Good Vibes, Good Life: How Self-Love Is the Key to Unlocking Your Greatness

Related products

• 

  Quick View

  12 Rules for Life : An Antidote to Chaos by Jordan B Peterson

  29,500 Ks

  🚦ပရမ်းပတာဖြစ်ခြင်းတွေကိုရှောင်ရှားနိုင်ဖို ဖြေဆေး ၁၂ ချက်🚦

  🦞ကျောက်ပုဇွန်တွေအကြောင်း
  💪ကြိုးစားရုန်းကန်မှုရဲ့အဓိပ္ပါယ်
  📅အစီအစဉ်မကျမှုတွေကိုထိန်းချုပ်နိုင်မှု
  😈အကြောက်တရားကိုရင်ဆိုင်ခြင်း
  👨‍👩‍👧‍👦ဘ၀ရဲ့ အဓိပ္ပါယ်နဲ့ အမှန်တရားရဲ့ဆိုလိုရင်း စတဲ့ အရာတွေကို ဒီစာအုပ်ထဲမှာရှာတွေ့နိုင်ပါတယ်

  📊Chaos လိုခေါ်တဲ့အစီအစဉ်မကျတာ မမျှော်လင့်ထားတာတွေဖြစ်လာတာ ပရမ်းပတာဖြစ်တဲ့အရာတွေဟာ ကျွန်တော်တိုပတ်ဝန်းကျင်မှာ အစဉ်အမြဲဖြစ်နေပါတယ်။ ကိစ္စတစ်ခု Project တစ်ခုအတွက် အများကြီးပြင်ဆင်ထားပြီး အနားနီးတော့မှပေါက်တတ်ကရတွေထဖြစ်တာမျိုးတွေ အားလုံးကြုံခဲ့ကြုံနေကျဆဲ ဖြစ်နေတုန်းပါ။ ဒီလိုအထိန်းအကွပ်မရှိတဲ့ Chaos ကိုကျွန်တော်တိုရင်ဆိုင်နိုင်တဲ့နည်းတွေကို စာရေးဆရာ Dr. Jordan Peterson ရဲ့ 12 Rules for Life စာအုပ်ထဲကအချက်ကလေးတွေကို ဒီ Post မှာ Share ပေးထားပါတယ်

  1. 💪Stand up straight with your shoulders back💪
  ခါးဆန့် ရင်ကော့ပြီး ခန့်ခန့်ငြားငြားမတ်မတ်တပ်ရပ်ပါ

  ကိုယ်နေဟန်ထားဟာ စိတ်သဘောထားနဲ့မှန်တစ်ချပ်လိုဒွန်တွဲနေတာကို ကျွန်တော်တိုသတိပြုမိမှာပါ။ ဥပမာ ရိုသေရမယ့်လူ ( မိဘ, ဘုန်းကြီး) စတဲ့ သူတွေရှေ့ရောက်ရင် အလိုလို ကိုယ်ကျုံသွားသလိုပေါ့ ။
  ကျွန်တော်တိုတွေရဲ့ Body Language ကစကားလုံးတွေထက် စကားအများကြီးပြောပါတယ်. ကျောကိုဆန့်ရင်ကိုဖွင့်ပြီး မတ်တပ်ရပ်နေတဲ့လူတစ်ယောက်ရဲ့ confidence, Responsibility နဲ့ Capability ကိုစကားပြောစရာမလိုပဲနဲ့ Automatic ကျွန်တော်တိုသိနိုင်ပါတယ်။ လူတွေနဲ့ဆက်ဆံတဲ့အချိန် မှာ ယုံကြည်ရတဲ့ Body Posture ကိုအသုံးပြုပြီးတာဝန်ယူနိုင်မှုကိုပြသနိုင်ခြင်းဟာ ကျွန်တော်တိုအတွက် အခွင့်အလမ်းသစ်တွေအများကြီးရနိုင်စေပါတယ်။

  2. 🚑Treat yourself like someone you’re responsible for helping🚑
  သင့်ကိုယ်သင် ကူညီပေးဖို တာဝန်ရှိသူတစ်ယောက်လို ဆက်ဆံပါ။

  တစ်ရက် ခင်ဗျားမွေးထားတဲ့ အချစ်ဆုံးခွေးလေးနေမကောင်းဖြစ်တယ်လိုဆိုကြပါစို။ သူအဖျားသက်သာဖို ချက်ချင်းဆေးခန်းပြေး၊ ကြက်ပေါင်းတွေတိုက် ဆေးဝယ် လုပ်ကြတယ်မဟုတ်လား ။ သင်ကိုယ်တိုင်နေသိပ်မကောင်းတဲ့အချိန်ကျရင်ရော သင်ဘာလုပ်သလဲ ? Paracetamol လေးသောက်လိုက်ရင်သက်သာသွားမှာပါဆိုပြီး နေကြတာများပါတယ်။ လေ့လာချက်တွေအရ ကျွန်တော်တိုဟာ ကိုယ့်ကိုယ်ကိုထက် အိမ်မွေးတိရစ္ဆာန်လေးတွေကိုပိုဂရုစိုက်တတ်ကြတာတွေ့ရှိရပါတယ်တဲ့။ ကျန်းမာခြင်းဟာလာဘ်တစ်ပါးဆိုသလို ကိုယ့်ကိုယ်ကို ဂရုစိုက်ဖို ကျွန်တော်တိုလိုအပ်ပါတယ်

