The Four: The Hidden DNA of Amazon, Apple, Facebook, and Google

Related products

• 

  Quick View

  Building a StoryBrand: Clarify Your Message So Customers Will Listen

  19,500 Ks

  🏗  “Donald Miller will teach you how to grow your business.” 

                                          – John C. Maxwell

  🔊  သီချင်းတစ်ပုဒ် နဲ့ဆူညံတဲ့ အသံ နှစ်ခုကမတူကြပါဘူး။

  🎧  ကျွန်တော်တို့နေ့စဉ် ပစ္စည်း အမျိုးမျိုးကို ပုံစံအမျိုးမျိုးနဲ့မြင်တွေ့ကြရတယ်။ ဖိနပ်တွေ၊ အိတ်တွေ၊ နာရီ တွေပေါ့။ ဒါပေမယ့် တစ်ချို့ပစ္စည်းတွေဆိုရင်တော့ မြင်လိုက်တာနဲ့ဘယ် Brand လဲ၊ ဘယ်နိုင်ငံက လာလဲ ဆိုတာ တစ်ခါတည်း တန်းသိနိုင်တယ်။ ဥပမာ Adidas, Nike, Puma, Michael Kors, Versace သူတို့ကို တစ်ကမ္ဘာလုံးက သိကြတယ်။

  👁  “Branding is all about how you want people to see you.”

  🎼  သီချင်းတစ်ပုဒ် နဲ့ဆူညံတဲ့ အသံနှစ်ခုက မတူကြပါဘူး။ သီချင်းတစ်ပုဒ်မှာ သံစဉ် အတက်အကျရှိတယ်။ စာသားတွေမှာ အဓိပ္ပာယ်တွေ ပါတယ်။ အချိန် အများကြီး ရင်းနှီးပြီးမှ နားထောင်ကောင်းတဲ့ သီချင်းတစ်ပုဒ် ဖြစ်လာတယ်။ အနှစ်သာရ ရှိတဲ့သီချင်း တစ်ပုဒ်က နားထောင်သူတွေကို ရသ များစွာ ပေးစွမ်းနိုင်တယ်။ ဦးတည်ရာမရှိ တရဆက် ဆူညံနေတဲ့အသံတွေကတော့ နားထောင်သူတွေကို စိတ်ညစ်မှုတွေသာ ပေးတယ်။

  📣  အခုချိန် Marketing! Marketing! Marketing! လို့ပြောနေလုပ်နေပေမဲ့လည်း တကယ်တော့ အလုပ်မဖြစ်တာတွေ၊ ဆူညံတဲ့ အသံတွေ ဖြစ်နေကြတယ်။ Customer ကို ပေးချင်တဲ့ Message တွေ မရောက်ဘူး ဖြစ်နေကြတယ်။ ကုမ္ပဏီတိုင်းက Marketing နည်းလမ်းတွေ အများကြီးသုံးပြီး ယှဉ်ပြိုင်နေကြတဲ့ အချိန်မှာ Donald Miller က Story Brand တစ်ခုကို ဘယ်လိုတည်ထောင်ရမလဲ ဆိုတဲ့ အရိုးရှင်းဆုံး ရှင်းပြထားပါတယ်။

  1. Create a One-Liner (Simple, Clear and Repeatable Statement)

  🎯  ဥပမာ စီးပွားရေး အကြံပေးကုမ္ပဏီဆိုပါတော့။

  “ကျွန်တော်တို့ရဲ့ ကုမ္ပဏီဟာ ဆိုရင်တော့ဖြင့် လူကြီးမင်းတို့ရဲ့ စီးပွားရေးလုပ်ငန်းမှာ ကြုံတွေ့နေရတဲ့ အခက်အခဲတွေကို ကူညီဖြေရှင်းရင်း လူကြီးမင်းတို့ရဲ့စီးပွားရေးကို တိုးတက်အောင် ဆောင်ရွက်ပေးမယ့်အပြင် အမြတ်အစွန်းတွေ ပိုထွက်လာအောင် ဆောင်ရွက်ပေးမယ့် စီးပွားရေး အကြံပေးကုမ္ပဏီ တစ်ခု ဖြစ်ပါတယ်။” လို့ရေးမယ့်အစား ကိုယ့်ကုမ္ပဏီရဲ့Value ကိုဦးစားပေးရေးသားရမှာ ဖြစ်ပါတယ်။

  ✏  ဥပမာ Content Writer ဆိုရင် 

  ကျွန်တော့် အလုပ်ကတော့ Social Media မှာ Value-added Content တွေ ရေးသားတဲ့ Content Creator ဖြစ်ပါတယ်။

  🏹  စာတစ်ကြောင်းတည်းနဲ့ပေးချင်တဲ့ Message ကိုထိထိမိမိ ရေးသားနိုင်ဖို့နည်းလမ်းပေးထားတာ ဖြစ်ပါတယ်။

  2. Guide

  🔑  Customer တွေက သူတို့ဆီမှာ အခက်အခဲတွေ များစွာရှိကြပါတယ်။ Customer ရဲ့အခက်အခဲကို ကူညီဖြေရှင်းဖို့အတွက် နည်းလမ်းပြပေးမယ့် လမ်းညွန်တစ်ယောက် လိုပါတယ်။ လမ်းညွန်ပေးမယ့် သူကတော့ ကျွန်တော်တို့ရဲ့ကုမ္ပဏီပါ။ ကျွန်တော်တို့က Customer တွေကို Plan တွေ ပြောပြရမယ်၊ ရှင်းပြရမယ်။ ပြီးတော့ Customer ရဲ့ပြဿနာတွေကို နားထောင်ပေးရမယ်။

  📢  ကုမ္ပဏီတွေက Customer တွေကို ပစ္စည်းတွေ ထိုးရောင်း၊ Promotion တွေ ပြောပြတာတွေ ပဲ လုပ်ချင်ကြတယ်။ Customer တွေရဲ့စကားကို နားမထောင်ချင်ကြဘူး။

  3. Customers Trust a Guide Who Has a Plan (Customer Loyalty)

  🌬  Customer က ရေစီးသန်တဲ့ ရေတံခွန်ကို ဖြတ်ကျော်ချင်တယ်ဆိုရင် ကိုယ့် ကုမ္ပဏီက ရေတံခွန်ကို ဖြတ်ပြီး တံတားဆောက်ပေးနိုင်ရမယ်။ လှေ၊ သင်္ဘော တွေ ထားရှိပေးနိုင်ရမယ်။ Customer ရဲ့အခက်အခဲကို ကူညီဖြေရှင်းပေးနိုင်မယ့် ကုမ္ပဏီကို ယုံကြည်မှုရှိမှာ အမှန်ပါပဲ။

  4. Customers Do Not Take Action Unless They are Challenged to Take Action

  💨  Customer ကို လမ်းညွန်ပေးလိုက်ရုံနဲ Customer တွေဟာ ကိုယ့်ပစ္စည်းကို တစ်ခါတည်း ဝယ်သွားမှာ မဟုတ်ပါဘူး။ Customer ကတော့ အနည်းငယ်တော့ စိုးရိမ်မှုတွေ ရှိနေဉ်ီးမှာပါ။ သံသယတွေ မဝင်လာခင် Customer ဝယ်ချင်အောင် နည်းလမ်းတွေ ပေးထားရပါမယ်။

