The Happiness Advantage: The Seven Principles of Positive Psychology That Fuel Success and Performance at Work
19,500 Ks
🌟 🌟 ပျော်ရွှင်မှုရဲ့အားသာချက် : အောင်မြင်မှုအတွက်အကောင်းမြင်စိတ်ရဲ့ခွန်အား🌟🌟
ပျော်ရာမှာမနေ၊ တော်ရာမှာနေရတယ်ဆိုတဲ့စကားနဲ့အတူ ကျွန်တော်တို သင်ခဲ့ရတဲ့ပျော်ရွှင်မှုဖော်မြူလာကဒီလိုမျိုး
⚒️ကြိုးစားမှု —> 🏆အောင်မြင်မှု—> 😊ပျော်ရွှင်မှု
ပျော်အောင်မနေနဲ့ အရင်ကြိုးစား၊ အောင်မြင်မှုရလာရင် ပျော်ရွှင်ရလိမ့်မယ်။
ဒါတကယ်ရောအလုပ်ဖြစ်ရဲ့လား ❓
တကယ်တော့ အောင်မြင်မှုဖော်မြူလာအမှန်ကဒီလိုပါ။
😊ပျော်ရွှင်မှု + ☀️အကောင်းမြင်စိတ် —> 📈အောင်မြင်မှု
📊Shawn Achor ရဲ့ Happiness Advantage ထဲမှာပျော်ရွှင်တဲ့သူတွေဟာ လူမှုရေး၊ စီးပွားရေးနဲ့ ပေါင်းသင်းဆက်ဆံရေးတိုမှာပိုမိုစွမ်းဆောင်နိုင်ခြင်းကို သုသေသနစမ်းသပ်မှုတွေအရတွေ့ရှိရတဲ့အကြောင်းကိုပြောပြထားပါတယ်။ လူအယောက် 275,000 ကိုပြုလုပ်ခဲ့တဲ့စမ်းသပ်မှုအခု 200 ကျော်မှာ
💰ပျော်ရွှင်တဲ့အရောင်းဝန်ထမ်းတွေဟာ – 37% ပိုရောင်းနိုင်ကြတယ်
🩺ပျော်ရွှင်တဲ့ဆရာဝန်တွေဟာ – 19% ပိုမြန်ပြီးတိကျတဲ့ရောဂါရှာဖွေမှုကိုပိုလုပ်နိုင်တယ်
🎨တီထွင်ဖန်တီးမှုကို ပုံမှန်ထက် 3 ဆဖန်တီးနိုင်တာကိုလေ့လာတွေ့ရှိခဲ့ပါတယ်
👌အကောင်းမြင်တတ်တဲ့စိတ်ဟာ ပင်ပန်းမှုနဲ့စိတ်ဖိစီးမှုကိုလျော့ချပေးပြီး ကျန်းမာတဲ့ဘ၀ကိုပိုင်ဆိုင်စေပါတယ်။
📏ဟုတ်ပါပြီ. ဒါဆိုပျော်ရွှင်မှုကို နံပါတ်တပ်လိုရသလား ?
ရပါတယ်… ပျော်ရွှင်မှုနံပါတ်က 2.901 ( 3:1 ) ပါ။
ဘယ်လို 3:1 လဲ ရှင်းပြပါဦး?
ခံစားရတဲ့ မကောင်းမြင်စိတ် (Negative emotion) တစ်ခုအတွက် အကောင်းမြင်စိတ် (Positive emotion) 3 ခုလိုအပ်ပါတယ်။ သဘောတရားက ကိုယ်လက်ခံလိုရတဲ့ပျော်ရွှင်မှုလေးတွေကိုမငြင်းပယ်ပဲ လက်ခံပြီး နေ့စဉ်ကြုံတွေ့နေရတဲ့ မကောင်းတဲ့အရာတွေကိုတန်ပြန်နိုင်အောင် အမြဲကိုယ့်ရင်ထဲမှာ ပျော်ရွှင်မှုလေး သုံးခုအနည်းဆုံးသိမ်းထားဖိုလိုအပ်တယ်။ ဒါကြောင့် မနက်တိုင်းကောင်းချီးပေးတာ၊ လမ်းဘေးက ပန်းလေးတစ်ပွင့်ရဲ့ အလှကိုခံစားတာစသည်ဖြင့် စိတ်ပျော်ရွှင်စေမယ့်အရာလေးသေးသေးလေးတွေကို အမြဲလုပ်ဖိုလိုအပ်ပါတယ်။ ဒီလုပ်ဆောင်ချက်တွေကနေ အမြဲအကောင်းမြင်တတ်တဲ့စိတ်ကိုရရှိလာပါလိမ့်မယ်။
🛑အဆင်မပြေမှုဟာ အမြင်အာရုံကိုကျဉ်းမြောင်းသွားစေပြီး အတွေးတွေကိုပိတ်မိစေတတ်တဲ့အကြောင်းလဲသိထားဖိုလိုပါမယ်။ အခက်အခဲတစ်ခုကြုံရင် ကျွန်တော်တိုဦးနှောက်ဟာ ပြသနာကိုအာရုံစိုက်လိုက်တဲ့အတွက် အပြင်မှာရှိနေတဲ့အရာတွေကိုမမြင်နိုင်တော့ပဲ Fight or Flight response ထဲမှာပိတ်မိသွားတတ်ပါတယ်။ ဒီအချိန်တွေမှာ အရာအားလုံးကို ရှင်းရှင်းလင်းလင်းမြင်ရပြီးတော့ ကြည်လင်ပြတ်သားတဲ့ ဆုံးဖြတ်ချက်တွေချနိုင်ဖို အကောင်းမြင်စိတ်ရဲ့စွမ်းဆောင်မှုဟာ အရမ်းအသုံးဝင်ပါတယ်။ ဒီလိုအကောင်းမြင်စိတ်ကိုတည်ဆောက်ဖိုအတွက်
1️⃣Zorro Circle
2️⃣Tetris Effect နှစ်ခုကို စာရေးသူကရှင်းပြထားပါတယ်။
⚔️Zorro Circle
ဂန္တဝင်ဓားသမားတစ်ယောက်ဖြစ်တဲ့ Zorro ဟာသူလေ့ကျင့်တဲ့အချိန်မှာ မြေကြီးပေါ်စက်ဝိုင်းလေးတစ်ခုရေးဆွဲ၊ ဒီစက်ဝိုင်းကို သူ့ကမ္ဘာလိုသတ်မှတ်ပြီး စက်ဝိုင်းရဲ့အပြင်ကိုမထွက်ပဲလေ့ကျင့်ခဲ့ပါတယ်။ သင်ဖြေရှင်းဖိုခက်ခဲတဲ့ ပြသနာအကြီးကြီးနဲ့ကြုံလာတဲ့အချိန်မှာ Zorro Circle တစ်ခုဖန်တီးပြီး ပြသနာရဲ့တစ်စိတ်တစ်ပိုင်းကိုအရင်ဖြေရှင်းပါ၊ ဖြေရှင်းပြီးရင် နောက်ထပ် Zorro Circleတွေတစ်ခုပြီးတစ်ခုဖန်တီးရင်း သင်ကြုံတွေ့ရတဲ့ပြသနာဟာ အလိုလိုပြီးမြောက်သွားတတ်တာ သတိပြုမိပါလိမ့်မယ်။ သုံးပေါင်ကိတ်မုန့်ကြီးတစ်ခုလုံးကိုဘယ်လိုစားမလဲဆိုပြီး အခက်အခဲတစ်ခုလုံးကိုပူပန်နေမယ့်အစား ကိတ်မုန့်သေးသေးလေးတွေတဖြည်းဖြည်းချင်းစားရင်းနဲ့ နောက်ဆုံးမှာပန်းကန်ပဲကျန်ခဲ့သလို ပြသနာသေးသေးလေးတွေကိုအရင်ဆုံးအဖြေရှာရင်း ပြသနာကြီးကိုဖြေရှင်းပါ။
