Thinking Fast and Slow
36,500 Ks
စဉ်းစားရတာကလွယ်တယ်ဆိုရင် ဆုံးဖြတ်ချက်ချဖိုဘာကြောင့်ခက်သလဲ ?
ကိစ္စတစ်ခု၊ အခက်အခဲတစ်ခုကိုဖြေရှင်းဖိုကြိုးစားတိုင်း သင့်ဦးနှောက်ကဘယ်လိုအလုပ်လုပ်သလဲဆိုတာကိုတွေးမိဖူးပါသလား ?
သင်ဟာ
အလွယ်တကူ အဖြေတွေကိုစဉ်းစားနိုင်ပြီး လျင်လျင်မြန်မြန် ဆုံးဖြတ်ချက်ချတတ်သူလား ?
စေ့စေ့စပ်စပ် တွေးခေါ်ပြီးသေချာတဲ့အဖြေကိုခန့်မှန်းနိုင်တော့မှ ဆုံးဖြတ်ချက်ကို အေးအေးဆေးဆေးချတတ်သူလား ?
ဒါမှမဟုတ် အတွေးတွေများပြီးဘယ်ဟာကအကောင်းဆုံးလဲဆိုတာကို ရှာတွေ့ဖိုတွေဝေနေတတ်သလား ?
ကျွန်တော်တို မှာရှိနေတဲ့ ခံယူချက်တွေနဲ့ ဘက်လိုက်တွေးခေါ်မှုတွေဟာ နေ့စဉ်ဘ၀ကို ဘယ်လိုထိန်းကျောင်းသလဲ ? ဆုံးဖြတ်ချက်တွေနဲ့ စဉ်းစားတဲ့ Pattern တွေဟာ ဘာကြောင့်ကွဲပြားခြားနားကြတာလဲ ?
Daniel Kahneman ရဲ့ “Thinking Fast and Slow” မှာ ကျွန်တော်တိုဦးနှောက်ရဲ့ System 1: Fast, Intutive ဖြစ်တဲ့ Emotional Thinking နဲ့ System 2: Slow, deliberate ဖြစ်တဲ့ Logical Thinking System နှစ်ခု ကကျွန်တော်တိုရဲ့ နေ့စဉ်ဘ၀ကို ဘယ်လိုကိုင်တွယ်မောင်းနှင်သလဲဆိုတာကို အသေးစိတ်ကျကျ ရှင်းပြထားပါတယ်။
သင် သိတဲ့လူတွေရဲ့စိတ်သဘောထားနဲ့ Psychology ကို အဆင့်မြှင့်တင်ဖိုအတွက် ဒီစာအုပ်ထဲက သင်ခန်းစာအချိုကို ရှင်းပြထားပါတယ်၊
Lesson 1: Recognize Cognitive Biases
“ငါပြောသလိုလုပ် ငါလုပ်သလိုမလုပ်နဲ့” ဆိုတဲ့ စကားဟာ ဟာသ မဟုတ်ပါဘူး။ ကျွန်တော်တိုမှာ ရှိတဲ့ Cognitive Bias နဲ့ Cognitive Dissidence တွေဟာ ကျွန်တော်တို စိတ်ထဲကလက်ခံထားတဲ့အရာတွေနဲ့ အပြင်မှာ လုပ်တဲ့အရာတွေကို ထပ်တူကျမှုဖိုခက်ခဲအောင်လုပ်ထားတတ်ပါတယ်။ အထူးသဖြင့် ကျွန်တော်တိုရဲ့ Behavior တွေနဲ့ Belief တွေဟာ မတူညီခဲ့ရင် (ဒါမှမဟုတ်) နှစ်ခု သုံးခုဖြစ်နေခဲ့ရင် ဒါတွေကို မြင်ရတတ်ပါတယ်။
Lesson 2: Understand the Power of Framing
ကိုယ်ကိုယ်ကိုဘောင်ခတ်မှုကိုနားလည်ပါ။ အမြဲတမ်းကျွန်တော်တိုဟာ Comfortable ဖြစ်တဲ့ လှောင်အိမ်လေးထဲမှာနေရတာကိုကြိုက်တတ်ကြပြီး အခြားသူတွေကိုလည်း မိမိရဲ့ Comfort Zone လေးကိုနားလည်မှုပေးဖို မသိမသာ ကြိုးစားတတ်ကြပါတယ်။ ကိုယ့်ရဲ့ Comfort Zone ကို ကိုယ်တိုင်သိပြီး ပြောင်းလဲပါ။
Lesson 3: Embrace Probabilistic Thinking
Positive Thinking မဟုတ်ပါဘူး , Probabilistic Thinking လိုခေါ်တဲ့ အခြေအနေနဲ့ အချိန်အခါပေါ်မှာမူတည်ပြီး ဖြစ်နိုင်ခြေအများဆုံးရှိတဲ့ အတွေးကိုအသုံးချတာပါ။ ဥပမာ အပြင်သွားရင် ထီးယူသွားသင့်လား ဆိုတဲ့အတွေးတစ်ခုကို Positive Thinking က “မိုးမရွာပါဘူး ရွာရင်လည်းအေးဆေး စောင့်ရုံပဲ” လိုတွေးတဲ့အချိန်မှာ Probabilistic Thinking က “မိုးလေဝသအခြေအနေကဘယ်လိုလဲ ?, တိမ်တွေထူထပ်နေသလား ?” စတဲ့ information တွေနဲ့ decision making ကို ကူညီပေးပါတယ်၊
Lesson 4: Beware of Overconfidence
ယုံကြည်မှုမလွန်ကဲပါနဲ့ ။ ကျွန်တော်တိုရဲ့ Emotional Thinking ( System 1 which thinks fast ) ကအကောင်းမြင်စိတ်လွန်ကဲပြီး ကျွန်တော်တိုရဲ့ ego ကိုမြှင့်တင်ပေးတတ်ပါတယ်။ ဒါဟာ အချိုသောအခက်အခဲတွေကို ကျော်လွှားတဲ့နေရာမှာ အဆင်ပြေစေပေမယ့် လွန်ကဲတဲ့အချိန်မှာ ကျွန်တော်တို ခံစားဖိုခက်ခဲတဲ့ အမှားတွေကို လုပ်မိတတ်ပါတယ်။ ဒါမျိုးတွေကို ရှောင်ရှားဖို Logical Thinking ( System 2 which thinks slow ) ကို လိုအပ်ရင်လိုအပ်သလိုကျွန်တော်တိုအစားထိုးအသုံးချ တတ်ရပါမယ်။
Lesson 5: Differentiate Between Experience and Memory
အတွေ့အကြုံနဲ့ မှတ်ဉာဏ်ကို ခွဲခြားသိပါ။ အတွေ့အကြုံဟာ ( System 2 ) ဖြစ်ပြီး မှတ်ဉာဏ် က ( System 1 ) ဖြစ်ပါတယ်။
ဒါကိုဘယ်လိုသိသလဲ ?
