Category: Peace and Tranquility
Showing all 16 results
-
Add to cart
🌍လောကဓံကိုရင်ဆိုင်ဖိုအတွက်ပဲ အချိုသောသူတွေဟာ အသက်ရှင်ကြရတယ်။
သူများတွေထက် သတ္တိရှိလို၊ သူမတူအောင် ခွန်အားကြီးလို သူတိုဟာ လောကဓံကိုရင်ဆိုင်ရတာမဟုတ််ကြဘူး⛓️သူတိုမှာ မဆုတ်မနစ်တဲ့ဇွဲတစ်ခု ရှိရမယ်လို လောကကြီးက သတ်မှတ်ထားတယ်။
သံမဏိလိုမာကြောတဲ့နှလုံးသားနဲ့ မီးတောင်တစ်ခုလိုဆူပွက်နေတဲ့ မီးလျှံတွေသူတိုသွေးကြောထဲမှာ ပိုင်ဆိုင်ပြီး သူတိုထက်အားနည်းတဲ့သူတွေကိုကာကွယ်ပေးနိုင်တဲ့အင်အားရှိအောင် လောကကြီးကသူတိုကို အကြိမ်ကြိမ်ဖျက်ဆီးတယ်၊ အခေါက်ပေါင်းများစွာနင်းခြေတယ်။💔ကြိမ်ဖန်များစွာဖျက်ဆီးခံရပြီး အမြဲရုန်းကန်ရတဲ့သူတို အတွက်တော့
ဒါက သူတိုရွေးချယ်ခဲ့တဲ့ ဘ၀တော့မဟုတ်ခဲ့ဘူး။
တစ်ခါတစ်ရံမှာ သူတိုလက်မြှောက်အရှုးပေးချင်ကြလိမ့်မယ်။
တစ်ခါတစ်ရံမှာ သူတိုမျက်ရည်ကျချင်ကြလိမ့်မယ်💪ဒါပေမယ့် ..
ဒဏ်ရာများစွာနဲ့နာကျင်နေတဲ့နှလုံးသားကိုသယ်ဆောင်ပြီး သူတိုတန်ဖိုးထားတဲ့အရာတွေကိုကာကွယ်ဖိုအတွက်
သူတိုအခုချိန်အထိကြံ့ကြံ့ခံဆဲ…
ကြိုးစားနေဆဲ
ရုန်းကန်နေဆဲ ပဲ..💖နာကျင်နှလုံးသားတွေ အတွက်
ခွန်အားဖြည့်ဖို
ခွန်အားပြည့်ဖို
နှလုံးသားအာဟာရ ရသစာများ Chicken Soup For the Soul -
Add to cart
🤔”သင့်ရဲ့ အောင်မြင်မှု ခရီးလမ်းမှာ ဘယ်သူက အကြီးမားဆုံးသော ရန်သူဖြစ်နေလဲဆိုတာကို သိချင်လား?
“ငါသိတယ်”, “ငါတတ်တယ်”,“ငါ့ကိုယှဉ်နိုင်တဲ့သူမရှိဘူး” “ငါ့ပစ္စည်း”, “ငါ့ဥစ္စာ”, “ငါ”, “ငါ”, “ငါ”,
ဒီစကားလုံးတွေက တော်တော်များများအောင်မြင်မှုဆီကိုမရောက်နိုင်တဲ့အကြောင်းပြချက်ဖြစ်တယ်။
အကြီးမားဆုံးသော ရန်သူက တခြားဟာမဟုတ်ဘူး — သင့်ကိုယ်တွင်းက အတ္တပါ။
သင်ကြိုးစားနေသရွေ့ တစ်ချိန်ချိန်မှာ အောင်မြင်မှုကိုရမယ်ဆိုတာ မြေကြီးလက်ခတ်မလွဲသေချာတယ်။ ဒါပေမယ့် ဒီအောင်မြင်မှုကို ခင်ဗျားဘယ်လောက်ကြာကြာထိန်းသိမ်းနိုင်မှာလဲ?😈
🎯”The first principle is that you must not fool yourself—and you are the easiest person to fool.” – Richard Feynman
ပထမဆုံးအရေးကြီးတဲ့ အချက်က အရမ်းလှည့်ဖြားဖို့လွယ်တဲ့ သင့်ကိုယ်သင် အရူးမလုပ်မိစေဖို့ပါ။
မွေးရာပါဗီဇ တစ်ခုဖြစ်တဲ့“ငါ”ဆိုတဲ့ အတ္တဟာ ကျွန်တော်တို့နဲ့အမြဲတစ်စေအတူရှိနေတယ်။ လူတွေကိုဘောလီဘောပုတ်သလို အမြင့်ကိုခေါ်ဆောင်သွားပြီး ထိပ်ဆုံးရောက်မှအားကုန်ရိုက်ချတတ်တဲ့ အတ္တ ရဲ့ အကြောင်းကို Ryan Holiday က သူရဲ့ Ego is the Enemy စာအုပ်ထဲမှာ အပိုင်းသုံးပိုင်းနဲ့ ရှင်းပြထားတယ်
Aspire🔥
နေရာတစ်ခုမှာကိုယ်ကျွမ်းကျင်ပိုင်နိုင်မှုရှိလာတာနဲ့ အမျှ လူတွေရဲ့ ကိုယ့်ကိုကိုယ် အထင်ကြီးတဲ့စိတ်က ကြီးထွားလာလေ့ရှိတယ်။ “ငါသိတယ်”, “ငါမရှိရင်မဖြစ်ဘူး” စတဲ့ ယုံကြည်မှုလွန်ကဲစွာဖောင်းပွမှုက တက်လမ်းကိုတိုးတက်စေမယ့် သင်ယူမှုတွေ၊ အခွင့်အလမ်းကောင်းတွေကိုပိတ်ပင်စေတတ်တယ်။ဒီလိုအချိန်မှာ Stoic တွေရဲ့ ဉာဏ်ပညာ (Wisdom) – မသိသေးတာတွေကို သိရှိနားလည်ဖို့ ကြိုးစားတဲ့စိတ် – က အရေးကြီးသလို၊ မိမိကိုယ်ကို ထိန်းချုပ်နိုင်မှု (Temperance) ကလည်း အတ္တရဲ့ ပေါ့ပျက်ပျက်ဆန်မှုတွေကို တားဆီးပေးတယ်။
Success🏆
အောင်မြင်မှုကိုရပြီးတဲ့နောက်မှာ အတ္တကပျောက်ကွယ်မသွားပဲပုံစံပြောင်းလာတတ်တယ်။ပတ်ဝန်းကျင်ကိုမလေးစားမှုတွေ၊ မထီမဲ့မြင်ပြုမှုတွေ နဲ့ မိမိဂုဏ်သိက္ခာကိုအရောင်ဆိုးမှုတွေဟာ တခြားသူတွေအတွက်အဆိပ်အတောက်ဖြစ်စေတယ် ဆိုတာကို သတိမထားမိတတ်ကြဘူး။ဒီလိုအချိန်မှာ တရားမျှတမှု (Justice) ဟာ အောင်မြင်မှုဆိုတာ တစ်ဦးတစ်ယောက်တည်းရဲ့ ကြိုးပမ်းမှုမဟုတ်ဘဲ အများနဲ့ရတဲ့ ရလဒ်ဖြစ်ကြောင်း သတိပေးပြီး မိမိကိုယ်ကို နှိမ့်ချတတ်ဖို့ အားပေးပါတယ်။
Failure📉
ရှုံးနိမ့်မှုနဲ့ကြုံတွေ့ရတဲ့အချိန်မှာ အတ္တဟာ အဆိပ်လိုဖြစ်လာတယ်။ အပြောင်းအလဲနဲ့ အမှားကနေ သင်ခန်းစာယူမယ့် အစား သူ့ကိုယ်သူကာကွယ်ဖို့အတွက် Victim လေးဖန်တီးပြီး တပါးသူကို အပြစ်ပုံချတာ၊ တာဝန်မဲ့မှုတွေဖန်တီးလာတတ်တယ်။ ဒီလိုနဲ့ ရှုံးနိမ့်မှုနွံထဲမှာ နစ်သထက်နစ်မြုပ်လာကြရတယ်။ဒီအခါမျိုးမှာ သတ္တိ (Courage) ဟာ ခက်ခဲတဲ့အမှန်တရားကို ရင်ဆိုင်နိုင်စွမ်းကို ပေးစွမ်းပြီး ဉာဏ်ပညာ (Wisdom) ကတော့ ရှုံးနိမ့်မှုတွေကနေ သင်ခန်းစာယူပြီး ပိုမိုခိုင်မာလာစေဖို့ ကူညီပေးပါတယ်။
⚖️ဒီ အတ္တရဲ့ ရန်ကိုကာကွယ်ရှောင်ရှားနိုင်ဖို့အတွက် Stoic တွေဟာ ကမ္ဘာကြီးကို Logos (အကျိုးအကြောင်း) နဲ့ လက်ခံပြီး၊ သတ္တိ (Courage)၊ ဉာဏ်ပညာ (Wisdom)၊ မိမိကိုယ်ကို ထိန်းချုပ်နိုင်မှု (Temperance) နဲ့ တရားမျှတမှု (Justice) ဆိုတဲ့ Virtue လေးချက်နဲ့သာ တူညီမျှစွာနေထိုင်ကြပါတယ်။
အတ္တကို ကိုယ်တိုင်မထိန်းချုပ်နိုင်ရင် ပျက်စီးခြင်းဆီသင့်ကိုခေါ်ဆောင်သွားလိမ့်မယ်။
ဒီစာအုပ်လေးမှာ
✨အတုအယောင် မာန်မာန အတ္တကိုဖယ်ရှားပြီး လူသားဆန်စွာနေထိုင်နိုင်ဖို့
✨ဟန်ဆောင်လက်ခုပ်သံတွေထက် စစ်မှန်တဲ့ အလုပ်မှာ ပျော်မွေ့နိုင်ဖို့
✨ဘ၀ရဲ့အချိုးအကွေ့တွေကို မတုန်မလှုပ်ရင်ဆိုင်နိုင်ဖို့ လက်တွေ့ကျတဲ့ အကြံဉာဏ်ကောင်းတွေကိုမျှဝေထားပါတယ်။
📕လူတိုင်း ဖတ်သင့်တဲ့ စာအုပ်စာရင်းတွေရဲ့ ထိပ်ဆုံးမှာအမြဲရှိနေပြီး အနုပညာရှင်၊ စီးပွားရေးလုပ်ငန်းရှင်၊ အားကစားသမားစတဲ့ သန်းပေါင်းများစွာသောလူတွေရဲ့ ဘ၀ကိုပြောင်းလဲပေးတဲ့ Stoic ဒသနပညာရှင် Ryan Holiday ရဲ့ Best Seller တစ်အုပ်ဖြစ်တဲ့ Ego is Enemy နဲ့အတူ သင့်ရဲ့ အကြီးမားဆုံးသော ရန်သူကို ချိုးဖြတ်အနိုင်ယူဖို့ အချိန်ကျပါပြီ။
-
Add to cart
မင်းရဲ့ Vibe = မင်းရဲ့ Superpower 🚀🌟
🔥လူတိုင်းမှာကိုယ်ပိုင် Vibe တွေရှိကြတယ်။ လူတစ်ယောက် အနားရောက်လာနဲ့ စိတ်အေးသွားသလိုခံစားရတဲ့ Vibe ကိုခံစားဖူးသလား။ ဘာကြောင့်လဲဆိုတော့ Energy ဆိုတာ စကားလုံးတွေထက်ပိုပြီးအစွမ်းထက်လို့ပါ။
Vibe ဆိုတာက မသိစိတ်လိုမျိုးအထဲမှာကိန်းအောင်းနေတဲ့အရာမဟုတ်ပဲ ရေဒီယိုတာဝါတစ်ခုလိုမျိုး ပြင်ပလောကကို သင်ကိုယ်တိုင် ထုတ်လွှတ်နေတဲ့အရာတစ်ခုဖြစ်တယ်။
အခန်းတစ်ခန်းထဲကို၀င်သွားတာနဲ့ ဒီအခန်းရဲ့ Energy ကိုပြောင်းလဲသွားစေနိုင်မယ့် ပါဝါကိုပိုင်ဆိုင်နိုင်မယ်ဆိုရင် သင်ဘာလုပ်မလဲ? Stress တွေပိ၊ အဆိုးမြင်စိတ်နဲ့ သံသယတွေကြားမှာ တခြားသူတွေပိတ်မိနေတဲ့အချိန်မှာ ကြည်လင်တဲ့စိတ်ဓာတ်နဲ့ ငြိမ်းချမ်းစွာနေထိုင်နိုင်ဖို့အတွက် သင့်မှာ Good Vibes တွေရှိနေဖို့လိုအပ်ပါတယ်။
✨Abundance ဖြစ်တဲ့ Life ကိုရရှိဖို့။
✨မိမိကိုယ်ကို ချစ်ခင်တတ်စေဖို့။
✨သင့်တန်ဖိုးနဲ့ဘ၀ကိုချိန်ညှိတတ်စေဖို့ ဒီစာအုပ်ကလေးကကူညီပေးပါလိမ့်မယ်။
🔥သင့်ရဲ့စိတ်အနေအထား၊ အမူအကျင့်၊ လုပ်ဆောင်မှုအားလုံးဟာ သင်ထားရှိတဲ့ Vibration ပေါ်မှာအများကြီးမူတည်နေပါတယ်။ “ငါမလုပ်နိုင်ဘူး” ဆိုတဲ့ Vibration ပေါ်မှာရှိနေသရွေ့ “ငါလုပ်နိုင်တယ်”ဆိုတဲ့ အရာဟာဖြစ်မလာပါဘူး။ သင့်စိတ်ကို “ငါလုပ်နိုင်တယ်” ဆိုတဲ့ Vibration ကိုရွှေ့လိုက်တာနဲ့တပြိုင်နက်ဒီ Frequency ပေါ်မှာရှိနေတဲ့ သင့်ကိုကူညီမယ့်အရာတွေ Skillset တွေ အရာအားလုံးဟာသင့်အနားကိုအလိုလိုရောက်လာမှာပါ။ Negative Vibe မှာနေမယ့်အစား Postitive Viber တွေနဲ့ ဝန်းရံထားခြင်းဟာ သင့်အတွက် ကောင်းမွန်မှုတွေကိုသယ်ဆောင်လာပါလိမ့်မယ်။
အိမ်မှာအမှိုက်ရှုပ်မနေအောင်မလိုအပ်တဲ့အရာတွေကိုလွှင့်ပစ်ရသလို ရှုံးနိမ့်မှု၊နောင်တ၊ဝမ်းနည်းမှုဆိုတဲ့အရာတွေကိုစိတ်ထဲကလွှင့်ပစ်ပြီး အခွင့်အရေးကောင်းတွေ အခွင့်အလမ်းအသစ်တွေကိုလက်ခံဖို့ ကောင်းမွန်တဲ့ Vibration ကိုလက်ခံပါ။
Good Vibe Formula – ကောင်းမွန်တဲ့ Vibration အတွက် Formula
💭သင့်အတွေးတွေက သင့်အတွက် အမှန်တရားကိုပုံဖော်တယ်။