  ➗  ဥပမာ Customer တွေကို တစ်ခါတည်း ဝယ်လို့ရအောင် လုပ်ပေးမယ် ဒါမှမဟုတ် အချိန်အတိုင်းအတာ တစ်ခုမှာ ဝယ်လို့ရအောင် Planning ထားပေးတာ၊ အရစ်ကျ ပေးသွင်းနိုင်အောင် စီစဉ်ပေးဖို့လိုပါတယ်။

  ❓  ဒီစာအုပ်ကို ဘယ်သူတွေ ဖတ်သင့်သလဲ။

  ▪  စီးပွားရေး လုပ်ငန်းရှင်တွေ လုပ်ငန်းချဲ့ထွင် ဖို့၊ လုပ်ငန်းမှာ မှားယွင်းမှုတွေကို Analyze လုပ်ဖို့အတွက် ဖတ်သင့်ပါတယ်။

  ▪  လူတွေကို ဦးဆောင်နေရတဲ့ခေါင်းဆောင်တွေ ဖတ်သင့်ပါတယ်။

  ▪  Sales Manager တွေ၊ နေ့စဉ် Customer တွေနဲ့ထိတွေ့နေရတဲ့သူတွေ ဖတ်သင့်ပါတယ်။

  ▪  စာအုပ်ထဲမှာ Customer တွေက ဘာကြောင့် ဝယ်ရသလဲ ပြီးတော့ Customer တွေ ကိုယ့်ပစ္စည်းတွေကို ဝယ်လာအောင်၊ Customer Loyalty ရအောင် Message ပေးနည်းတွေ ပါဝင်ပါတယ်။

  ▪  Marketing Fundamental, Effective Messaging for Websites and Social Media နည်းလမ်းတွေကို အချိန်အများကြီး မယူပဲ လေ့လာချင်သူတွေအတွက် Donald Miller က အလွယ်ကူဆုံး ရေးသားထားတာ ဖြစ်ပါတယ်။

  💥  “Donald Miller offers a specific, detailed and useful way to Change the way you talk about the way you care about.” 

       – Seth Godin Author of All Marketers are Liars

  👤  Donald Miller က လုပ်ငန်းပေါင်း ၃၀၀၀ ကျော်ကို တိုးတက်အောင် ကြိုးစားခဲ့တယ်။ ပြီးတော့ ဟောပြောပွဲတွေမှာ Lead Speaker အနေနဲ့ကြိမ်ဖန်များစွာ ဦးဆောင်ခဲ့တဲ့ စီးပွားရေး လုပ်ငန်းရှင် တစ်ယောက်လည်း ဖြစ်ပါတယ်။ အသက် ၂၁ နှစ်မှာ ပုံနှိပ်ရိုက်တဲ့ လုပ်ငန်းလေး တစ်ခု တည်ထောင်ခဲ့ပြီး ၂၀၀၃ ခုနှစ်မှာ Blue Like Jazz စာအုပ်ဖြင့် အမေရိကန်နိုင်ငံရဲ့Bestselling Author တစ်ယောက် ဖြစ်ခဲ့ပါတယ်။ စီးပွားရေး လုပ်ငန်းတွေကို အကြံပေးတဲ့ ကုမ္ပဏီ တည်ထောင်ခဲ့ပြီး သူ့ရဲ့ Building a Story Brand စာအုပ်ဟာလည်း Best Seller စာအုပ်ကောင်း တစ်အုပ် ဖြစ်ပါတယ်။

  Add to cart
• 

  Quick View

  Beyond Order : 12 More Rules for Life

  29,500 Ks

  🙏အစီအစဉ်မကျမှု တလွဲတချော်ဖြစ်မှုတွေနဲ့ အတူတကွနေထိုင်နည်း ၁၂ ချက် – Part 1 🙏

  ဘယ်လောက်ပဲအစီအစဉ်ကျအောင်လုပ်လုပ် တလွဲတချော်ဖြစ်မှုတွေဟာအမြဲတမ်းရှိပါတယ်။
  No matter how much we try to set things in order, Chaos is bound to happen.

  👥ဒါတွေကကျွန်တော်တိုအားလုံးဖြစ်နေကျခံစားမှုတွေပါ။ ကျွန်တော်တိုကစနစ်တကျစီစဉ်ထားတယ်။ ဒါပေမယ့်လောကကြီးက တလွဲတွေကိုမဖြစ်ဖြစ်အောင်လုပ်ပေးတယ်။ တစ်ခါတစ်လေ အလုပ်တစ်ခု၊ အလေ့အကျင့်တစ်ခုလုပ်ဖိုတောင် ဘာတွေသောက်တလွဲဖြစ်ဦးမလဲဆိုတဲ့အတွေးနဲ့ စိုးရိမ်ပူပန်နေတာနဲ့ တင် အလုပ်တွေနှောင့်နှေးနေတာတွေဖြစ်တတ်ပါတယ်။
  ဒီလို တလွဲတချော်ဖြစ်နေမှုတွေနဲ့ အစီအစဉ်တကျအလုပ်ဖြစ်မှုဆိုတဲ့အရာနှစ်ခုကြားမှာဘယ်လိုနေထိုင်ရမလဲ ?အဆိုး အကောင်းနှစ်ခုကိုဒွန်တွဲပြီး သာတူညီမျှ ဖြစ်တဲ့ဘ၀ကို ဘယ်လိုနေထိုင်ရမလဲဆိုတာကို Jordan Peterson ရဲ့ Beyond Order မှာဖော်ပြထားပါတယ်။

  🏷Beyond Order ဟာ Jordan Peterson ရဲ့ Bestseller ဖြစ်တဲ့ 12 Rules for life ရဲ့ နောက်ဆက်တွဲဖြစ်ပြီးတော့ ဒီစာအုပ်ထဲမှာ တလွဲတချော်ဖြစ်မှုတွေနဲ့ အစီအစဉ်ကျမှုတွေကြားမှာ သာတူညီမျှစွာနေထိုင်နိုင်မဲ့နည်း တွေကို ရှင်းပြထားပါတယ်။ ဒီနည်းတွေကို အတူတူလေ့လာကြည့်ရအောင်

  🏢1. Do not carelessly denigrate social institutions or creative achievement.🏢
  အဖွဲအစည်းတွေနဲ့ တီထွင်အောင်မြင်မှုတွေကို ဂရုမစိုက်ပဲ မရှုချပါနှင့်
  တစ်ယောက်အားနှင့်ယူသော်မရ တစ်သောင်းအားနှင့်ယူသော်ရ၏ ဆိုတဲ့စကားပုံလိုပဲ လူသားတိုးတက်မှုမှာ အဖွဲအစည်းတွေက အရေးကြီးပါတယ်။ မိမိကိုတိုးတက်အောင်လုပ်ပေးနိုင်တဲ့ ပညာသင်ပေးနိုင်တဲ့ Mentor တွေ လက်တွေ့ယူရမယ့် Experience တွေဟာ အဖွဲအစည်းတွေမှာရှိပါတယ်။အဖွဲအစည်းတစ်ခုထဲကိုရောက်ရင် Complain တွေတက်ပြီးအမုန်းပွားနေမယ့်အစား ကိုယ့်ကို အပေါ်ရောက်အောင်လုပ်ပေးနိုင်တဲ့သူတွေနဲ့အတူ မိမိရဲ့ဘ၀ကို တိုးတက်အောင်ရှာဖွေပါ။ တီထွင်ကြံဆမှုတွေကိုလေ့လာပါ။