ဥပမာ ခရီးသွားခဲ့တဲ့အတွေ့အကြုံကိုပြန်ပြောပြတဲ့ အချိန်တွေမှာ ကျွန်တော်တို ရဲ့ မှတ်ဉာဏ် (Emotional thinking) က အလုပ်လုပ်ပြီး ဒီခရီးမှာ ကြုံတွေ့ရတဲ့ ပျော်ရွှင်မှုတွေ စွန့်စားမှုတွေအကြောင်း အားရပါးရပြန်ပြောတတ်ကြပါတယ်။ နောက်ထပ်ခရီးတစ်ခုကိုစီစဉ်ဖိုလုပ်တဲ့အချိန်မှာကျတော့ အတွေ့အကြုံ (logical Thinking) က အလုပ်လုပ်ပြီး အရင်ခရီးထွက်တုန်းက ဖြစ်ခဲ့တဲ့ Error တွေ ၊ နားလည်မှုလွဲတာတွေမဖြစ်အောင် ကြိုတင်စီစဉ်မှုတွေကို အစီအစဉ်ချပြီးအကောင်အထည်ဖော်ဖိုလုပ်ဆောင်ပါတယ်။
အတွေးစိတ်ကိုထိန်းချုပ်ရတာ ကျွန်တော်တို ကားမောင်းသလိုပါပဲ။
Auto Gear ကမောင်းရတာသက်သာပေမယ့် Manual Gear မှာ ကျွန်တော်တို ပိုပြီး Control ရပါတယ်
Emotional Intelligence (EQ) ကို upgrade လုပ်တဲ့နေရာမှာ ဒီ System နှစ်ခုကို ထိရောက်စွာအသုံးချနိုင်ပြီး ပိုကောင်းတဲ့အောင်မြင်မှုကိုရရှိနိုင်ဖို သော့ချက်ကို Daniel Kahneman ရဲ့ “Thinking Fast and Slow” မှာ ကိုယ်တိုင်ရှာဖွေလိုက်ပါ။
Related products
-
Add to cart
🙏အစီအစဉ်မကျမှု တလွဲတချော်ဖြစ်မှုတွေနဲ့ အတူတကွနေထိုင်နည်း ၁၂ ချက် – Part 1 🙏
ဘယ်လောက်ပဲအစီအစဉ်ကျအောင်လုပ်လုပ် တလွဲတချော်ဖြစ်မှုတွေဟာအမြဲတမ်းရှိပါတယ်။
No matter how much we try to set things in order, Chaos is bound to happen.👥ဒါတွေကကျွန်တော်တိုအားလုံးဖြစ်နေကျခံစားမှုတွေပါ။ ကျွန်တော်တိုကစနစ်တကျစီစဉ်ထားတယ်။ ဒါပေမယ့်လောကကြီးက တလွဲတွေကိုမဖြစ်ဖြစ်အောင်လုပ်ပေးတယ်။ တစ်ခါတစ်လေ အလုပ်တစ်ခု၊ အလေ့အကျင့်တစ်ခုလုပ်ဖိုတောင် ဘာတွေသောက်တလွဲဖြစ်ဦးမလဲဆိုတဲ့အတွေးနဲ့ စိုးရိမ်ပူပန်နေတာနဲ့ တင် အလုပ်တွေနှောင့်နှေးနေတာတွေဖြစ်တတ်ပါတယ်။
ဒီလို တလွဲတချော်ဖြစ်နေမှုတွေနဲ့ အစီအစဉ်တကျအလုပ်ဖြစ်မှုဆိုတဲ့အရာနှစ်ခုကြားမှာဘယ်လိုနေထိုင်ရမလဲ ?အဆိုး အကောင်းနှစ်ခုကိုဒွန်တွဲပြီး သာတူညီမျှ ဖြစ်တဲ့ဘ၀ကို ဘယ်လိုနေထိုင်ရမလဲဆိုတာကို Jordan Peterson ရဲ့ Beyond Order မှာဖော်ပြထားပါတယ်။🏷Beyond Order ဟာ Jordan Peterson ရဲ့ Bestseller ဖြစ်တဲ့ 12 Rules for life ရဲ့ နောက်ဆက်တွဲဖြစ်ပြီးတော့ ဒီစာအုပ်ထဲမှာ တလွဲတချော်ဖြစ်မှုတွေနဲ့ အစီအစဉ်ကျမှုတွေကြားမှာ သာတူညီမျှစွာနေထိုင်နိုင်မဲ့နည်း တွေကို ရှင်းပြထားပါတယ်။ ဒီနည်းတွေကို အတူတူလေ့လာကြည့်ရအောင်
🏢1. Do not carelessly denigrate social institutions or creative achievement.🏢
အဖွဲအစည်းတွေနဲ့ တီထွင်အောင်မြင်မှုတွေကို ဂရုမစိုက်ပဲ မရှုချပါနှင့်
တစ်ယောက်အားနှင့်ယူသော်မရ တစ်သောင်းအားနှင့်ယူသော်ရ၏ ဆိုတဲ့စကားပုံလိုပဲ လူသားတိုးတက်မှုမှာ အဖွဲအစည်းတွေက အရေးကြီးပါတယ်။ မိမိကိုတိုးတက်အောင်လုပ်ပေးနိုင်တဲ့ ပညာသင်ပေးနိုင်တဲ့ Mentor တွေ လက်တွေ့ယူရမယ့် Experience တွေဟာ အဖွဲအစည်းတွေမှာရှိပါတယ်။အဖွဲအစည်းတစ်ခုထဲကိုရောက်ရင် Complain တွေတက်ပြီးအမုန်းပွားနေမယ့်အစား ကိုယ့်ကို အပေါ်ရောက်အောင်လုပ်ပေးနိုင်တဲ့သူတွေနဲ့အတူ မိမိရဲ့ဘ၀ကို တိုးတက်အောင်ရှာဖွေပါ။ တီထွင်ကြံဆမှုတွေကိုလေ့လာပါ။🏃♂️2. Imagine who you could be and then aim single-mindedly at that.🏃♂️
