The Personal MBA: A World-Class Business Education in a Single Volume

Name: The Personal MBA: A World-Class Business Education in a Single Volume
SKU: 1043
Availability: InStock

29,500 Ks

💸 “MBA is a BAD Idea.” – Elon Musk

📚 ပညာရပ်တစ်ခုကို သင်ထားပေမဲ့လည်း အသုံးမချနိုင်ရင် ဘာမှ ဖြစ်လာမှာ မဟုတ်ပါဘူး။ ခေတ် အချိန်ကာလကောင်း တစ်ခုကို ရောက်ရှိနေချိန်၊ လူတိုင်း Management ပညာရပ်တွေကို လေ့လာနေချိန်၊ MBA ဆိုတာက လူတိုင်း ပါးစပ်ဖျားမှာ စွဲထင်နေချိန်မှာ MBA ဆိုတာကရော တကယ် အသုံး၀င်ရဲ့လား။

🇺🇸 ၁၉၀၈ ခုနှစ် အစပိုင်းမှာ Harvard Graduate School မှာ MBA အတန်းစဖွင်ခဲ့တယ်။ အစပိုင်းမှာတော့ သင်တန်းသား အနည်းငယ်သာ ရှိခဲ့ပါတယ်။ ဒါပေမယ့် ၁၉၃၀ ခုနှစ်မှာမှ MBA သင်တန်းတွေက နာမည်ပိုရလာပြီး သင်တန်းသားတွေ များလာခဲ့တယ်။

💼 အခုချိန်မှာတော့ လူတစ်ချိုက MBA ကို စီးပွားရေး လုပ်ငန်းတွေ အတွက် မရှိမဖြစ်လိုအပ်တဲ့ ဘွဲတစ်ခုလိုသတ်မှတ်ထားပြီး တစ်ချိုကတော့ MBA ဆိုတာ လူတွေရဲ့အတွေးအခေါ်တွေကို စည်းမျဉ်းတွေနဲ့ ဘောင်ခတ်လိုက်တဲ့ ပညာရပ်လိုသာခေါ်ဝေါ်ကြတယ်။

✖️ Bill Gates, Elon Musk, Mark Zuckerberg စတဲ့ ကမ္ဘာကျော် လူတွေမှာ MBA ဆိုတဲ့ ဘွဲမရှိပါဘူး။ ဒါပေမယ့် တစ်ကမ္ဘာလုံးကို ပြောင်းလဲပေးနိုင်တဲ့ လုပ်ရပ်တွေ စွမ်းဆောင်ပေးနိုင်ခဲ့ပါတယ်။ ဒါဆိုရင် MBA က မကောင်းဘူးလား။ MBA ဘွဲကို မလိုအပ်ဘူးလား။ မဟုတ်ပါဘူး။ MBA ဘွဲက မကောင်းတာ မဟုတ်ပါဘူး။ ငွေကြေးတွေ အချိန်တွေ အများကြီး အကုန်ကျခံပြီး MBA တက်ပြီးတော့မှ ရလာတဲ့ အသိပညာတွေကို လူတွေက အသုံးမချကြတာပါ။

▪️ Education or Degree

👔 Rich Dad, Poor Dad စာအုပ် ရေးသားခဲ့သူ Robert Kiyosaki က “Schools teach Children How to Become Employees” ကျောင်းတွေက ကလေးတွေကို အကောင်းဆုံး ၀န်ထမ်းတွေ ဖြစ်အောင် လေ့ကျင့်ပေးနေပါတယ်လိုပြောသွားခဲ့တယ်။ ကျွန်တော်တိုကျောင်းတက်နေတာဟာ ပညာ လိုချင်လိုလား။ ဒါမှမဟုတ် အလုပ်ခွင်မှာ နေရာတစ်ခု ရဖိုလား မေးစရာတွေ ဖြစ်လာခဲ့ပါတယ်။

▪️ Self-Education

📂 My Personal MBA စာအုပ်ရေးသားသူ Josh Kaufman က သူ့အလုပ်ခွင်မှာ Assistant Manager ရာထူးအဖြစ် လုပ်ကိုင်စဉ် အခါက ပတ်၀န်းကျင်က လုပ်ဖော်ကိုင်ဖက်တွေဟာ MBA ရပြီးသားသူတွေ ဖြစ်တဲ့အတွက် စိတ်အားငယ်စိတ် ပေါ်လာခဲ့ပါတယ်။ Josh က MBA ပြန်တက်မယ်ဆိုရင် အနည်းဆုံး အချိန် နှစ်နှစ်နဲ့ကန်ဒေါ်လာ ၁ သိန်း ကုန်ကျမှာ ဖြစ်တဲ့အတွက် ဝေခွဲမရ ဖြစ်နေပါတယ်။ Josh ရဲ့ဆရာ Charlie ကကျောင်းပြန်တက်မယ့် အချိန်တွေကို ကိုယ့်ဘာသာ ကြိုးစားလိုက်မယ်ဆိုရင် ပိုအောင်မြင်မယ်လိုပြောလိုက်တဲ့အခါမှာ Josh က စာအုပ်ပေါင်းမြောက်များစွာကို ဖတ်ရှုခဲ့ပြီး MBA မတက်ရပဲ စီးပွားရေး လုပ်ငန်းတိုင်းမှာ တူညီတဲ့ Fundamentals တွေကို တွေ့ရှိခဲ့ပါတယ်။