  🏃‍♂️2. Imagine who you could be and then aim single-mindedly at that.🏃‍♂️
  ကိုယ်ဘာဖြစ်နိုင်လဲဆိုတာကိုတွေးပြီး အဲ့ဒီ့အရာတစ်ခုတည်းကိုဦးတည်ပြီးအလုပ်လုပ်ပါ
  “ Hero တစ်ယောက်ဆိုတာ ပြီးပြည့်စုံအောင်ဖွံဖြိုးတိုးတက်ပြီးတဲ့ ကိုယ်ပိုင်အရည်အချင်းရဲ့ ဥပမာတစ်ခုဖြစ်တယ်” လို စာရေးသူကပြောထားပါတယ်။ငယ်ရွယ်စဉ်တုန်းက ကျွန်တော်တိုတွေဟာ Batman, Spiderman တိုလိုမျိုး Hero တွေကိုသဘောကျခဲ့သလို အခု ကျွန်တော်တိုလက်တွေ့မြင်ရတဲ့ Elon Mask တို Jeff Bezos တိုလိုမျိုး Hero တွေဖြစ်အောင် ကြိုးစားချင်တယ်မဟုတ်လား။ကိုယ် အားကျတဲ့ Hero တစ်ယောက်လို ကိုယ့်ကိုယ်တိုင်စိတ်ကူးယဉ်ပြီး သူကြုံခဲ့တဲ့အခက်အခဲတွေ ကိုရင်ဆိုင်သလိုမျိုး ရင်ဆိုင်ပြီး ရှေ့လျှောက်မယ့်လမ်း ကကျန်တဲ့မလိုတဲ့ အရာတွေကိုဖယ်ထုတ်နိုင်ရပါမယ်။

  🌫3. Do not hide unwanted things in the fog.🌫
  မလိုချင်တဲ့အရာတွေကို မီးခိုးငွေ့တွေထဲဖုံးကွယ်မထားပါနဲ့
  အဆင်မပြေမှုတွေနဲ့ကြုံတွေ့ရတဲ့ အချိန်မှာ ကျွန်တော်တိုလုပ်မိတတ်တာက အဲ့ဒီ့အရာတွေကို မမြင်ရအောင်ဖုံးကွယ်ထားဖိုကြိုးစားတာပါပဲ။ဥပမာ လုပ်ဖော်ကိုင်ဖက်တစ်ယောက်နဲ့ အဆင်မပြေကြောင်း တိုက်ရိုက်ပြောဖိုထက် အဲ့ဒီ့အရာကိုဖုံးကွယ်ပြီးအခြားအကြောင်းကိုပြောဖို ကျွန်တော်တိုပိုပြီး ကြိုးစားတတ်ပါတယ်။ ကိုယ်ကိုယ်တိုင်ဖုံးကွယ်ထားတဲ့အရာတွေဟာ ရုတ်တရက်ပေါ်ပေါက်လာတော့မှ အငိုက်မိပြီး ပြသနာတွေဟာ မထင်မှတ်ထားပဲအရမ်းကြီးမားသွားတတ်ပါတယ် ။ အခက်အခဲတွေကို ဖုံးကွယ်ဖိုမကြိုးစားပဲနဲ့ ရင်ဆိုင်ဖြေရှင်းနိုင်တဲ့ အရည်အသွေးကိုမွေးမြူမှသာ ကျွန်တော်တို ပိုမိုကောင်းမွန်တဲ့ လူတစ်ယောက်ဖြစ်လာမှာပါ။

  🌻4. Notice that opportunity lurks where responsibility has been abdicated.🌻
  တခြားသူတွေတာဝန်မယူရဲတဲ့နေရာတွေမှာ အခွင့်အလမ်းတွေရှိနေတတ်တာကိုသတိပြုပါ
  ဒီနေရာမှာ မင်မင်ရဲ့ ကိုယ်တွေ့အတွေ့အကြုံလေးတစ်ခု Share ချင်ပါတယ်။ အလုပ်မှာပွဲတစ်ခုစီစဉ်တုန်းက အစားအသောက်အတွက်ဘယ်သူမှတာဝန်ယူမယ့်သူမရှိတဲ့အချိန်မှာ မင်မင် က Volunteer အနေနဲ့တာဝန်ယူခဲ့မိပါတယ်။ ဘာမှသိပ်မတွေးပဲပုံမှန် အတိုင်းကူညီချင်ရုံသတ်သတ်နဲ့ တာဝန်ယူလိုက်တာရဲ့ အကျိုးဆက်က အလုပ်မှာ ရှိတဲ့လူအားလုံးနဲ့ ရင်းနှီးမှုပိုရခဲ့တဲ့အပြင် အရင်က သိပ်မတည့်တဲ့သူတွေပါကိုယ်နဲ့ သူငယ်ချင်းတွေဖြစ်သွားပြီး မင်မင့်ကို ဒီ Page ကလေး run ဖိုတွန်းအားပေးတဲ့ ဆရာကောင်းတွေနဲ့လည်းကြုံတွေ့ခဲ့ပါတယ်။ အဲ့ဒီတုန်းက တာဝန်သာမယူခဲ့ရင် ဒီ Page လေးဖြစ်လာဖိုဆိုတာလည်းအချိန်တစ်ခု ထပ်ကြာနေဦးမှာပါ။

  ⛔️5. Do not do what you hate.⛔️
  မင်းမုန်းတဲ့ အလုပ်ကိုမလုပ်ပါနဲ့
  “ဟိုး….. ထား ဆရာသမား” မုန်းတဲ့အလုပ်ကိုမလုပ်နဲ့ဆိုလို ကိုယ်မကြိုက်တဲ့အရာမှန်သမျှမလုပ်ခိုင်းတာမဟုတ်ဘူး။ ကိုယ်မုန်းတဲ့အရာတွေဆိုတာ ကိုယ့်ကိုယ်ကိုလည်းအကျိုးမပြု ၊သူများအတွက်လည်းစီးပွားမဖြစ်ထွန်း ၊ ပတ်ဝန်းကျင်ကလည်းလက်မခံနိုင်တဲ့ အရာတွေကိုပြောတာနော်။ ကိုယ့်အလုပ်ကို ကိုယ်မကျေနပ်ဘူး မကြိုက်ဘူးဆိုရင် ကိုယ်ကိုယ်တိုင်ဘာပြောင်းလဲနိုင်သလဲအရင်စဉ်းစားပြီး တိုးတက်ပြောင်းလဲနိုင်တဲ့ နည်းလမ်းကို လက်ခံကျင့်သုံးပါ။ အလုပ်က မပြောင်းလဲပေးနိုင်ဘူး ဆိုရင် အားလပ်ချိန်မှာ ကိုယ့် Personal Life ကိုတိုးတက်အောင်လုပ်ပြီး ဒီအလုပ်ကထွက်နိုင်မယ့်နည်းလမ်းကိုရှာပါ။