💛မိမိကိုယ်ကိုယ်ချစ်တတ်ဖို့ ဘယ်တော့မှမတွေဝေပါနဲ့။
⚡သင့်ဆွဲငင်တဲ့စွမ်းအင်တွေပဲသင့်ဆီကိုရောက်လာလိမ့်မယ်။
🕯️ကောင်းချီးပေးခြင်းဟာ Frequency ကိုမြှင့်တင်ဖို့အကောင်းဆုံးအရာတစ်ခုဖြစ်တယ်။
ကံကောင်းဖို့၊ ချီးမြှောက်မှုကိုရရှိဖို့ဆိုတဲ့ မျှော်လင့်ချက်တွေနောက်လိုက်နေစရာမလိုပါဘူး။ ကောင်းတဲ့စွမ်းအင်ဟာကောင်းမွန်တဲ့အရာတွေကိုယူဆောင်လာပေးပါတယ်။ အဆိုးသံသရာတွေထဲကရုန်းထွက်ပြီး ကောင်းမွန်တဲ့ဘ၀မှာနေထိုင်နိုင်ဖို့ Vex King ရဲ့ Good Vibe, Good Life နဲ့စတင်လိုက်ပါ
-
Add to cart
▫ ကျွန်တော်တို့ ငယ်ရွယ်နေသေးတဲ့အချိန်မှာ၊ လမ်းပျောက်နေတဲ့ အချိန်မှာ၊ လမ်းကြောင်းတစ်ခုခုကို တစ်စိုက်မတ်မတ် လုပ်နေပြီးတော့မှ ဆက်မလုပ်ချင်တော့တဲ့အခါမှာ
▪ The Reason for Being Alive ! The Passion to Wake Up in the Morning !▫ ဟာ တနင်္လာနေ့ ရောက်ပြန်ပြီ။ အလုပ် ပြန်သွားရဦးမယ်။ အချိန်တွေ ဘယ်လို ကုန်လို့ ကုန်မှန်းကို မသိဘူး။ တကယ်တော့ တနင်္လာနေ့က ငြီးငွေ့ စရာကောင်းတာ မဟုတ်ပါဘူး။ ကိုယ် မလုပ်ချင်တဲ့ အလုပ်ကို လုပ်နေရတာက ငြီးငွေ့စရာကောင်းတာပါ။
▪ Where do you see yourself in the next 10 years ? Or 5 Years ? နောင် ၁၀ နှစ်မှာ ကိုယ့်ကိုယ်ကို ဘယ်နေရာမှာ ရောက်နေမယ်လို့ထင်လဲ။ ဘာအလုပ် လုပ်နေကြမှာလဲ။ လူ တော်တော်များများက မဖြေနိုင်ကြပါဘူး။ သူတို့မှာ Future Plan ဆိုတာ မရှိဘူး။ သူတို့ဘာလိုချင်လဲ ဆိုတာ မသိဘူး။ တစ်ချို့တွေက ကျတော့ ရွေးချယ်ပိုင်ခွင့်မရှိဘူး။ တစ်ချို့ကတော့ ကြောက်ကြတယ်။
▫ ကျွန်တော့်မှာ သူငယ်ချင်းတစ်ယောက်ရှိတယ်။ ဆယ်တန်းပြီးသွားတဲ့ အခါမှာ သူမက အမှတ်နဲ့ကိုက်ညီတဲ့ တက္ကသိုလ် တစ်ခုမှာ သွားတက်တယ်။ ဒီလိုနဲ့ပဲ ပထမနှစ်၊ ဒုတိယနှစ်၊ တတိယနှစ် ပြီးတော့ သူမ ဒီကျောင်းနဲ့ပက်သက်ပြီးတော့ ဘာဆက်လုပ်ရမလဲ မသိတော့ဘူး။ သူမ စိတ်မဝင်စားဘူး။ ကျွန်တော် မေးကြည့်တာပေါ့။ ကျောင်းပြီးရင် ဘာဆက်လုပ်မလဲ။ ကျောင်းက ရတဲ့ဘွဲ့နဲ့အလုပ်တစ်ခုခု ဝင်လုပ်မှာပေါ့။ ကျွန်တော်မေးတယ်။ ဒါဆို နင် ဘာကို စိတ်ဝင်စားလဲ။ ငါ အစားအသောက်တွေကို လူတွေ စားချင်လာအောင် ချက်ပြုတ်ပြီး စားချင်ဖွယ်ဖြစ်အောင် အလှဆင်ပေးရတာ ကြိုက်တယ်။ ဒါပေမယ့်လည်း ……………
IKIGAI – Japanese Concept
〰 IKIGAI ဆိုတဲ့ သဘောတရားက မနက်တိုင်းကို နိုးထစေတဲ့ အရာ၊ ကိုယ် ဘာအတွက် အသက်ရှင်နေတာလဲ အမျိုးမျိုး ပြောကြတယ်။ IKIGAI ဟာ ကိုယ့်ဘဝရဲ့Career ကိုရွေးချယ်ရာမှာ ဘယ်လို ရွေးချယ်ရမလဲဆိုတာကို ပြောပြထားတာဖြစ်ပါတယ်။ ကိုယ့်ဘဝရဲ့ IKIGAI ကို ရှာတွေ့ဖို့့အတွက် ကိုယ်ရွေးချယ်တဲ့ အရာဟာ ဒီ အချက်လေးချက်ထဲမှာ ပါဝင်နေရပါမယ်။
ပထမအဆင့်အနေနဲ့
1. Things you love to do
2. Things you are good at
3. Things you can get paid for
4. Things the world needsPassion
⚪ Passion ကတော့ ကိုယ်ချစ်မြတ်နိုးတဲ့ အရာ ( Things you love to do ) နဲ့ ကိုယ်တော်တဲ့ အရာ ( Things you are good at ) နှစ်ခု ကြားမှာ ရှိပါတယ်။ တစ်ချို့ညတွေ ကိုယ်စိတ်ဝင်စားတာတွေ လုပ်နေရင်းနဲ့ မိုးလင်းသွားတာမျိုး ကြုံဖူးကြပါလိမ့်မယ်။ လုပ်နေရင်းနဲ့ကို ပျော်နေတော့တာ။ တစ်လောကလုံးကို မေ့မေ့ပျောက်ပျောက်ဖြစ်သွားပြီး အလုပ်တစ်ခုထဲ မှာပဲ အာရုံရောက်နေတော့တာ ဖြစ်ပါတယ်။ ဒါကတော့ Career အတွက်ဆိုရင်တော့ အကောင်းဆုံးပဲပေါ့။ ဆန္ဒနဲ့ဘ၀ ထပ်တူကျတဲ့ အခြေအနေတစ်ခုပေါ့။
Profession⚫ Profession ကတော့ က်ိုယ် တကယ် ထူးချွန်တဲ့အရာ ( Things you are good at ) နဲ့ကိုယ့်အတွက် ပိုက်ဆံရမယ့် အလုပ် ( Things you can get paid for ) နှစ်ခုကြားမှာ ရှိပါတယ်။ ကိုယ်စိတ်ဝင်စားပြီး လုပ်ရတာ ပျော်နေရုံနဲ့ မပြီးပါဘူး။ ကျွန်တော်တ်ို့တွေ ထမင်းစားဖို့၊ လူတွေကြားမှာ အသင့်အတင့် နေထ်ိုင်နိုင်ဖို့ ဒါတွေလဲ လိုအပ်ပါတယ်။ ဥပမာ ပန်းချီဆရာတစ်ယောက်ပေါ့။ ပန်းချီကို စိတ်ဝင်စားလို့ထမင်းမစား၊ ရေမသောက်ပဲ ပန်းချီပဲ ထိုင်ဆွဲနိုင်ပေမဲ့၊ ကြာလာရင် ပန်းချီဆွဲဖို့ဆေး၊ မှင် ဝယ်ဖို့အတွက်လိုလာမှာပါပဲ။
Vocation
⚪ ဒီအပိုင်းကတော့ ပတ်ဝန်းကျင်က လိုအပ်တဲ့ အရာ ( What the world needs ) နဲ့ကိုယ့်အတွက် ပိုက်ဆံရမယ့် အလုပ်( Things you can get paid for ) နှစ်ခု ပေါင်းထားတာပေါ့။ ကိုယ် စိတ်ဝင်စားတယ်၊ ချစ်မြတ်နိုးတယ်၊ ကိုယ့်အတွက် သင့်တင့်လျောက်ပတ်တဲ့ လစာတစ်ခုလဲ ရနေသေးတယ်။ အားလုံးအဆင်ပြေနေပြီပဲ။ ဘာလိုသေးလို့လဲ။ တစ်ချိန်က Steve Jobs ဟာ Pepsi CEO John Sculley ကို မင်း ဒီကုမ္ပဏီမှာ ဆက်လုပ်ပြ်ီး တစ်ဘဝလုံး သကြားရေ တွေပဲ ရောင်းချင်လား၊ သို့မဟုတ် ငါနဲ့လိုက်ပြီး ကမ္ဘာကြီးကို ပြောင်းလဲအကျိုးပြုချင်လား ဆိုပြီး ဆွဲဆောင်သိမ်းသွင်းနိုင်ခဲ့တယ်။Mission
⚫ နောက်တစ်ပိုင်းကတော့ Mission ပါ။ ကိုယ်ချစ်မြတ်နိုးတဲ့ အရာ ( Things you love to do ) နဲ့ကိုယ့် ပတ်ဝန်းကျင်မှာ လိုအပ်နေတဲ့ အရာ ( What the world needs )။ ဥပမာ ပရဟိတ လုပ်ငန်းတွေကတော့ အကောင်းဆုံးပါပဲ။ ကိုယ်လုပ်တဲ့ အရာက ကြီးကြီးမားမား မဟုတ်ရင်တောင် ပတ်ဝန်းကျင်ကို ကောင်းကြိုး တစ်ခုခုဖြစ်စေနိုင်မယ် အလုပ်မျိုး ကို ပြောတာပါ။ ဥပမာ အားဖြင့် ကုမ္ပဏီကြီးတွေ လုပ်တဲ့ CSR Program တွေ။ သူတို့ဟာ ပရဟိတ လုပ်ငန်းတွေ လုပ်ပါတယ်။ ဒါပေမယ့် သူတို့့ကုမ္ပဏီ နာမည်ရဖို့အတွက်လည်း လုပ်ပါတယ်။⚫ တစ်ခါတုန်းက ဂျပန်နိုင်ငံ၊ OSAKA မြို့အနီးမှာ အသက်ကြီးကြီး အဘွား တစ်ယောက်ရှိတယ်။ တစ်နေ့ကျတော့ သူမ ဝိညာဉ်မျှောနေချိန်မှာ အပိုင်းအခြားတစ်ခုကို ရောက်နေတာကို သတိထားမိတယ်။ အဲ့အချိန်မှာ အသံတစ်ခု ထွက်လာပြီး သူမကို မေးတယ်။ WHO YOU ARE ? ကျွန်မက OSAKA မြို့အုပ်ရဲ့ မိန်းမပါ။ ထပ်မေးတယ် WHO YOU ARE ? ကျွန်မက ကလေးလေးယောက်ရဲ့မိခင်ပါ။ ထပ်မေးတယ် WHO YOU ARE ? ကျွန်မက ဆရာမတစ်ယောက်ပါ။ ဘယ်လိုဖြေဖြေ အဖြေမှန်ကို မရောက်နိုင်ဘူး။ နောက်ဆုံးကျတော့ ကျွန်မက မနက်တိုင်းကို ကျွန်မ မိသားစုကို စောင့်ရှောက်ပြီး ကျောင်းမှာ ငယ်ရွယ်တဲ့ ကလေးတွေကို ဂရုစိုက်ပျိုးထောင်ပေးရတဲ့ သူပါလို့ ဖြေလိုက်တယ်။ အဲ့အဖြေဖြေပြီးနောက် သူမ ပြန်သတိရလာတယ်။ ( ဒီ story လေးဟာ IKIGAI စာအုပ်က story လေးပါ။ )
➰ နောက်ဆုံးအနေနဲ့ကျွန်တော်တို့ငယ်ရွယ်နေသေးတဲ့့အချိန်မှာ၊ လမ်းပျောက်နေတဲ့ အချိန်မှာ၊ လမ်းကြောင်းတစ်ခုခုကို တစ်စိုက်မတ်မတ် လုပ်နေပြီးတော့မှ ဆက်မလုပ်ချင်တော့တဲ့ အခါမှာ ကိုယ့်ဘဝရဲ့IKIGAI ( The Sweet Spot ) ကို ရှာပါ။ PASSION, PROFESSION, VOCATION, MISSION လေးခုလုံးနဲ့သက်ဆိုင်တဲ့လမ်းကြောင်းတစ်ခုကို လျှောက်လှမ်းပါ။ ပျော်ရွင်မှုတွေ၊ အောင်မြင်မှု အပြည့်ရှိနေတဲ့ လမ်းကြောင်းလေး ဖြစ်မှာပါ။
#S_Austin
#BookLovers #Airplane #PersonalDevelopment #BookRecommendation #ikigaiTitle – IKIGAI , The Japanese secret to a long and happy Life
Author – Héctor García and Francesc Miralles
Price – 19,500 ( Premium ++ Quality, Hardcover, Creamy Paper) -
Add to cart
အဓိပ္ပါယ်ရှိတဲ့ဘ၀ကိုပိုင်ဆိုင်စေမယ့် Japanese Wisdom စာအုပ်သုံးအုပ်
(Wabi Sabi, Ikigai and Zen)
စာဖတ်နေသူတွေအတွက် ကျွန်တော့်မှာမေးခွန်းတစ်ခုရှိတယ်။
ကောင်းကင်ကြီးကိုမော့ကြည့်ပြီး ကြည်လင်နေတဲ့ကောင်းကင်ကြီးကလှလိုက်တာဆိုတဲ့ ခံစားမှုကို ဘယ်အချိန်ကနောက်ဆုံးရရှိခဲ့သလဲ ?
“အိပ်ရာထ, အလုပ်သွား, ပြန်လာ, အနားယူ, အိပ်ရာဝင် လကုန်ရင် လိုချင်တာလေးတစ်ခုဝယ် ဒီအတိုင်းပဲနေ့စဉ်ပြန်လုပ်”
စက်ရုပ်တစ်ရုပ်လိုနေ့စဉ်လှုပ်ရှားသွားလာနေတာကိုကိုယ်တိုင်သတိထားမိရဲ့လား?