🎮Tetris Effect
ဦးနှောက်ရဲ့အကောင်းဆုံး Ability တစ်ခုက Pattern Recognition ပါ။ ကျွန်တော်တိုလူတွေမွေးလာကတည်းက Build in ပါလာတဲ့ First Instinct တစ်ခုဆိုလည်းမမှားပါဘူး။ Tetris Effect ကကျွန်တော်တိုနေ့စဉ်တည်ဆောက်နေတဲ့ စိတ်ခံစားမှု အမူအကျင့်တွေဟာ ကောင်းမွန်တဲ့ နေထိုင်မှုကိုဖန်တီးနိုင်သလို ဆိုးရွားတဲ့ ခံစားချက်တွေကိုလည်းတည်ဆောက်နိုင်တဲ့အကြောင်းရှင်းပြထားပါတယ်။ တစ်နေကုန် Complain တက်၊ အော်ငေါက်နေတဲ့ အလုပ်ခွင်က Negative Emotion ထဲမှာနေထိုင်ရတဲ့လူတစ်ယောက်က အိမ်ပြန်ရောက်ချိန်မှာပျော်ရွှင်နိုင်မလား ဆိုတာကိုတွေးကြည့်ပါ။ Negative Emotion ပေါ်မှာအဆင်မပြေမှုကိုထပ်ဆောက်၊ အဆင်မပြေမှုအပေါ်မှာစိတ်မချမ်းသာမှုကိုထပ်ဆောက်ဆိုတာမျိုးဖြစ်နေရင် ကျေနပ်တဲ့ဘ၀ကိုမရသလို အောင်မြင်မှုနဲ့အလှမ်းဝေးနေဦးမှာပါ။ အဲ့ဒီ့အစား Positive Pattern တွေဖြစ်တဲ့ Skill တိုးတက်အောင်လုပ်တာ၊ အမှားတွေကနေသင်ခန်းစာယူပြီး အနာဂတ်အတွက်ပြင်ဆင်တာဆိုတဲ့ Positive Emotion တွေကိုနေ့စဉ်တည်ဆောက်ရင် တဖြည်းဖြည်းပိုမိုပျော်ရွှင်ကျေနပ်မှုတွေနဲ့အတူ ပိုကောင်းတဲ့ အခွင့်အလမ်းတွေရောက်ရှိလာပါလိမ့်မယ်။
🔧“Give me a lever long enough and a fulcrum on which to place it, and I shall move the world.” Archimedes
လုံလောက်တဲ့အရှည်ရှိတဲ့ လီဗာတစ်ခုနဲ့ ဆုံချက်တစ်ခုသာပေး၊ ငါကမ္ဘာကြီးကိုရွှေ့ပြမယ် ဆိုတဲ့ Archimedes ရဲ့ဆိုရိုးတစ်ခုရှိပါတယ်။
🛠လီဗာရဲ့အရှည်= သင့်ရဲ့လုပ်နိုင်စွမ်းအား၊ ကြိုးစားနိုင်တဲ့ပမာဏ
🎯ဆုံချက် = သင့်ရဲ့စိတ်ထား
ဒါက သင်မှာဘယ်လောက်ပဲကြိုးစားနိုင်တဲ့ပမာဏရှိပါစေ လိုအပ်တဲ့ဆုံချက်စိတ်ထားတစ်ခုမရှိရင် သင်လိုချင်တဲ့အမြင့်ကိုရောက်မှာမဟုတ်ပါဘူး။ သတိမထားမိပဲ မှားယွင်းတဲ့ ဆုံချက်မှာ စိတ်ဓာတ်ကိုသွားထားမိလိုက်ရင် ပိုဆိုးရွားတဲ့အတွေ့အကြုံတွေကိုတောင်ခံစားရနိုင်ပါတယ်။ ကြိုးစားမှုတစ်ခုတည်းနဲ့သာမက အကောင်းမြင်စိတ်ဆုံချက်ကိုတည်ဆောက်မှသာ သင်လိုချင်တဲ့အောင်မြင်မှုကို ပိုင်ဆိုင်နိုင်မှာပါ။
နေ့စဉ်မနက်တိုင်း🌅🌅🌅
🙏ကောင်းချီးပေးပါ။
🧘တရားထိုင်ပါ။
📖 ဂျာနယ်ရေးပါ။
👟လေ့ကျင့်ခန်းလုပ်ပါ။
💗ဂရုဏာတရားမွေးပါ။
✨ပျော်ရွှင်မှုဟာ အောင်မြင်မှုရဲ့ရလဒ်တစ်ခုမဟုတ်ပါဘူး။ ပျော်ရွှင်မှုဟာ အောင်မြင်မှုအတွက်အခြေခံအုတ်မြစ်တစ်ခုဖြစ်ပါတယ်။✨
အောင်မြင်မှုနောက်ကိုလိုက်ရင်း သင့်ရဲ့ပျော်ရွှင်မှုကိုငြင်းပယ်နေတာကိုရပ်တန့်လိုက်ပါ။သင့်ရဲ့ အကောင်းမြင်စိတ်တွေကို ဘယ်သူ့မှမတားဆီးနိုင်ပါဘူး။ ပျော်ရွှင်တဲ့နေထိုင်မှုဟာ အောင်မြင်မှုကိုအမြန်ဆုံးရောက်ရှိစေမယ့်နည်းလမ်းဆိုတာကိုနားလည်ပြီး အောင်မြင်မှုရဲ့အနောက်က ပျော်ရွှင်မှုတွေအတွက် အခုပစ္စုပ္ပန်ကို မစတေးပါနဲ့။ အကောင်းမြင်စိတ်နဲ့တကွ ပျော်ရွှင်တဲ့နည်းလမ်းတွေကိုတည်ဆောက်ပြီး အောင်မြင်တဲ့ဘ၀ကိုပိုင်ဆိုင်နိုင်ပါစေလို ဆုတောင်းရင်း…
Related products
-
Add to cart
သင့်ရဲ့ကိုယ်ပိုင်အင်ပါယာ – How to Think like a Roman Emperor
🌏ကမ္ဘာကြီးကိုပြောင်းလဲမယ်လိုပြောတဲ့သူကို သူ့ကိုယ်သူအရင်ပြောင်းလဲခိုင်းလိုက်ပါ
“Let him who would move the world first move himself.”