👤 Josh ရဲ့ဆရာ Charlie က ဘယ် စီးပွားရေးကျောင်းကိုမှ မတက်ခဲ့ပါဘူး။ Omaha မြိုမှာ Lawyer အနေနဲ့အရင်လုပ်ကိုင်ခဲ့တာပါ။ ဒါပေမယ့် Charlie က Warren Buffet နဲ့အတူ Berkshire Hathaway ကို 400 Billion တန်တဲ့ စီးပွားရေး လုပ်ငန်းတစ်ခုအဖြစ် ပြောင်းလဲနိုင်ခဲ့ပါတယ်။ Charlie သိသမျှ စီးပွားရေး လုပ်ငန်းတွေအကြောင်းတွေက သူ့ဘာသာ သူ သင်ယူထားတာ ဖြစ်ပါတယ်။ စီးပွားရေး လုပ်ငန်းတိုင်းမှာ တူညီတဲ့ အခြေခံတွေကို လေ့လာသိရှိပြီးတဲ့ အချိန်မှာ ပြိုင်ဘက်တိုင်းကို အနိုင်ယူနိုင်ခဲ့ပါတယ်။

🗣 Josh က သူ့ဆရာ Charlie ရဲ့စကားကြောင့် စီးပွားရေး စာအုပ်တွေ အများကြီး ဖတ်ပြီး ရလာတဲ့ အခြေခံ နည်းလမ်းတွေကို My Personal MBA စာအုပ်မှာ ရေးသားခဲ့ပါတယ်။ စာအုပ်ထဲက အနှစ်သာရ ရှိတဲ့ အချက်အနည်းငယ်ကို ရှင်းပြပေးလိုက်ပါတယ်။

▪️ Value Creation

🔇 Customer တွေအတွက် Value မဖန်တီးပေးနိုင်တဲ့ လုပ်ငန်းတစ်ခုဟာ ဝါသနာ အရ အပျော်လုပ်တဲ့ လုပ်ငန်းတစ်ခုသာ ဖြစ်တယ်။

🌀 လူတွေက ကုမ္ပဏီက ထုတ်တဲ့ Products တွေ၊ Services တွေကို ဘာလိုပိုက်ဆံပေးပြီး ၀ယ်ရမှာလဲ။ ပထမအချက်ကတော့ High Convenience ဖြစ်ပါတယ်။ လမ်းထိပ်မှာ ထွက်ပြီး တက္ကစီ ငှားလိုရရဲ့သားနဲ့အိမ်မှာ နေပြီး ဖုန်းနဲ့တက္ကစီ ခေါ်ကြပါတယ်။ လွယ်လွယ်ကူကူနဲ့အဆင်ပြေပြီး မြန်ဆန်တဲ့ အတွက် လူတွေက Taxi Services တွေ သုံးကြပါတယ်။ နောက်တစ်ခုကတော့ High Fidelity ပါ။ လူတွေက Apple Products တွေကို စျေးကြီးပေးပြီး ၀ယ်ကြပါတယ်။ ဘာလိုလဲဆိုတော့ Brand က ပေးတဲ့ Social Status၊ စိတ်ခံစားရမှုတွေ ပြီးတော့ အသွင်အပြင်တွေကြောင့် ၀ယ်သုံးကြပါတယ်။

⁉️ လူတွေဘ၀ အတွက် လွယ်ကူအောင် လုပ်ပေးမယ့် အရာကို ထုတ်မလား၊ လူတွေကို စိတ်ခံစားမှု ပိုကောင်းစေမယ့် Premium ပစ္စည်းတွေကို ထုတ်မလား။

▪️ Marketing

🐌 Marketing သေချာ မလုပ်တဲ့ လုပ်ငန်းတစ်ခုဟာ တစ်ချိန်မှာ ကျရှုးမယ့် လုပ်ငန်း တစ်ခု ဖြစ်တယ်။ သီချင်းတွေကို CD နဲ့နားထောင်တဲ့ခေတ်မှာ Apple က ပထမဆုံး iPod ထုတ်တော့ Steve Jobs က အိတ်ကပ်ထဲမှာ သီချင်းအပုဒ် ၁၀၀၀ ထည့်ထားလိုရတယ်လိုပြောပြီး Marketing လုပ်ခဲ့ပါတယ်။ Steve Jobs က လူတွေသတ်မှတ်ထားတဲ့ စံနှုန်းတွေကို ကျော်လွန်ပြီး အံသြမှင်သက်အောင် လုပ်နိုင်ခဲ့ပါတယ်။