စိန်ခေါ်မှုပြိုင်ဆိုင်မှုတွေပြင်းထန်တဲ့လောကကြီးမှာ ပြိုင်ကားမောင်းနေသလိုဘ၀ကိုမောင်းနှင်နေကြတာကိုခဏလောက် အရှိန်လေးလျော့ပြီးဘေးဘီဝဲယာကိုကြည့်လိုက်ရင် သင်သတိမထားမိတဲ့အလှတရားတွေကိုရှာတွေ့ပါလိမ့်မယ်။
Wabi Sabi – မပြည့်စုံခြင်းကိုလက်ခံနိုင်မှု
စိန်ကောင်းတစ်လုံးဟာအနာနဲ့မကင်းသလို အောင်မြင်တဲ့လူတိုင်း ကျရှုံးမှုနဲ့မကင်းပါဘူး။
Imperfection ဆိုတဲ့မပြည့်စုံမှုကိုလက်ခံနိုင်ဖို့ထက် အရာရာကို Perfect ဖြစ်အောင်ကျင့်ကြံနေထိုင်ဖို့ကျွန်တော်တို့ ရိုက်အသွင်းခံခဲ့ရတယ်။ ဘယ်တော့မှမရနိုင်မယ့် Perfection ဆိုတဲ့အရာနောက်လိုက်ရင်း အလိုမကျမှု မကျေနပ်မှုတွေနဲ့နေထိုင်မယ့်အစား ဒီမပြည့်စုံတဲ့အားနည်းချက်ကလေးတွေကိုလက်ခံပြီး ပိုမိုကောင်းမွန်တဲ့အရာတွေကိုတည်ဆောက်ရပါမယ်။
Ikigai – ရည်မှန်းချက်နဲ့နေထိုင်မှု
လူတိုင်းဟာ ရည်ရွယ်ချက်တစ်ခုနဲ့ အမြဲနေထိုင်ကြတယ်။ သင်မနက်တိုင်းအိပ်ရာထတဲ့ရည်ရွယ်ချက်ကဘာလဲ?။ သင်လိုအပ်တဲ့အရာ၊ လုံလောက်တဲ့ဝင်ငွေ၊ သင့်ကျွမ်းကျင်မှုနဲ့ ပတ်ဝန်းကျင်ရဲ့လိုအပ်မှုစတဲ့ အရာတွေနဲ့ကိုက်ညီတဲ့ ဘ၀တစ်ခုကိုနေထိုင်နိုင်ဖို့ဆိုတဲ့ရည်မှန်းချက်နဲ့ကိုက်ညီမှုမရှိရင် ပဲ့ကိုင်သူမရှိတဲ့လှေတစ်စီးလို လောကလှိုင်းတံပိုးကြားထဲမှာသင်ဟာလွင့်မျောနေဦးမှာပါ။ Ikigai နဲ့နေထိုင်ခြင်းဟာ ပူလောင်ခြင်း အလျင်းကင်းစွာနဲ့ သင့်ရည်မှန်းချက်ကိုရောက်ရှိနိုင်ဖို့အကောင်းဆုံးနည်းလမ်းတစ်ခုပါ။
Zen- ပစ္စုပ္ပန်မှာနေထိုင်မှု
အတိတ်ကိုတွေးပြီး နောင်တရတတ်သလို အနာဂတ်ကိုတွေးပြီး လူတွေကအမြဲပူပန်ကြတယ်။ ပစ္စုပ္ပန် မှာဘာဖြစ်နေလဲဆိုတာကိုခံစားဖို့ထက် အတွေးတွေထဲလှောင်ပိတ်ပြီး ဒီကန့်သတ်ချက်ကလေးထဲမှာပဲနေရတာကို ပုံမှန်ပဲလို့ ထင်နေကြတယ်။အတွေးတွေကိုခဏလောက်ရပ်ပြီး လက်ထဲကဖုန်းလေးခဏချပြီး လက်ရှိဘာဖြစ်နေလဲဆိုတာကိုကြည့်လိုက်ပါ။ လမ်းပေါ်မှာသွားလာနေတဲ့လူတွေ၊ သစ်ပင်တွေကြားထဲကလေတိုးသံတွေ၊ လုပ်ငန်းခွင်ထဲကအသံတွေ ကိုသေချာသတိထားမိတဲ့အချိန်မှာ သင့်ရဲ့ဖြစ်တည်မှုကိုခံစားရပါလိမ့်မယ်။
Wabi Sabi, Ikigai နဲ့ Zen တို့ပေါင်းစပ်မှုဟာ ငြိမ်းချမ်းပြီးအဓိပ္ပါယ်ရှိတဲ့ဘ၀ကိုပိုင်ဆိုင်နိုင်ဖို့အတွက် အခြေခံအုတ်မြစ်ကိုတည်ဆောက်တာနဲ့တူပါတယ်။
Ikigi ဟာသင့်ရည်ရွယ်ချက်အတွက်အရေးကြီးတဲ့အရာတွေကိုအာရုံစူးစိုက်စေရင်း Wabi Sabi ဟာ Perfect မဖြစ်တဲ့လောကကြီးမှာနေထိုင်နည်းကိုသင်ပေးပြီး ရှိနေတဲ့အချိန်တိုင်းမှာအသိသတိနဲ့ကြည်နူးမှုကိုရယူစေနိုင်ဖို့အတွက် Zen ကကူညီပေးပါလိမ့်မယ်။
-
Add to cart
🕯️လမ်းပျောက်၊ချောင်ပိတ်ပြီးအမှောင်ထဲရောက်နေသလိုခံစားနေရသူတွေအတွက်..
လူတစ်ယောက်မှာ ကလေးတစ်ယောက်ကနေ လူကြီးတစ်ယောက်ဖြစ်လာတဲ့အချိန်ဆိုတာရှိတယ်။
ဒါက ဘယ်သူ့မှသူ့ကိုလာကယ်တင်နေမှာမဟုတ်ဘူးဆိုတာနားလည်သဘောပေါက်သွားတဲ့အချိန်ပဲ။
⚡ခါးသီးတဲ့အမှန်တရားတစ်ခုက…
သင့်ကိုဘယ်သူမှလာကယ်မှာမဟုတ်ပါဘူး။
သူငယ်ချင်းတွေကလည်းမလာဘူး။
မိသားစုလည်း လာမကယ်တင်ဘူး။
လောကကြီးကလည်းမကူညီပေးဘူး။
ဘ၀ဟာ
❌သင်စိတ်ရှုပ်နေတဲ့အတွက်ကြောင့်လည်းမရပ်တန့်သွားဘူး။
❌သင်ထိတ်လန့်နေတဲ့အတွက်လည်း ထွေးပွေ့မပေးဘူး။
❌သင့်အတွက်ကြောင့်လည်း ပြောင်းလဲပေးမှာမဟုတ်ပါဘူး။
ဒါကိုသတင်းကောင်းတစ်ခုလို့မြင်ကြည့်လိုက်ပါ။
ဘယ်သူ့မှစောင့်စရာမလိုပဲ သင့်ကိုယ်သင်ကယ်တင်ဖို့အချိန်ကောင်းကိုရောက်ရှိလာပါပြီ။
သင့်ကိုယ်သင်ပြန်တည်ဆောက်ဖို့အခြေခံအုတ်မြစ်မှာ Stoicism ထက်ပိုကောင်းတဲ့အရာ ဘယ်ရှိလိမ့်မလဲ?
Stoicism ရဲ့ Virtue လေးခုမှာ
1️⃣Wisdom – ဉာဏ်ပညာ ( အရာအားလုံးကို သိမြင်နိုင်တဲ့ အရည်အချင်း)
မင်းရဲ့နာကျင်ခံစားမှုအားလုံးဟာ မင်းစိတ်ထဲကပဲလာတယ်။ ဒါဟာ တကယ့်အမှန်တရားမဟုတ်ဘူး။
“ငါဟာဘယ်တော့မှ လူကောင်းတစ်ယောက်ဖြစ်မှာမဟုတ်ဘူး”
“ငါထပ်ပြီးရှုံးနိမ့်ရင်ကော”
“ငါ့ကိုမကောင်းတာတွေပဲအမြဲဖြစ်နေတယ်”
ဒီလိုအတွေးတွေကိုရပ်တန့်ပါ။
ခဏလောက် စိတ်ကူးတွေရဲ့အပြင်ကိုထွက်ပြီးလက်တွေ့ကိုရင်ဆိုင်လိုက်ပါ။်
Boss က မင်းကိုဆူတာမဟုတ်ဘူး ပိုတိုးတက်အောင်ကြိုးစားဖို့အခွင့်အရေးပေးလိုက်တာ။
ချစ်သူက မင်းကိုပစ်သွားတာမဟုတ်ဘူး ထိုက်တန်တဲ့အချစ်ကိုတွေ့ဖို့ လမ်းစအသစ်ဖွင့်ပေးလိုက်တာ။
“အဖြစ်အပျက်တွေက မင်းကို စိတ်အနှောင့်အယှက်ဖြစ်စေတာမဟုတ်ဘူး၊ မင်းရဲ့ထင်မြင်ချက်တွေကသာ ဖြစ်စေတာ”
“You are disturbed not by events, but by your opinion about them.” – Epictetus
အရာအားလုံးကိုဓမ္မဓိဌာန်ကျကျ ရှင်းရှင်းလင်းလင်းမြင်နိုင်ရင် နာကျင်ခံစားရမှုတွေလျော့နည်းလာပါလိမ့်မယ်။
2️⃣Courage- သတ္တိ ( ရဲရင့်ရင်ဆိုင်နိုင်တဲ့ ခွန်အား )
အောင်မြင်မှုကိုလူတိုင်းလိုချင်ကြတယ်။ ဒါပေမယ့် ချွေးထွက်ပင်ပန်းတာကိုတော့ မစတေးချင်ကြဘူး။
ပိုကောင်းတဲ့ဘ၀ကိုလိုချင်တယ်လို့ မင်းပြောခဲ့တယ်။ ဒါဆိုမင်း တန်ဖိုးထားတဲ့ဘယ်အရာနဲ့လဲလှယ်ဖို့အဆင်သင့်ဖြစ်ပြီလဲ ?
အစောကြီးမထချင်လို့၊ ရုပ်ရှင်မကြည့်ရမှာစိုးရိမ်လို့ဆိုတဲ့ဆင်ခြေတွေရှိနေသေးရင် ပိုကောင်းတဲ့ဘ၀အတွက် မင်း ready မဖြစ်သေးပါဘူး။
မင်းရဲ့ဆုံးဖြတ်ချက်တွေကို အကြောက်တရားရဲ့လွှမ်းမိုးမှုအောက်မှာထားပြီးတော့ အချိန်ဆွဲ နှောင့်နှေးအောင်လုပ်ထားတယ်။ မသိတဲ့အရာကိုစွန့်စားဖို့ထက် ဆင်းရဲဒုက္ခထဲကလုံခြုံမှုကို မင်းမြတ်နိုးနေတယ်။
မစခင်ကတည်းက စိတ်ချရမှုကိုလိုချင်နေပေမယ့် ဘ၀က ဒီလိုမျိုး အလွယ်တကူမပေးပါဘူး။
မင်းလူကောင်းတစ်ယောက်ဒီနေ့ဖြစ်နိုင်တယ်။ ဒါပေမယ့် မနက်ဖြန်ကိုမင်းရွေးချယ်တယ်။
“You could be good today. But instead, you choose tomorrow.” – Marcus Aurelius
ရဲစွမ်းသတ္တိအပြည့်နဲ့ဆုံးဖြတ်ပါ။
မင်းရဲ့အကြောက်တရားတွေကိုကျော်ဖြတ်ပြီးရင် ဘ၀မှာဘာတွေထပ်ရှိလာမလဲ?
3️⃣Justice ( သမာဓိစိတ်ဓာတ်နဲ့ အမှန်တရား)
သက်တောင့်သက်သာရှိဖို့၊ ဇိမ်ကျဖို့အတွက် လူတွေဟာ သမာဓိကိုလဲလှယ်ကြတယ်။
အမှန်ကိုပြောဖို့ထက် နှုတ်ဆိတ်နေကြတယ်။
ပြသနာတွေကိုရှောင်ရှားဖို့အတွက် လိမ်ညာတယ်။
သာယာတဲ့လှည့်စားမှုတွေကို ယုံကြည်တယ်။
လေးစားမှုကိုလိုချင်ရင် ကိုယ့်ကိုယ်ကိုလေးစားမှုနဲ့အစပြုပါ။
ဘယ်သူမှကြည့်မနေတဲ့အချိန်မှာတောင် သမာဓိတရားနဲ့နေထိုင်ပါ။
အိပ်ရာဝင်တိုင်း ကြည်လင်စွာအိပ်စက်နိုင်အောင် ကျင့်ကြံပါ။
Marcus Aurelius ဟာ ဘာမဆိုလုပ်နိုင်တဲ့ပါဝါရှိတဲ့ ဘုရင်တစ်ယောက်ဖြစ်ပေမယ့် “ မှန်တဲ့အရာပဲလုပ်၊ ကျန်တာဘာမှအရေးမကြီးဘူး” ဆိုတဲ့စကားကို မနက်တိုင်း သူ့ကိုယ်သူ သတိပေးပါတယ်။
သင်ရောမနက်တိုင်း သင့်ကိုယ်သင် ဘာသတိပေးနေသလဲ?
4️⃣Temperance ( မိမိစိတ်ကိုထိန်းချုပ်နိုင်တဲ့ အင်အား)
စိတ်က ထိန်းချုပ်သမျှကို မင်းလုပ်နေရတာလား ?
မင်း ထိန်းချုပ်တာကိုစိတ်ကလိုက်လုပ်နေရတာလား ?
ဝိတ်လျှော့ချင်တယ်လို့ပြောတာပဲ ဒါပေမယ့် လေ့ကျင့်ခန်းလုပ်ဖို့မအားဘူး။
တိုးတက်ချင်တယ်လို့ပြောတာပဲ ဒါပေမယ့် ညဘက်ရုပ်ရှင်လေးတစ်ကားလောက်ကြည့်ရမှ။
အချိန်မရှိဘူးလို့ပြောတာပဲ ဒါပေမယ့်ဖုန်းပွတ်ဖို့တော့အားနေတယ်။
“ကိုယ့်ကိုယ်ကို မပိုင်တဲ့လူဟာ တကယ်လွတ်လပ်မနေဘူး”
“No man is free who is not master of himself.” – Epictetus
မိမိရွေးချယ်ပိုင်ခွင့်ကို အနှောင်အဖွဲ့ကင်းစွာနဲ့ပြုလုပ်နိုင်တဲ့အချိန်
မင်းအတွက် အကျိုးမရှိတဲ့အရာတွေကို မင်းဘ၀က ဖယ်ရှားနိုင်တဲ့အချိန်
မင်းမလုပ်ချင်တဲ့အရာအတွက် “NO” လို့ရဲရဲဝံ့ဝံ့ပြန်ပြောနိုင်တဲ့အချိန်တွေမှာ
စစ်မှန်သောလွတ်လပ်ခြင်းရဲ့ အရသာကိုလက်တွေ့ခံစားရပါလိမ့်မယ်။
မင်းရဲ့စိတ်ကို မင်းထိန်းချုပ်မလား? စိတ်ကထိန်းချုပ်တာကိုခံမလား?