  📡6. Abandon ideology.📡
  အယူဝါဒတွေကိုလက်ကိုင်စွဲမထားပါနဲ့
  Ideology တွေဟာ Smart ဖြစ်တဲ့ ငပျင်းတွေရဲ့ လက်နက်တစ်ခုဖြစ်ပါတယ်။( မယုံရင် ကိုယ့်ကိုယ်ကို ပြန်မေးကြည့်ပါ)။ နီတိတွေကျမ်းတွေ နဲ့ လူကြီးတွေပြောတဲ့ ဆုံးမမှုတွေဟာ အတိုင်းအတာတစ်ခု အထိလက်ခံကျင့်သုံးလိုကောင်းပါတယ်။ ဒါပေမယ့် ပြောင်းလဲနေတဲ့ ကမ္ဘာကြီးမှာ ရှေးဦးစာအုပ်တွေထဲကအတိုင်း လိုက်နေလိုကတော့ ကျွန်တော်တိုရဲ့တက်လမ်းကို စာအုပ်တွေထဲက နိယာမတွေနဲ့ပိတ်မိထားသလိုဖြစ်နေမှာပါ။ လွတ်လပ်စွာတွေးခေါ်ပါ။ စွန့်စားမှုကိုလက်သင့်ခံပါ။ မိမိလက်ခံထားတဲ့ မိမိရဲ့ ယုံကြည်မှုကို မေးခွန်းထုတ်ပြီး လိုက်လျောညီထွေနေနိုင်အောင် Upgrade လုပ်ပါ။

  💪7. Work as hard as you possibly can on at least one thing and see what happens.💪
  တစ်ခုကို ရှိသမျှအားအကုန်စိုက်ပြီးအလုပ်လုပ်ကြည့်ပြီး ဘာဖြစ်လဲစောင့်ကြည့်ပါ
  သင်မအောင်မြင်သေးတာမဟုတ်ပါဘူး ဖြစ်ချင်တာတွေအရမ်းများနေတာပါ။ ဆရာဝန်ကြီးဖြစ်ချင်တာလား ? အင်ဂျင်နီယာကြီးဖြစ်ချင်တာလား ? Vlogger ကြီးဖြစ်ချင်တာလား ? Influencer ကြီးဖြစ်ချင်တာလား ? ဖြစ်ချင်တာတွေတော့အရမ်းများပါရဲ့ အခုအချိန်ထိတော့ဘာမှတော့ဖြစ်မလာသေးဘူး လုပ်တာကတော့အကုန်လုပ်နေတာပဲ..
  အကုန်မလုပ်ပါနဲ့။ တစ်ခုတည်းကိုအချိန်အတိုင်းအတာတစ်ခုအထိအားစိုက်အလုပ်လုပ်ပြီး ရလဒ်ကို စောင့်ကြည့်ပါ။ အောင်မြင်တဲ့သူတိုင်းဟာ နေရာတိုင်းမှာမတော်ကြပါဘူး။ ကျွမ်းကျင်တဲ့နယ်ပယ်တစ်ခုမှာ ဘယ်သူမှမယှဉ်နိုင်တဲ့ Skill နဲ့ အလုပ်လုပ်နိုင် တာဟာ သင့်အောင်မြင်မှုရဲ့လမ်းစတစ်ခုဖြစ်ပါတယ်။

  💐8. Try to make one room in your home as beautiful as possible.💐
  မင်းအိမ်က အခန်းတစ်ခန်းကို လှနိုင်သမျှလှအောင်ထားပါ။
  စားပွဲပေါ်ကပန်းအိုးသေးသေးလေးတစ်လုံးလိုမျိုးရိုးရှင်းတဲ့ မြင်ကွင်းလေးတစ်ခုဟာ အံ့ဩဖွယ်ကောင်းတဲ့စိတ်ကြည်နူးမှုကိုပေးစွမ်းနိုင်ပါတယ်။ တွေးကြည့်လိုက်ပါ ခင်ဗျားအလုပ်ကနေတစ်နေကုန်ပင်ပန်းနွမ်းနယ်ပြီး အိမ်ပြန်ရောက်တဲ့အချိန်မှာ သန့်ရှင်းလတ်ဆတ်နေတဲ့အခန်းထဲကိုဝင်လိုက်တာနဲ့ ဘယ်လောက်တောင်စိတ်ချမ်းသာသွားလိမ့်မလဲ ဆိုတာ။ တကယ်လိုအခန်းတစ်ခန်းလုံးအတွက်အချိန်မရှိဘူး ဆိုရင်တောင် ဘုရားစင်ထဲက ဘုရားပန်းလေးလဲတာ သောက်တော်ရေလဲတာလေး နေ့စဉ်လုပ်ပေးမယ်ဆိုရင် သင့်ဘ၀အတွက် အေးချမ်းတဲ့နေရာတစ်ခု ဟာ သင့်အိမ်မှာနေ့စဉ်ရှိနေပါလိမ့်မယ်။

  📝9. If old memories still make you cry, write them down carefully and completely. 📝
  အတိတ်ကအကြောင်းအရာတွေနဲ့မျက်ရည်ကျမိနေသေးရင် သေသေချာချာပြည့်ပြည့်စုံစုံ ရေးချပါ။
  ဆုံးရှုးမှုဟာ လူသားတွေရဲ့အစိတ်အပိုင်းတစ်ခုပါပဲ။ ကျွန်တော်တိုချစ်တဲ့အရာတွေနဲ့ ခွဲခွာခဲ့ရတဲ့ ခက်ခဲတဲ့အချိန်တွေဟာ မေ့ပစ်ဖိုအရမ်းခက်ခဲပါတယ်( ဥပမာ မိသားစုဝင်တွေ တိရစ္ဆာန်လေးတွေ) ။ ဒီအရာတွေကို ကျွန်တော်တိုထပ်ခါတလဲလဲပြန်တွေးမိရင်း ဖြေသိမ့်မှုမရနိုင်ပဲ လိပ်ခဲတည်းလည်းဖြစ်လာတဲ့ ဝန်ထုပ်ဝန်ပိုးတွေဖြစ်လာတ်ပါတယ်။ ကျွန်တော်တိုတွေ လွတ်မြောက်မှုနဲ့ဖြေသိမ့်မှုရရှိနိုင်ဖိုကအတွက် သူတိုနဲ့ ပက်သက်တဲ့ သတိရမှု လွမ်းဆွတ်မှုတွေကို စာရွက်တွေပေါ်မှာချရေးထားပြီး လိုအပ်တိုင်းထုတ်ဖတ်ပါ။သင့်ဘ၀ထဲမှာ သူတိုတွေအကောင်းဆုံးဖြစ်အောင်သူတိုကြိုးစားခဲ့ပြီးပါပြီ သူတိုတွေဂုဏ်ယူရအောင် ကြိုးစားဖိုက သင့်တာဝန်ပါ။

