပြောင်းလဲနေတယ်လိုမြင်ရတဲ့ ဒီကမ္ဘာကြီးမှာ ပြောင်းလဲမှုမရှိပဲထပ်ဖန်တလဲလဲပြန်လည်ဖြစ်ပေါ်နေတဲ့ ဖြစ်စဉ်တွေကို မတူညီတဲ့အမြင်သစ်တစ်ခုနဲ့ထိုးဖောက်မြင်နိုင်စွမ်းရှိတဲ့ အတွေးအမြင်သစ်တစ်ခုရအောင် ဒီစာအုပ်ကလေးက ကူညီပေးပါတယ်။ အာရုံလွှဖိုကြိုးစားနေတဲ့ အကြောင်းအရာတွေ၊ အရေးမကြီးတဲ့ သဘောသဘာ၀တွေကိုကျော်လွှားပြီး အတွေးသစ်နဲ့အတူအနာဂတ်မှာကြုံတွေ့ရမယ့်ဖြစ်စဉ်တွေအတွက်ကြိုတင်ပြင်ဆင်ထားဖိုအကောင်းဆုံးစာအုပ်တစ်အုပ်ပါ။
📕Book Title- Same as Ever: A Guide to What Never Changes
✒️Author – Morgan Housel
💵Price- 21,500 MMK (Premium++ Quality, Hardcover, Creamy Paper)