-Socrates🗽သင့်ရဲ့ကိုယ်ပိုင် အင်ပါယာထဲမှာ သင်ကလွဲပြီးဘယ်သူမှမင်းမူနိုင်မဲ့သူမရှိဘူး။
သင့်စိတ်ဟာ ဘယ်သူမှ ဝင်နှောင့်ယှက်လို မရတဲ့ရောမအင်ပါယာတစ်ခုလိုတည်ဆောက်ထားရင် ဘယ်လိုဖြစ်မလဲတွေးကြည့်လိုက်ပါ။ ကြုံလာသမျှအခက်အခဲတွေအားလုံးဟာသင်တိုးတက်ဖိုအတွက်အခွင့်အရေးတွေဖြစ်သွားမယ်။ သင့်ရဲ့အတိုက်အခံတွေဟာ သင့်ရဲ့ကြံ့ကြံ့ခံနိုင်တဲ့စိတ်ကို အံ့ဩပြီး လက်မြှောက်အရှုးပေးသွားကြလိမ့်မယ်။ သင်လက်ခံတဲ့အရာတွေပဲ သင့်အနားမှာရှိပြီးတော့ မလိုချင်တဲ့အရာတွေဟာ သင့်အဝေးကိုထွက်ပြေးသွားကြရလိမ့်မယ်။ကပ်ရောဂါ၊ ပုန်ကန်မှု၊ ရေကြီးမှုစတဲ့ ဘေးအန္တရာယ်တွေနဲ့သက်တမ်းတစ်လျှောက်လုံးရင်ဆိုင်ခဲ့တဲ့ ရောမရဲ့ အင်ပါယာ Marcus Aurelius (161–180 CE) ဟာသူစိတ်ကို ဘယ်နှောက်ယှက်မှုမှမဝင်အောင် Roman Tetsudo လိုမျိုးကာကွယ်ခဲ့ပါတယ်။ သူ့ရဲ့ အတွေးအခေါ်၊ ဒိုင်ယာရီနဲ့ ကြံ့ကြံ့ခံနိုင်တဲ့စိတ်ဓာတ်ကို Stocism နဲ့သံချပ်ကာတစ်ခုလိုကာရံထားတဲ့ဇာတ်လမ်းဟာ တစ်ထောင့်တစ်ညပုံပြင်လိုမျိုး အခုအချိန်ထိစွဲကျန်နေတုန်းပါ။ Donald J. Robertson ရဲ့ How to think like a roman emperor မှာ Marcus Aurelius နဲ့အတူတူ သူ့ဘ၀ကိုဖြတ်သန်းရင်း သူ့ရဲ့အတွေ့အကြုံတွေကိုခံစားရမှာပါ။
သင့်ဘ၀မှာနေ့စဉ် အခက်အခဲတွေ၊ စိန်ခေါ်မှု တွေနဲ့ ထိုးသတ်၊ ညတိုင်း သစ်တုံးတစ်တုံးလို မောပန်းလေးလံနေတဲ့သင့်ခန္ဒာကိုယ်ကိုကုစားနိုင်ပြီး တကယ်ငြိမ်းချမ်းမှုရှိတဲ့ ရောမအင်ပါယာတစ်ခုလိုမျိုးစိတ်ဓာတ်ကိုနေ့စဉ်တည်ဆောက်နိုင်ဖိုအတွက် ဒီစာအုပ်ကလေးကိုသင့်ဘေးနားမှာအမြဲသိမ်းထားလိုက်ပါ။
-
Add to cart
💔💔ပျော်ရွှင်မှုဟာ အဓိပ္ပါယ်မဲ့လာသလိုခံစားနေရင် ? 💔💔
🏎“မင်းဒီအရာကိုပိုင်ဆိုင်ရရင်/လုပ်နိုင်ရင် ပျော်ရမယ်လို့ထင်တဲ့အရာအားလုံးကို မင်းလုပ်ခဲ့ပြီးပြီ”
ဒါအရာတွေတွေအခုမင်းပိုင်ဆိုင်နေရချိန်မှာပျော်ရဲ့လား ?📱ဖုန်းအသစ်တစ်လုံးကိုရတဲ့အချိန်မှာ ခင်ဗျားအပျော်ဆုံးအချိန်တွေထဲကတစ်ခုဖြစ်တယ်။ နောက်တစ်လလောက်ကြာသွားတဲ့အချိန်မှာ ဒီဖုန်းက ဖုန်းတစ်လုံးပဲဖြစ်တော့တယ်။ တစ်နှစ်လောက်ကြာသွားတော့ ဒီဖုန်းကဟောင်းလို့ နောက်တစ်လုံးအသစ်ဝယ်မှ ခင်ဗျားလိုအပ်တဲ့ပျော်ရွှင်မှုကိုပြန်ရတော့မယ်။ ဒီခံစားချက်တွေကဘယ်လိုဖြစ်လာတာလဲ?
🎮လူတိုင်းကိုယ်စီမှာစွဲလမ်းမှုတွေရှိကြပါတယ်။ အသိသာဆုံးသောစွဲလမ်းမှုတွေက Tik Tok ကြည့်တာ၊ Shopping ထွက်တာ၊ အစားကောင်းကိုခုံမင်တာ စသည်ဖြင့်ပေါ့။ စွဲလမ်းဖို့ကောင်းတဲ့အရာတွေနဲ့ ပတ်ချာလည်ဝိုင်းနေတဲ့ဒီခေတ်မှာ လူတွေဟာ Dopamine ရဲ့သားကောင်ဖြစ်နေတဲ့အကြောင်းနဲ့ ဒီစွဲလမ်းမှုတွေကိုအကျိုးရှိအောင်ဘယ်လိုအသုံးချရမလဲဆိုတာကိုစာရေးဆရာမ Anna Lembke က Dopamine Nation ထဲမှာတင်ပြထားပါတယ်။
🧠Dopamine and Our Brain’s Pleasure System
Novelty လို့ခေါ်တဲ့အသစ်အဆန်းကိုခံစားရမှုဟာ Brain ကို လှုံ့ဆော်စေပြီး Dopamine ကိုရရှိစေပါတယ် (ဥပမာ အရမ်းကောင်းတဲ့ကော်ဖီဆိုင်အသစ်တစ်ဆိုင်က ကော်ဖီတစ်ခွက်ကိုပထမဆုံးသောက်လိုက်တဲ့အချိန်မျိုး)။ Novelty ကပေးတဲ့ Dopamine ကိုစွဲလမ်းမှုကြောင့်ဒီဆိုင်ကိုနောက်တစ်ခါနှစ်ခါ လာထိုင်ဖြစ်ပေမယ့် လေးငါးခေါက်လောက်ကျတော့ အသစ်အဆန်းမရှိတဲ့အတွက် ရိုးသွားသလိုမျိုးခံစားရပြီး နောက်အသစ်တစ်နေရာကိုထပ်သွားချင်တဲ့စိတ်ဖြစ်ပေါ်လာပြန်ရော။ ဒီလို Dopamine induced Pleasure နောက်လိုက်ရင်းနဲ့ ကျွန်တော်တို့ ရဲ့အချိန်နဲ့စွမ်းအားတွေ ဖြုန်းတီးနေမှုကို လျော့ချဖို့ကြိုးစားရပါမယ်။⚖️Pleasure and Pain ချိန်ခွင်