ကိုယ်ဘာဖြစ်နိုင်လဲဆိုတာကိုတွေးပြီး အဲ့ဒီ့အရာတစ်ခုတည်းကိုဦးတည်ပြီးအလုပ်လုပ်ပါ
“ Hero တစ်ယောက်ဆိုတာ ပြီးပြည့်စုံအောင်ဖွံဖြိုးတိုးတက်ပြီးတဲ့ ကိုယ်ပိုင်အရည်အချင်းရဲ့ ဥပမာတစ်ခုဖြစ်တယ်” လို စာရေးသူကပြောထားပါတယ်။ငယ်ရွယ်စဉ်တုန်းက ကျွန်တော်တိုတွေဟာ Batman, Spiderman တိုလိုမျိုး Hero တွေကိုသဘောကျခဲ့သလို အခု ကျွန်တော်တိုလက်တွေ့မြင်ရတဲ့ Elon Mask တို Jeff Bezos တိုလိုမျိုး Hero တွေဖြစ်အောင် ကြိုးစားချင်တယ်မဟုတ်လား။ကိုယ် အားကျတဲ့ Hero တစ်ယောက်လို ကိုယ့်ကိုယ်တိုင်စိတ်ကူးယဉ်ပြီး သူကြုံခဲ့တဲ့အခက်အခဲတွေ ကိုရင်ဆိုင်သလိုမျိုး ရင်ဆိုင်ပြီး ရှေ့လျှောက်မယ့်လမ်း ကကျန်တဲ့မလိုတဲ့ အရာတွေကိုဖယ်ထုတ်နိုင်ရပါမယ်။🌫3. Do not hide unwanted things in the fog.🌫
မလိုချင်တဲ့အရာတွေကို မီးခိုးငွေ့တွေထဲဖုံးကွယ်မထားပါနဲ့
အဆင်မပြေမှုတွေနဲ့ကြုံတွေ့ရတဲ့ အချိန်မှာ ကျွန်တော်တိုလုပ်မိတတ်တာက အဲ့ဒီ့အရာတွေကို မမြင်ရအောင်ဖုံးကွယ်ထားဖိုကြိုးစားတာပါပဲ။ဥပမာ လုပ်ဖော်ကိုင်ဖက်တစ်ယောက်နဲ့ အဆင်မပြေကြောင်း တိုက်ရိုက်ပြောဖိုထက် အဲ့ဒီ့အရာကိုဖုံးကွယ်ပြီးအခြားအကြောင်းကိုပြောဖို ကျွန်တော်တိုပိုပြီး ကြိုးစားတတ်ပါတယ်။ ကိုယ်ကိုယ်တိုင်ဖုံးကွယ်ထားတဲ့အရာတွေဟာ ရုတ်တရက်ပေါ်ပေါက်လာတော့မှ အငိုက်မိပြီး ပြသနာတွေဟာ မထင်မှတ်ထားပဲအရမ်းကြီးမားသွားတတ်ပါတယ် ။ အခက်အခဲတွေကို ဖုံးကွယ်ဖိုမကြိုးစားပဲနဲ့ ရင်ဆိုင်ဖြေရှင်းနိုင်တဲ့ အရည်အသွေးကိုမွေးမြူမှသာ ကျွန်တော်တို ပိုမိုကောင်းမွန်တဲ့ လူတစ်ယောက်ဖြစ်လာမှာပါ။🌻4. Notice that opportunity lurks where responsibility has been abdicated.🌻
တခြားသူတွေတာဝန်မယူရဲတဲ့နေရာတွေမှာ အခွင့်အလမ်းတွေရှိနေတတ်တာကိုသတိပြုပါ
ဒီနေရာမှာ မင်မင်ရဲ့ ကိုယ်တွေ့အတွေ့အကြုံလေးတစ်ခု Share ချင်ပါတယ်။ အလုပ်မှာပွဲတစ်ခုစီစဉ်တုန်းက အစားအသောက်အတွက်ဘယ်သူမှတာဝန်ယူမယ့်သူမရှိတဲ့အချိန်မှာ မင်မင် က Volunteer အနေနဲ့တာဝန်ယူခဲ့မိပါတယ်။ ဘာမှသိပ်မတွေးပဲပုံမှန် အတိုင်းကူညီချင်ရုံသတ်သတ်နဲ့ တာဝန်ယူလိုက်တာရဲ့ အကျိုးဆက်က အလုပ်မှာ ရှိတဲ့လူအားလုံးနဲ့ ရင်းနှီးမှုပိုရခဲ့တဲ့အပြင် အရင်က သိပ်မတည့်တဲ့သူတွေပါကိုယ်နဲ့ သူငယ်ချင်းတွေဖြစ်သွားပြီး မင်မင့်ကို ဒီ Page ကလေး run ဖိုတွန်းအားပေးတဲ့ ဆရာကောင်းတွေနဲ့လည်းကြုံတွေ့ခဲ့ပါတယ်။ အဲ့ဒီတုန်းက တာဝန်သာမယူခဲ့ရင် ဒီ Page လေးဖြစ်လာဖိုဆိုတာလည်းအချိန်တစ်ခု ထပ်ကြာနေဦးမှာပါ။⛔️5. Do not do what you hate.⛔️
မင်းမုန်းတဲ့ အလုပ်ကိုမလုပ်ပါနဲ့
“ဟိုး….. ထား ဆရာသမား” မုန်းတဲ့အလုပ်ကိုမလုပ်နဲ့ဆိုလို ကိုယ်မကြိုက်တဲ့အရာမှန်သမျှမလုပ်ခိုင်းတာမဟုတ်ဘူး။ ကိုယ်မုန်းတဲ့အရာတွေဆိုတာ ကိုယ့်ကိုယ်ကိုလည်းအကျိုးမပြု ၊သူများအတွက်လည်းစီးပွားမဖြစ်ထွန်း ၊ ပတ်ဝန်းကျင်ကလည်းလက်မခံနိုင်တဲ့ အရာတွေကိုပြောတာနော်။ ကိုယ့်အလုပ်ကို ကိုယ်မကျေနပ်ဘူး မကြိုက်ဘူးဆိုရင် ကိုယ်ကိုယ်တိုင်ဘာပြောင်းလဲနိုင်သလဲအရင်စဉ်းစားပြီး တိုးတက်ပြောင်းလဲနိုင်တဲ့ နည်းလမ်းကို လက်ခံကျင့်သုံးပါ။ အလုပ်က မပြောင်းလဲပေးနိုင်ဘူး ဆိုရင် အားလပ်ချိန်မှာ ကိုယ့် Personal Life ကိုတိုးတက်အောင်လုပ်ပြီး ဒီအလုပ်ကထွက်နိုင်မယ့်နည်းလမ်းကိုရှာပါ။📡6. Abandon ideology.📡