👉အဆုံးသတ်အနေနဲ့ပြောရရင်
မင်းလိုချင်တဲ့အရာအတွက် လိုအပ်တဲ့ ဉာဏ်ပညာ၊ အသိစိတ်၊ အရည်အချင်းတွေကို ဘယ်သူမှအလကားလာမပေးဘူး။
လောကကြီးကလည်း မပေးသလို။
ကံတရားကလည်းမင်းဘက်မှာမရှိဘူး။
ဒါတွေကို မင်းကိုယ်တိုင်မသင်ယူရင် တရားမျှတမှုမရှိတဲ့ဘက်မှာပဲနေရမယ်။
ဘယ်သူ့မှလာကယ်ဖို့မစောင့်ပါနဲ့ ကိုယ့်ကိုယ်ကိုသင်ယူပါ။
ဘယ်သူမှမတားဆီးနိုင်တဲ့တိုးတက်မှုဟာ မင်းအတွက်ဖြစ်လာလိမ့်မယ်။
-
Add to cart
“ချမ်းသာကြွယ်၀မှုက နေစပြီး ကျန်းမာမှုနဲ့ ပျော်ရွှင်မှု ဟာ ကျွန် တော်တို ဘ၀မှာအစဥ်လိုက်အတိုင်းရှာဖွေဖိုကြိုးစားတဲ့အရာသုံးခုဖြစ်တယ်။ ဒါပေယ့်သူတို့တွေရဲ့တကယ်အရေးကြီးမှုက ပျော်ရွှင်မှုကနေစပြီး ပြောင်းပြန်စပါတယ် ” – Naval Ravikant
“The three big ones in life are wealth, health, and happiness. We pursue them in that order, but their importance is reverse.” – Naval Ravikant💭ကျွန်တော်တို့နေကောင်းကျန်းမာနေတဲ့အချိန်မှာ ပျော်ရွှင်ဖိုအတွက် အများကြီးလိုအပ်တယ်( ဥပမာ ကော်ဖီဆိုင်ထိုင်ချင်တာ၊ မာလာရှမ်းကောစားချင်တာ ) စသည်ဖြင့်ပေါ့။ ဒါပေမယ့် နေမကောင်းတဲ့အချိန်မှာပျော်ရွှင်ဖိုအတွက် တစ်ခုပဲလိုတယ်၊ နေပြန်ကောင်းလာဖိုပဲ။
“ Desire is a contract you make with yourself to be unhappy until you get what you want “ – Naval Ravikant
မင်းလိုချင်တာတစ်ခုထဲရှိရင် Universe က မင်းလိုချင်တာကိုအမြန်ရအောင်ဖန်တီးပေးလိမ့်မယ်။ မင်းလိုချင်တာ အမျိုးတစ်ရာလောက်ဖြစ်နေရင်တော့ Universe ကမင်းကိုသူအဆင်ပြေတဲ့အရာကိုပဲရွေးချယ်ပေးလိမ့်မယ်။🕊“Peace is happiness at rest, and happiness is peace in motion.”
ပျော်ရွှင်မှုဟာ ဒီရေလိုမျိုးအတက်အကျရှိတယ်။ ငြိမ်းချမ်းခြင်းဟာ တည်ငြိမ်မှုကိုပေးစွမ်းတယ်။ Hedonic Happiness တွေဟာ ဘယ်တော့မှအဆုံးမသတ်ပါဘူး။ လစာလေး ဆယ်သိန်းရောက်ရရင် အဆင်ပြေပါပြီ -> ဆယ်သိန်းရတဲ့အခါ -> အိမ်လေးတစ်လုံးဝယ်နိုင်ရင်အဆင်ပြေပါပြီ -> အိမ်လေးပိုင်လာတဲ့အခါ -> ကားလေးတစ်စီးလောက် စသည်ဖြင့် ဘယ်တော့မှမရပ်တန့်ပါဘူး။ ရောင့်ရဲတင်းတိမ်နိုင်ခြင်းနဲ့ ငြိမ်းချမ်းမှုဟာ သင့်နေ့တိုင်းကိုအဓိပ္ပါယ်ရှိစွာနဲ့ဖြတ်သန်းနိင်မယ့်ပျော်ရွှင်မှုပါပဲ။🙏“Happiness requires presence”
ပစ္စုပ္ပန်မှာနေထိုင်ပါ။ အတိတ်ကိုနောင်တရ၊ အနာဂတ်ကိုစိုးရိမ်၊ ပစ္စုပ္ပန်မှာဖုန်းပွတ် ရုပ်ရှင်ကြည့်စသည်ဖြင့် ဦးနှောက်နဲ့မျက်လုံးကိုအနားမပေးပဲ Information overload တွေဖြစ်ပြီး “ ငါမပျော်ဘူး “ လိုအော်နေလို စိတ်ချမ်းသာလာမှာမဟုတ်ပါဘူး။ ဦးနှောက်ကတွေးချင်နေတဲ့အရာအားလုံးကိုခဏလောက်ရပ်တန့်ထားပြီး သင့်ဘေးနားမှာရှိတဲ့အရာ၀ထ္ထုသေးသေးလေးတွေ (ဥပမာ လေတိုးသံ,အသက်ရှုသံ) ကို ခံစားကြည့်ပါ။ ဒါလေးတွေနဲ့အတူနေတတ်လာရင် သင်လိုချင်တဲ့ ပြည့်စုံခြင်းဆိုတဲ့အရာကိုရပါလိမ့်မယ်။💵💵💵ကြွယ်၀ချမ်းသာမှုကိုဖန်တီးခြင်း💵💵💵
“ Building Wealth “⏲️မင်းရဲ့ကိုယ်ပိုင်အချိန်ကိုလူများကိုဌားပေးနေသရွေ့ ဘယ်တော့မှမင်းချမ်းသာမှာမဟုတ်ဘူး။
“You’re never going to get rich renting out your time”.
လူတွေလက်ခံထားတဲ့ဥပမာတစ်ခု တစ်ရက်ဆယ်နာရီအလုပ်လုပ်ရင် ဆယ်နာရီစာဝင်ငွေပြန်ရမယ်၊ ကြိုးစားသလောက်အရာထင်မယ် စသည်ဖြင့်ပေါ့။
ဒါ တကယ်မှန်ရဲ့လား ?
လမ်းထိပ်ကဆိုက်ကားသမားကြီးလည်းနေ့တိုင်း တစ်ရက် ဆယ်နာရီလောက်ဆိုက်ကားနင်းနေတာဆယ်နှစ်ကျော်နေပြီ၊ ဒါပေမယ့်အခုချိန်ထိသူကားမစီးနိုင်သေးဘူး။
လွန်ခဲ့တဲ့သုံးနှစ်ကလစာ နှစ်သိန်းခွဲရတဲ့အလုပ်ကထွက်ပြီး လုပ်ငန်းလေးစထောင်ခဲ့တဲ့ ကျွန်တော့်မိတ်ဆွေတစ်ယောက်က အခုလုပ်ငန်းနှစ်ခု နဲ့ ကားတစ်စီးပိုင်နေပြီ။
ဘာကွာခြားလဲ ?
“Quality is more important than Quantity” အလုပ်မှာပိုမိုကောင်းမွန်အောင်လုပ်နိုင်တဲ့အရည်အသွေး (Quality) ဟာ အလုပ်တစ်ခုမှာ သင်အချိန်ဘယ်လောက်ကြာကြာပိုလုပ်သလဲ ( Quantity ) ထက်ပိုအရေးကြီးပါတယ်။🏗“Learn to Sell, Learn to Build. If you can do both, you’ll be unstoppable”
ရောင်းတတ်အောင်သင် ဒါမှမဟုတ် တည်ဆောက်တတ်အောင်သင် ။ နှစ်ခုလုံးကိုမင်းတတ်ကျွမ်းရင် ဘယ်အရာမှမင်းကိုမတားဆီးနိုင်တော့ဘူး။
လူတိုင်းဟာမွေးကတည်းက Talent တစ်ခုတော့ရှိကြတယ်။ အခြားသူတွေအတွက်က ခက်ခဲနေပေမယ့် သူ့အတွက်ကအရမ်းလွယ်ကူနေတဲ့အရာမျိုး ( ဥပမာ သီချင်းဆိုတာ၊ ဆက်ဆံရေးကောင်းမွန်တာ )ဖြင့်ပေါ့။သူများတွေအတွက်အလုပ်လုပ်သလိုခံစားရပေမယ့် သင့်အတွက် အပျော်ကစားနေတယ်လိုခံစားရစေတဲ့အလုပ်မျိုးကို အာရုံစိုက်ပါ။တစ်ရက်ကို 16 နာရီလောက် သင်အတွက်ပျော်ရွှင်စေတဲ့အလုပ်ကို ဘယ်သူကမှ တစ်ရက်ဆယ်နာရီဆက်တိုက်အလုပ်လုပ်ပြီးရေရှည် မယှဉ်ပြိုင်နိင်ပါဘူး။📈“Compound Interest”
Compound Interest လိုပြောတာနဲ့ ပထမဆုံးက Money အတွက်ဆိုပြီးမြင်ကြတယ်။ ဒါပေမယ့် Compound Interest ကို Networking, business relationship နဲ့ reputation အပိုင်းတွေမှာပါသုံးလိုရပါတယ် လို Naval ကပြောထားပါတယ်။
“ Intentions don’t matter. Action do. That’s why being ethical is hard”.သင့် ပတ်ဝန်းကျင်ကိုယုံကြည်မှုရှိစေတဲ့ Trust နဲ့ Integrity ကိုတည်ဆောက်ခြင်းဟာ Social Ladder ရဲ့ထိပ်ကိုအမြန်ဆုံးရောက်ရှိစေပါလိမ့်မယ်။✍️ဒီစာအုပ်ထဲမှာပါတဲ့အရာတွေကို Full Content အဖြစ်ပြန်ရေးရင်တောင် နောက်စာအုပ်တစ်အုပ်စာလောက်ရှည်သွားနိုင်ပါတယ်။ တကယ့် Practical Knowledge တွေအများကြီးကို Condense ဖြစ်အောင်ပေါင်းစုထားတဲ့ အတွက် ဒီစာအုပ်ထဲက Knowledge တွေဟာ တကယ်ကိုများပါတယ်။ စာအုပ်သာမက လောကကြီးအကြောင်း၊ ပျော်ရွှင်မှုရဲ့အကြောင်း၊ဘ၀ရဲ့ အဓိပ္ပါယ်၊သင့်ကိုယ်သင် ဂရုစိုက်နည်းအစရှိတဲ့ Naval ရဲ့
နှစ်လေးဆယ် Experience ကို နှစ်နာရီအတွင်းမှာ ရနိုင်တဲ့ Joe Rogan နဲ့ Podcast ကိုဒီမှာ နားထောင်ပါ->https://www.youtube.com/watch?v=3qHkcs3kG44
🏈America ကိုအသက်ကိုးနှစ်အရွယ် immigrant တစ်ယောက်အနေနဲ့ရောက်လာတဲ့ ဘ၀ကနေ ကုမ္မဏီပေါင်း 362 ခုကို angel investor ဖြစ်အောင်ကြီုးစားခဲ့တဲ့ Naval Ravikant ရဲ့ ဘ၀လမ်းမှာ ငွေကြေးကြွယ်၀မှုသာမက၊ ဘ၀ရဲ့ လမ်းကြောင်းကိုရွေးချယ်နည်း၊ကံကောင်းအောင် နေထိုင်နည်း၊ ငြိမ်းချမ်းမှုနဲ့ နေထိုင်နိုင်ခြင်းနည်းလမ်းတွေကို ဖော်ပြထားပါတယ်။ Biography တစ်ခုကိုဖတ်ရတာထက် Naval ရဲ့ Tweet Storm တွေ Podcast တွေထဲကအရေးပါတဲ့အချက်တွေကို ကျစ်ကျစ်လစ်လစ်စုစည်းထားတဲ့အတွက် ကိုယ်လိုချင်တဲ့အပိုင်းတွေကိုမှတ်သားရတာပိုမိုအဆင်ပြေစေမှာပါ။Naval ရဲ့စာအုပ်ကလေးဟာ သင့်ရဲ့ ဘ၀ကိုလျှောက်လမ်းတဲ့အချိန်မှာ ဥစ္စာဓနသာမက ငြိမ်းချမ်းပျော်ရွှင်မှုနဲ့ နေထိုင်နိုင်တဲ့ဘ၀ကို လမ်းညွှန်မှုတွေဖြစ်ပါစေ။
📕Book Title – The Almanack of Naval Ravikant : A Guide to Wealth and Happiness
🔖Author – Eric Joregenson
🪙Price – 19,500 MMK ( Premium++ Quality, Hard Cover, Creamy Paper) -
Add to cart
“တိုးတက်မှုက Comfort Zoneရဲ့အပြင်မှာရှိတယ်။Comfort Zone ထဲကနေမင်းရုန်းထွက်ဖို့လိုတယ်။ Comfort Zone ဟာ မင်းရဲ့ရန်သူပဲ။”
တစ်ချိန်တုန်းကဒီစကားကို ကျွန်တော်တပ်တပ်မက်မက်ယုံကြည်ခဲ့တယ်။ ဒါကြောင့်လည်း သက်တောင့်သက်သာဖြစ်အောင် တယ်ဆိုတာကိုရှက်စရာလို့ခံစားမိခဲ့တယ်။အမြဲတမ်း “ငါကြိုးစားနေတာမလုံလောက်သေးဘူး” ဆိုတဲ့အကြောင်းပြချက်နဲ့ Stress ရှိရင်တိုးတက်နေတာ။အနားယူတယ်ဆိုတာပျော့ညံ့တဲ့သူတွေအတွက်ဆိုပြီးယုံကြည်ခဲ့တယ်။
ဒါကအမှန်မဟုတ်ဘူးလို့ပြောရင် သင်ဘယ်လိုတုန့်ပြန်မှာလဲ?