  3. 🤝Make friends with people who want the best for you 🤝
  မိမိရဲ့အကောင်းဆုံးကိုလိုလားတဲ့သူတွေနဲ့အပေါင်းအသင်းလုပ်ပါ

  အပေါင်းအသင်းမိတ်ဆွေတွေတိုင်းက မတူပါဘူး ကောင်းတဲ့မိတ်ဆွေတွေရှိသလို သင့်ကိုဖျက်ဆီးဖိုကြိုးစားတဲ့ အယောင်ဆောင်မိတ်ဆွေတွေလည်း လောကကြီးထဲမှာရှိပါတယ်။ မိတ်ဆွေစစ် မိတ်ဆွေကောင်းကိုရှာဖွေဖိုကလည်းကျွန်တော်တို ရဲ့ တာဝန်တစ်ခုလို ဂရုစိုက်ရမှာပါ။

  4.🏃‍♂️Compare yourself to who you were yesterday, not to who someone else is today🏃‍♂️
  ဒီနေ့ရဲ့ တစ်စုံတစ်ယောက်နဲ့မပြိုင်ပါနဲ့ သင့်ကိုယ်သင် မနေ့ကသင်ကိုယ်တိုင်နဲ့နှိင်းယှဉ်ပါ,

  ဘယ်သူ့နဲ့မှယှဉ်ဖိုမကြိုးစားပါနဲ့ မိမိကိုယ်ကိုယ်သာနှိင်းယှဉ်ပါ။
  “ ဟိုတစ်ယောက်က ဘယ်မှာအလုပ်လုပ်တာ “ “ သူက ဘာဘွဲရထားတာလေ “ ဆိုတဲ့စကားလုံးတွေကြားဖူးကြမှာပါ။ အချိုစကားလုံးတွေဆိုရင် ငယ်စဉ်ကတည်းကကြားလွန်းလို ကျွန်တော်တိုဘ၀မှာ Trauma တွေတောင်ဖြစ်နေပြီမဟုတ်လား။ ဒါပေမယ့်ဘ၀ကိုဖြတ်သန်းရင်းရင့်ကျက်လာတာနဲ့အမျှ ကျွန်တော်တိုမှာ ကိုယ့်ဘာသာကိုယ်ပဲပြန်နှိင်းယှဉ် ရပါမယ်
  တစ်ပတ်ကို 1%ပဲ တိုးတက်အောင်ကြိုးစားရင် 71 ပတ်ကြာတဲ့အချိန်မှာ ကျွန်တော်တို စတဲ့အချိန်ကနေ 2 ဆ ပိုမိုကျွမ်းကျင်တဲ့သူတစ်ယောက်ဖြစ်နေမှာပါ

  5. 👪Do not let your children do anything that makes you dislike them👪
  မင်းရဲ့သားသမီးကို မင်းကိုယ်တိုင်မကြိုက်စေမဲ့အရာတွေကိုမလုပ်မိပါစေနဲ့

  ပထမဆုံး ဒီ Rule ကိုကြားတာနဲ့ပြန်ရမယ့်အဖြေက “ ကျွန်တော့်မှာသားသမီးမရှိပဲ ဒါကိုဘယ်လိုလုပ်မှာလဲ “ ဆိုတာပါပဲ
  မိဘတစ်ယောက်ရဲ့ တာဝန်၀တ္တရားဟာအရမ်းကြီးပြီးခက်ခဲပါတယ်။ ကိုယ့်သားသမီးက ကိုယ်မကြိုက်တဲ့အရာတွေလုပ်နေတာကို လက်ခံပြီးဆက်လုပ်ခွင့်ပေးလိုက်ရင် ဒီကလေးဟာပတ်ဝန်းကျင်နဲ့ဝင်ဆန့်ဖိုတစ်သက်လုံးခက်ခဲသွားမှာအမှန်ပါပဲ။ အတွေ့အကြုံရှိတဲ့ မိဘတစ်ယောက်လိုမျိုး လူတစ်ယောက်အနေနဲ့ကျွန်တော်တိုအောက်ကလူတွေကို အမှားမလုပ်ပဲ အမှန်ပြုနိုင်အောင် ဖေးမပေးဖိုကျွန်တော်တိုလိုအပ်ပါတယ်။

  6. 🏠Set your house in perfect order before you criticize the world🏠
  ကမ္ဘာကြီးကိုမဝေဖန်ခင် ကိုယ့်အိမ်ကိုအရင်စနစ်တကျဖြစ်အောင်ထားပါ

  မင်မင်ကြားဖူးတဲ့စကားပုံတစ်ခုရှိတယ် “ လူတိုင်းက ကိုယ့်အိမ်နဲ့ပတ်ဝန်းကျင်ကိုအမြဲသန့်ရှင်းရေးလုပ်နေရင် တစ်ကမ္ဘာလုံးအမှိက်ကောက်ဖိုလိုမှာမဟုတ်ဘူး “။ လူတွေက အကြောင်းအရာတစ်ခုခုကိုမြင်လိုက်ရင် အရင်ဆုံးဝေဖန်ဖို နဲ့ ဆရာကြီးလုပ်ဖို ပထမဆုံးတွေးတတ်ကြပါတယ် ။ မဝေဖန်ခင် မှာ ကိုယ့်အကြောင်းကိုယ်အရင်တွေးပြီး တိုးတက်အောင်လုပ်ဖိုကြိုးစားပါ။ စနစ်တကျစည်းကမ်းတကျ ဖြစ်တဲ့ မိမိကိုယ်ကိုမွေးမြူပါ။