‘ ရယ်ပြီးရင်ငိုရတတ်တယ်” အရမ်းရယ်ပြီးရင် လက်ကိုခုနစ်ချက်ပြန်ရိုက်ရတယ်ဆိုတာကိုသိသလား ? ငယ်ငယ်တုန်းက အရမ်းရယ်ပြီးသွားရင်သူငယ်ချင်းတွေက လက်ဖျံကို ခပ်စပ်စပ်ကလေး ခုနစ်ချက်ရိုက်တတ်ကြတဲ့အမူအကျင့်တွေဟာ Pleasure and Pain ချိန်ခွင်ရဲ့အခြေခံသဘောတရားပါပဲ။ အလုပ်နားတဲ့ တစ်ရက်မှာ တစ်နေကုန် Tik Tok ကြည့် (Pleasure hunting)ပြီးတော့ ညကျရင်ဘာမှအကျိုးမရှိသလိုခံစားရတာ (Pain Hurting) ဟာ အလွယ်တကူရတဲ့ Dopamine ရဲ့ အတက်အကျရှိတဲ့ ဥပမာတစ်ခုပါ။🤝Dopamine နဲ့အတူနေထိုင်ခြင်း
ဟာ… Dopamine ကမကောင်းဘူးဆိုရင် ငါ Dopamine မရှိအောင်နေမယ်လို့တွေးရင်မှားသွားပါလိမ့်မယ်။ Dopamine မရှိတော့တဲ့အချိန်မှာ ကြွက်တွေဟာ အရှေ့မှာချထားတဲ့အစာကို မစားပဲ အစာငတ်ပြီးအသက်ဆုံးရှုံးတဲ့အထိ ဖြစ်တာကို စမ်းသပ်ချက်တွေမှာတွေ့ရှိရပါတယ်။ Dopamine ဟာကျွန်တော်တို့နေ့စဉ် လှုပ်ရှားမှု၊ ရည်မှန်းချက်အစရှိတဲ့အရာတွေကို လမ်းညွှန်ပေးတဲ့ Hormone တစ်ခုဖြစ်တဲ့အတွက် တန်ဆေးလွန်ဘေးဆိုသလို အလွယ်တကူရနိုင်တဲ့ မသင့်လျော်တဲ့ Dopamine – အလွန်အမင်းဖုန်းကြည့်ခြင်း၊ အစားကောင်းကိုခုံမင်ခြင်း၊ လောင်းကစားလုပ်ခြင်း တွေ ကိုတတ်နိုင်သမျှရှောင်ကြဉ်ပြီး အားစိုက်ထုတ်ရပြီး သင့်လျော်တဲ့ Dopamine – နေရောင်ခြည်၊ လေ့ကျင့်ခန်း၊ စာဖတ်ခြင်း၊တရားထိုင်ခြင်း၊လမ်းလျှောက်ခြင်း စတဲ့အရာတွေကိုနေ့စဉ်ဘ၀မှာ ပိုမိုလုပ်ဆောင်ရပါမယ်။🏁သင့်ရည်မှန်းချက်ပန်းတိုင်ကို နှောင့်နှေးအောင်အချိန်ဆွဲနေတဲ့ စွဲလမ်းမှုကနေလွတ်မြောက်စေဖို့ Pleasure/Pain ချိန်ခွင် ကို ချိန်ညှိတဲ့နည်း (Pursing Pain) နဲ့ Abstain ( D.O.P.A.M.I.N.E) ဆိုတဲ့နည်းစနစ်နှစ်ခုကို ဒီစာအုပ်ကလေးထဲမှာတွေ့ရမှာပါ။ သင့်ကိုသင် ထိန်းချုပ်လို့မရဘူးဆိုရင် သေချာတာက သင့်ကို Dopamine ကထိန်းချုပ်နေတာပါ။ ဒီနည်းစနစ်တွေအပြင် Dopamine Detox , Vipassana Meditation တွေကိုအသုံးပြုပြီး သင့်ဘ၀ကို ကိုယ်တိုင်ထိန်းကျောင်းနိုင်တဲ့ Power ကို လက်ဆုပ်လက်ကိုင်ရယူလိုက်ပါ။
-
Add to cart
🙏အစီအစဉ်မကျမှု တလွဲတချော်ဖြစ်မှုတွေနဲ့ အတူတကွနေထိုင်နည်း ၁၂ ချက် – Part 1 🙏
ဘယ်လောက်ပဲအစီအစဉ်ကျအောင်လုပ်လုပ် တလွဲတချော်ဖြစ်မှုတွေဟာအမြဲတမ်းရှိပါတယ်။
No matter how much we try to set things in order, Chaos is bound to happen.👥ဒါတွေကကျွန်တော်တိုအားလုံးဖြစ်နေကျခံစားမှုတွေပါ။ ကျွန်တော်တိုကစနစ်တကျစီစဉ်ထားတယ်။ ဒါပေမယ့်လောကကြီးက တလွဲတွေကိုမဖြစ်ဖြစ်အောင်လုပ်ပေးတယ်။ တစ်ခါတစ်လေ အလုပ်တစ်ခု၊ အလေ့အကျင့်တစ်ခုလုပ်ဖိုတောင် ဘာတွေသောက်တလွဲဖြစ်ဦးမလဲဆိုတဲ့အတွေးနဲ့ စိုးရိမ်ပူပန်နေတာနဲ့ တင် အလုပ်တွေနှောင့်နှေးနေတာတွေဖြစ်တတ်ပါတယ်။
ဒီလို တလွဲတချော်ဖြစ်နေမှုတွေနဲ့ အစီအစဉ်တကျအလုပ်ဖြစ်မှုဆိုတဲ့အရာနှစ်ခုကြားမှာဘယ်လိုနေထိုင်ရမလဲ ?အဆိုး အကောင်းနှစ်ခုကိုဒွန်တွဲပြီး သာတူညီမျှ ဖြစ်တဲ့ဘ၀ကို ဘယ်လိုနေထိုင်ရမလဲဆိုတာကို Jordan Peterson ရဲ့ Beyond Order မှာဖော်ပြထားပါတယ်။🏷Beyond Order ဟာ Jordan Peterson ရဲ့ Bestseller ဖြစ်တဲ့ 12 Rules for life ရဲ့ နောက်ဆက်တွဲဖြစ်ပြီးတော့ ဒီစာအုပ်ထဲမှာ တလွဲတချော်ဖြစ်မှုတွေနဲ့ အစီအစဉ်ကျမှုတွေကြားမှာ သာတူညီမျှစွာနေထိုင်နိုင်မဲ့နည်း တွေကို ရှင်းပြထားပါတယ်။ ဒီနည်းတွေကို အတူတူလေ့လာကြည့်ရအောင်
🏢1. Do not carelessly denigrate social institutions or creative achievement.🏢
အဖွဲအစည်းတွေနဲ့ တီထွင်အောင်မြင်မှုတွေကို ဂရုမစိုက်ပဲ မရှုချပါနှင့်