“တိုးတက်မှု အစစ်အမှန်ဆိုတာ ကိုယ်တထစ်ချယုံကြည်ထားတဲ့အရာကိုမေးခွန်းပြန်ထုတ်ပြီး ပြောင်းလဲမှုကိုလက်ခံရဲတဲ့သတ္တိပဲ “
ဒီစာအုပ်ကိုသူငယ်ချင်းက Recommend ပေးတဲ့အချိန်မှာ Title ကိုကြည့်ပြီး စိတ်ထဲတော့နည်းနည်း Doubt ဖြစ်မိသေးတယ်။ ဒါပေမယ့် ကိုယ့် Belief ကို challenge လုပ်ကြည့်မယ်ဆိုတဲ့ရည်ရွယ်ချက်နဲ့ ဖတ်ကြည့်မိလိုက်တဲ့အခါမှာ
👉Comfort (သက်တောင့်သက်သာဖြစ်မှု) ဆိုတာ ရန်သူမဟုတ်တဲ့အကြောင်း
👉ရေကုန်ရေခန်း ကြိုးစားမှုဟာ တစ်ခုတည်းသောနည်းလမ်းမဟုတ်တဲ့အကြောင်း
👉ငြိမ်းချမ်းမှုကိုရှာဖွေနိုင်တာလာလည်း တိုးတက်မှုဖြစ်တဲ့အကြောင်းကို နားလည်မိတယ်။
🔺 The S.E.E. Pyramid:တိုးတက်မှုအတွက် အုတ်မြစ်သုံးခု
စာရေးသူ Kristen Butler ကရှင်းလင်းပြတ်သားပြီး စိတ်ဓာတ်ခွန်အားပေးတဲ့ စာအရေးအသားနဲ့ S.E.E. Pyramid ဟာ တိုးတက်မှုအတွက် မရှိမဖြစ်လိုအပ်တဲ့ အခြေခံအုတ်မြစ်တွေဖြစ်ကြောင်း ရှင်းပြထားပါတယ်-
1.Safety- စိတ်နဲ့ခန္ဒာလုံခြုံမှုကိုခံစားရတာဟာအခြေခံအုတ်မြစ်ပဲ။ မလုံခြုံမှုဟာသင့်ကိုရုန်းကန်နေရတယ်ဆိုတဲ့ Stress ကိုပေးတယ်။
2.Energy-လုံခြုံမှုကိုခံစားရတဲ့အချိန်မှာခွန်အားကိုပြန်ရရှိတယ်။မလိုအပ်တဲ့ Stress တွေမှာအားအင်ကုန်ခန်းနေမဲ့အစား Growth အတွက်ခွန်အားပြန်လည်စုစည်းနိုင်တယ်။
3.Expression-ခွန်အားအပြည့်နဲ့လုံခြုံမှုရှိတဲ့အချိန်မှာ ကြည်လင်ပြတ်သားမှု၊ဆန်းသစ်တီထွင်နိုင်မှု နဲ့ အမှန်တရားကိုလက်ကိုင်ထားပြီး သင်လိုချင်တဲ့တိုးတက်မှုအတွက် ရှေ့လှမ်းတက်နိုင်ပါပြီ။
🌱တိုးတက်ဖို့ကြိုးစားမှုဟာ ပူလောင်နေစရာမလိုပါဘူး။ ပန်းတွေလှပစွာပွင့်နိုင်ဖို့ အေးချမ်းတဲ့ ပတ်ဝန်းကျင်လိုအပ်သလို သင့်တိုးတက်မှုအတွက် ငြိမ်းချမ်းတဲ့ Zone တစ်ခုကိုကိုယ်တိုင်ဖန်တီးပါ။
Survival, Complacency နဲ့ Comfort Zone
ဘဝမှာ ကျွန်တော်တို့ရောက်ရှိတတ်တဲ့ Zone အမျိုးမျိုးကို လေ့လာကြည့်ရအောင်။
🚨တစ်နေကုန်အသားကုန်ကြိုးစားရုန်းကန်Hustleလုပ် ပြန်လာတော့ခြေကုန်လက်ပန်းကျ၊ ဒါတောင်အနားမယူနိုင်ပဲ အားအင်ကုန်ခန်းတဲ့အထိနေ့တိုင်းအလုပ်လုပ်နေရင် သင်ဟာ Survival Zone ထဲမှာရောက်နေတာပါ။ ကြိုးစားနေတယ်လို့တွေးပေမယ့် တကယ်တော့ Burnoutဖြစ်ဖို့သင့်ကိုယ်သင်တွန်းပို့နေတယ်ဆိုတာကိုမသိသေးပါဘူး။အချိန်တစ်ခုရောက်တော့မှ သင့်ခွန်အား၊ကျန်းမာရေး၊လူမှုရေးကိစ္စတွေဘယ်လောက်ထိဆုံးရှုံးခဲ့လဲဆိုတာသိရင် ပြင်ဖို့ခက်သွားပါပြီ။
❄️ မနက်မိုးလင်းအလုပ်သွား၊ ညနေကျပြန်လာပြီး တစ်ညလုံးဖုန်းပွတ်၊ ဇာတ်ကားကြည့်နေ့စဉ်လုပ်နေတယ်ဆိုရင်တော့ သင်ဟာ Complacency Zone ထဲမှာပါ။ လုံခြုံမှုကိုခံစားရပေမယ့် တိုးတက်မှုမရှိဘူး။ တစ်နေ့တာနာကျင်မှုကိုဖြေဖျောက်ဖို့အတွက် နေ့စဉ်အပန်းဖြေမှုကိုအားဆေးလိုသုံးစွဲနေရင် ဒီဘ၀မှာပဲ တဝဲလည်လည်ဖြစ်နေပါလိမ့်မယ်။
🌿Comfort Zone
ဘယ်သူ့မှဒါကိုတန်ဖိုးထားတတ်အောင်သင့်ကိုမပြဖူးဘူး။ဒီနေရာမှာလုံခြုံမှုကိုခံစားရလို တိုးတက်မှုလည်းရှိတယ်။ကြိုးစားမှု၊ခွန်အား နဲ့ အနားယူမှုတို့သာတူညီမျှမှုရှိပြီး ပြင်ပက Stress မုန်တိုင်းတွေဟာ သင့်စိတ်ထဲမှာလေပြေလေးတိုက်နေသလိုခံစားရလိမ့်မယ်။
ဒီ Comfort Zone ဟာပုံစံခွက်တစ်ခုထဲမှာရှိနေတာမဟုတ်သလို သင့်ရဲ့ကျွမ်းကျင်ပိုင်နိုင်စွာစီမံခန့်ခွဲနိုင်မှုပေါ်မူတည်ပြီး အများကြီးကျယ်ပြန့်လာနိုင်ပါတယ်။ တစ်ချိန်တုန်းက “အရင် Hustle လုပ်ပြီးမှ Healing လုပ်လို့ရတယ်” လို့ကျွန်တော်ယုံကြည်ခဲ့တယ်။ တကယ်တော့ Healing နဲ့ Hustling က Comfort Zone နဲ့မှာ အတူတကွရှိနေနိုင်တဲ့အရာကိုမျက်ဝါးထင်ထင်ဒီစာအုပ်လေးထဲမှာမြင်တွေ့ရမှာပါ။ အမြဲတမ်း “Hustle” လုပ်ဖို့ ဖိအားပေးခံနေရပြီး ပင်ပန်းနွမ်းနယ်နေသူတွေ ဒါမှမဟုတ် တိုးတက်မှုနဲ့ ကျန်းမာတဲ့ ဘဝနေထိုင်မှုအပေါ် ကိုယ့်ရဲ့အမြင်တွေကို ပြန်လည်သတ်မှတ်ချင်သူတွေအတွက် ဒီစာအုပ်လေးကို Recommend ပေးပါရစေ။
ဒါဆို Burnout ခဏခဏဖြစ်အောင်တွန်းပို့နေတဲ့Hustle Culture ကလွတ်မြောက်ပြီး ကောင်းမွန်တဲ့ Zone တစ်ခုကို ကိုယ်တိုင်ပိုင်ဆိုင်ဖို့ ပထမဆုံးခြေလှမ်းကိုစလိုက်ကြရအောင်။
-
Add to cart
Why have history’s greatest minds—from George Washington to Frederick the Great to Ralph Waldo Emerson, along with today’s top performers from Super Bowl-winning football coaches to CEOs and celebrities—embraced the wisdom of the ancient Stoics? Because they realize that the most valuable wisdom is timeless and that philosophy is for living a better life, not a classroom exercise.
The Daily Stoic offers 366 days of Stoic insights and exercises, featuring all-new translations from the Emperor Marcus Aurelius, the playwright Seneca, or slave-turned-philosopher Epictetus, as well as lesser-known luminaries like Zeno, Cleanthes, and Musonius Rufus. Every day of the year you’ll find one of their pithy, powerful quotations, as well as historical anecdotes, provocative commentary, and a helpful glossary of Greek terms.
By following these teachings over the course of a year (and, indeed, for years to come) you’ll find the serenity, self-knowledge, and resilience you need to live well.
-
Add to cart
😁😁ကမ္ဘာပေါ်မှာအပျော်ဆုံးလူသားတစ်ယောက်အကြောင်း.😁😁
မျှော်လင့်ချက်၊နာကျင်မှုနဲ့ ပျော်ရွှင်မှုတို့ရဲ့ ဇာတ်လမ်း🌞ကြင်နာနွေးထွေးတဲ့အပြုံးနဲ့ အဖိုးကြီးတစ်ယောက် ကိုလူတွေမြင်ကြတယ်။
🔹အမှောင်ထုထဲပုန်းနေတဲ့အချိန် သူ့မိသားစုကို အရှေ့မှာဆွဲခေါ်သွားတာကိုမြင်ခဲ့ရတဲ့ကလေးတစ်ယောက် 🔹မရဏတရားနဲ့လက်တစ်ကမ်းအလိုမှာအသက်ရှင်ခဲ့သူ 🔹အရာရာအားလုံးကိုမုန်းတီးဖို့အကြောင်းပြချက်တွေမရေတွက်နိုင်အောင်ရှိခဲ့တဲ့လူတစ်ယောက် ဟာဒီအဖိုးကြီးပဲဆိုတာကိုလူတွေမသိကြဘူး။
သိနေတဲ့လူတွေကလည်းမပြောကြဘူး။ဒါပေမယ့် Eddie Jaku ဟာအရှုံးမပေးပဲ ဒီအခက်အခဲတွေကိုရင်ဆိုင်ခဲ့တယ်။
အသက်ရှင်သန်ဖို့သာမက ပျော်ရွှင်မှုကိုပါရွေးချယ်ပြီး နွေးထွေးတဲ့အပြုံးကိုပိုင်ဆိုင်ခဲ့တယ်။မိသားစု၊ အိမ်၊ လွတ်လပ်ခွင့် အရာ အားလုံးဆုံးရှုံးသွားတဲ့လူတစ်ယောက်အတွက်ပျော်ရွှင်မှုက ဘယ်မှာလဲ?
📌အရာအားလုံးကိုမုန်းတီးဖို့လောကကြီးကဖန်တီးပေးတဲ့အချိန်မှာ သူဟာအချစ်ကိုရွေးချယ်ခဲ့တယ်။
📌ဖျက်ဆီးခံရတဲ့တဲ့ဘ၀တစ်ခုကနေ အကြင်နာတရားနဲ့ခွန်အားတွေရခဲ့တယ်။
📌အမှောင်ထုရဲ့ဖုံးလွှမ်းမှုကို နွေးထွေးတဲ့အပြုံးတွေနဲ့တုန့်ပြန်ခဲ့တယ်။ငရဲကိုဖြတ်သန်းပြီးတဲ့အချိန် Eddie Jaku ဟာ နေ့တိုင်းကို အပြုံးနဲ့ဖြတ်သန်းဖို့ သူ့ဘ၀ကိုပြောင်းလဲစေတဲ့ ဆုံးဖြတ်ချက်တစ်ခုကိုချလိုက်တယ်။
“ငါ့စိတ်ထဲမှာရှိတဲ့ တစ်ခုတည်းသောဂလဲ့စားချေနည်းက ကမ္ဘာပေါ်မှာအပျော်ဆုံးလူသားတစ်ယောက်ဖြစ်ဖို့ပဲ “
“In my mind, this is really the best revenge, and it is the only revenge I am interested in – to be the happiest man on Earth.”- Eddie Jaku🔹ဘ၀ဆိုတာတိုတိုလေး
🔹ဝေဒနာအခက်အခဲဆိုတာရှောင်လွှဲလို့မရဘူး
🔹ဒါဆိုပျော်ရွှင်မှုကို ရွေးချယ်လို့ရလား ?သင်ဆုံးရှုံးသွားတဲ့အရာတွေမှာ ဘ၀ရဲ့ အဓိပ္ပါယ်နဲ့ပျော်ရွှင်မှုမပါဝင်ပါဘူး။
သူတို့ဟာသင့်နှလုံးသားထဲက ခေါ်သံကိုစောင့်နေပါတယ်။
သင့်ရဲ့အမှောင်ထုကို ပြန်ပြုံးပြဖို့ သင်အဆင်သင့်ဖြစ်ပြီလား ? -
Add to cart
🌟 🌟 ပျော်ရွှင်မှုရဲ့အားသာချက် : အောင်မြင်မှုအတွက်အကောင်းမြင်စိတ်ရဲ့ခွန်အား🌟🌟
ပျော်ရာမှာမနေ၊ တော်ရာမှာနေရတယ်ဆိုတဲ့စကားနဲ့အတူ ကျွန်တော်တို သင်ခဲ့ရတဲ့ပျော်ရွှင်မှုဖော်မြူလာကဒီလိုမျိုး
⚒️ကြိုးစားမှု —> 🏆အောင်မြင်မှု—> 😊ပျော်ရွှင်မှု
ပျော်အောင်မနေနဲ့ အရင်ကြိုးစား၊ အောင်မြင်မှုရလာရင် ပျော်ရွှင်ရလိမ့်မယ်။
ဒါတကယ်ရောအလုပ်ဖြစ်ရဲ့လား ❓တကယ်တော့ အောင်မြင်မှုဖော်မြူလာအမှန်ကဒီလိုပါ။
😊ပျော်ရွှင်မှု + ☀️အကောင်းမြင်စိတ် —> 📈အောင်မြင်မှု📊Shawn Achor ရဲ့ Happiness Advantage ထဲမှာပျော်ရွှင်တဲ့သူတွေဟာ လူမှုရေး၊ စီးပွားရေးနဲ့ ပေါင်းသင်းဆက်ဆံရေးတိုမှာပိုမိုစွမ်းဆောင်နိုင်ခြင်းကို သုသေသနစမ်းသပ်မှုတွေအရတွေ့ရှိရတဲ့အကြောင်းကိုပြောပြထားပါတယ်။ လူအယောက် 275,000 ကိုပြုလုပ်ခဲ့တဲ့စမ်းသပ်မှုအခု 200 ကျော်မှာ
💰ပျော်ရွှင်တဲ့အရောင်းဝန်ထမ်းတွေဟာ – 37% ပိုရောင်းနိုင်ကြတယ်
🩺ပျော်ရွှင်တဲ့ဆရာဝန်တွေဟာ – 19% ပိုမြန်ပြီးတိကျတဲ့ရောဂါရှာဖွေမှုကိုပိုလုပ်နိုင်တယ်
🎨တီထွင်ဖန်တီးမှုကို ပုံမှန်ထက် 3 ဆဖန်တီးနိုင်တာကိုလေ့လာတွေ့ရှိခဲ့ပါတယ်
👌အကောင်းမြင်တတ်တဲ့စိတ်ဟာ ပင်ပန်းမှုနဲ့စိတ်ဖိစီးမှုကိုလျော့ချပေးပြီး ကျန်းမာတဲ့ဘ၀ကိုပိုင်ဆိုင်စေပါတယ်။📏ဟုတ်ပါပြီ. ဒါဆိုပျော်ရွှင်မှုကို နံပါတ်တပ်လိုရသလား ?
ရပါတယ်… ပျော်ရွှင်မှုနံပါတ်က 2.901 ( 3:1 ) ပါ။
ဘယ်လို 3:1 လဲ ရှင်းပြပါဦး?