  💓10. Plan and work diligently to maintain the romance in your relationship.💓
  အချစ်တွေဆက်လက်ရှင်သန်နေဖို အစီအစဉ်ချပြီး ကြိုးစားအားထုတ်ပါ။
  ချစ်နေရင်ပြီးရော ဆိုတဲ့ စကားလုံးက တကယ့်လက်တွေ့ဘ၀နဲ့ ထပ်တူကျမနေပါဘူး။ အိမ်ထောင်ဖက်ဘ၀မှာ မိသားစုဘ၀မှာ ရေရှည်တည်မြဲနေဖိုအတွက်အားစိုက်ထုတ်မှုတွေ နားလည်မှုတွေ ရှိရမှာပါ။ တစ်ယောက်နဲ့တစ်ယောက် လိုအပ်ချက်တွေနဲ့ လိုအင်တွေကို နားလည်သဘောပေါက်ပြီး လေးစားမှုအပြည့်နဲ့ မျက်နှာချင်းဆိုင်ဆွေးနွေးနိုင်မှုဟာ ကြာရှည်တည်မြဲတဲ့ Relationship တစ်ခုကိုအားသစ်လောင်းစေပါတယ်။
  အချစ်ရေးနဲ့ မိသားစုမှာ အဆင်ပြေမှုဟာ သင့်အောင်မြင်မှုဆီကို အမြန်ဆုံးရောက်အောင်တွန်းအားပေးနိုင်တဲ့ အစွမ်းအထက်ဆုံးသောအရာတစ်ခုလည်းဖြစ်တာကြောင့် ဒါကိုဂရုစိုက်ဖိုမလစ်ဟင်းမိပါစေနဲ့ ။

  💢11. Do not allow yourself to become resentful, deceitful, or arrogant. 💢
  ကိုယ့်ကိုကိုယ် နာကြည်းမှု ၊ လှည့်စားမှု နဲ့ မာနထောင်လွှားမှုတိုရဲ့သားကောင်အဖြစ်မခံပါနဲ့
  ဘ၀ရဲ့ ထိုးနှက်မှုတွေအများကြီးကို သင်ခံစားဖူးခဲ့ပြီးပါပြီ။ အောင်မြင်မှု၊ ကျရှုးမှု၊ နောက်ကျောဓားနဲ့အထိုးခံရမှု၊ ကွယ်ရာမှာအပုတ်ချခံရမှု စသည်ဖြင့်အခြေအနေအမျိုးမျိုးက သင့်ကို ဒီနေရာရောက်အောင် တွန်းပိုခဲ့တာမဟုတ်ပါလား။ အတိတ်ကအရာတွေကိုပြန်တွေးမိတဲ့အချိန်မှာ နာကြည်းမှု၊ ခံပြင်းမှုတွေနဲ့ မိမိကိုယ်ကိုယ်ပိတ်လှောင်မိနေခြင်းဟာ အဆိုးဝါးဆုံးသောအရာတစ်ခုဖြစ်ပါတယ်။ အရင်ကဖြစ်ခဲ့တဲ့အရာတွေကို လက်ခံလိုက်ပါ သူတိုဟာသင့်ကို ပိုကောင်းမွန်တဲ့လူတစ်ယောက်ဖြစ်အောင် သင်ခန်းစာတွေပေးခဲ့တာပါ။ ဒီသင်ခန်းစာတွေကိုပဲ ရင်ထဲမှာသိမ်းထားပြီးရှေ့ဆက်မယ့်လမ်းမှာ လက်နက်အဖြစ်အသုံးချပါ။

  🕊12. Be grateful in spite of your suffering. 🕊
  သင့်ရဲ့ အခက်အခဲတွေနဲ့ နာကျင်မှုတွေကိုကျေးဇူးတင်ပါ
  မီးပူပူထဲ အကြိမ်ပေါင်းများစွာဖြတ်သန်း၊ တူနဲ့ ထုရိုက်မှုပေါင်းမြောက်များစွာကိုမခံယူပဲနဲ့ ဓားကောင်းတစ်ချောင်းဖြစ်မလာသလို အခက်အခဲတွေကို မရင်ဆိုင်ပဲနဲ့လဲ လူတော်လူကောင်းတစ်ယောက်ဖြစ်မလာပါဘူး။ ကျွန်တော်တိုလျှောက်ခဲ့တဲ့လမ်းကို ပြန်ကြည့်မယ်ဆိုရင် ထိပ်တိုက်ရင်ဆိုင်ခဲ့တဲ့အခက်အခဲတွေ ဘယ်သူ့ကိုမှပြောပြလို နားမလည်နိင်လောက်တဲ့ ကိုယ်ကိုယ်တိုင်ပဲသိတဲ့ နာကျင်မှုတွေဟာ ကျွန်တော်တိုကို အကောင်းဆုံးသင်ခန်းစာတွေပေးခဲ့တာပါ။ဒါကြောင့် အခက်အခဲတွေထပ်ရင်ဆိုင်လာရရင် စိတ်ညစ်မယ့်အစားကျေးဇူးတင်ပါ။ ဘာလိုလဲဆိုတော့ သူတိုဟာ ကျွန်တော်တိုအတွက်အကောင်းဆုံးသင်ခန်းစာတွေထပ်ယူလာပေးတယ်ဆိုရင်လည်းမမှားပါဘူး။

  📔Beyond Order ဟာ ဘ၀ရဲ့ ရှုပ်ထွေးမှုတွေကို ခံနိုင်ရည်အပြည့်နဲ့ ခွန်အားရှိရှိရင်ဆိုင်နိုင်အောင် ညွှန်ပြပေးတဲ့ လမ်းပြမြေပုံတစ်ခုဆိုရင်လည်းမမှားပါဘူး။ လောကကြီးကကျွမ်းထိုးမှောက်ခုံဖြစ်နေတဲ့အချိန်မှာတောင် ကိုယ့်ဘ၀ကို ကျေနပ်ဖိုက ကိုယ့်မှာပဲတာဝန်ရှိတဲ့အကြောင်းကို Dr. Jordan Peterson က စာအုပ်ထဲမှာလှပစွာရှင်းပြထားပါတယ်။

  သင့်ဘ၀အတွက် လိုအပ်တဲ့ Balance ကိုရှာဖွေဖို အသင့်ဖြစ်နေပြီဆိုရင်တော့ Beyond Order ကို Airplane Bookstore မှာ အဆင်သင့်မှာယူလိုရပါတယ်။ ဒီစာအုပ်ထဲကဘယ်နည်းတွေကိုသင်အသုံးချဖိုစဉ်းစားထားသလဲ? တခြားသူတွေလည်း ဒီလိုအသိဉာဏ်တွေတိုးပွားအောင် ဒီ Post လေးကို ကူ Share လိုက်ပါ။

  Book Title – Beyond Order : 12 More Rules for Life
  Author – Jordan Peterson
  Price – 19,500 MMK

  Add to cart
• 

  Quick View

  Option B: Facing Adversity, Building Resilience, and Finding Joy

  19,500 Ks

  ➖ အောက်ဆုံးရောက်နေချိန် ဘယ်သူမှ ကိုယ့်အကြောင်း စိတ်မ၀င်စားတော့ဘူး။

  DEPRESSION!
  ❗️ ကိုယ် ကြိုးစားသမျှတွေ အရာမထင်တဲ့ အခါမှာ၊ အချစ်ဆုံးသူငယ်ချင်းက သစ္စာဖောက်သွားတဲ့ အချိန်မှာ၊ ကိုယ့်ကိုယ်ကို ယုံကြည်မှုတွေ ပျောက်ဆုံးလာတဲ့အခါမှာ၊ လူတွေက ကြိမ်ဖန်များစွာ တိုက်ခိုက်လာတဲ့ အချိန်မှာ Depression ၀င်လာကြတယ်။