တစ်ယောက်အားနှင့်ယူသော်မရ တစ်သောင်းအားနှင့်ယူသော်ရ၏ ဆိုတဲ့စကားပုံလိုပဲ လူသားတိုးတက်မှုမှာ အဖွဲအစည်းတွေက အရေးကြီးပါတယ်။ မိမိကိုတိုးတက်အောင်လုပ်ပေးနိုင်တဲ့ ပညာသင်ပေးနိုင်တဲ့ Mentor တွေ လက်တွေ့ယူရမယ့် Experience တွေဟာ အဖွဲအစည်းတွေမှာရှိပါတယ်။အဖွဲအစည်းတစ်ခုထဲကိုရောက်ရင် Complain တွေတက်ပြီးအမုန်းပွားနေမယ့်အစား ကိုယ့်ကို အပေါ်ရောက်အောင်လုပ်ပေးနိုင်တဲ့သူတွေနဲ့အတူ မိမိရဲ့ဘ၀ကို တိုးတက်အောင်ရှာဖွေပါ။ တီထွင်ကြံဆမှုတွေကိုလေ့လာပါ။🏃♂️2. Imagine who you could be and then aim single-mindedly at that.🏃♂️
ကိုယ်ဘာဖြစ်နိုင်လဲဆိုတာကိုတွေးပြီး အဲ့ဒီ့အရာတစ်ခုတည်းကိုဦးတည်ပြီးအလုပ်လုပ်ပါ
“ Hero တစ်ယောက်ဆိုတာ ပြီးပြည့်စုံအောင်ဖွံဖြိုးတိုးတက်ပြီးတဲ့ ကိုယ်ပိုင်အရည်အချင်းရဲ့ ဥပမာတစ်ခုဖြစ်တယ်” လို စာရေးသူကပြောထားပါတယ်။ငယ်ရွယ်စဉ်တုန်းက ကျွန်တော်တိုတွေဟာ Batman, Spiderman တိုလိုမျိုး Hero တွေကိုသဘောကျခဲ့သလို အခု ကျွန်တော်တိုလက်တွေ့မြင်ရတဲ့ Elon Mask တို Jeff Bezos တိုလိုမျိုး Hero တွေဖြစ်အောင် ကြိုးစားချင်တယ်မဟုတ်လား။ကိုယ် အားကျတဲ့ Hero တစ်ယောက်လို ကိုယ့်ကိုယ်တိုင်စိတ်ကူးယဉ်ပြီး သူကြုံခဲ့တဲ့အခက်အခဲတွေ ကိုရင်ဆိုင်သလိုမျိုး ရင်ဆိုင်ပြီး ရှေ့လျှောက်မယ့်လမ်း ကကျန်တဲ့မလိုတဲ့ အရာတွေကိုဖယ်ထုတ်နိုင်ရပါမယ်။🌫3. Do not hide unwanted things in the fog.🌫
မလိုချင်တဲ့အရာတွေကို မီးခိုးငွေ့တွေထဲဖုံးကွယ်မထားပါနဲ့
အဆင်မပြေမှုတွေနဲ့ကြုံတွေ့ရတဲ့ အချိန်မှာ ကျွန်တော်တိုလုပ်မိတတ်တာက အဲ့ဒီ့အရာတွေကို မမြင်ရအောင်ဖုံးကွယ်ထားဖိုကြိုးစားတာပါပဲ။ဥပမာ လုပ်ဖော်ကိုင်ဖက်တစ်ယောက်နဲ့ အဆင်မပြေကြောင်း တိုက်ရိုက်ပြောဖိုထက် အဲ့ဒီ့အရာကိုဖုံးကွယ်ပြီးအခြားအကြောင်းကိုပြောဖို ကျွန်တော်တိုပိုပြီး ကြိုးစားတတ်ပါတယ်။ ကိုယ်ကိုယ်တိုင်ဖုံးကွယ်ထားတဲ့အရာတွေဟာ ရုတ်တရက်ပေါ်ပေါက်လာတော့မှ အငိုက်မိပြီး ပြသနာတွေဟာ မထင်မှတ်ထားပဲအရမ်းကြီးမားသွားတတ်ပါတယ် ။ အခက်အခဲတွေကို ဖုံးကွယ်ဖိုမကြိုးစားပဲနဲ့ ရင်ဆိုင်ဖြေရှင်းနိုင်တဲ့ အရည်အသွေးကိုမွေးမြူမှသာ ကျွန်တော်တို ပိုမိုကောင်းမွန်တဲ့ လူတစ်ယောက်ဖြစ်လာမှာပါ။🌻4. Notice that opportunity lurks where responsibility has been abdicated.🌻
တခြားသူတွေတာဝန်မယူရဲတဲ့နေရာတွေမှာ အခွင့်အလမ်းတွေရှိနေတတ်တာကိုသတိပြုပါ
ဒီနေရာမှာ မင်မင်ရဲ့ ကိုယ်တွေ့အတွေ့အကြုံလေးတစ်ခု Share ချင်ပါတယ်။ အလုပ်မှာပွဲတစ်ခုစီစဉ်တုန်းက အစားအသောက်အတွက်ဘယ်သူမှတာဝန်ယူမယ့်သူမရှိတဲ့အချိန်မှာ မင်မင် က Volunteer အနေနဲ့တာဝန်ယူခဲ့မိပါတယ်။ ဘာမှသိပ်မတွေးပဲပုံမှန် အတိုင်းကူညီချင်ရုံသတ်သတ်နဲ့ တာဝန်ယူလိုက်တာရဲ့ အကျိုးဆက်က အလုပ်မှာ ရှိတဲ့လူအားလုံးနဲ့ ရင်းနှီးမှုပိုရခဲ့တဲ့အပြင် အရင်က သိပ်မတည့်တဲ့သူတွေပါကိုယ်နဲ့ သူငယ်ချင်းတွေဖြစ်သွားပြီး မင်မင့်ကို ဒီ Page ကလေး run ဖိုတွန်းအားပေးတဲ့ ဆရာကောင်းတွေနဲ့လည်းကြုံတွေ့ခဲ့ပါတယ်။ အဲ့ဒီတုန်းက တာဝန်သာမယူခဲ့ရင် ဒီ Page လေးဖြစ်လာဖိုဆိုတာလည်းအချိန်တစ်ခု ထပ်ကြာနေဦးမှာပါ။⛔️5. Do not do what you hate.⛔️
မင်းမုန်းတဲ့ အလုပ်ကိုမလုပ်ပါနဲ့
“ဟိုး….. ထား ဆရာသမား” မုန်းတဲ့အလုပ်ကိုမလုပ်နဲ့ဆိုလို ကိုယ်မကြိုက်တဲ့အရာမှန်သမျှမလုပ်ခိုင်းတာမဟုတ်ဘူး။ ကိုယ်မုန်းတဲ့အရာတွေဆိုတာ ကိုယ့်ကိုယ်ကိုလည်းအကျိုးမပြု ၊သူများအတွက်လည်းစီးပွားမဖြစ်ထွန်း ၊ ပတ်ဝန်းကျင်ကလည်းလက်မခံနိုင်တဲ့ အရာတွေကိုပြောတာနော်။ ကိုယ့်အလုပ်ကို ကိုယ်မကျေနပ်ဘူး မကြိုက်ဘူးဆိုရင် ကိုယ်ကိုယ်တိုင်ဘာပြောင်းလဲနိုင်သလဲအရင်စဉ်းစားပြီး တိုးတက်ပြောင်းလဲနိုင်တဲ့ နည်းလမ်းကို လက်ခံကျင့်သုံးပါ။ အလုပ်က မပြောင်းလဲပေးနိုင်ဘူး ဆိုရင် အားလပ်ချိန်မှာ ကိုယ့် Personal Life ကိုတိုးတက်အောင်လုပ်ပြီး ဒီအလုပ်ကထွက်နိုင်မယ့်နည်းလမ်းကိုရှာပါ။📡6. Abandon ideology.📡