ခံစားရတဲ့ မကောင်းမြင်စိတ် (Negative emotion) တစ်ခုအတွက် အကောင်းမြင်စိတ် (Positive emotion) 3 ခုလိုအပ်ပါတယ်။ သဘောတရားက ကိုယ်လက်ခံလိုရတဲ့ပျော်ရွှင်မှုလေးတွေကိုမငြင်းပယ်ပဲ လက်ခံပြီး နေ့စဉ်ကြုံတွေ့နေရတဲ့ မကောင်းတဲ့အရာတွေကိုတန်ပြန်နိုင်အောင် အမြဲကိုယ့်ရင်ထဲမှာ ပျော်ရွှင်မှုလေး သုံးခုအနည်းဆုံးသိမ်းထားဖိုလိုအပ်တယ်။ ဒါကြောင့် မနက်တိုင်းကောင်းချီးပေးတာ၊ လမ်းဘေးက ပန်းလေးတစ်ပွင့်ရဲ့ အလှကိုခံစားတာစသည်ဖြင့် စိတ်ပျော်ရွှင်စေမယ့်အရာလေးသေးသေးလေးတွေကို အမြဲလုပ်ဖိုလိုအပ်ပါတယ်။ ဒီလုပ်ဆောင်ချက်တွေကနေ အမြဲအကောင်းမြင်တတ်တဲ့စိတ်ကိုရရှိလာပါလိမ့်မယ်။🛑အဆင်မပြေမှုဟာ အမြင်အာရုံကိုကျဉ်းမြောင်းသွားစေပြီး အတွေးတွေကိုပိတ်မိစေတတ်တဲ့အကြောင်းလဲသိထားဖိုလိုပါမယ်။ အခက်အခဲတစ်ခုကြုံရင် ကျွန်တော်တိုဦးနှောက်ဟာ ပြသနာကိုအာရုံစိုက်လိုက်တဲ့အတွက် အပြင်မှာရှိနေတဲ့အရာတွေကိုမမြင်နိုင်တော့ပဲ Fight or Flight response ထဲမှာပိတ်မိသွားတတ်ပါတယ်။ ဒီအချိန်တွေမှာ အရာအားလုံးကို ရှင်းရှင်းလင်းလင်းမြင်ရပြီးတော့ ကြည်လင်ပြတ်သားတဲ့ ဆုံးဖြတ်ချက်တွေချနိုင်ဖို အကောင်းမြင်စိတ်ရဲ့စွမ်းဆောင်မှုဟာ အရမ်းအသုံးဝင်ပါတယ်။ ဒီလိုအကောင်းမြင်စိတ်ကိုတည်ဆောက်ဖိုအတွက်
1️⃣Zorro Circle
2️⃣Tetris Effect နှစ်ခုကို စာရေးသူကရှင်းပြထားပါတယ်။⚔️Zorro Circle
ဂန္တဝင်ဓားသမားတစ်ယောက်ဖြစ်တဲ့ Zorro ဟာသူလေ့ကျင့်တဲ့အချိန်မှာ မြေကြီးပေါ်စက်ဝိုင်းလေးတစ်ခုရေးဆွဲ၊ ဒီစက်ဝိုင်းကို သူ့ကမ္ဘာလိုသတ်မှတ်ပြီး စက်ဝိုင်းရဲ့အပြင်ကိုမထွက်ပဲလေ့ကျင့်ခဲ့ပါတယ်။ သင်ဖြေရှင်းဖိုခက်ခဲတဲ့ ပြသနာအကြီးကြီးနဲ့ကြုံလာတဲ့အချိန်မှာ Zorro Circle တစ်ခုဖန်တီးပြီး ပြသနာရဲ့တစ်စိတ်တစ်ပိုင်းကိုအရင်ဖြေရှင်းပါ၊ ဖြေရှင်းပြီးရင် နောက်ထပ် Zorro Circleတွေတစ်ခုပြီးတစ်ခုဖန်တီးရင်း သင်ကြုံတွေ့ရတဲ့ပြသနာဟာ အလိုလိုပြီးမြောက်သွားတတ်တာ သတိပြုမိပါလိမ့်မယ်။ သုံးပေါင်ကိတ်မုန့်ကြီးတစ်ခုလုံးကိုဘယ်လိုစားမလဲဆိုပြီး အခက်အခဲတစ်ခုလုံးကိုပူပန်နေမယ့်အစား ကိတ်မုန့်သေးသေးလေးတွေတဖြည်းဖြည်းချင်းစားရင်းနဲ့ နောက်ဆုံးမှာပန်းကန်ပဲကျန်ခဲ့သလို ပြသနာသေးသေးလေးတွေကိုအရင်ဆုံးအဖြေရှာရင်း ပြသနာကြီးကိုဖြေရှင်းပါ။🎮Tetris Effect
ဦးနှောက်ရဲ့အကောင်းဆုံး Ability တစ်ခုက Pattern Recognition ပါ။ ကျွန်တော်တိုလူတွေမွေးလာကတည်းက Build in ပါလာတဲ့ First Instinct တစ်ခုဆိုလည်းမမှားပါဘူး။ Tetris Effect ကကျွန်တော်တိုနေ့စဉ်တည်ဆောက်နေတဲ့ စိတ်ခံစားမှု အမူအကျင့်တွေဟာ ကောင်းမွန်တဲ့ နေထိုင်မှုကိုဖန်တီးနိုင်သလို ဆိုးရွားတဲ့ ခံစားချက်တွေကိုလည်းတည်ဆောက်နိုင်တဲ့အကြောင်းရှင်းပြထားပါတယ်။ တစ်နေကုန် Complain တက်၊ အော်ငေါက်နေတဲ့ အလုပ်ခွင်က Negative Emotion ထဲမှာနေထိုင်ရတဲ့လူတစ်ယောက်က အိမ်ပြန်ရောက်ချိန်မှာပျော်ရွှင်နိုင်မလား ဆိုတာကိုတွေးကြည့်ပါ။ Negative Emotion ပေါ်မှာအဆင်မပြေမှုကိုထပ်ဆောက်၊ အဆင်မပြေမှုအပေါ်မှာစိတ်မချမ်းသာမှုကိုထပ်ဆောက်ဆိုတာမျိုးဖြစ်နေရင် ကျေနပ်တဲ့ဘ၀ကိုမရသလို အောင်မြင်မှုနဲ့အလှမ်းဝေးနေဦးမှာပါ။ အဲ့ဒီ့အစား Positive Pattern တွေဖြစ်တဲ့ Skill တိုးတက်အောင်လုပ်တာ၊ အမှားတွေကနေသင်ခန်းစာယူပြီး အနာဂတ်အတွက်ပြင်ဆင်တာဆိုတဲ့ Positive Emotion တွေကိုနေ့စဉ်တည်ဆောက်ရင် တဖြည်းဖြည်းပိုမိုပျော်ရွှင်ကျေနပ်မှုတွေနဲ့အတူ ပိုကောင်းတဲ့ အခွင့်အလမ်းတွေရောက်ရှိလာပါလိမ့်မယ်။🔧“Give me a lever long enough and a fulcrum on which to place it, and I shall move the world.” Archimedes
လုံလောက်တဲ့အရှည်ရှိတဲ့ လီဗာတစ်ခုနဲ့ ဆုံချက်တစ်ခုသာပေး၊ ငါကမ္ဘာကြီးကိုရွှေ့ပြမယ် ဆိုတဲ့ Archimedes ရဲ့ဆိုရိုးတစ်ခုရှိပါတယ်။
🛠လီဗာရဲ့အရှည်= သင့်ရဲ့လုပ်နိုင်စွမ်းအား၊ ကြိုးစားနိုင်တဲ့ပမာဏ
🎯ဆုံချက် = သင့်ရဲ့စိတ်ထား
ဒါက သင်မှာဘယ်လောက်ပဲကြိုးစားနိုင်တဲ့ပမာဏရှိပါစေ လိုအပ်တဲ့ဆုံချက်စိတ်ထားတစ်ခုမရှိရင် သင်လိုချင်တဲ့အမြင့်ကိုရောက်မှာမဟုတ်ပါဘူး။ သတိမထားမိပဲ မှားယွင်းတဲ့ ဆုံချက်မှာ စိတ်ဓာတ်ကိုသွားထားမိလိုက်ရင် ပိုဆိုးရွားတဲ့အတွေ့အကြုံတွေကိုတောင်ခံစားရနိုင်ပါတယ်။ ကြိုးစားမှုတစ်ခုတည်းနဲ့သာမက အကောင်းမြင်စိတ်ဆုံချက်ကိုတည်ဆောက်မှသာ သင်လိုချင်တဲ့အောင်မြင်မှုကို ပိုင်ဆိုင်နိုင်မှာပါ။နေ့စဉ်မနက်တိုင်း🌅🌅🌅
🙏ကောင်းချီးပေးပါ။
🧘တရားထိုင်ပါ။
📖 ဂျာနယ်ရေးပါ။
👟လေ့ကျင့်ခန်းလုပ်ပါ။
💗ဂရုဏာတရားမွေးပါ။✨ပျော်ရွှင်မှုဟာ အောင်မြင်မှုရဲ့ရလဒ်တစ်ခုမဟုတ်ပါဘူး။ ပျော်ရွှင်မှုဟာ အောင်မြင်မှုအတွက်အခြေခံအုတ်မြစ်တစ်ခုဖြစ်ပါတယ်။✨
အောင်မြင်မှုနောက်ကိုလိုက်ရင်း သင့်ရဲ့ပျော်ရွှင်မှုကိုငြင်းပယ်နေတာကိုရပ်တန့်လိုက်ပါ။သင့်ရဲ့ အကောင်းမြင်စိတ်တွေကို ဘယ်သူ့မှမတားဆီးနိုင်ပါဘူး။ ပျော်ရွှင်တဲ့နေထိုင်မှုဟာ အောင်မြင်မှုကိုအမြန်ဆုံးရောက်ရှိစေမယ့်နည်းလမ်းဆိုတာကိုနားလည်ပြီး အောင်မြင်မှုရဲ့အနောက်က ပျော်ရွှင်မှုတွေအတွက် အခုပစ္စုပ္ပန်ကို မစတေးပါနဲ့။ အကောင်းမြင်စိတ်နဲ့တကွ ပျော်ရွှင်တဲ့နည်းလမ်းတွေကိုတည်ဆောက်ပြီး အောင်မြင်တဲ့ဘ၀ကိုပိုင်ဆိုင်နိုင်ပါစေလို ဆုတောင်းရင်း… -
Add to cart
ခံစားချက်တွေကြောင့် ပင်ပန်းနေပြီလား ?.💤
⏳မပျော်ရွှင်ကြတဲ့ လူတွေကို ကြည့်လိုက်ရင် အများစုက အတိတ် နဲ့ အနာဂတ်မှာ နေကြတယ်။
အတိတ် မှာ နေတဲ့သူတွေက နောင်တ တွေ တပွေ့တပိုက်နဲ့ ဖြစ်ပြီး အနာဂတ်မှာ နေတဲ့သူတွေကတော့ စိတ်ပင်ပန်းမှုတွေ အပြည့်နဲ့ပေါ့။
ကျွန်တော်တိုက ကိုယ်ပိုင် လှောင်အိမ်ထဲမှာ နေတတ်ကြသူတွေ ဖြစ်ပြီး ကိုယ်ပိုင် အတွေးတွေ ထဲက မလွတ်မြောက်နိုင်တဲ့ သူတွေ ဖြစ်ကြတယ်။မနက် မိုးလင်းတာနဲ့ ပူပင်စရာတွေ အပြည့်နဲ့ နေထိုင်ကြပြီး ညဘက် အိပ်ရာထဲ ရောက်တဲ့ အထိ မပြီးဆုံးနိုင်ပါဘူး။
လှောင်အိမ်ထဲက ထောင်ပေါင်းများစွာသော ပူပင်မှုတွေနဲ့ ကိုယ်ပိုင် ပျော်ရွှင်မှုတွေကို အချိန်နဲ့ အမျှ ဖျက်ဆီးနေကြပါတယ်။သင့်ဘဝက ဘာ အဓိပ္ပာယ်မှ မရှိတော့ဘူးလို ခံစားနေရပြီဆိုရင်
၁. ဦးနှောက် ကိုပြန် ခိုင်းစေပါ။ 🧠
ဦးနှောက်ရဲ့ အကောင်းဆုံး အရည်အချင်းတစ်ခု က မေ့နိုင်ခြင်းပဲ။ တစ်ပြိုင်နက်တည်းမှာပဲ ဦးနှောက်ရဲ့ အရည်အချင်း နောက်တစ်ခုက ပြဿနာတွေကို ဖြေရှင်းတာပါပဲ။ အဲ့တော့ တကယ်လို အပ်တဲ့ ပြဿနာတွေသာ မရှိတော့ဘူး ဆိုရင် ဦးနှောက်က ပြဿနာတွေကို ဖန်တီးတော့မှာပါပဲ။
ကျွန်တော်တိုဟာ အလေ့အကျင့်အရ ဦးနှောက်ရဲ့ ခိုင်းစေမှုအောက်မှာပဲ အမြဲတစေ ရှိနေတတ်ကြတာပါပဲ။ နောင်တ တွေ တပွေ့တပိုက်ကြီးနဲ့ နေလိုရတယ်၊ ပူပင်သောက အပြည့်နဲ့ ရုန်းကန်နေလိုရတယ်၊
ဒီတော့ သူ့ရဲ့ ခိုင်းစေမှု အောက်မှာ အမြဲနေထိုင်မယ်ဆိုရင် သင်ဟာ သင့်ခံစားချက်တွေ ဦးဆောင်မှုနောက်ကိုပဲ ရေလိုက်ငါးလိုက် မျောပါနေတဲ့ နောင်တ တွေ အပြည့်နဲ့ သူ တစ်ယောက် ဖြစ်နေမှာပဲ။၂. လှောင်အိမ်🔒
တကယ်လိုသာ မနက်ဖြန် မှာ သင် မရှိတော့ဘူးဆိုရင် ဒီနေ့ ပူပင်နေတဲ့ ကိစ္စတွေကို ဆက်ပြီး စဉ်းစားနေဦးမှာလား?
အများစုကတော့ NO လို ဖြေကြမှာပါပဲ။
ဒါဆိုရင် ဘာလို ဆက်လုပ်နေသေးလဲ?
ကျွန်တော်တိုဟာ ကိစ္စရပ်တိုင်းကို အသက်နဲ့ အမျှ အရေးကြီးတယ်လို ထင်ပြီး အကုန်လုံးကို ခေါင်းထဲမှာ ပွတ်သိပ်နေအောင် ထည့်ထားတတ်ကြတယ်။
အချိန်နဲ့ အမျှ ပွတ်သိပ်နေတဲ့အခါမှာ မွန်းကျပ်လာပြီး သာမန် ကိစ္စရပ်တွေမှာပါ အလွယ်တကူ စိတ်ဆိုး ဒေါသ ထွက်လာကြတယ်။
ကျွန်တော်ကတော့ ခဏခဏ ဒေါသ ထွက်နေတဲ့ သူတွေကို မြင်ရင် သနားတတ်လာတယ်။ သူတို ဘဝက သူတို ချမှတ်ထားတဲ့ လှောင်အိမ်ထဲမှာပဲ အချိန်နဲ့ အမျှ မွန်းကျပ်နေကြရတာကို….၃. ရုန်းထွက်ပါ👟
အရာရာတိုင်းက ရွေးချယ်မှုတွေ ပါပဲ။
မလုပ်ဖို ရွေးချယ်လို ရတယ်၊ လုပ်ဖြစ်အောင် လုပ်ဖို ဆုံးဖြတ်လိုရတယ်။
ကိုယ်ပိုင် လှောင်အိမ်ထဲမှာ ပိတ်မိနေတယ်ဆိုရင်၊ သူများတွေရဲ့ စိတ်ခံစားချက်တွေ အပေါ်မှာ လိုက်ပြီး နေထိုင်နေရရင်၊ ကိုယ်ပိုင် ပျော်ရွင်မှုတွေ အချိန် အတော်ကြာ ပျောက်ဆုံးနေပြီ ဆိုရင်
သင့်အတွက် တကယ် မှန်ကန်မယ့် ဆုံးဖြတ်ချက်ကို ချပါ။
ရုန်းထွက်ပါ။ပစ္စုပ္ပန်ဟာသင့်လက်ထဲမှာပါ။
-
Add to cart
💭💭💭သင့်အိမ်မက်တွေဘယ်နှစ်ခု အပြင်မှာတကယ်ဖြစ်လာပြီလဲ ?