  〽️ ကျွန်တော့်ဘ၀မှာ နောင်တအရဆုံး၊ အမှားဆုံး လုပ်ရပ်ကို ပြောပါဆိုရင် ဘယ်ဘက် လက်ပေါ်က ဓားဒဏ်ရာ အမာရွတ် လေးခုပါပဲ။ ငယ်ရွယ်သေးတဲ့ လူငယ်တစ်ယောက်အတွက် တစ်ချိုသော စိတ်ခံစားမှုတွေက မမျှတခဲ့ဘူး။ အမာရွတ်က မသေးတော့ ဖုံးကွယ်ထားဖိုကလည်း မလွယ်ကူပါဘူး။ တစ်ယောက်ယောက်က မြင်လိုမေးပြန်ရင်လည်း တစ်ချိန်တစ်ခါက အမှားတစ်ခုက စိတ်ဒဏ်ရာ တစ်ခုလို ကိုယ့်နောက်က အမြဲလိုက်နေတော့တယ်။ Society တစ်ခုမှာ အနိုင်ကျင့်ခံခဲ့ရတဲ့ လူငယ်ဘ၀က မလွယ်ကူပါဘူး။ ဒါတောင် အဲ့အချိန်တုန်းက Social Media မတွင်ကျယ်သေးပါဘူး။

  📛 ကျွန်တော့်မိတ်ဆွေတွေထဲမှာလည်း ဒီလို အတွေးတွေကနေ ရုန်းကန်ထွက်ခဲ့တဲ့သူတွေ အများကြီးပါ။ နောက်ဆုံး စက္ကန့်အကွာလေးတွေကနေ လွတ်မြောက်ခဲ့သူတွေ။ တစ်ခါကဆို သမီးလေး မျက်နှာပေါ်လာလို ဒီအတွေးကနေ ရုန်းထွက်နိုင်ခဲ့တဲ့ မိခင်ကောင်းတစ်ယောက်။ သူမသမီး မျက်နှာလေးသာ သူမရှေ့မှာ မပေါ်လာခဲ့ရင် သူမအခုချိန် အသက်ရှင်နေဦးမှာ မဟုတ်ပါဘူး။ သူမ သမီးက သူမကို ကယ်တင်ခဲ့တယ်။ ဒါကြောင့်ပဲ ဘ၀ကို အရှုးမပေးပဲနဲ့ဆက်ကြိုးစားနေခဲ့တယ်။ အခုချိန်မှာ သူမက သူမ သမီးရဲ့ဘ၀ကို အောင်မြင်အောင် လုပ်ပေးနိုင်ခဲ့တဲ့ မိခင်ကောင်း တစ်ယောက် ဖြစ်တဲ့ အပြင် သူမဘ၀ကို ဦးဆောင်နိုင်တဲ့ သူတစ်ယောက် ဖြစ်နေပါပြီ။

  🖋 ယခုစာအုပ်ရဲ့စာရေးဆရာမ Sheryl Sandberg က Facebook ရဲ့ COO တစ်ယောက်အပြင် ကလေးနှစ်ယောက် အမေလည်း ဖြစ်တယ်။ သူမ ကလေးတွေ အတွက် မိခင်ကောင်း တစ်ယောက် အဖြစ် ကြိုးစားနေဆဲ ရုတ်တရက် သူမခင်ပွန်း ဆုံးသွားတဲ့ အခါမှာ အရာရာ အဆင်ပြေချော့မွေ့နေတဲ့ သူမအိပ်မက်တွေ အကုန် ပျက်ဆီးသွားခဲ့တယ်။

  📌 “Option A is not Available, Make the Most Out of Option B.”

  🕳 ကျွန်တော်တိုတစ်သက်မှာ တစ်ခါတော့ အကြီးမားဆုံး ဆုံးရှုးမှုတွေနဲ့ကြုံတွေ့ရတယ်။ မျှော်လင့်ချက်တွေ ပျောက်ဆုံးပြီး ခက်ခဲကြမ်းတမ်းတဲ့ ဘ၀ရဲ့တိုက်ခိုက်မှုတွေနဲ့ရင်ဆိုင်ရတယ်။ ဘ၀ရဲ့နင်းချေမှုတွေကြုံနေရတဲ့အချိန်မှာ ရုန်းကန်ထွက်နိုင်ဖိုဒီစာအုပ်မှာ ပါတဲ့ အချက်လေးတွေကို ရေးသားပေးလိုက်ပါတယ်။

  1. Avoid Three ‘P’s

  ▪️ Personalization

  💢 ဖြစ်ခဲ့သမျှ ကိစ္စတွေ အားလုံး ကိုယ့်အပြစ်လို ခံယူတာကို ရှောင်ကြဉ်ပါ။

  ▪️ Pervasiveness

  💨 စိတ်ဒဏ်ရာက ကိုယ့်ရဲ့လုပ်ရပ်တွေကို လိုက်နှောင့်ယှက်နေခြင်းကို ရှောင်ကြဉ်ပါ။

  ▪️ Permanence

  👁‍🗨 စိတ်ဒဏ်ရာက ကိုယ့်ဘ၀မှာ တစ်သက်လုံး မပါသွားဖိုကြိုးစားပါ။ တစ်သက်လုံး မဟုတ်ဘူး ဆိုတာကို လက်ခံပါ။

  2. Spend time in Groups
  👤 ကျွန်တော် အရမ်းစိတ်ညစ်တဲ့ အခါမှာ အများအားဖြင့် တစ်ယောက်တည်း နေပါတယ်။ ကျွန်တော်က စိတ်ညစ်ရင် အရမ်းကို ငြိမ်သက်သွားတယ်။ ကျွန်တော် စိတ်ညစ်နေမှန်း ဘယ်သူမှ မသိပါဘူး။ လူတွေကြားမှာ ပျော်ပျော်ရွှင်ရွှင်ပဲ နေတယ်။ လူတွေကို မယုံကြည်တဲ့ အတွက် မိဘတွေရော၊ သူငယ်ချင်းတွေပါ ဖွင့်ပြောလေ့ မရှိပါဘူး။ အရာရာကို တစ်ယောက်တည်း ဖြေရှင်းဖိုကြိုးစားတယ်။

  🌑 ဒါပေမယ့် တစ်ချိုညတွေ တစ်ယောက်တည်း နေလိုဆောက်တည်ရာမရ ဖြစ်နေတဲ့ အချိန်မှာတော့ ကျွန်တော် မခံစားနိုင်တော့ပါဘူး။ အဲ့အချိန်တွေမှာ ကျွန်တော့် အချစ်ဆုံးသူငယ်ချင်းတွေက အင်မတန် တန်ဖိုး ရှိပါတယ်။ ည ၁ နာရီ ဖုန်းဆက်ပြီး တွေ့ဖိုပြောလည်း ရောက်လာပါတယ်။ သူတိုတွေနဲ့အချိန် တစ်နာရီလောက် စကားပြောရတာက ကျွန်တော့်ရဲ့စိတ်ပင်ပန်းမှုတွေကို ကွယ်ပျောက်သွားစေပါတယ်။ ဒါကြောင့် စိတ်ညစ်ရင် တစ်ယောက်တည်း မနေပါနဲ့။