  7.🦉Pursuit what is meaningful (Not what is expedient)🦉
  အဆင်ပြေတဲ့အရာနောက်ကို မလိုက်ပါနဲ့ အဓိပ္ပါယ်ရှိတဲ့ အရာကိုသာလုပ်ပါ

  လောကကြီးကတရားလိုက်တာတို ဘ၀ဆိုတာပျော်ပျော်နေဖိုဖြစ်လာတာ တိုဆိုတဲ့စကားတွေကိုဘယ်သူမှပြောလေ့ပြောထမရှိကြပါဘူး၊ စာရေးသူ Jorden Petersonက သူ့ရဲ့အမြင်ကို “ ဘ၀ဆိုတာပျော်ရွှင်ဖိုမဟုတ်ဘူး ဘ၀ဆိုတာအဓိပ္ပါယ်ရှိဖို” ဆိုပြီး ရေးသားထားပါတယ်။ ကိုယ့်ကိုယ်ကို ပြန်ဆန်းစစ်ကြည့်လိုက်ပါ။ ကျွန်တော်တိုတွေ ငွေကြေးချမ်းသာမှု၊ပျော်ရွှင်မှု၊ အသိအမှတ်ပြုခံရမှု စတဲ့ အရာတွေနောက်လိုက်ပြီးကုန်ခဲ့တဲ့အချိန်တွေ ဘယ်လောက်တောင်များနေပြီလဲ ? အဓိပ္ပါယ်ရှိတဲ့ အလုပ်ကို စလုပ်ဖို အခုအချိန်က အကောင်းဆုံးမဟုတ်လား ?

  8. ✔️Tell the truth or at least don’t lie✔️
  အမှန်ကိုပြောပါ။ အနည်းဆုံးတော့ မလိမ်ပါနဲ့

  ယုံကြည်မှုဟာ တည်ဆောက်ရဖိုခက်သလောက် ပျက်စီးသွားဖိုအရမ်းလွယ်ကူပါတယ်။အလုပ်မှာပဲဖြစ်စေ မိသားစု(သို)လူမှုပတ်ဝန်းကျင်မှာပဲဖြစ်စေ အမြဲလိမ်ညာဖိုကြိုးစားနေတဲ့လူတစ်ယောက်ဟာ ဘယ်တော့မှလူရာဝင်ဆန့်မှာမဟုတ်ပါဘူး။ အဆင်မပြေမှုတစ်ချိုရှိနိုင်ပေမယ့် အမှန်တရားကိုပြောရဲတဲ့ သတ္တိဟာအခက်အခဲအများစုကို ကျော်ဖြတ်နိုင်တဲ့သော့ချက်တစ်ခုဖြစ်ပါတယ်။

  9. 👂Assume that the person you are listening to might know something you don’t 👂
  မင်းနားထောင်နေတဲ့သူက မင်းမသိတဲ့အရာတစ်ခုခုကိုသိနေတယ်လို ယူဆပါ။

  “I know that I know nothing” ဆိုတဲ့စကားဟာ Socrates ပြောခဲ့တဲ့ထဲက အကျော်ကြားဆုံးစကားတစ်ခုဖြစ်ပါတယ်။ အရာအားလုံးကို ငါသိငါတတ်ဆိုပြီး ကိုတတ်ပ လုပ်ရင် ကျွန်တော်တိုအတွက် အတွေးအမြင်သစ်တွေ Idea အသစ်တွေရဖိုပိုခက်ခဲပါတယ်။ ကျွန်တော်တိုရဲ့ပြည့်နေတဲ့ခွက်ကို သွန်ချလိုက်ပါ။ အာရုံစိုက်ပြီးနားထောင်နိုင်တဲ့ Skillset တစ်ခုဟာ ကျွန်တော်တိုကိုယ်တိုင်မွေးမြူရမဲ့အရာတစ်ခုဖြစ်ပါတယ်10. 🗣️Be precise in your speech🗣️
  တိတိကျကျစကားပြောပါ

  စကားလုံးတွေဟာ ဓားထက်ပိုထက်ပြီးထိရောက်မှုပိုရှိပါတယ်။ ကျွန်တော်တိုခေါင်းထဲမှာရှိတဲ့စကားလုံးတွေကို အစီအစဉ်တကျမတွေးပဲ ခံစားချက်တွေအတိုင်းပြောမိတဲ့အခါမှာ ခုတ်ရာတခြားရှရာတလွဲဖြစ်တဲ့ အတွေ့အကြုံတွေ ကျွန်တော်တိုအားလုံးမှာကိုယ်စီရှိကြပါတယ်။ စကားလုံးတွေအများကြီးလျှောက်ပြောပြီး ဘာကိုဆိုလိုမှန်းမသိတဲ့အရာကိုရွေးချယ်မလား ? စကားလုံးနည်းနည်းနဲ့ကျွန်တော်တိုပြောချင်တဲ့ အရာကိုတိတိကျကျပြောတာကိုရွေးချယ်မလား ? လူအများစုကတော့ ကိုယ်သိလိုတဲ့အရာကို စကားနည်းနည်းနဲ့ အတိအကျပြောတတ်တဲ့သူကို ပိုခင်မင်ရင်းနှီးတတ်ကြပါတယ်။