အယူဝါဒတွေကိုလက်ကိုင်စွဲမထားပါနဲ့
Ideology တွေဟာ Smart ဖြစ်တဲ့ ငပျင်းတွေရဲ့ လက်နက်တစ်ခုဖြစ်ပါတယ်။( မယုံရင် ကိုယ့်ကိုယ်ကို ပြန်မေးကြည့်ပါ)။ နီတိတွေကျမ်းတွေ နဲ့ လူကြီးတွေပြောတဲ့ ဆုံးမမှုတွေဟာ အတိုင်းအတာတစ်ခု အထိလက်ခံကျင့်သုံးလိုကောင်းပါတယ်။ ဒါပေမယ့် ပြောင်းလဲနေတဲ့ ကမ္ဘာကြီးမှာ ရှေးဦးစာအုပ်တွေထဲကအတိုင်း လိုက်နေလိုကတော့ ကျွန်တော်တိုရဲ့တက်လမ်းကို စာအုပ်တွေထဲက နိယာမတွေနဲ့ပိတ်မိထားသလိုဖြစ်နေမှာပါ။ လွတ်လပ်စွာတွေးခေါ်ပါ။ စွန့်စားမှုကိုလက်သင့်ခံပါ။ မိမိလက်ခံထားတဲ့ မိမိရဲ့ ယုံကြည်မှုကို မေးခွန်းထုတ်ပြီး လိုက်လျောညီထွေနေနိုင်အောင် Upgrade လုပ်ပါ။💪7. Work as hard as you possibly can on at least one thing and see what happens.💪
တစ်ခုကို ရှိသမျှအားအကုန်စိုက်ပြီးအလုပ်လုပ်ကြည့်ပြီး ဘာဖြစ်လဲစောင့်ကြည့်ပါ
သင်မအောင်မြင်သေးတာမဟုတ်ပါဘူး ဖြစ်ချင်တာတွေအရမ်းများနေတာပါ။ ဆရာဝန်ကြီးဖြစ်ချင်တာလား ? အင်ဂျင်နီယာကြီးဖြစ်ချင်တာလား ? Vlogger ကြီးဖြစ်ချင်တာလား ? Influencer ကြီးဖြစ်ချင်တာလား ? ဖြစ်ချင်တာတွေတော့အရမ်းများပါရဲ့ အခုအချိန်ထိတော့ဘာမှတော့ဖြစ်မလာသေးဘူး လုပ်တာကတော့အကုန်လုပ်နေတာပဲ..
အကုန်မလုပ်ပါနဲ့။ တစ်ခုတည်းကိုအချိန်အတိုင်းအတာတစ်ခုအထိအားစိုက်အလုပ်လုပ်ပြီး ရလဒ်ကို စောင့်ကြည့်ပါ။ အောင်မြင်တဲ့သူတိုင်းဟာ နေရာတိုင်းမှာမတော်ကြပါဘူး။ ကျွမ်းကျင်တဲ့နယ်ပယ်တစ်ခုမှာ ဘယ်သူမှမယှဉ်နိုင်တဲ့ Skill နဲ့ အလုပ်လုပ်နိုင် တာဟာ သင့်အောင်မြင်မှုရဲ့လမ်းစတစ်ခုဖြစ်ပါတယ်။💐8. Try to make one room in your home as beautiful as possible.💐
မင်းအိမ်က အခန်းတစ်ခန်းကို လှနိုင်သမျှလှအောင်ထားပါ။
စားပွဲပေါ်ကပန်းအိုးသေးသေးလေးတစ်လုံးလိုမျိုးရိုးရှင်းတဲ့ မြင်ကွင်းလေးတစ်ခုဟာ အံ့ဩဖွယ်ကောင်းတဲ့စိတ်ကြည်နူးမှုကိုပေးစွမ်းနိုင်ပါတယ်။ တွေးကြည့်လိုက်ပါ ခင်ဗျားအလုပ်ကနေတစ်နေကုန်ပင်ပန်းနွမ်းနယ်ပြီး အိမ်ပြန်ရောက်တဲ့အချိန်မှာ သန့်ရှင်းလတ်ဆတ်နေတဲ့အခန်းထဲကိုဝင်လိုက်တာနဲ့ ဘယ်လောက်တောင်စိတ်ချမ်းသာသွားလိမ့်မလဲ ဆိုတာ။ တကယ်လိုအခန်းတစ်ခန်းလုံးအတွက်အချိန်မရှိဘူး ဆိုရင်တောင် ဘုရားစင်ထဲက ဘုရားပန်းလေးလဲတာ သောက်တော်ရေလဲတာလေး နေ့စဉ်လုပ်ပေးမယ်ဆိုရင် သင့်ဘ၀အတွက် အေးချမ်းတဲ့နေရာတစ်ခု ဟာ သင့်အိမ်မှာနေ့စဉ်ရှိနေပါလိမ့်မယ်။📝9. If old memories still make you cry, write them down carefully and completely. 📝
အတိတ်ကအကြောင်းအရာတွေနဲ့မျက်ရည်ကျမိနေသေးရင် သေသေချာချာပြည့်ပြည့်စုံစုံ ရေးချပါ။
ဆုံးရှုးမှုဟာ လူသားတွေရဲ့အစိတ်အပိုင်းတစ်ခုပါပဲ။ ကျွန်တော်တိုချစ်တဲ့အရာတွေနဲ့ ခွဲခွာခဲ့ရတဲ့ ခက်ခဲတဲ့အချိန်တွေဟာ မေ့ပစ်ဖိုအရမ်းခက်ခဲပါတယ်( ဥပမာ မိသားစုဝင်တွေ တိရစ္ဆာန်လေးတွေ) ။ ဒီအရာတွေကို ကျွန်တော်တိုထပ်ခါတလဲလဲပြန်တွေးမိရင်း ဖြေသိမ့်မှုမရနိုင်ပဲ လိပ်ခဲတည်းလည်းဖြစ်လာတဲ့ ဝန်ထုပ်ဝန်ပိုးတွေဖြစ်လာတ်ပါတယ်။ ကျွန်တော်တိုတွေ လွတ်မြောက်မှုနဲ့ဖြေသိမ့်မှုရရှိနိုင်ဖိုကအတွက် သူတိုနဲ့ ပက်သက်တဲ့ သတိရမှု လွမ်းဆွတ်မှုတွေကို စာရွက်တွေပေါ်မှာချရေးထားပြီး လိုအပ်တိုင်းထုတ်ဖတ်ပါ။သင့်ဘ၀ထဲမှာ သူတိုတွေအကောင်းဆုံးဖြစ်အောင်သူတိုကြိုးစားခဲ့ပြီးပါပြီ သူတိုတွေဂုဏ်ယူရအောင် ကြိုးစားဖိုက သင့်တာဝန်ပါ။💓10. Plan and work diligently to maintain the romance in your relationship.💓
အချစ်တွေဆက်လက်ရှင်သန်နေဖို အစီအစဉ်ချပြီး ကြိုးစားအားထုတ်ပါ။