အယူဝါဒတွေကိုလက်ကိုင်စွဲမထားပါနဲ့
Ideology တွေဟာ Smart ဖြစ်တဲ့ ငပျင်းတွေရဲ့ လက်နက်တစ်ခုဖြစ်ပါတယ်။( မယုံရင် ကိုယ့်ကိုယ်ကို ပြန်မေးကြည့်ပါ)။ နီတိတွေကျမ်းတွေ နဲ့ လူကြီးတွေပြောတဲ့ ဆုံးမမှုတွေဟာ အတိုင်းအတာတစ်ခု အထိလက်ခံကျင့်သုံးလိုကောင်းပါတယ်။ ဒါပေမယ့် ပြောင်းလဲနေတဲ့ ကမ္ဘာကြီးမှာ ရှေးဦးစာအုပ်တွေထဲကအတိုင်း လိုက်နေလိုကတော့ ကျွန်တော်တိုရဲ့တက်လမ်းကို စာအုပ်တွေထဲက နိယာမတွေနဲ့ပိတ်မိထားသလိုဖြစ်နေမှာပါ။ လွတ်လပ်စွာတွေးခေါ်ပါ။ စွန့်စားမှုကိုလက်သင့်ခံပါ။ မိမိလက်ခံထားတဲ့ မိမိရဲ့ ယုံကြည်မှုကို မေးခွန်းထုတ်ပြီး လိုက်လျောညီထွေနေနိုင်အောင် Upgrade လုပ်ပါ။💪7. Work as hard as you possibly can on at least one thing and see what happens.💪
တစ်ခုကို ရှိသမျှအားအကုန်စိုက်ပြီးအလုပ်လုပ်ကြည့်ပြီး ဘာဖြစ်လဲစောင့်ကြည့်ပါ
သင်မအောင်မြင်သေးတာမဟုတ်ပါဘူး ဖြစ်ချင်တာတွေအရမ်းများနေတာပါ။ ဆရာဝန်ကြီးဖြစ်ချင်တာလား ? အင်ဂျင်နီယာကြီးဖြစ်ချင်တာလား ? Vlogger ကြီးဖြစ်ချင်တာလား ? Influencer ကြီးဖြစ်ချင်တာလား ? ဖြစ်ချင်တာတွေတော့အရမ်းများပါရဲ့ အခုအချိန်ထိတော့ဘာမှတော့ဖြစ်မလာသေးဘူး လုပ်တာကတော့အကုန်လုပ်နေတာပဲ..
အကုန်မလုပ်ပါနဲ့။ တစ်ခုတည်းကိုအချိန်အတိုင်းအတာတစ်ခုအထိအားစိုက်အလုပ်လုပ်ပြီး ရလဒ်ကို စောင့်ကြည့်ပါ။ အောင်မြင်တဲ့သူတိုင်းဟာ နေရာတိုင်းမှာမတော်ကြပါဘူး။ ကျွမ်းကျင်တဲ့နယ်ပယ်တစ်ခုမှာ ဘယ်သူမှမယှဉ်နိုင်တဲ့ Skill နဲ့ အလုပ်လုပ်နိုင် တာဟာ သင့်အောင်မြင်မှုရဲ့လမ်းစတစ်ခုဖြစ်ပါတယ်။💐8. Try to make one room in your home as beautiful as possible.💐
မင်းအိမ်က အခန်းတစ်ခန်းကို လှနိုင်သမျှလှအောင်ထားပါ။
စားပွဲပေါ်ကပန်းအိုးသေးသေးလေးတစ်လုံးလိုမျိုးရိုးရှင်းတဲ့ မြင်ကွင်းလေးတစ်ခုဟာ အံ့ဩဖွယ်ကောင်းတဲ့စိတ်ကြည်နူးမှုကိုပေးစွမ်းနိုင်ပါတယ်။ တွေးကြည့်လိုက်ပါ ခင်ဗျားအလုပ်ကနေတစ်နေကုန်ပင်ပန်းနွမ်းနယ်ပြီး အိမ်ပြန်ရောက်တဲ့အချိန်မှာ သန့်ရှင်းလတ်ဆတ်နေတဲ့အခန်းထဲကိုဝင်လိုက်တာနဲ့ ဘယ်လောက်တောင်စိတ်ချမ်းသာသွားလိမ့်မလဲ ဆိုတာ။ တကယ်လိုအခန်းတစ်ခန်းလုံးအတွက်အချိန်မရှိဘူး ဆိုရင်တောင် ဘုရားစင်ထဲက ဘုရားပန်းလေးလဲတာ သောက်တော်ရေလဲတာလေး နေ့စဉ်လုပ်ပေးမယ်ဆိုရင် သင့်ဘ၀အတွက် အေးချမ်းတဲ့နေရာတစ်ခု ဟာ သင့်အိမ်မှာနေ့စဉ်ရှိနေပါလိမ့်မယ်။📝9. If old memories still make you cry, write them down carefully and completely. 📝
အတိတ်ကအကြောင်းအရာတွေနဲ့မျက်ရည်ကျမိနေသေးရင် သေသေချာချာပြည့်ပြည့်စုံစုံ ရေးချပါ။