  11. 🛹Don’t bother children when they are skateboarding🛹
  စကိတ်စီးနေတဲ့ကလေးတစ်ယောက်ကိုမနှောင့်ယှက်ပါနဲ့

  အမှားလုပ်မိမှာကိုစိုးရိမ်တဲ့စိတ် ကျွန်တော်တိုအားလုံးမှာရှိပါတယ်။ ထိခိုက်ဒဏ်ရာရသွားမှာကို ကာကွယ်ချင်တဲ့စိတ်နဲ့ ကလေးတစ်ယောက်စကိတ်စီးနေတာကို သွားတားလိုက်ရင် ဒီကလေးဟာ စကိတ်စီးတတ်တော့မှာမဟုတ်ပါဘူး ။ ဘ၀မှာလည်းကျွန်တော်တို အဆင်မပြေမှာကိုစိုးရိမ်တာနဲ့ Comfort Zone ထဲကရုန်းထွက်ဖို အခွင့်အရေးကို ဘယ်နှစ်ကြိမ်လောက်လက်လွှတ်ခဲ့ပြီးပြီလဲ? စကိတ်စီးရင်းချော်လဲတာကနေ ကလေးတစ်ယောက်ကို ကျွမ်းကျင်အောင်သင်ပေးရသလိုမျိုး ဘ၀မှာကျွန်တော်တိုရဲ့ အဆင်မပြေမှုတွေကနေ ကျွမ်းကျင်မှုကိုသင်ယူပါ။

  12. 🐈Pet a cat when you encounter one on the street🐈
  လမ်းမှာတွေ့တဲ့ကြောင်တစ်ကောင်ကို ပွတ်သပ်ယုယပါ

  ဘ၀ဟာ ခက်ခဲပါတယ်။ ကျွန်တော်တိုဘယ်လောက်ပဲကောင်းအောင်ကြိုးစားကြိုးစား အတားအဆီးတွေနဲ့ အခက်အခဲတွေဟာရပ်တန့်မသွားပါဘူး။ တစ်ခါတစ်ရံမှာကျွန်တော်တိုရဲ့ မွန်းကြပ်နေတဲ့ရုန်းကန်မှုတွေကိုခဏလောက်မေ့ပြီး ကိုယ့်ကြိုးစားမှုကို ကျေနပ်မှုရှိဖိုလိုပါတယ်။ကြောင်တစ်ကောင်ကို ပွတ်သပ်နေတဲ့အချိန်မှာ ရရှိတဲ့ကြည်နူးမှုလိုမျိုး ကျွန်တော်တိုဘေးနားမှာရှိတဲ့ အရာသေးသေးတွေ (သစ်ရွက်ကလေးတွေလှုပ်သံ၊ အပေါ်ကကောင်းကင်တိမ်တွေရွေ့နေတဲ့အရသာ၊ အသားကိုလာထိတဲ့လေအေးအေးလေးတဲ့ခံစားမှု)ကနေ မိမိစိတ်အေးချမ်းမှုကိုဖန်တီးပါ။

  ဘ၀ကြီးကသင့်အတွက်အဆင်ပြေနေပြီးတော့ လောကကြီးကသင်လိုချင်သမျှကိုပေးနေတယ်လိုခံစားရရင် ဒီစာအုပ်ကိုမဖတ်ပါနဲ့
  ဒီစာအုပ်က ကျွန်တော်တိုနေကာမျက်မှန်မပါပဲ နေကိုကြည့်မိသလို ဘ၀ကိုအမှန်အတိုင်းမြင်ရပြီး Reality ကိုတွေ့ကြုံဖူးတဲ့သူတွေအတွက် ရည်ရွယ်ပါတယ်။
  Messenger ထဲကို စာလေးတစ်ကြောင်းပိုရုံနဲ့ သင်လိုချင်တဲ့ဘ၀တိုးတက်မှုအတွက် လိုအပ်နေတဲ့အမှန်တရားကို ကိုယ်တိုင်ရယူလိုက်ပါ။

  Add to cart
• 

  Quick View

  If You’re So Smart, Why Aren’t You Happy?

  29,500 Ks

  “You’ve Already Achieved Goals That You Said Would Make You Happy”
  သင့်ကိုပျော်ရွှင်စေမယ်လိုပြောခဲ့တဲ့ ပန်းတိုင်တွေကိုသင်ရရှိပြီးသွားပြီ။
  အခု ပျော်နေတယ်လိုခံစားရလား?

  သင်ကိုယ်တိုင်သတ်မှတ်တဲ့အောင်မြင်မှုတွေရရှိတဲ့အချိန်မှာ သင်ပျော်မယ်လိုပြောခဲ့တယ်။အခု သင့်အိမ်မက်တွေကိုလက်ထဲမှာပိုင်ဆိုင်နေလျက်နဲ့ ဒါဆိုဘာကြော င့်တစ်ခုခုကို လိုအပ်နေသေးသလိုခံစားနေရတာလဲ ?
  🏎️ကိုယ်ပိုင်ကားလေးရရင်ပျော်မယ်၊🌱 ရာထူးတိုးရင်ပျော်မယ်၊🎓 MBA ရရင်ပျော်မယ်လိုထင်တဲ့အိမ်မက်တွေနဲ့အောင်မြင်မှုတွေမင်းလက်ထဲမှာရှိနေပြီ။ ဒါဆိုဘာကြောင့် ပျော်ရွှင်ဖိုနည်းလမ်းတွေကို အခုချိန်ထိလိုက်ရှာနေသေးတာလဲ ?