အရင်တစ်ချိန်က ကျွန်တော် ကိုယ်ပိုင်ကားတစ်စီးလိုချင်ခဲ့တယ်။ ငါ့ကားလေးရှိလာရင် သွားချင်တဲ့နေရာသွားမယ်။ လိုင်းကားတိုးစီးပြီးနေ့တိုင်းအလုပ်သွားစရာလည်းမလိုတော့ဘူးဆိုပြီး အိမ်မက်တစ်ခုမက်ခဲ့ဘူးတယ်။
တစ်လမှလစာသုံးသိန်းဝန်းကျင်ရတဲ့ ကုမ္မဏီဝန်ထမ်းလေးတစ်ယောက်အတွက် ဒီအိမ်မက်ကအဝေးကြီးမှာပါ။
ဒီလိုနဲ့တစ်နေ့ Law of Attraction အကြောင်းကိုရှာတွေ့ပြီး လက်တွေ့သုံးကြည့်ဖိုဆုံးဖြတ်လိုက်တယ်။ ကျွန်တော်လိုချင်တဲ့ကားကမြိုတွင်းစီးဆိုတော့ Size သေးသေးလေး, Crazy Color လေးဖြစ်ရမယ် ခေတ်လည်းမှီရမယ် စသည်ဖြင့် ကျွန်တော့ရဲ့ကားလေးကို နေ့စဉ်နေ့တိုင်း Visualize လုပ်တယ်။
ဒီကားလေးကို ဘယ်နေရာမှာသိမ်းမလဲ ? ဘယ်မှာ Service အပ်ခိုင်းမလဲ စသည်ဖြင့် ကားလေးရှိလာရင်ဘာလုပ်မလဲဆိုတဲ့ စိတ်ထဲမှာပြင်ဆင်မှုတွေကိုခဏခဏစဉ်းစားတယ်။တဖြည်းဖြည်းနဲ့ ကျွန်တော့်အနားမှာ ကားအကြောင်းပြောပြတဲ့မိတ်ဆွေတွေ၊ ကားလုပ်ငန်းလုပ်တဲ့လူတွေရောက်ရှိလာတယ်။ စိတ်ဝင်စားစရာကားလေးတွေလာပြတဲ့သူတွေရှိလာတယ်။ အတူတူအလုပ်လုပ်နေတဲ့ မိတ်ဆွေတစ်ယောက်ရဲ့ကူညီမှုနဲ့ ကျွန်တော်အိမ်မက်မက်ခဲ့ဘူးတဲ့ ကားလေးတစ်စီး ကျွန်တော့်လက်ထဲရောက်လာတဲ့အချိန်မှာတော့ ကျွန်တော့်ရဲ့ Manifestation ကတကယ်ပြီးပြည့်စုံပြီး Universe ကတကယ်ကိုကူညီတဲ့အကြောင်းကိုလက်ခံသွားပါတယ်။
🌠🌠🌠“ကျွန်တော်တိုအားလုံးမှာ အိမ်မက်ကိုယ်စီရှိကြတယ်။”
နွေးထွေးတဲ့အိမ်လေးတစ်လုံး၊ ပြိုင်ကားတစ်စီး၊ တစ်လတစ်ခါ စိတ်ပူစရာမလိုတဲ့ဝင်ငွေစသည်ဖြင့် ကျွန်တော်တိုအားလုံးမှာအိမ်မက်ကိုယ်စီရှိကြပါတယ်။ ဒါပေမယ့်လူအများစုက ဒီအိမ်မက်တွေက အဝေးကြီးမှာရှိနေသလိုမဖြစ်နိုင်တဲ့အရာတွေလို ခံစားရပါတယ်။ ဒီအိမ်မက်တွေတကယ်လက်တွေ့ဖြစ်လာဖိုအတွက် နည်းလမ်းတွေရှိတယ်ဆိုရင် သင်ယုံမလား ?
ဒီလို သင့်အိမ်မက်တွေကို Universe ဆီကနေယူဖို Rhonda Byrne ရဲ့ The Secret ထဲမှာ Law of Attraction နဲ့ ကျင့်ကြံနေထိုင်နည်းကိုရှင်းပြထားပါတယ်။
– အတွေးတွေဟာ သံလိုက်ဓာတ်လိုမျိုး အလုပ်လုပ်တဲ့အကြောင်း
– Energy vessel ကို အသုံးချနည်း
– Visualization, Manifestation နည်းလမ်းတွေ အကြောင်း🏠KNOW Exactly What You Want
မင်းလိုချင်တဲ့အရာကိုအတိအကျသိပါ။
အိမ်လေးတစ်လုံးလိုချင်တယ်ဆိုတာက လိုချင်စိတ်ပဲဖြစ်တယ်။ ကိုယ်လိုချင်တဲ့အရာကိုတိတိကျကျ ပုံဖော်ပါ။
လုံးချင်းတိုက်လား၊ကွန်ဒိုလား? နှစ်ထပ်တိုက်လား၊ ၀ရန်တာထောင့်အခန်းလား ? ဘယ်နေရာမှာ ကားထားမှာလဲ ? အိမ်ခန်းဆေးအရောင်ကဘာအရောင်ဖြစ်မလဲစသည်ဖြင့် ကိုယ်လိုချင်တဲ့အရာကို တိတိကျကျမြင်ပါ။🙏BELIEVE that universe will give it to u
Universe က မင်းလိုတဲ့အရာကိုပေးမယ်ဆိုတာကိုယုံကြည်ပါ။
ဒီနေရာကတချိုသူတွေအတွက်အရမ်းခက်ခဲတဲ့အဆင့်တစ်ခုပါ။ လတ်တလောဖြစ်ပေါ်နေတဲ့အခြေအနေတွေကြောင့် ဒီအိမ်မက်တွေဟာ အဝေးကြီးမှာရှိနေတယ်လိုခံစားနေရနိုင်ပါတယ်။ ဒါတွေကိုကျော်ဖြတ်ဖို Visualization နည်းလမ်းတွေ Secret Shifter တွေအသုံးပြုလိုရပါတယ်။🎁RECEIVE what you want
Universe ကပေးတဲ့အရာတွေကိုရယူပါ။
ဘယ်လောက်ပဲသင်လိုချင်လိုချင် ရယူဖိုအဆင်သင့်မဖြစ်သေးရင် Universe ကသင့် ဆန္ဒတွေကို ချက်ခြင်းပေးစွမ်းမှာမဟုတ်သေးပါဘူး။ သင်လိုချင်တဲ့အရာတွေသင့်မှာရှိနေတယ်ဆိုတဲ့ အကောင်းမြင်တဲ့ ပြည့်စုံတဲ့စိတ်ထားနဲ့ နေထိုင်ပါ။ဒီလိုရိုးရှင်းတဲ့ Laws of attraction နည်းလမ်းတွေအပြင် ဒီစာအုပ်ကလေးထဲမှာ
☀️Universe က သင် အာရုံစိုက်နေတာတွေကို သင့်ကိုပြန်ပေးတယ် ။ စိတ်ညစ်စရာတွေကိုအာရုံစိုက်ရင် စိတ်ညစ်စရာတွေပဲရမယ်။
💭ခံစားချက်တွေကအတွေးတွေကိုပေးတယ်။ ပျော်ရွှင်မှုကိုခံစားရရင် ပျော်ရွှင်တဲ့အတွေးတွေနဲ့နေထိုင်ရလိမ့်မယ်။
🔊အတွေး၊အပြော၊အလုပ် အားလုံးဟာ သင့်ဆန္ဒနဲ့တစ်ထပ်တည်းကျအောင်နေထိုင်ပါ စတဲ့ ဆောင်ရန်ရှောင်ရန်တွေကိုပါဖော်ပြထားပါတယ်။မသိသူကျော်သွား၊ သိသူဖော်စား ဆိုတဲ့စကားပုံလိုမျိုးပဲ law of attraction ဆိုတာ တကယ်ကိုရှိပါတယ်။ အိမ်မက်တွေမက်နေသရွေ့တော့ သင်လိုချင်တဲ့အရာတွေဟာ အိမ်မက်ထဲမှာပဲရှိနေမှာပါ။ Abundance ဖြစ်တဲ့ ဘ၀ကိုရနိုင်ဖိုအတွက် Universe ကနေသင့်ကိုလာပေးနေတဲ့အရာတွေကို လက်ကိုင်ရယူနိုင်ဖို နည်းလမ်းတွေ, Energy/Resonance/Frequency တွေနဲ့အတူ ယှဉ်တွဲနေထိုင်ပြီး သင့်ဆန္ဒတွေကိုဖြည့်ဆည်းနိုင်မယ့်နည်းလမ်းတွေကို ဒီမှာရှာဖွေလိုက်ပါ။
-
Add to cart
လူတွေက မိမိကိုယ်ကို အချစ်ဆုံး ဖြစ်ပြီး မိမိ အမြင်ကို မလေးစားဆုံး သူတွေ ဖြစ်တယ်။
အတိတ်၊ ပစ္စုပ္ပန်၊ အနာဂတ်
လူတွေရဲ့ ဦးနှောဏ်က ဒီအခြေအနေတွေ သုံးခုထဲက တစ်ခုထဲမှာ အမြဲတမ်းနီးပါး ရှိနေတတ်ပါတယ်။တစ်ချို လူကြီးတွေမှာ မြင်တွေ့ရတဲ့ အရာတစ်ခုကတော့ သူတိုက အတိတ် ထဲမှာ နေကြပါတယ်။ သူတို လက်ရှိအချိန်တစ်ခုကို သတိမပြုနိုင်ပဲ အတိတ်က အောင်မြင်မှုတွေ၊ အတိတ်က မှားယွင်းမှုတွေ၊ အတိတ်က နောင်တတွေနဲ့ပဲ နေထိုင်ပါတယ်။ လက်ရှိအမှန်တရားကတော့ ခုချိန်မှာ သူတို ဘာမှ မဟုတ်တော့ပါဘူး။ သူတိုက ပစ္စုပ္ပန်ကို မေ့လျော့ပြီး အတိတ်ထဲမှာပဲ ရှင်သန်နေထိုင်ရင်း ပူလောင်နေကြပါတယ်။
အတိတ်ကို သူတို ဘာမှ ပြန်ပြင်လို မရပါဘူး။ ဒါပေမယ့် သူတို ပြန်ပြင်ဖို ကြိုးစားနေရင်း ပူလောင်နေကြပါတယ်။Accept, Accept, Accept
လူတွေက မိမိကိုယ်ကို အချစ်ဆုံး ဖြစ်ပြီး မိမိ အမြင်ကို မလေးစားဆုံး သူတွေ ဖြစ်တယ်။ သူများ ဝေဖန်စကားတွေကို မိမိ အမြင်ထက် ပိုမို အလေးထားကြပြီး ဝေဖန်မှုတွေ အောက်မှာ မွန်းကျပ်နေကြပါတယ်။ တစ်ခြားသူဖြစ်စေချင်တဲ့ Perfection တစ်ခုကို မသိစိတ်ကနေ အလိုလို ကြိုးစားနေမိတတ်ပါတယ်။
အဘိုးအို၊ လူငယ်နဲ့ မြင်း တစ်ကောင် ပုံပြင်လိုပါပဲ။ လူတွေက သင်ကောင်းသည်ဖြစ်စေ၊ မကောင်းသည် ဖြစ်စေ၊ မှန်သည် ဖြစ်စေ၊ မှားသည် ဖြစ်စေ အဘက်ဘက်က ဝေဖန်နေကြမှာပါပဲ။
တစ်ခြားသူတွေရဲ့ ဝေဖန်မှုတွေကို နားမယောင်ပါနဲ့။ မိမိရဲ့ ဖြစ်တည်မှုကို လက်ခံပါ။Perfect Imperfection
ဂျပန်နိုင်ငံရဲ့ ကွဲနေတဲ့ ခွက်တွေကို အရောင်တွေနဲ့ ပြန်လည် ရှင်သန်စေခြင်း
Kintsugi ဆိုတာကတော့ ဂျပန်နိုင်ငံမှာ ပျက်ဆီးယိုယွင်းသွားတဲ့ ခွက်တွေကို ရွှေအစားသွင်းပြီး ပြန်လည် ပြုပြင်မွမ်းမံတာပဲ ဖြစ်ပါတယ်။ ပျက်ဆီးသွားတဲ့ ခွက်တွေကို ဒီတိုင်းမထားပဲနဲ့ ရွှေနဲ့ ကွဲရာတွေကို ပုံဖော်လိုက်တဲ့အခါမှာ “Perfect Imperfection” နဂို ခွက်ထက် ပိုမိုလှပသော ခွက်တွေ ဖြစ်လာပါတယ်။
ကျွန်တော်တို အင်တာဗျူး ဖြေတာ ကျတယ်၊ စာမေးပွဲ ကျတယ်၊ လုပ်ငန်း အရှုးပေါ်တယ်။ ဒါတွေကို အမှားလို သတ်မှတ်ပြီး ယုံကြည်ချက် ပျောက်ဆုံးကြတယ်။ အမြင့်ဆုံး ရောက်နိုင်ဖိုအတွက် အခက်အခဲ တွေတော့ ရှိနေမှာပါပဲ။ ဒါတွေကို အမှားတွေလို မယူဆပဲနဲ့ ခရီး ပိုရောက်လာတယ်လို သတ်မှတ်လိုက်ပါ။
အမှားတွေကို မပစ်ပယ်ပဲနဲ့ ပိုကောင်းအောင် ပြင်ဆင်လိုက်တဲ့အခါမှာ ပို ကောင်းမွန်ထင်ရှားလာပါတယ်။Lesson from Ourselves
လူတွေ မေ့လျော့နေကြတဲ့ အချက်တစ်ခုက ကျွန်တော်တိုက Perfect Life တစ်ခုဖြစ်လာဖို အတွက် စောင့်နေစရာ မလိုပါဘူး။ ကျွန်တော်တို ဖြစ်လေ့ရှိတာကတော့ “ဘယ်အခြေအနေရောက်မှ, ဘာဖြစ်လာမှ” စသဖြင့် Perfect ဖြစ်လာမယ့် အချိန်တစ်ခုကို စောင့်မျှော်နေတတ်ကြပါတယ်။
ဒါပေမယ့် အသက်ရှင်နေဖိုအတွက် Perfect ဖြစ်စရာ မလိုပါဘူး။ ကျွန်တော်တို အမှားတွေ လုပ်ကြမယ်၊ ပြန်ပြင်ကြမယ်၊ ပိုကောင်းတဲ့ အချိန် ရောက်လာပါမယ်။
Perfection အခြေအနေတစ်ခုကို စောင့်နေမယ့်အစား လက်ရှိအခြေအနေ တစ်ခုမှာ အကောင်းဆုံး နေနိုင်အောင် ကြိုးစားရပါမယ်။စာအုပ်က ကျွန်တော် ရေးထားတာထက် အင်မတန်မှ ပို တန်ဖိုးရှိပါတယ်။ စာအုပ်က ပေးတဲ့ အနှစ်သာရတွေကို ကျွန်တော့် ဖော်ပြချက်တွေက မမှီပါဘူး။
Imperfection တွေကို လက်ခံရင်း Perfect Life ရနိုင်ပါစေ။ -
Add to cart
🧠“စိတ်က အရာအားလုံးကိုဆုံးဖြတ်တယ်”🧠
စိတ်သာ ရှင်စော ဘုရားဟောဆိုပြီး အရာရာမှာ စိတ်ဟာအရေးအကြီးဆုံးလို ဘုရားရှင်တော်မြတ်ကပညတ်ခဲ့တယ်။
ရွေးချယ်မှုတိုင်း၊ တုံပြန်မှုတိုင်း၊ ခံစားချက်တိုင်းရဲ့ ကောင်းခြင်း၊ဆိုးခြင်း အရာအားလုံးကို မိမိရဲ့စိတ်ကသတ်မှတ်တဲ့အတိုင်း လိုက်လုပ်ဆောင်ကြရတယ်။👉ဒါဆိုကျွန်တော်တိုရဲ့အတွေးတွေအကုန်လုံးက အမှန်ပဲလိုယူဆလိုရသလား ?