ဆုံးရှုးမှုဟာ လူသားတွေရဲ့အစိတ်အပိုင်းတစ်ခုပါပဲ။ ကျွန်တော်တိုချစ်တဲ့အရာတွေနဲ့ ခွဲခွာခဲ့ရတဲ့ ခက်ခဲတဲ့အချိန်တွေဟာ မေ့ပစ်ဖိုအရမ်းခက်ခဲပါတယ်( ဥပမာ မိသားစုဝင်တွေ တိရစ္ဆာန်လေးတွေ) ။ ဒီအရာတွေကို ကျွန်တော်တိုထပ်ခါတလဲလဲပြန်တွေးမိရင်း ဖြေသိမ့်မှုမရနိုင်ပဲ လိပ်ခဲတည်းလည်းဖြစ်လာတဲ့ ဝန်ထုပ်ဝန်ပိုးတွေဖြစ်လာတ်ပါတယ်။ ကျွန်တော်တိုတွေ လွတ်မြောက်မှုနဲ့ဖြေသိမ့်မှုရရှိနိုင်ဖိုကအတွက် သူတိုနဲ့ ပက်သက်တဲ့ သတိရမှု လွမ်းဆွတ်မှုတွေကို စာရွက်တွေပေါ်မှာချရေးထားပြီး လိုအပ်တိုင်းထုတ်ဖတ်ပါ။သင့်ဘ၀ထဲမှာ သူတိုတွေအကောင်းဆုံးဖြစ်အောင်သူတိုကြိုးစားခဲ့ပြီးပါပြီ သူတိုတွေဂုဏ်ယူရအောင် ကြိုးစားဖိုက သင့်တာဝန်ပါ။💓10. Plan and work diligently to maintain the romance in your relationship.💓
အချစ်တွေဆက်လက်ရှင်သန်နေဖို အစီအစဉ်ချပြီး ကြိုးစားအားထုတ်ပါ။
ချစ်နေရင်ပြီးရော ဆိုတဲ့ စကားလုံးက တကယ့်လက်တွေ့ဘ၀နဲ့ ထပ်တူကျမနေပါဘူး။ အိမ်ထောင်ဖက်ဘ၀မှာ မိသားစုဘ၀မှာ ရေရှည်တည်မြဲနေဖိုအတွက်အားစိုက်ထုတ်မှုတွေ နားလည်မှုတွေ ရှိရမှာပါ။ တစ်ယောက်နဲ့တစ်ယောက် လိုအပ်ချက်တွေနဲ့ လိုအင်တွေကို နားလည်သဘောပေါက်ပြီး လေးစားမှုအပြည့်နဲ့ မျက်နှာချင်းဆိုင်ဆွေးနွေးနိုင်မှုဟာ ကြာရှည်တည်မြဲတဲ့ Relationship တစ်ခုကိုအားသစ်လောင်းစေပါတယ်။
အချစ်ရေးနဲ့ မိသားစုမှာ အဆင်ပြေမှုဟာ သင့်အောင်မြင်မှုဆီကို အမြန်ဆုံးရောက်အောင်တွန်းအားပေးနိုင်တဲ့ အစွမ်းအထက်ဆုံးသောအရာတစ်ခုလည်းဖြစ်တာကြောင့် ဒါကိုဂရုစိုက်ဖိုမလစ်ဟင်းမိပါစေနဲ့ ။💢11. Do not allow yourself to become resentful, deceitful, or arrogant. 💢
ကိုယ့်ကိုကိုယ် နာကြည်းမှု ၊ လှည့်စားမှု နဲ့ မာနထောင်လွှားမှုတိုရဲ့သားကောင်အဖြစ်မခံပါနဲ့
ဘ၀ရဲ့ ထိုးနှက်မှုတွေအများကြီးကို သင်ခံစားဖူးခဲ့ပြီးပါပြီ။ အောင်မြင်မှု၊ ကျရှုးမှု၊ နောက်ကျောဓားနဲ့အထိုးခံရမှု၊ ကွယ်ရာမှာအပုတ်ချခံရမှု စသည်ဖြင့်အခြေအနေအမျိုးမျိုးက သင့်ကို ဒီနေရာရောက်အောင် တွန်းပိုခဲ့တာမဟုတ်ပါလား။ အတိတ်ကအရာတွေကိုပြန်တွေးမိတဲ့အချိန်မှာ နာကြည်းမှု၊ ခံပြင်းမှုတွေနဲ့ မိမိကိုယ်ကိုယ်ပိတ်လှောင်မိနေခြင်းဟာ အဆိုးဝါးဆုံးသောအရာတစ်ခုဖြစ်ပါတယ်။ အရင်ကဖြစ်ခဲ့တဲ့အရာတွေကို လက်ခံလိုက်ပါ သူတိုဟာသင့်ကို ပိုကောင်းမွန်တဲ့လူတစ်ယောက်ဖြစ်အောင် သင်ခန်းစာတွေပေးခဲ့တာပါ။ ဒီသင်ခန်းစာတွေကိုပဲ ရင်ထဲမှာသိမ်းထားပြီးရှေ့ဆက်မယ့်လမ်းမှာ လက်နက်အဖြစ်အသုံးချပါ။🕊12. Be grateful in spite of your suffering. 🕊
သင့်ရဲ့ အခက်အခဲတွေနဲ့ နာကျင်မှုတွေကိုကျေးဇူးတင်ပါ
မီးပူပူထဲ အကြိမ်ပေါင်းများစွာဖြတ်သန်း၊ တူနဲ့ ထုရိုက်မှုပေါင်းမြောက်များစွာကိုမခံယူပဲနဲ့ ဓားကောင်းတစ်ချောင်းဖြစ်မလာသလို အခက်အခဲတွေကို မရင်ဆိုင်ပဲနဲ့လဲ လူတော်လူကောင်းတစ်ယောက်ဖြစ်မလာပါဘူး။ ကျွန်တော်တိုလျှောက်ခဲ့တဲ့လမ်းကို ပြန်ကြည့်မယ်ဆိုရင် ထိပ်တိုက်ရင်ဆိုင်ခဲ့တဲ့အခက်အခဲတွေ ဘယ်သူ့ကိုမှပြောပြလို နားမလည်နိင်လောက်တဲ့ ကိုယ်ကိုယ်တိုင်ပဲသိတဲ့ နာကျင်မှုတွေဟာ ကျွန်တော်တိုကို အကောင်းဆုံးသင်ခန်းစာတွေပေးခဲ့တာပါ။ဒါကြောင့် အခက်အခဲတွေထပ်ရင်ဆိုင်လာရရင် စိတ်ညစ်မယ့်အစားကျေးဇူးတင်ပါ။ ဘာလိုလဲဆိုတော့ သူတိုဟာ ကျွန်တော်တိုအတွက်အကောင်းဆုံးသင်ခန်းစာတွေထပ်ယူလာပေးတယ်ဆိုရင်လည်းမမှားပါဘူး။📔Beyond Order ဟာ ဘ၀ရဲ့ ရှုပ်ထွေးမှုတွေကို ခံနိုင်ရည်အပြည့်နဲ့ ခွန်အားရှိရှိရင်ဆိုင်နိုင်အောင် ညွှန်ပြပေးတဲ့ လမ်းပြမြေပုံတစ်ခုဆိုရင်လည်းမမှားပါဘူး။ လောကကြီးကကျွမ်းထိုးမှောက်ခုံဖြစ်နေတဲ့အချိန်မှာတောင် ကိုယ့်ဘ၀ကို ကျေနပ်ဖိုက ကိုယ့်မှာပဲတာဝန်ရှိတဲ့အကြောင်းကို Dr. Jordan Peterson က စာအုပ်ထဲမှာလှပစွာရှင်းပြထားပါတယ်။