  💼💔“ပိုကြိုးစား၊ ပိုရုန်းကန်.. အရာရာကိုစတေးပြီး အောင်မြင်မှုကိုရတဲ့အချိန်ကျရင် ပျော်ရွှင်မှုကိုရလိမ့်မယ်” ဆိုတဲ့ လိမ်ညာမှုတစ်ခုအနောက်ကိုကျွန်တော်တိုယုံယုံကြည်ကြည်လိုက်ခဲ့ကြဖူးတယ်။ အောင်မြင်မှုဟာပျော်ရွှင်မှုကိုယူဆောင်လာပေးမယ်လို ယုံကြည်ကြပေမယ့် တကယ်တန်းအောင်မြင်မှုဟာပျော်ရွှင်စေမယ်ဆိုတဲ့အာမခံချက်မရှိပါဘူး။
  ပျော်ရွှင်မှုကိုစတေးပြီး အောင်မြင်မှုအနောက်လိုက်ရင်း ခရီးအဆုံးကိုရောက်တဲ့အချိန်ကျမှအရာအားလုံးဟာ အဓိပ္ပါယ်မဲ့နေတဲ့ခံစားချက်ဟာအောင်မြင်မှုရဲ့လူတွေမမြင်ရတဲ့ အမှောင်ဘက်ခြမ်းတစ်ခုဖြစ်ပါတယ်။ ပျော်ရွှင်မှုနဲ့အတူရရှိလာတဲ့အောင်မြင်မှုသာ တကယ်အဓိပ္ပါယ်ရှိမှာပါ။

  ⚒️🔁ဒီလိုဆိုတော့ သင့်ဘ၀မှာ ရွေးချယ်စရာအလုပ်နှစ်ခုရှိတယ်။
  (A) အလုပ်ကပျော်စရာကောင်းတယ်။ လုပ်ဖော်ကိုင်ဘက်တွေကရိုင်းပင်းကူညီကြတယ်။ လစာနည်းတယ်။ နေ့တိုင်းအလုပ်သွားရတာ ကစားကွင်းသွားရသလိုပဲ။
  (B) အလုပ်ကပျော်စရာမကောင်းဘူး။ လုပ်ဖော်ကိုင်ဘက်တွေကမနာလိုကြဘူး။ လစာများတယ်။ နေ့တိုင်းအလုပ်သွားရတာငရဲကျနေသလိုပဲ။
  ဒီအလုပ်နှစ်ခုထဲကဘယ်အလုပ်ကိုသင်ရွေးမလဲ ?
  သင့်စိတ်ထဲမှာ ပျော်စရာကောင်းတဲ့ နံပါတ် (A) ကိုရွေးချယ်မယ်လိုပြောလိမ့်မယ်။ ဒါပေမယ့်လေ့လာချက်တွေအရ လက်တွေ့မှာလူတွေရဲ့ 78% ဟာ အလုပ် (B) ကိုရွေးချယ်ပြီး အလုပ် (A) ကို 22% ပဲရွေးချယ်ကြတယ်ဆိုတာကိုတွေ့ရှိရတယ်။ စိတ်ကူးအရပျော်ရွှင်မှုကို ဦးစားပေးကြပေမယ့် လက်တွေ့မှာအောင်မြင်မှုကို ပိုမိုရွေးချယ်ပြီး ပျော်ရွှင်မှုကိုစတေးခံတတ်ကြတာဟာ လူ့သဘာ၀တစ်ခုဖြစ်ပါတယ်။ သင်လိုချင်တာ အောင်မြင်မှုဆိုရင် သင်လိုအပ်နေတာဟာပျော်ရွှင်မှုဖြစ်နေတတ်တဲ့အကြောင်းကိုသတိပြုမိဖိုအရေးကြီးပါတယ်။

  🚗✨သူငယ်ချင်းတွေနဲ့အတူသွားခဲ့ဖူးတဲ့ခရီးတစ်ခုကို အကြောင်းကိုပြန်တွေးကြည့်ရအောင်(ဥပမာ ချောင်းသာခရီးပေါ့) သင်မှတ်မိတဲ့အပျော်ဆုံးအချိန်ဟာ ချောင်းသာကိုရောက်သွားတဲ့အချိန်လား? သွားတဲ့လမ်းမှာဖြစ်ပျက်ခဲ့တဲ့ပေါက်တတ်ကရဖြစ်စဉ်တွေလား ? ဘယ်အချိန်ရောက်မှာလဲဆိုပြီးပူပန်နေရင်(ဒါမှမဟုတ်)အိပ်ပျော်နေရင် ခရီးလမ်းမှာပျော်ရွှင်ရမှာမဟုတ်သလို အမှတ်တရဖြစ်စဉ်တွေကိုလည်းလက်လွှတ်ရမှာပါ။ သင်မှတ်မိတဲ့ ပျော်ရွှင်တဲ့အချိန်တွေတိုင်း သင်တစ်ယောက်တည်းမဟုတ်ပဲ အနားမှာ မိတ်ဆွေအပေါင်းအသင်းတွေအမြဲရှိနေတာကို သတိထားကြည့်ပါ။ ရည်မှန်းတဲ့ ပန်းတိုင်ကို ရောက်တာထက် ပန်းတိုင်ကိုသွားတဲ့ခရီးလမ်းမှာရှိနေတဲ့ အပေါင်းအသင်းတွေနဲ့အတူ အခက်အခဲတွေကိုကျော်လွှားနိုင်မှု၊ အရှိတရားကိုလက်ခံနိုင်မှုနဲ့ လျှောက်တဲ့လမ်းကိုကျေနပ်နိုင်မှုဟာ တကယ့်ပျော်ရွှင်မှုအစစ်အမှန်ပါ။