  3. Life is Never Perfect, So Take Responsibility of Your Life
  🌬 ဘ၀ဆိုတာ ပုံပြင်တွေထဲကလို ပျော်ရွှင်စရာ ဇာတ်သိမ်းတွေချည်း မဟုတ်ပါဘူး။ စာရေးဆရာမ Shreyl Sandberg က သူမ ခင်ပွန်း ဆုံးသွားပြီးတော့ အရမ်း ခံစားခဲ့ရပါတယ်။ ဒါပေမယ့် သူမမှာ တာ၀န်ယူရမယ့် သူမ ကလေးနှစ်ယောက်ရှိနေသေးတယ်။ သူမ ကလေးတွေ သူတိုအဖေဆုံးကြောင်း သိအောင် ပြောပြဖို၊ ကလေးတွေ စိတ်အားမငယ်အောင် ပြုစုပျိုးထောင်ပေးဖို၊ သူမ ဆုံးရှုးသွားမှုတွေကို သူမတာ၀န်ယူရပါမယ်။ သူမရဲ့အရှုးမပေးမှုတွေက သူမကို အောင်မြင်တဲ့ သူတစ်ယောက် ဖြစ်လာစေခဲ့တဲ့ အပြင် သူမ သားသမီးတွေ အပေါ်မှာ လေးစားထိုက်တဲ့ မိခင်ကောင်း တစ်ယောက် ဖြစ်ပါတယ်။

  ❄️ စာရေးဆရာမ Sheryl Sandberg ကို 2017 ခုနှစ်မှာ Forbes Magazine က Most Powerful Women, Number 4 အနေနဲ့ဖော်ပြပေးခြင်း ခံရပါတယ်။ Sheryl က 2013 ခုနှစ်မှာ Lean In Women Leadership စာအုပ်ကို ရေးသားခဲ့ပြီး Best Seller စာရေးဆရာမတစ်ယောက် ဖြစ်ခဲ့ပါတယ်။ သူမခင်ပွန်း ဆုံးပြီး နောက်ပိုင်းမှာ သူမရင်ဆိုင်ခဲ့ရတဲ့ အခက်အခဲတွေ၊ သူမ ကလေးတွေ အပေါ် မိခင်ကောင်းတစ်ယောက် ဖြစ်ဖိုကြိုးစားခဲ့ရတာတွေကို Option B စာအုပ်ထဲမှာ ရေးသားခဲ့ပြီး စာအုပ်ကတော့ Million Seller စာအုပ်တစ်အုပ် ဖြစ်လာခဲ့ပါတယ်။ သူမ က ခက်ခဲရုန်းကန်မှုတွေ၊ အရှုံးပေးချင်စိတ်တွေကို ကျော်လွှားပြီး ဘ၀ ကို အောင်မြင်အောင် တည်ဆောက်နိုင်ခဲ့သူ တစ်ယောက် ဖြစ်ပါတယ်။

  👣 ဘ၀မှာ လဲကျရင် ချက်ချင်းပြန်ထလိုမရပါဘူး။ ကိုယ် လဲကျပြီဆိုရင် တစ်ယောက်က နင်းသွားမယ်။ နောက်တစ်ယောက်က ကျော်ခွသွားမယ်။ ကျန်တဲ့သူတွေက ဟာသကြည့်သလို နေကြာစေ့စားပြီး လှောင်ရယ်နေဦးမှာ။ သိုပေမယ့်လည်း အရှုးမပေးပါနဲ့။

  Add to cart
• 

  Quick View

  Grit: The Power of Passion and Perseverance

  21,500 Ks

  “The greatest predictor of success is grit.”
  အောင်မြင်မှုရဲ့ ရှေ့ပြေးနိမိတ်ဟာ ကြံကြံခံပြီးကြိုးစားနိုင်ခြင်းဖြစ်တယ်
  -Angela Duckworth

  🛰 အချိန်နဲ့တစ်ပြေးညီ လုပ်ဆောင်နေရတဲ့ ခေတ်ကာလကို ရောက်နေချိန်မှာ Persistence ရဲ့အရေးကြီးမှုဟာ တစ်ဖြည်းဖြည်း ပျောက်ကွယ်လာတယ်။

  🚖 Taxi စီးချင်လား။ Grab ရှိတယ်။ ဗိုက်ဆာနေလား။ Foodpanda ရှိတယ်။ တစ်ခုခု ရှာချင်လား။ Google ရှိတယ်။ အရာအားလုံး လွယ်လွယ်ကူကူ ရနေတဲ့ အခါမှာ ခက်ခက်ခဲခဲ ကြိုးစားမှ ရနိုင်တဲ့ Social Skill, Network and Friends အဲ့ဒီ့အချက်တွေမှာ အားနည်းလာတယ်။

  💑 တစ်ချိန်တစ်ခါက မိန်းကလေး တစ်ယောက်ကို ပိုးပန်းဖိုဆိုရင် အဲ့ဒီ့မိန်းကလေးကို သေချာလေ့လာရတယ်။ မိန်းကလေးက ဘာတွေ ကြိုက်တတ်လဲ။ ရည်းစားစာဆိုလည်း စကားလုံးတွေကို ဖွဲနွဲပြီး ရေးရတယ်။ သူမအတွက် ကြယ်တွေ ခေါက်ရတယ်။ စာတွေ အကြောင်းများစွာရေးပြီးတော့ စာအိတ်လှလှလေးတွေနဲ့သေချာထုပ်ပိုးပြီးမှ သူမ မသိအောင် ခိုးပေးရတယ်။ သူမဆီက အချစ်ကို ရယူဖိုအတွက် နည်းလမ်းပေါင်းစုံ စဉ်းစားပြီးမှ အဖြေရတယ်။ အဲ့သလိုမျိုး ခက်ခက်ခဲခဲ ရယူထားတဲ့ အရာတစ်ခု ဖြစ်တဲ့အတွက် တန်ဖိုးကြီးတယ်။ တန်ဖိုးထားကြတယ်။

  🗯 အခုချိန်မှာတော့ လူငယ်တွေက Messenger လေးဖွင့်ပြီး ချစ်တယ်လိုပြောလိုက်တော့ ကြိုးစားမှုတွေက မရှိ၊ ရလာတော့လည်း မကြိုးစားထားတော့ တန်ဖိုးမထားကြပဲ ခဏလေးနဲ့ပြန်ပြတ်ကြတယ်။ လူငယ်တွေမှာ Persistence ရဲ့အရေးကြီးမှု၊ ခက်ခက်ခဲခဲကြိုးစားပြီးမှ ရလာတဲ့ ခံစားမှုမျိုးတွေ ပျောက်ကွယ်လာကြတယ်။