သင့်ဘ၀အတွက် လိုအပ်တဲ့ Balance ကိုရှာဖွေဖို အသင့်ဖြစ်နေပြီဆိုရင်တော့ Beyond Order ကို Airplane Bookstore မှာ အဆင်သင့်မှာယူလိုရပါတယ်။ ဒီစာအုပ်ထဲကဘယ်နည်းတွေကိုသင်အသုံးချဖိုစဉ်းစားထားသလဲ? တခြားသူတွေလည်း ဒီလိုအသိဉာဏ်တွေတိုးပွားအောင် ဒီ Post လေးကို ကူ Share လိုက်ပါ။
Book Title – Beyond Order : 12 More Rules for Life
Author – Jordan Peterson
Price – 19,500 MMK -
Add to cart
🌸🌸High Productivity သမားတိုင်းရဲ့လျှိဝှက်ချက်, Flow နဲ့အတူနေထိုင်ခြင်း
အလုပ်တစ်ခုထဲမှာစိတ်နှစ်ပြီး အချိန်တွေကုန်လိုကုန်သွားမှန်းမသိတဲ့ခံစားချက်ကိုသိသလား ?
ဒါကို Flow State လိုခေါ်ပြီး အားကစားသမားတွေ၊ Entrepreneur တွေ ၊ Professional တွေနဲ့ အနုပညာသမားတွေ အများကြီးအသုံးပြုကြတဲ့နည်းလမ်းတစ်ခုဖြစ်ပါတယ်။💮Flow Stateထဲရောက်နေတဲ့အချိန်မှာ
✔️အချိန်ဘယ်လိုကုန်သွားမှန်းမသိတာ
✔️အားမစိုက်ထုတ်ရပဲအလုပ်တွေအများကြီးပြီးနိုင်တာ
✔️အခက်အခဲတွေက Pressure မတက်ပဲနဲ့ပျော်စရာကောင်းတဲ့ခံစားချက်
✔️အလုပ်ကို ရာနှုန်းပြည့်အာရုံစိုက်ပြီး နှောင့်ယှက်မှုတွေဝင်မလာနိုင်အောင် လုပ်နိုင်တာစတဲ့အရာတွေကို automatic ပြုလုပ်နိုင်ပါတယ်။စာရေးသူ Mihaly Csikszentmihalyi က အလုပ်ကို ကျေနပ်အားရစွာနဲ့ အားမစိုက်ပဲ ရည်ရွယ်ချက်ပြည့်အောင်လုပ်ဆောင်နိုင်တဲ့ Mind/Body state ကို Flow လိုအမည်တပ်ခဲ့ပါတယ်။ ဒါဟာ ကျေနပ်မှု၊ Productivity ကောင်းမွန်မှု၊ပျော်ရွှင်မှုနဲ့ အောင်မြင်မှုတိုရဲ့သော့ချက်လည်းဖြစ်ပါတယ်။
🌺Flow State ဟာ နှစ်ပေါင်းများစွာလေ့ကျင့်ပြီးမှရနိုင်တဲ့ Skill တစ်ခုမဟုတ်ပါဘူး။ကျွန်တော်တိုနေ့စဉ်လုပ်ငန်းဆောင်တာတွေလုပ်ဆောင်နေရင်းနဲ့တောင် Flow State ကို အလိုလိုရောက်ရှိသွားတာကို ကိုယ်တိုင်သတိထားမိမှာပါ။
Flow state ကိုရဲ့လျိုဝှက်ချက်အချိုကို အောက်မှာလေ့လာကြည့်ရအောင်📊Challenge-Skill Quadrant
Challenge-Skill Quadrant ဟာ မတူညီတဲ့ စိန်ခေါ်မှုတွေနဲ့ ကိုယ်ပိုင်ကျွမ်းကျင်မှုဟာ သင့်စိတ်အပေါ်မှာ ဘယ်လိုလွှမ်းမိုးမှုရှိလဲဆိုတာကိုဖော်ပြထားပါတယ်။
ဒီ Quadrant ကို
1. Boredom
2. Anxiety
3. Apathy
4. Flow ဆိုတဲ့ ရိုးရှင်းတဲ့အပိုင်းလေးမျိုးနဲ့ကြည့်နိုင်ပါတယ်။1.Boredom (ပျင်းရိခြင်း – Challenge နိမ့်, Skill မြင့်)
ဥပမာ- အရမ်းလွယ်နေတဲ့အခက်အခဲတွေကိုဖြေရှင်းရတာ
ကျွန်တော်တို တတ်မြောက်ထားတဲ့ Skill ထက်အရမ်းနိမ့်တဲ့ Challenge ကိုဖြေရှင်းရတဲ့အချိန်မှာ အလုပ်ကစိတ်ဝင်စားစရာမကောင်းတဲ့အတွက်ပျင်းဖိုကောင်းလာတတ်ကြပါတယ်။
ပြင်ဆင်ဖို-ရှုပ်ထွေးမှုနဲ့ ပုံမှန်မဟုတ်တဲ့ Target တွေ(ဥပမာ-အချိန်ကန့်သတ်တာ)ချမှတ်ပြီး စိတ်ဝင်စားအောင်လုပ်ပါ2.Anxiety ( စိုးရိမ်စိတ် – Challenge မြင့်, Skil နိမ့်)