  🔍😄သင့်ရင်ထဲမှာအမြဲရှိနေတဲ့ ပျော်ရွှင်မှုဟာ လိုက်ရှာစရာလိုတဲ့အရာမဟုတ်ပါဘူး။ သူကိုအာရုံစိုက်အရေးပေးဖိုပဲလိုအပ်ပါတယ်။ အလုပ်ကအရမ်းပင်ပန်းပြီးပြန်လာတဲ့အချိန်မှာ အိမ်မှာရှိတဲ့ ဟင်းစားမလား? မာလာရှမ်းကောသွားစားမလားဆိုတဲ့မေးခွန်းကိုသင်ဘာဖြေမလဲ?
  အိမ်ကဟင်းကိုစားတာဟာမှန်ကန်တဲ့အဖြေဖြစ်ပေမယ့် မာလာရှမ်းကောဟာသင့်ကို ပိုမိုပျော်ရွှင်မှုပေးပါလိမ့်မယ်။
  မှန်ကန်တဲ့အရာတွေကိုအမြဲရွေးချယ်ပြီး သင်ပျော်မနေဘူးလိုမငြင်းပါနဲ့။
  ဒါဟာ အိမ်ကဟင်းနဲ့ မာလာရှမ်းကော နှစ်ခုနဲ့ တင်မကပါဘူး ။သင်ဟာ မှန်ကန်မှု နဲ့ ပျော်ရွှင်မှုနှစ်ခုထဲက တစ်ခုကိုအမြဲရွေးချယ်နေတယ်ဆိုတာကိုသတိပြုပြီး စစ်မှန်တဲ့ပျော်ရွှင်မှုဟာ ဒီနှစ်ခုကိုသာတူညီမျှစွာ စီမံခန့်ခွဲနိုင်မှုအပေါ်မှာမူတည်နေတယ်ဆိုတာသတိပြုပါ။

  🚨🔥နောက်ဆုံးအနေနဲ့ပြောရရင် ပျော်ရွှင်မှုဆိုတာ အောင်မြင်ပြီးမှရတဲ့အရာတစ်ခုမဟုတ်ပါဘူး၊ သင်သွားတဲ့လမ်းတလျှောက်မှာဖန်တီးသွားရမှာပါ။ သင့်ခေါင်းထဲကအတွေးတွေအားလုံးကိုခဏလောက်ရပ်၊ အသက်၀၀ရှုသွင်းပြီး “သင်အောင်မြင်နေတာလား” ဒါမှမဟုတ် “ဘ၀ကိုကျေနပ်ပျော်ရွှင်စွာနဲ့ဖြတ်သန်းနေတာလား “ ဆိုတာကိုစဉ်းစားကြည့်လိုက်ပါ။
  သင့်ဆီမှာ အောင်မြင်မှုဘယ်နှစ်ခုရှိတယ် ဆိုတာထက်ဒီအောင်မြင်မှုတွေကိုသွားတဲ့လမ်းခရီးဟာ ဘယ်လောက်ပျော်ဖိုကောင်းသလဲဆိုတာကို ကျေနပ်လက်ခံနိုင်တာဟာ သင့်လိုအင်တောင့်တတဲ့ဘ၀ရဲ့‌ စစ်မှန်သောပျော်ရွှင်မှုပါ။
  အနာဂတ်ခရီးကိုသင်ရွေးချယ်တိုင်း ပျော်ရွှင်မှုမရနိုင်တဲ့အောင်မြင်မှုဟာ အဓိပ္ပါယ်မဲ့တယ်ဆိုတဲ့အရာကို အမြဲသတိပြုဖို အကြံပြုရင်း ကျွန်တော့်ဘ၀ကို အကြီးကြီးပြောင်းလဲစေခဲ့တဲ့စာအုပ်ကလေးနဲ့အတူ Raj Raghunathan ရဲ့ TED Talk ကလေးကိုမျှဝေပေးလိုက်ပါတယ်။
  ဒီမှာကြည့်ပါ > https://www.youtube.com/watch?v=KIp3rHn3PiI&t=206s

  Add to cart
• 

  Quick View

  Grit: The Power of Passion and Perseverance

  21,500 Ks

  “The greatest predictor of success is grit.”
  အောင်မြင်မှုရဲ့ ရှေ့ပြေးနိမိတ်ဟာ ကြံကြံခံပြီးကြိုးစားနိုင်ခြင်းဖြစ်တယ်
  -Angela Duckworth