▪️ Sales

➖ ဖန်တီးထုတ်လုပ်ထားတဲ့ Value Products တွေ၊ Services တွေကို မရောင်းနိုင်တဲ့ လုပ်ငန်းတစ်ခုဟာ အကျိုးအမြတ် မရှိနိုင်ဘူး။

❓ ကြိုးစားပန်းစား ရှာထားရတဲ့ ငွေတွေကို လူတွေက မယုံကြည်ပဲ ဘာလို၀ယ်ရမှာလဲ။

⚛️ လူတွေရဲ့ယုံကြည်မှုကို တည်ဆောက်ရယူနိုင်အောင် လူတွေ ယုံကြည်ရတဲ့ Influencer တွေနဲ့Marketing လုပ်ပြီး ပစ္စည်းကို ရောင်းလိုရပါတယ်။ တကယ်လိုSocial Proof မရနိုင်ခဲ့ဘူးဆိုရင်တော့ ဖြည်းဖြည်းမှန်မှန်နဲ့Products တွေ Services တွေကို ရောင်းချပြီး လူတွေရဲ့ယုံကြည်မှု၊ တန်ဖိုးထားမှု တည်ဆောက်ပါ။

❌ မယုံကြည်ရတဲ့ Brand ကို လူတွေ မသုံးချင်ကြပါဘူး။

▪️ Value Delivery

💢 ပြောထားတဲ့ အတိုင်း မလုပ်နိုင်တဲ့ လုပ်ငန်းတစ်ခုဟာ အလိမ်အညာ တစ်ခုသာ ဖြစ်တယ်။

🎁 ကိုယ့်လုပ်ငန်းက လူတွေရဲ့မျှော်မှန်းမှုတွေကို ကျော်လွန်အောင် လုပ်ပေးနိုင်သလား။ လွန်ခဲ့တဲ့ ၁၀ နှစ်လောက်တုန်းက Zappos မှာ ဖိနပ်မှာမယ်ဆိုရင် ပထမဆုံးအနေနဲ့Zappos က Surprise လုပ်ပေးပါတယ်။ ကိုယ်မှာလိုက်တဲ့ ဖိနပ်က နောက်ရက်မှာ Free Delivery နဲ့အိမ်ရှေ့ကို ရောက်နေတာ တွေ့ရမှာပါ။ Free One Day Delivery Service ကို Marketing ဆင်းတာပါ။ Customer တွေ မျှော်လင့်ချက်ထက် ပိုသာအောင် စွမ်းဆောင်ပေးနိုင်ရင် Customer က ကိုယ့် Brand ကို ယုံကြည်စိတ်ချမယ်။ နောက်တစ်ခါ ထပ်၀ယ်မယ်။ အဲ့ဒါတွေအပြင် တစ်ခြားသူတွေကိုပါ ၀ယ်ဖိုတိုက်တွန်းပေးဦးမှာပါ။

▪️ Finance

🔌 လုပ်ငန်း ဆက်လုပ်ဖိုအတွက် လိုအပ်တဲ့ ငွေကြေးကို လည်ပတ်အောင် မလုပ်နိုင်တဲ့ ကုမ္ပဏီကတော့ ကြိမ်းသေ ပိတ်ပစ်ရမှာပါ။

🔎 မေးခွန်းကတော့လုပ်ငန်းမှာ သုံးနေတဲ့ ငွေကြေးထက် ပိုများတဲ့ ပမာဏကို ပြန်ရအောင် လုပ်နိုင်သလား ဆိုတာပါပဲ။ မလုပ်နိုင်ဘူးဆိုရင်တော့ သုံးနေတဲ့ ငွေကြေးမှာ မလိုအပ်တဲ့ အရာတွေကို ဖယ်ရှားပစ်ဖို၊ ၀င်ငွေ၊ သုံးငွေ ပြန်လည် ချိန်ဆဖိုဖြစ်ပါတယ်။

🖐 အခုဖော်ပြပေးသွားတဲ့ အချက်ငါးချက်က စီးပွားရေး လုပ်ငန်းတိုင်းမှာ အသက်တမျှ အရေးကြီးတဲ့ အရာတွေ ဖြစ်ပါတယ်။ ဒီ အချက်အလက်တွေကို သေချာနားလည်ပြီး တကယ် အသုံးချနိုင်မယ်ဆိုရင် MBA တက်ဖိုငွေကြေးတွေ အချိန်တွေ ကုန်စရာ မလိုတော့ပါဘူး။ စာရေးဆရာ Josh က My Personal MBA စာအုပ်ထဲမှာ စီးပွားရေး လုပ်ငန်း Concepts 200 ကျော် ကို ထည့်သွင်းရေးသားပေးထားပါတယ်။

💰 သင့်၀င်ငွေရဲ့ ၁၀ ပုံ ၁ ပုံ တောင်မရှိတဲ့ ပမာဏလေးကို ရင်းပြီး အချိန် ၉ နာရီအတွင်းမှာ MBA အတွေ့အကြုံကောင်းတွေကို ရယူလိုက်ပါ။