အရာအားလုံးကို ကျွန်တော်တိုပိုင်ဆိုင်တဲ့ရှုထောင့်ကပဲမြင်ရတယ်။
တည်ရှိနေသောအမှန်တရားတစ်ခုထက် အချိန်တစ်ခုမှာရှိတဲ့ အခြေအနေ၊ခံစားချက်ပေါ်မူတည်ပြီး ဝေဖန်ပိုင်းခြားမှုကိုကျွန်တော်တိုဖန်တီးရင်း စိတ်ဆောင်ရာနောက်လိုက်နေကြရတယ်။
ဒီနေရာမှာ သမာဓိဓာတ်ခံအပြည့်နဲ့ ဓမ္မဓိဌာန်ကျကျ ဆင်ခြင်ဆုံးဖြတ်နိုင်မှုကိုကျင့်ကြံပြီး ကိုယ်ရည်မှန်းချက်ကို စေဆောင်သောစိတ်နဲ့ အတူတကွငြိမ်းချမ်းစွာရောက်ရှိနိုင်အောင်ပြုလုပ်ခြင်းဟာ သမာသမတ်အကျဆုံးဖြစ်ပါတယ်။🕊သင့်လှောင်အိမ်ကိုရိုက်ချိုးပါ။
လွတ်မြောက်တဲ့စိတ်နဲ့အတူ ပွင့်လင်းတဲ့အမြင်အတွက် စာလုံးတွေကို အသိဉာဏ်အဖြစ်ပြောင်းလဲပြီး ရေရှည်တည်တံ့မဲ့အုတ်မြစ်ကိုတည်ဆောက်ဖိုဒီစာအုပ်ကလေးမှာ
1️⃣Mindfulness
2️⃣Habits
3️⃣Stoicism
4️⃣Mental Health
5️⃣Relationships
6️⃣Psychology ဆိုတဲ့ အပိုင်း 6 ပိုင်းနဲ့ Insights 71 ခုပါဝင်ပါတယ်.✨ခဏလောက်ရပ်..
လက်ထဲကဖုန်းကိုခဏဘေးချ။
အသက်တစ်ချက်၀၀ရှုလိုက်ပါ။ခဏလောက်စဉ်းစားကြည့်
🔹သင့်ဘ၀မှာအလိုချင်ဆုံးအရာဟာဘာလဲ?
🔹ဒီအရာအတွက် သင်ဘာလုပ်နေသလဲ?သင်လိုနေတဲ့အဖြေဟာ ဒီစာအုပ်ကလေးထဲမှာရှိနေနိုင်ပါတယ်။
-
Add to cart
Stress ကို အောင်နိုင်ဖိုအတွက် စာအုပ်ကောင်းတစ်အုပ်
💡”နေ့စဥ်လုပ်နေကျ အလေ့အကျင့်တွေနဲ့ ရှုထောင့်အမြင်တွေကို ဖြည်းဖြည်းနဲ့မှန်မှန် ပြောင်းလဲခြင်းဖြင့် ပျော်ရွင်မှုကို ရှာဖွေပါ”💡
– Zen (The Art of Simple Living)
Shunmyo Masuno 📝📚 ဒီစာအုပ်ထဲမှာ ဂျပန်နိုင်ငံက Zen ဘုန်းတော်ကြီး တစ်ပါးဖြစ်တဲ့ Shunmyo Masuno က လက်ရှိ Modern ခေတ်မှာ Stress ပေါင်းစုံနဲ့ ရုန်းကန်လှုပ်ရှားရှင်သန်နေရတဲ့ လူသားတွေ စိတ်အေးချမ်း,ပျော်ရွှင်စွာနေနိုင်ရန်အတွက် ရှင်းလင်း, လွယ်ကူပြီး လက်တွေ့ကျကျ ကျင့်သုံးလိုရမယ့် ပျော်ရွှင်ခြင်း သင်ခန်းစာ 💯 ကို ဖော်ပြပေးထားတာဖြစ်ပြီး တစ်ရက်ကိုတစ်ခုနှုန်းနဲ့
ဖြည်းဖြည်းချင်း လေ့လာသွားလိုလည်း ရပါတယ်။ဥပမာအားဖြင့်…
💬 Negative emotions တွေကို အသက်ပြင်းပြင်းရှုထုတ်တဲ့နည်းနဲ့ ဘယ်လိုလျှော့ချလိုရလဲ ?
💬 သင်နေတဲ့အိမ်, အခန်းကို ပြင်ပြင်ဆင်ဆင်ထားခြင်းက သင့်ခေါင်းထဲက အတွေးတွေကို ဘယ်လိုရှင်းလင်းပေးနိုင်လဲ ?
💬 ပန်းလေးတစ်ပွင့်စိုက်ပြီး ကိုယ့်လက်ထဲမှာ အဲဒီ့ပန်းပင်လေး ပွင့်လန်းလာတာကို စောင့်ကြည့်ကြည့်တာမျိုး !
💬 ကိုယ်ထိန်းချုပ်နိုင်စွမ်းမရှိတဲ့ အရာတွေအပေါ်မှာ စိုးရိမ်ပူပန်နေတာမျိုးတွေကို ရပ်တန်းကရပ်ပစ်ဖို !…..
….. စတဲ့ နည်းလမ်းပေါင်း 💯 တိတိကို လှပတဲ့ စာအရေးအသားလေးတွေနဲ့ ဖော်ပြထားပါတယ်။🍀🍀🍀Cast Away the Three Poisons🍀🍀🍀
လိုချင်တပ်မက်မှုကြီးခြင်း (လောဘ)၊ စိတ်ဆိုးဒေါသဖြစ်ခြင်း (ဒေါသ)နဲ့ မသိနားမလည်ခြင်း (မောဟ) ဆိုတဲ့ အရာတွေကတော့ လူတွေအတွက် အန္တရာယ်များတဲ့ အဆိပ်တွေ ဖြစ်ပါတယ်။ ထိုအဆိပ်ကြီးသုံးမျိုးရဲ့ ကြီးစိုးခြယ်လှယ်ခြင်းခံနေရတဲ့ လူသားတစ်ဦးရဲ့ စိတ်ဟာ “ခံစားရခက်ခြင်း”၊ “၀မ်းနည်းနာကျင်ရခြင်း” တွေနဲ့သာ ကြုံတွေ့ရဖန်များမှာဖြစ်ပါတယ်။
ဒီစာအုပ်ထဲမှာ စာရေးဆရာပြောထားတာကတော့ ဒီအဆိပ်သုံးမျိုးထဲက တစ်မျိုးမျိုးက သင့်ကို ကိုယ်ယောင်လာပြပြီဆိုတာနဲ့ စိတ်ကိုငြိမ်ငြိမ်ထား၊ မျက်လုံးမှိတ်ပြီး အသက်ကို ဖြည်းဖြည်းနဲ့မှန်မှန် ရှုလိုက်ပါ၊ အဆိပ်တက်ခြင်းက ရပ်တန့်သွားပါလိမ့်မယ်။🍀🍀🍀Deepen Your Connection with Someone🍀🍀🍀
ကမ္ဘာကြီးပေါ်မှာ ရှိရှိသမျှလူတွေနဲ့ တွေ့ဆုံကြုံကြိုက်နိုင်မှာ မဟုတ်ပါဘူး။ ဒါကြောင့် ကိုယ်နဲ့ တွေ့ဆုံခွင့်ရတဲ့ လူတစ်ဦးချင်းဆီတိုင်းကို တန်ဖိုးထားဆက်ဆံပေးပါ။ လူတွေအများကြီးနဲ့ သိကျွမ်းခင်မင်ခွင့်ရအောင် ကြိုးစားတာထက် ကိုယ့်နားမှာရှိတဲ့ လူ သုံးယောက်လောက်နဲ့ပဲ Deep connection ဖြစ်အောင် အားထုတ်ရတာက ပိုပြီးခက်ခဲပါတယ်။ ခင်မင်မှုမှာ နံပါတ်တွေက အရေးမပါပါဘူး၊ ဘယ်လောက်ထိနက်ရှိင်းလဲ ဆိုတာကသာ အရေးပါတာပါ။ သင့်မှာ သူငယ်ချင်း ဘယ်နှယောက်ရှိသလဲဆိုတာက အရေးမကြီးပါဘူး၊ ရှိတဲ့သူငယ်ချင်းအပေါ်မှာ ဘယ်လောက်အတိုင်းအတာအထိ နားလည်ပေးနိုင်စွမ်းရှိသလဲ ဆိုတာကသာလျှင် သင့်ရဲ့ “လူသားဆန်မှု” ဆိုတဲ့ အရည်အချင်းတစ်ရပ်ကို အဆုံးအဖြတ်ပေးတာပါ။
Relationship မှာလည်း ဒီလိုပါပဲ။ Relationship ဆိုတာ ဘ၀ရဲ့ တစ်စိတ်တစ်ပိုင်းမှာ တွေ့ကြုံရတဲ့အရာပါ ✅(Experiencing)၊ အားထုတ်ပြီး တည်ဆောက်ယူရတဲ့အရာပါ ✅(Building)။ Ready Made လိုမျိုး အဆင်သင့် ထုပ်ပိုးပြင်ဆင်ပြီးသားကို ရှာဖွေတွေ့ရှိ ❌ (Found) ရတဲ့ အရာမျိုးမဟုတ်ပါဘူး။ ဒါကြောင့် လူတိုင်းရဲ့ ဘ၀ထဲကို ဝင်ပြီး တစ်ခုဝင်တစ်ခုထွက်နဲ့ လိုက်ရှာကြည့်ဖို မကြိုးစားပါနဲ့။ လူတစ်ယောက်ထဲရဲ့ ဘ၀ထဲကိုပဲ ၀င်ပြီး ခိုင်မာလှပတဲ့ Relationship တစ်ခု တည်ဆောက်နိုင်အောင် ကြိုးစားပါ။🍀🍀🍀Don’t Fixate on Right and Wrong🍀🍀🍀
နေရာတိုင်းမှာ အကောင်းလား အဆိုးလား?၊ အမှားလား အမှန်လား? ဆိုပြီး ဝေဖန်ခွဲခြားကြည့်နေခြင်းက သင့်ကို စိတ်ညစ်စရာတွေနဲ့ စိတ်ဖိစိးမှုတွေပဲ တိုးလာစေမှာပါ။ လိုအပ်လာရင် ခွဲခြားသိမြင်နိုင်ဖို ကြိုးစားရမှာမှန်ပေမယ့် ကြုံရသမျှအရာတွေကို အဖြုလား အမည်းလား ဆိုပြီး လိုက်ခွဲဖိုပဲ ကြိုးစားနေမယ် ဆိုရင်တော့ ကြားထဲက “မီးခိုးရောင်” လို အရောင်မျိုးကို မြင်နိုင်စွမ်း ပျောက်သွားပါလိမ့်မယ်။ တချိုအရာတွေက အမှားရယ် အမှန်ရယ် လို တသမတ်တည်း ရှိမနေဘဲ ကိုယ်ရပ်နေတဲ့ ရှုထောင့်ကိုယ်စီတိုင်းက မှန်နေတတ်ပါတယ် ( ဥပမာ- 6 နဲ့ 9 လိုပေါ့)။ ဒါကြောင့် “ငါကတော့ မှန်တယ်၊ နင်ကတော့ မှားတယ်” လို ခွဲနေတာမျိုး မလုပ်ဘဲနဲ့ သူ့ဘက်ကိုယ့်ဘက် နှစ်ဖက်စလုံး ညီတူမျှတူဖြစ်အောင် အတတ်နိုင်ဆုံး ကြိုးစားပြီး ညှိနှိင်းကြည့်ကြသင့်ပါတယ်။
🔝🔝🔝….. စတဲ့ နည်းလမ်းတွေအပြင်
➡️ “တစ်ခုခုဆို စကားကို အထအန လိုက်မကောက်ဖို” အကြောင်း၊
➡️ “လူအချင်းချင်း သာတယ် နာတယ် မတွက်ဖို” အကြောင်း၊
➡️ “ရှင်သန်နေမယ့် နေ့ရက်တိုင်းမှာ တစ်စုံတစ်ယောက်ကို ပျော်ရွှင်အောင်လုပ်ပေးဖို” အကြောင်း၊
➡️ “အဖြေမှန်ဆိုတာ တစ်ခုတည်းရှိတာမဟုတ်ကြောင်း” နဲ့➡️ “ညအိပ်ယာမဝင်ခင်မှာ စိတ်မချမ်းမြေ့စရာကိစ္စတွေ, စိတ်ဖိစီးစရာတွေ မတွေးဖို” အကြောင်း ….
စတဲ့ စတဲ့ စတဲ့ နည်းလမ်းပေါင်းများစွာကို ဘုန်းတော်ကြီး Shunmyo Masuno က ခေါင်းစဥ် တစ်ခုချင်းစီနဲ့ နားလည်လွယ်အောင် ရေးသားမျှဝေထားပါတယ်။
🔔 🔔 🔔 ( မှတ်ချက် – ဘာသာရေးအဆုံးအမ စာအုပ်မဟုတ်ဘဲ “Common Practice Ways” တွေကိုသာ ဖော်ပြထားတဲ့ စာအုပ်ကောင်းတစ်အုပ် ဖြစ်တဲ့အတွက် လူမျိုးဘာသာမရွေး ဖတ်ရှု,လေ့လာ,ဆင်ခြင်, ကျင့်သုံး နိုင်ပါတယ် )