  💁 စာရေးဆရာမ Angela Duckworth က အောင်မြင်သူတွေနဲ့ကျရှုးသူတွေ ကြားမှာ ကွာခြားချက်တွေကို Research လုပ်ကြည့်တဲ့ အခါမှာ Grit ကအရေးကြီးဆုံး ဆိုတာတွေ့ရှိခဲ့တယ်။ Grit ဆိုတာကတော့ ရည်မှန်းချက်တစ်ခုကို အချိန်အကြာကြီး မဆုတ်မနစ်ပဲ ကြိုးစားတာ ဖြစ်ပါတယ်။ (Passion + Perseverance). Grit စာအုပ်မှာ လဲကျတိုင်း ပြန်ထဖိုပြီးတော့ ပြန်ထလာတဲ့ အချိန်မှာ အရင်တစ်ခါထက် ပိုသာတဲ့ လူတစ်ယောက် ဖြစ်ဖိုနည်းလမ်းကောင်းတွေ ပါပါတယ်။

  ☝️ 1 + Talent = 2
  ✌️ 1 + Effort = 3

  🐢 ယုန်နဲ့လိပ် ပြိုင်ပွဲကလို ယုန်ကတော့ မြန်တယ်။ လိပ်ကတော့ နှေးတယ်။ ဒါပေမယ့် အပြေးမြန်ပြီး ရပ်နေတဲ့ ယုန်ထက် မှန်မှန်သွားနေတဲ့ လိပ်ကတော့ အမြဲနိုင်မှာပါပဲ။ ငါက အရည်အချင်းရှိတယ်။ ငါ တော်တယ်။ ငါ တတ်တယ် ဆိုတဲ့ လူငယ်တွေထက် ရည်မှန်းချက်တစ်ခု အတွက် မှန်မှန်ကန်ကန် မဆုတ်မနစ် ကြိုးစားနေတဲ့ လူုငယ်က အချိန်တစ်ခုရောက်တဲ့ အခါမှာ သာလွန်မှာပါပဲ။

  ✊ တစ်စုံတစ်ခုအတွက် ကြိုးစားနေတယ် ဆိုတာ နေ့ရက်တိုင်းရဲ မနက်စာပါပဲ။

  👣 ရှေ ဆက်သွားမှာလား။

  🚶 ကျွန်တော် လွန်ခဲ့တဲ့ သုံးနှစ်လောက်မှာ သူငယ်ချင်းတွေနဲ့အတူ ဂူတစ်ခုထဲ ၀င်ခဲ့ကြတယ်။ ဂူထဲမှာ မီးမရှိတော့ ဖုန်း က မီးထွန်းပြီး အထဲကို ၀င်ကြတာပေါ့။ ကျွန်တော်တိုနဲ့အတူ အနောက်မှာ နောက်တစ်ဖွဲလိုက်လာကြတယ်။ ဂူ ထဲမှာ ဆက်သွားနေရင်း ရှေ့နားက လမ်းကြောင်းတွေက အရမ်းကျဉ်းလာတယ်။ လေ၀င်လေထွက် နည်းတော့ ဂူထဲမှာ အသက်ရှူကျပ်လာတယ်။ ရေတွေနဲ့ဆိုတော့ လမ်းတွေကလည်း ချောနေတယ်။ ခဏလည်းကြာရော အနောက်က အဖွဲ က ပြန်လှည့်သွားတယ်။ အရှေ့မှာကလည်း လမ်းကျဉ်းကျဉ်းလေးပဲ တွေ့ရတယ်။ ကျွန်တော်တိုကလည်း ဆက်လျှောက်သွားတာပေါ့။

  🏃 နောက်ဆုံး မြင်လိုက်ရတာ ဂူက အပိတ်ကြီး။ လမ်းမရှိတော့ဘူး။ ကျွန်တော်တိုအကုန် လန့်သွားတယ်။ ဘုရားစာတွေ ရွတ်ကြ၊ ဂါထာတွေ ဆိုကြတာပေါ့။ ဒါပေမယ့် ဘေးမှာ အပြင် ပြန်ထွက်ဖိုနောက်တစ်လမ်း ရှိတာကို တွေ့လိုက်ရတယ်။ အဲ့ဒီ့ကနေ အပြင် ပြန်ရောက်သွားတယ်။

  🙌 အဆုံးထိသာ ရောက်အောင် မသွားခဲ့ရင် ဒါမှမဟုတ် နောက်က အဖွဲလို နောက်ပြန်လှည့်ခဲ့ရင် အဆုံးမှာ ဘာရှိသလဲ သိမှာ မဟုတ်ပါဘူး။

  🌀 ကိုယ့် ယုံကြည်ရာ လမ်းကြောင်းတစ်ခုကို အဆုံးထိ သွားမှာလား။??

  🔭 “Always Discover your Vision and The Rest will Follow.”
  – Arnold Schwarzenegger

  📘 ယခုစာအုပ်ရဲ့အဓိက အနှစ်ကတော့ အချိန်အများကြီး ယူပြီး Research တွေလုပ်ရာက ရလာတဲ့ နည်းလမ်းတွေ ပါ၀င်တာပါပဲ။ စာအုပ်ထဲမှာ အပိုင်းသုံးပိုင်း ပါ၀င်ပါတယ်။

  🕯 ပထမပိုင်းမှာ Grit ဆိုတာဘာလဲ ပြီးတော့ Talent နဲ့Effort နှစ်ခုမှာ ဘယ်အရာက ပိုသာသလဲ စတဲ့ အကြောင်းအရာတွေကို Angela သင်ကြားခဲ့တဲ့ သူမ တပည့်လေးတွေနဲ့ဥပမာပြထားပါတယ်။

  💡 ဒုတိယပိုင်းမှာ Grit ရလာအောင် ဘယ်လို လုပ်မလဲ။ Grit တည်ဆောက်ပုံ အပိုင်းလေးမျိုးပါ၀င်ပါတယ်။

  🔦 တတိယပိုင်းမှာတော့ မိဘတွေ၊ ဆရာတွေ၊ အလုပ်ခွင်က မန်နေဂျာတွေ အတွက် မိမိလက်အောက်က ၀န်ထမ်းတွေကို သူတိုဘ၀ ပိုကောင်းလာအောင် လမ်းညွန်ပုံတွေ ရေးသားထားပါတယ်။

  📜 နောက်ဆုံးအနေနဲ့စာရေးသူ Angela Duckworth က Teacher တစ်ယောက်အပြင် PHD ရ Psychologist တစ်ယောက်လည်း ဖြစ်တယ်။ သူမ ရဲ့Grit စာအုပ်က Ted Talk ရဲ့ လူကြည့်အများဆုံး အပိုင်းတစ်ခုဖြစ်ပြီး သူမက Fortune 500 CEOs တွေအပြင် အိမ်ဖြူတော် နဲ့အမေရိကန် BasketBall NBA အသင်းတွေကိုလည်း အကြံပေးခဲ့ပါတယ်။

  📤 Angela ရဲ့ Grit – TED Talk Link လေးပါ။( ကြည့်ဖြစ်အောင် ကြည့်ကြည့်ပါ )

  👉 https://youtu.be/H14bBuluwB8

  💥 “Fall Down Seven Times, and Rise Eight.”
  – Angela Duckworth

  Add to cart