ဥပမာ-ကျွမ်းကျင်မှုမရှိသေးတဲ့အလုပ်တစ်ခုကို တာဝန်ယူပြီးလုပ်ခိုင်းတာ
သင့်ကို အခုချိန်မှာစာလုံးရေငါးထောင်ရှိတဲ့ Research paper တစ်ခုကို တစ်ရက်အတွင်းအပြီးရေးပြီး Presentation လုပ်ရမယ်ဆိုရင် အလုပ်စဖိုထက် စိုးရိမ်စိတ်ကများပြီး စိတ်ဖိစီးမှုဒဏ်ကိုခံစားရမှာပါ။
ပြင်ဆင်ဖို-ဒီစိန်ခေါ်မှုတွေကို သေးငယ်တဲ့ စိန်ခေါ်မှုသေးသေးလေးတွေအဖြစ်ခွဲထုတ်ပြီး အနိုင်သေးသေးလေးတွေကနေ သင့်စွမ်းရည်ကိုတဖြည်းဖြည်းချင်းမြှင့်တင်ပါ။3.Apathy (စိတ်ဝင်စားမှုမရှိတာ – Challenge နိမ့်, Skill နိမ့်)
ဥပမာ- Skill မလိုတဲ့အလုပ်တစ်ခုကို စိတ်မပါပဲလုပ်ရတာကို Apathy လိုခေါ်ပါတယ်
အလုပ်အတွက်တကယ်အရေးမပါတဲ့Meeting တစ်ခုကိုတက်ရတဲ့အချိန်မှာဖြစ်တဲ့ခံစားချက်မျိုးနဲ့တူပါတယ်။ရှိနေတဲ့သူတွေကအဓိပ္ပါယ်မရှိတာတွေလျှောက်ပြောနေ၊ ကိုယ်ကလည်းထထွက်သွားလိုမရ၊ သူ့အတွက်ကိုယ့်အတွက်လည်းအကျိုးမရှိတဲ့အလုပ်လုပ်နေတဲ့အချိန်မှာ ဒါကိုခံစားရပါတယ်။
ပြင်ဆင်ဖို-သင့်စိတ်ဝင်စားမှုနဲ့ကိုက်ညီတဲ့ စိန်ခေါ်မှုတွေကိုရှာဖွေပါ။4.Flow ( Flow State- Challenge မြင့်,Skill မြင့် )
သင်ကျွမ်းကျင်မှုနဲ့ စိန်ခေါ်မှုဟာလိုက်လျောညီထွေဖြစ်တယ်ဆိုတဲ့အခြေအနေကို Flow State လိုခေါ်ပါတယ်။
ဥပမာ-ကိုယ်နဲ့အတွေးချင်းတူတဲ့လူတစ်ယောက်နဲ့ Idea တစ်ခုကို ယှဉ်ပြိုင်ဆွေးနွေးရသလိုမျိုးပေါ့။
ဘောလုံးသမားတစ်ယောက်ဆီကို ဘောလုံးရောက်သွားသလို၊ အဆိုတော်တစ်ယောက် Mic ရှေ့ရောက်သွားသလိုဖြစ်တဲ့ခံစားမှုမျိုးပါ။ ဒီstate မှာ အရာအားလုံးက လိုက်လျောညီထွေဖြစ်မှုနဲ့ သဘာ၀တရားနဲ့ကိုက်ညီမှုကိုခံစားရမှာပါ။
တိုးတက်ဖို-Flow State ဖြစ်ပြီးတဲ့ အချိန်မှာ ဒီstate ကိုရောက်စေတဲ့ Flow Trigger တွေကိုပြန်ဆန်းစစ်ပြီး မှတ်သားထားပါ။ဒါ့အပြင် Flow Psychology ဟာ
⚖️Yerkes Dodson law ( Stress နဲ့ Productivity ရဲ့အပြန်အလှန်အကျိုးသက်ရောက်မှု)
⚖️Parkinson’s Law ( အချိန်နဲ့ အလုပ်ရဲ့ဆက်နွယ်မှု )
⚖️The Goldilocks Principle ( စိန်ခေါ်မှုနဲ့ကျွမ်းကျင်မှုရဲ့ ချိတ်ဆက်ပုံ)
⚖️Hick’s Law ( ရွေးချယ်မှုနဲ့ ဆုံးဖြတ်ချက်) စတဲ့ ဥပဒေသတွေနဲ့ အပြန်အလှန်ချိတ်ဆက်ကိုက်ညီမှုတွေရှိနေပါတယ်။🎖️Flow Proneness, VUCA, Flow Food, Flow Schedule စသည်ဖြင့် Flow နဲ့ပက်သက်တာတွေအကုန်ရေးရင် စာအရမ်းကြီးရှည်သွားမှာဖြစ်တဲ့အတွက် စာအုပ်သာဝယ်ဖတ်လိုက်ဖိုတိုက်တွန်းချင်ပါတယ် 😁။Enterpreneur, Leader တွေ Productivity တက်အောင်၊ အလုပ်မှာကျေနပ်အောင်၊ ဘ၀မှာပျော်ရွှင်အောင် သုံးနေကျပြီး သင့်ဘ၀ကိုရေရှည်အကျိုးသက်ရောက်မှုဖြစ်စေမယ့် Flow Psychology ကိုလေ့လာနိုင်ဖို ဒီစာအုပ်ကလေးကိုအခုချက်ခြင်းလေ့လာကြည့်လိုက်တော့နော်
-
Add to cart
အစွမ်းထက်တဲ့လူတစ်ယောက်ဖြစ်ဖို့ 7 Habits of Highly Effective People စာအုပ်ထဲက အလေ့အကျင့် ၇ခု
1️⃣ ကြိုတင်ပြင်ဆင်မှုအမြဲရှိပါ
ကျွန်တော်တို့ ထိန်းချုပ်လို့ရတဲ့အရာတွေအားလုံးအတွက်ကို အဆင်သင့်ဖြစ်အောင်အမြဲကြိုးစားပါ၊ ကျွန်တော်တို့ထိန်းချုပ်လို့မရတဲ့အရာတွေကို တွေးပူနေမဲ့အစား ဘယ်လိုအကောင်းဆုံးလုပ်မလဲဆိုတာကို စဉ်းစားထားပါ။2️⃣ အလုပ်စလုပ်ကတည်းကနောက်ဆုံးအထိတွေးပါ