ချစ်နေရင်ပြီးရော ဆိုတဲ့ စကားလုံးက တကယ့်လက်တွေ့ဘ၀နဲ့ ထပ်တူကျမနေပါဘူး။ အိမ်ထောင်ဖက်ဘ၀မှာ မိသားစုဘ၀မှာ ရေရှည်တည်မြဲနေဖိုအတွက်အားစိုက်ထုတ်မှုတွေ နားလည်မှုတွေ ရှိရမှာပါ။ တစ်ယောက်နဲ့တစ်ယောက် လိုအပ်ချက်တွေနဲ့ လိုအင်တွေကို နားလည်သဘောပေါက်ပြီး လေးစားမှုအပြည့်နဲ့ မျက်နှာချင်းဆိုင်ဆွေးနွေးနိုင်မှုဟာ ကြာရှည်တည်မြဲတဲ့ Relationship တစ်ခုကိုအားသစ်လောင်းစေပါတယ်။
အချစ်ရေးနဲ့ မိသားစုမှာ အဆင်ပြေမှုဟာ သင့်အောင်မြင်မှုဆီကို အမြန်ဆုံးရောက်အောင်တွန်းအားပေးနိုင်တဲ့ အစွမ်းအထက်ဆုံးသောအရာတစ်ခုလည်းဖြစ်တာကြောင့် ဒါကိုဂရုစိုက်ဖိုမလစ်ဟင်းမိပါစေနဲ့ ။💢11. Do not allow yourself to become resentful, deceitful, or arrogant. 💢
ကိုယ့်ကိုကိုယ် နာကြည်းမှု ၊ လှည့်စားမှု နဲ့ မာနထောင်လွှားမှုတိုရဲ့သားကောင်အဖြစ်မခံပါနဲ့
ဘ၀ရဲ့ ထိုးနှက်မှုတွေအများကြီးကို သင်ခံစားဖူးခဲ့ပြီးပါပြီ။ အောင်မြင်မှု၊ ကျရှုးမှု၊ နောက်ကျောဓားနဲ့အထိုးခံရမှု၊ ကွယ်ရာမှာအပုတ်ချခံရမှု စသည်ဖြင့်အခြေအနေအမျိုးမျိုးက သင့်ကို ဒီနေရာရောက်အောင် တွန်းပိုခဲ့တာမဟုတ်ပါလား။ အတိတ်ကအရာတွေကိုပြန်တွေးမိတဲ့အချိန်မှာ နာကြည်းမှု၊ ခံပြင်းမှုတွေနဲ့ မိမိကိုယ်ကိုယ်ပိတ်လှောင်မိနေခြင်းဟာ အဆိုးဝါးဆုံးသောအရာတစ်ခုဖြစ်ပါတယ်။ အရင်ကဖြစ်ခဲ့တဲ့အရာတွေကို လက်ခံလိုက်ပါ သူတိုဟာသင့်ကို ပိုကောင်းမွန်တဲ့လူတစ်ယောက်ဖြစ်အောင် သင်ခန်းစာတွေပေးခဲ့တာပါ။ ဒီသင်ခန်းစာတွေကိုပဲ ရင်ထဲမှာသိမ်းထားပြီးရှေ့ဆက်မယ့်လမ်းမှာ လက်နက်အဖြစ်အသုံးချပါ။🕊12. Be grateful in spite of your suffering. 🕊
သင့်ရဲ့ အခက်အခဲတွေနဲ့ နာကျင်မှုတွေကိုကျေးဇူးတင်ပါ
မီးပူပူထဲ အကြိမ်ပေါင်းများစွာဖြတ်သန်း၊ တူနဲ့ ထုရိုက်မှုပေါင်းမြောက်များစွာကိုမခံယူပဲနဲ့ ဓားကောင်းတစ်ချောင်းဖြစ်မလာသလို အခက်အခဲတွေကို မရင်ဆိုင်ပဲနဲ့လဲ လူတော်လူကောင်းတစ်ယောက်ဖြစ်မလာပါဘူး။ ကျွန်တော်တိုလျှောက်ခဲ့တဲ့လမ်းကို ပြန်ကြည့်မယ်ဆိုရင် ထိပ်တိုက်ရင်ဆိုင်ခဲ့တဲ့အခက်အခဲတွေ ဘယ်သူ့ကိုမှပြောပြလို နားမလည်နိင်လောက်တဲ့ ကိုယ်ကိုယ်တိုင်ပဲသိတဲ့ နာကျင်မှုတွေဟာ ကျွန်တော်တိုကို အကောင်းဆုံးသင်ခန်းစာတွေပေးခဲ့တာပါ။ဒါကြောင့် အခက်အခဲတွေထပ်ရင်ဆိုင်လာရရင် စိတ်ညစ်မယ့်အစားကျေးဇူးတင်ပါ။ ဘာလိုလဲဆိုတော့ သူတိုဟာ ကျွန်တော်တိုအတွက်အကောင်းဆုံးသင်ခန်းစာတွေထပ်ယူလာပေးတယ်ဆိုရင်လည်းမမှားပါဘူး။📔Beyond Order ဟာ ဘ၀ရဲ့ ရှုပ်ထွေးမှုတွေကို ခံနိုင်ရည်အပြည့်နဲ့ ခွန်အားရှိရှိရင်ဆိုင်နိုင်အောင် ညွှန်ပြပေးတဲ့ လမ်းပြမြေပုံတစ်ခုဆိုရင်လည်းမမှားပါဘူး။ လောကကြီးကကျွမ်းထိုးမှောက်ခုံဖြစ်နေတဲ့အချိန်မှာတောင် ကိုယ့်ဘ၀ကို ကျေနပ်ဖိုက ကိုယ့်မှာပဲတာဝန်ရှိတဲ့အကြောင်းကို Dr. Jordan Peterson က စာအုပ်ထဲမှာလှပစွာရှင်းပြထားပါတယ်။
သင့်ဘ၀အတွက် လိုအပ်တဲ့ Balance ကိုရှာဖွေဖို အသင့်ဖြစ်နေပြီဆိုရင်တော့ Beyond Order ကို Airplane Bookstore မှာ အဆင်သင့်မှာယူလိုရပါတယ်။ ဒီစာအုပ်ထဲကဘယ်နည်းတွေကိုသင်အသုံးချဖိုစဉ်းစားထားသလဲ? တခြားသူတွေလည်း ဒီလိုအသိဉာဏ်တွေတိုးပွားအောင် ဒီ Post လေးကို ကူ Share လိုက်ပါ။
Book Title – Beyond Order : 12 More Rules for Life
Author – Jordan Peterson
Price – 19,500 MMK -
Add to cart
💪 What doesn’t kill you makes you stronger 💪
😢 ကိုယ့်ဘဝကို အပြစ်တင်ခဲ့တယ်။ ဘာလို အဖေ က မိသားစုဝင်တွေကို ရိုက်တာလဲ။ ချမ်းသာတဲ့ မိသားစုက မကြီးပြင်းရတာလဲ၊ ဘာလို အရာရာမှာ နမ့်ကျနေရတာလဲ၊ ဘာလို လူမည်းတစ်ယောက်အဖြစ် မွေးဖွားလာခဲ့ရတာလဲ။
🤡 လူတိုင်းမှာ ကိုယ်စီ စိတ်ဒဏ်ရာတွေ ရှိကြတယ်။