  🛰 အချိန်နဲ့တစ်ပြေးညီ လုပ်ဆောင်နေရတဲ့ ခေတ်ကာလကို ရောက်နေချိန်မှာ Persistence ရဲ့အရေးကြီးမှုဟာ တစ်ဖြည်းဖြည်း ပျောက်ကွယ်လာတယ်။

  🚖 Taxi စီးချင်လား။ Grab ရှိတယ်။ ဗိုက်ဆာနေလား။ Foodpanda ရှိတယ်။ တစ်ခုခု ရှာချင်လား။ Google ရှိတယ်။ အရာအားလုံး လွယ်လွယ်ကူကူ ရနေတဲ့ အခါမှာ ခက်ခက်ခဲခဲ ကြိုးစားမှ ရနိုင်တဲ့ Social Skill, Network and Friends အဲ့ဒီ့အချက်တွေမှာ အားနည်းလာတယ်။

  💑 တစ်ချိန်တစ်ခါက မိန်းကလေး တစ်ယောက်ကို ပိုးပန်းဖိုဆိုရင် အဲ့ဒီ့မိန်းကလေးကို သေချာလေ့လာရတယ်။ မိန်းကလေးက ဘာတွေ ကြိုက်တတ်လဲ။ ရည်းစားစာဆိုလည်း စကားလုံးတွေကို ဖွဲနွဲပြီး ရေးရတယ်။ သူမအတွက် ကြယ်တွေ ခေါက်ရတယ်။ စာတွေ အကြောင်းများစွာရေးပြီးတော့ စာအိတ်လှလှလေးတွေနဲ့သေချာထုပ်ပိုးပြီးမှ သူမ မသိအောင် ခိုးပေးရတယ်။ သူမဆီက အချစ်ကို ရယူဖိုအတွက် နည်းလမ်းပေါင်းစုံ စဉ်းစားပြီးမှ အဖြေရတယ်။ အဲ့သလိုမျိုး ခက်ခက်ခဲခဲ ရယူထားတဲ့ အရာတစ်ခု ဖြစ်တဲ့အတွက် တန်ဖိုးကြီးတယ်။ တန်ဖိုးထားကြတယ်။

  🗯 အခုချိန်မှာတော့ လူငယ်တွေက Messenger လေးဖွင့်ပြီး ချစ်တယ်လိုပြောလိုက်တော့ ကြိုးစားမှုတွေက မရှိ၊ ရလာတော့လည်း မကြိုးစားထားတော့ တန်ဖိုးမထားကြပဲ ခဏလေးနဲ့ပြန်ပြတ်ကြတယ်။ လူငယ်တွေမှာ Persistence ရဲ့အရေးကြီးမှု၊ ခက်ခက်ခဲခဲကြိုးစားပြီးမှ ရလာတဲ့ ခံစားမှုမျိုးတွေ ပျောက်ကွယ်လာကြတယ်။

  💁 စာရေးဆရာမ Angela Duckworth က အောင်မြင်သူတွေနဲ့ကျရှုးသူတွေ ကြားမှာ ကွာခြားချက်တွေကို Research လုပ်ကြည့်တဲ့ အခါမှာ Grit ကအရေးကြီးဆုံး ဆိုတာတွေ့ရှိခဲ့တယ်။ Grit ဆိုတာကတော့ ရည်မှန်းချက်တစ်ခုကို အချိန်အကြာကြီး မဆုတ်မနစ်ပဲ ကြိုးစားတာ ဖြစ်ပါတယ်။ (Passion + Perseverance). Grit စာအုပ်မှာ လဲကျတိုင်း ပြန်ထဖိုပြီးတော့ ပြန်ထလာတဲ့ အချိန်မှာ အရင်တစ်ခါထက် ပိုသာတဲ့ လူတစ်ယောက် ဖြစ်ဖိုနည်းလမ်းကောင်းတွေ ပါပါတယ်။

  ☝️ 1 + Talent = 2
  ✌️ 1 + Effort = 3

  🐢 ယုန်နဲ့လိပ် ပြိုင်ပွဲကလို ယုန်ကတော့ မြန်တယ်။ လိပ်ကတော့ နှေးတယ်။ ဒါပေမယ့် အပြေးမြန်ပြီး ရပ်နေတဲ့ ယုန်ထက် မှန်မှန်သွားနေတဲ့ လိပ်ကတော့ အမြဲနိုင်မှာပါပဲ။ ငါက အရည်အချင်းရှိတယ်။ ငါ တော်တယ်။ ငါ တတ်တယ် ဆိုတဲ့ လူငယ်တွေထက် ရည်မှန်းချက်တစ်ခု အတွက် မှန်မှန်ကန်ကန် မဆုတ်မနစ် ကြိုးစားနေတဲ့ လူုငယ်က အချိန်တစ်ခုရောက်တဲ့ အခါမှာ သာလွန်မှာပါပဲ။