✖️ အောက်ခြေမှာ နေရတာကို လူတိုင်း နားမလည်ကြပါဘူး။ ကိုယ်တိုင်က အောက်ခြေမှာ မနေဖူးပဲနဲ့ စာနာပါတယ်၊ သနားပါတယ်၊ နားလည်ပါတယ် လို ပြောစကားတွေက ရင်ဘတ်ထဲမှာ အောင်းနေတဲ့ ဝေသနာတွေကို အမှန်တကယ် မသက်သာစေပါဘူး။ လူတွေကို မုန်းခဲ့တယ်၊ အပြစ်တင်ခဲ့တယ်၊ ကိုယ့်ကိုယ်ကို လည်း မုန်းခဲ့တယ်။
❓ ဟုတ်တယ်။ ကျွန်တော်တိုမှာ စိတ်ဒဏ်ရာတွေ၊ မုန်းတီးစရာတွေ၊ သိမ်ငယ်မှုတွေ ရှိကြတယ်။ ဒီတော့ ဘာလုပ်ကြမလဲ။ ဒီတိုင်း ဆက်ပြီး နေတော့မှာလား ❓
🏋️♀️ စာရေးဆရာ David Goggins ကတော့ အဆိုးရွားဆုံး ငရဲကနေ တက်လာခဲ့တဲ့ လူတစ်ယောက်၊ အဖက်ဖက်မှာ ကျရှုးနေတဲ့ အခြေအနေတစ်ခုကနေ ထိပ်ဆုံးကို ရောက်အောင် ကြိုးစားခဲ့တဲ့ လူတစ်ယောက်၊ ဘယ်သူ့ကိုမှ အသနား မခံခဲ့ပဲ ကိုယ့်ခြေထောက်ပေါ်မှာ ကိုယ် ရပ်တည်နိုင်ခဲ့တဲ့ လူတစ်ယောက်
သူ့ဘဝရဲ့ အခက်အခဲတွေကို ရင်နှင့်အောင် ခံစားပြီး ရေးသားထားတာမို မလွဲမချော် စာဖတ်သူတွေ ကြိုက်နှစ်သက်မယ့် စာအုပ်တစ်အုပ် ဖြစ်ပါတယ်။🔸 Accountability Mirror
ဦးနှောဏ်က ခိုင်းစေတာကို လုပ်နေသမျှ မတိုးတက်နိုင်တဲ့နေရာ တစ်ခုမှာ ရှိနေဦးမှာပါပဲ။
ဒီလို ဖြစ်ဖူးကြလား? မနက် နှိးစက် အသံကို လှမ်းပိတ်လိုက်တယ်။ နောက်ထပ် ၅ မိနစ်လောက် အိပ်လိုက်ရရင် ကောင်းမယ်လို တွေးနေချိန် ၁ နာရီလောက် အိပ်ပျော်သွားတယ်။
ဝိတ်ချမယ်၊ အစားလျော့မယ်၊ အားကစား လုပ်မယ် တွေးပြီး အချိန်တွေသာ ကုန်သွားတယ် ဘာမှ ဖြစ်မလာဘူး။ကျွန်တော်တိုတွေက လက်ရှိ အမှန်တကယ် ဖြစ်နေတဲ့ အရာတွေကို မမြင်နိုင်ပဲနဲ့ ဦးနှောဏ်ရဲ့ စေခိုင်းမှု အောက်မှာပဲ ရှိနေတတ်တယ်။ စောစော ထ မယ် စဉ်းစားလိုက်၊ ပြန် အိပ်လိုက်၊ ဝိတ်ချမယ် စဉ်းစားလိုက်၊ ည ဘက်ကြီး ခေါက်ဆွဲပြုတ်တွေ ထ စားလိုက်နဲ့ ဦးနှောဏ်ခိုင်းစေမှုရဲ့ ကျွန်တွေ ဖြစ်နေကြတယ်။
David Goggins ကတော့ မှန် ရှေ့မှာ မတ်တပ်ရပ်ပြီး သူ့ကိုယ်သူ မကြိုက်နှစ်သက်တဲ့ အရာတွေကို မညှာမတာ ပြောတယ်။ ပြီးရင်တော့ ဘယ်လို ကောင်းအောင် ပြောင်းလဲရမလဲ လို စဉ်းစားတယ်။ နေ့တိုင်းပြောတယ်။ တကယ် အကောင်အထည်ဖော်တယ်။ အဆင်မပြေတဲ့အရာတွေကို ကိုယ့်ကိုယ်ကို သနားညှာတာနေတာမျိုး မလုပ်ဘူး။
🔸 What if
David Goggins က Visualization လုပ်တဲ့နေရာမှာ တော်တယ်။ တကယ်လိုများ သူက Kilo 100 ပြေးနိုင်ခဲ့ရင် ဘယ်လို ခံစားရမလဲ? ပြေးပြီးလို အောင်မြင်သွားတဲ့ အချိန်မှာ ခံစားရမယ့် အနှစ်သာရ အကုန်လုံးကို ပုံဖော်ပြီး တစ်စိမ့်စိမ့် ခံစားတယ်။ ပြီးရင် ဖြစ်အောင် လုပ်တယ်။
ခက်ခဲတဲ့အရာတစ်ခု လုပ်ခါနီးတိုင်း “What if ဘယ်လို ခံစားရမလဲ” လို ပုံဖော်ပြီး စတင် လုပ်ဆောင်လေ့ရှိတယ်။
🔸 40% Rule
David Goggins က Kilo 100 အကွာအဝေး ပြေးနေတဲ့ အချိန်မှာ ကီလို ၇၀ ရောက်တော့ ခြေထောက် ၂ ဖက် စလုံးက အရိုးသေးသေးလေးတွေက ကျိုးကြေနေပြီ။ ခြေသည်းခွံတွေလည်း အကုန်နီးပါး လန် ကုန်ပြီ။ အဲ့ဒီ့အချိန်မှာ သူ့ကိုယ်သူ မေးလိုက်တယ်။ “တကယ်လိုများ Kilo 100 ပြေးနိုင်ခဲ့ရင် ဘယ်လို ခံစားရမလဲ” လို။ ပြီးတော့ ၁၀၁ ကီလို ရောက်တဲ့အထိ ပြေးနိုင်ခဲ့တယ်။ လူတွေက သူတို ခွန်အားရဲ့ ၄၀ ရာခိုင်နှုန်းလောက်မှာ အရှုးပေးတတ်ကြတယ်။ ကျန်တဲ့ ၆၀ ရာခိုင်နှုန်းကို အသုံးပြုနိုင်ဖို နည်းလမ်းတွေ ခွန်အားတွေ ရှာဖွေဖို မသိကြဘူး။
🦸♂️ David Goggins က ငယ်ငယ်ကတည်းက သူ့အဖေရဲ့ Abuse လုပ်ခံခဲ့ရပြီး အဆိုးရွားဆုံး ငရဲတွေကို တစ်ယောက်တည်း ခွန်အားနဲ့ ကျော်ဖြတ်နိုင်ခဲ့သူ တစ်ယောက်ဖြစ်ပါတယ်။ ၁၇ နာရီအတွင်းမှာ အကြိမ်ရေ “4030” Pull up လုပ်ခဲ့ပြီး Real-life Superman လို တင်စားခံရသူ တစ်ယောက်ဖြစ်ပါတယ်။ သူ့ရဲ့ Trauma တွေကို လေ့လာပြီး သူ့ဆီက သင်ခန်းစာတွေ အများကြီး သင်ယူရပါစေ။
Reviews
There are no reviews yet.