  ✊ တစ်စုံတစ်ခုအတွက် ကြိုးစားနေတယ် ဆိုတာ နေ့ရက်တိုင်းရဲ မနက်စာပါပဲ။

  👣 ရှေ ဆက်သွားမှာလား။

  🚶 ကျွန်တော် လွန်ခဲ့တဲ့ သုံးနှစ်လောက်မှာ သူငယ်ချင်းတွေနဲ့အတူ ဂူတစ်ခုထဲ ၀င်ခဲ့ကြတယ်။ ဂူထဲမှာ မီးမရှိတော့ ဖုန်း က မီးထွန်းပြီး အထဲကို ၀င်ကြတာပေါ့။ ကျွန်တော်တိုနဲ့အတူ အနောက်မှာ နောက်တစ်ဖွဲလိုက်လာကြတယ်။ ဂူ ထဲမှာ ဆက်သွားနေရင်း ရှေ့နားက လမ်းကြောင်းတွေက အရမ်းကျဉ်းလာတယ်။ လေ၀င်လေထွက် နည်းတော့ ဂူထဲမှာ အသက်ရှူကျပ်လာတယ်။ ရေတွေနဲ့ဆိုတော့ လမ်းတွေကလည်း ချောနေတယ်။ ခဏလည်းကြာရော အနောက်က အဖွဲ က ပြန်လှည့်သွားတယ်။ အရှေ့မှာကလည်း လမ်းကျဉ်းကျဉ်းလေးပဲ တွေ့ရတယ်။ ကျွန်တော်တိုကလည်း ဆက်လျှောက်သွားတာပေါ့။

  🏃 နောက်ဆုံး မြင်လိုက်ရတာ ဂူက အပိတ်ကြီး။ လမ်းမရှိတော့ဘူး။ ကျွန်တော်တိုအကုန် လန့်သွားတယ်။ ဘုရားစာတွေ ရွတ်ကြ၊ ဂါထာတွေ ဆိုကြတာပေါ့။ ဒါပေမယ့် ဘေးမှာ အပြင် ပြန်ထွက်ဖိုနောက်တစ်လမ်း ရှိတာကို တွေ့လိုက်ရတယ်။ အဲ့ဒီ့ကနေ အပြင် ပြန်ရောက်သွားတယ်။

  🙌 အဆုံးထိသာ ရောက်အောင် မသွားခဲ့ရင် ဒါမှမဟုတ် နောက်က အဖွဲလို နောက်ပြန်လှည့်ခဲ့ရင် အဆုံးမှာ ဘာရှိသလဲ သိမှာ မဟုတ်ပါဘူး။

  🌀 ကိုယ့် ယုံကြည်ရာ လမ်းကြောင်းတစ်ခုကို အဆုံးထိ သွားမှာလား။??

  🔭 “Always Discover your Vision and The Rest will Follow.”
  – Arnold Schwarzenegger

  📘 ယခုစာအုပ်ရဲ့အဓိက အနှစ်ကတော့ အချိန်အများကြီး ယူပြီး Research တွေလုပ်ရာက ရလာတဲ့ နည်းလမ်းတွေ ပါ၀င်တာပါပဲ။ စာအုပ်ထဲမှာ အပိုင်းသုံးပိုင်း ပါ၀င်ပါတယ်။

  🕯 ပထမပိုင်းမှာ Grit ဆိုတာဘာလဲ ပြီးတော့ Talent နဲ့Effort နှစ်ခုမှာ ဘယ်အရာက ပိုသာသလဲ စတဲ့ အကြောင်းအရာတွေကို Angela သင်ကြားခဲ့တဲ့ သူမ တပည့်လေးတွေနဲ့ဥပမာပြထားပါတယ်။

  💡 ဒုတိယပိုင်းမှာ Grit ရလာအောင် ဘယ်လို လုပ်မလဲ။ Grit တည်ဆောက်ပုံ အပိုင်းလေးမျိုးပါ၀င်ပါတယ်။

  🔦 တတိယပိုင်းမှာတော့ မိဘတွေ၊ ဆရာတွေ၊ အလုပ်ခွင်က မန်နေဂျာတွေ အတွက် မိမိလက်အောက်က ၀န်ထမ်းတွေကို သူတိုဘ၀ ပိုကောင်းလာအောင် လမ်းညွန်ပုံတွေ ရေးသားထားပါတယ်။

  📜 နောက်ဆုံးအနေနဲ့စာရေးသူ Angela Duckworth က Teacher တစ်ယောက်အပြင် PHD ရ Psychologist တစ်ယောက်လည်း ဖြစ်တယ်။ သူမ ရဲ့Grit စာအုပ်က Ted Talk ရဲ့ လူကြည့်အများဆုံး အပိုင်းတစ်ခုဖြစ်ပြီး သူမက Fortune 500 CEOs တွေအပြင် အိမ်ဖြူတော် နဲ့အမေရိကန် BasketBall NBA အသင်းတွေကိုလည်း အကြံပေးခဲ့ပါတယ်။

  📤 Angela ရဲ့ Grit – TED Talk Link လေးပါ။( ကြည့်ဖြစ်အောင် ကြည့်ကြည့်ပါ )

  👉 https://youtu.be/H14bBuluwB8

  💥 “Fall Down Seven Times, and Rise Eight.”
  – Angela Duckworth

  Add to cart
• 

  Quick View

  Dare to Lead

  21,500 Ks

  Brené Brown’s “Dare to Lead” is a powerful call to courage, urging us to embrace vulnerability and brave the messy arena of leadership. It offers practical tools and insightful frameworks for cultivating braver, more authentic leadership in all aspects of life. A must-read for anyone seeking to lead with heart and make a real difference.

  Add to cart