ကိုယ်လိုချင်တဲ့အရာကဘာလဲ ? အဲ့ဒါကိုရဖို့ဘယ်လောက်ထိအလုပ်လုပ်မလဲ ? ဘယ်အရာကကိုယ့်ကိုအောင်မြင်ပြီလို့သတ်မှတ်မလဲ ? ကိုယ်ဖြစ်ချင်တာကဘာလဲ ? စတဲ့အရာတွေကို အလုပ်တစ်ခုစလုပ်ကတည်းကအရင်ဆုံးတွေးပါ။3️⃣ အရေးပါတဲ့အရာတွေကိုပထမဆုံးနေရာမှာထားပါ
အရေးပါတဲ့အရာနဲ့ ချက်ချင်းလုပ်ရမဲ့အရာ ( Important Vs Urgent ) ဟာမတူပါဘူး။ အရေးပါတဲ့အရာတွေခေါင်းထဲမှာရှိနေရက်နဲ့ အခြေအနေနဲ့အချိန်အခါကြောင့် ချက်ချင်းလုပ်ရမဲ့အရာတွေကို ရုတ်တရက်ဦးစားပေးမိသွားတတ်ပါတယ်။ Urgent ဖြစ်တဲ့အရာတိုင်းကို အမြဲချက်ချင်းတုံ့ပြန်ခြင်းဟာ ကျွန်တော်တို့တကယ်သွားရမဲ့ ပန်းတိုင်ကိုနှောင့်နှေးသွားစေတတ်ပါတယ်။4️⃣ နှစ်ဘက်လုံး အနိုင်ရစေမယ့်အတွေးတွေကိုတွေးပါ
သူငယ်ချင်း မိတ်ဆွေတွေနဲ့ဖြစ်စေ ၊ မိသားစုနဲ့ဖြစ်စေ ၊ စီးပွားရေးမိတ်ဖက်တွေနဲ့ဖြစ်စေ နှစ်ဦးနှစ်ဖက်လုံး အမြဲအဆင်ပြေစေမယ့်နည်းလမ်းတွေကိုတွေးပါ။
အတူတကွအကျိုးဖြစ်ထွန်းစေခြင်းဟာ ရေရှည်အကျိုးတည်တံ့မှုနဲ့တိုက်ရိုက်အချိုးကျပြီး ခင်မင်တဲ့အပေါင်းအသင်း Network ပိုမိုတိုးပွားလာပါလိမ့်မယ်။5️⃣ နားထောင်ဖို့အရင်ကြိုးစားပါ ပြီးမှနားလည်ဖို့လုပ်ပါ
သူငယ်ချင်းမိတ်ဆွေတစ်ယောက်ယောက်က အခက်အခဲတစ်ခုကိုရင်ဖွင့်တာကြုံတိုင်းကျွန်တော်တို့ပထမဆုံးလုပ်တာက အကြံပေးဖို့ပါပဲ။ တကယ်လုပ်သင့်တာက အရင်နားထောင်ပါ၊ ပြီးရင်သူ့အခက်အခဲကိုနားလည်ဖို့ကြိုးစားပါ။ လူအများစုကအကြံဉာဏ်တွေထက် သူတို့ရဲ့ပြသနာကိုနားလည်သဘောပေါက်အောင် သေသေချာချာနားထောင်ခြင်းကိုပိုလိုလားပါတယ်။6️⃣ ပူးပေါင်းဆောင်ရွက်ပါ
ဦးနှောက်နှစ်ခု ဟာဦးနှောက်တစ်ခုထက်အမြဲပိုကောင်းပါတယ်။ ကိုယ်နဲ့ရင်းနှိးတဲ့မိတ်ဖက်တွေနဲ့ ပူးပေါင်းဆောင်ရွက်နိုင်မယ့်အရာတွေကိုအမြဲစဉ်းစားပြီးတိုင်ပင်ပါ။ တစ်ယောက်အားနှင့်ရွေ့သော်မရ တစ်သောင်းအားနှင့်ရွေ့သော်ရသည် ဆိုတဲ့စကားပုံရှိတယ်မဟုတ်လား။7️⃣ အသိပညာဓားသွားကို ထက်နေအောင်အမြဲသွေးပါ
လောကကြီးက အမြဲတိုးတက်ပြောင်းလဲနေသလို အသိပညာတွေကလည်းစဉ်ဆက်မပြတ်အမြဲတိုးတက်နေပါတယ်။ကိုယ်သိသလောက်နဲ့ဘယ်တော့မှမရပ်လိုက်ပါနဲ့။ မိမိရဲ့ စိတ်၊ခန္တာ၊ခံစားချက်တွေကို တိုးတက်ပြောင်းလဲစေနိုင်မယ့် အရာတွေကိုအဆက်မပြတ်လေ့လာသင်ယူပါ။ -
Add to cart
💪 What doesn’t kill you makes you stronger 💪
😢 ကိုယ့်ဘဝကို အပြစ်တင်ခဲ့တယ်။ ဘာလို အဖေ က မိသားစုဝင်တွေကို ရိုက်တာလဲ။ ချမ်းသာတဲ့ မိသားစုက မကြီးပြင်းရတာလဲ၊ ဘာလို အရာရာမှာ နမ့်ကျနေရတာလဲ၊ ဘာလို လူမည်းတစ်ယောက်အဖြစ် မွေးဖွားလာခဲ့ရတာလဲ။
🤡 လူတိုင်းမှာ ကိုယ်စီ စိတ်ဒဏ်ရာတွေ ရှိကြတယ်။
✖️ အောက်ခြေမှာ နေရတာကို လူတိုင်း နားမလည်ကြပါဘူး။ ကိုယ်တိုင်က အောက်ခြေမှာ မနေဖူးပဲနဲ့ စာနာပါတယ်၊ သနားပါတယ်၊ နားလည်ပါတယ် လို ပြောစကားတွေက ရင်ဘတ်ထဲမှာ အောင်းနေတဲ့ ဝေသနာတွေကို အမှန်တကယ် မသက်သာစေပါဘူး။ လူတွေကို မုန်းခဲ့တယ်၊ အပြစ်တင်ခဲ့တယ်၊ ကိုယ့်ကိုယ်ကို လည်း မုန်းခဲ့တယ်။
❓ ဟုတ်တယ်။ ကျွန်တော်တိုမှာ စိတ်ဒဏ်ရာတွေ၊ မုန်းတီးစရာတွေ၊ သိမ်ငယ်မှုတွေ ရှိကြတယ်။ ဒီတော့ ဘာလုပ်ကြမလဲ။ ဒီတိုင်း ဆက်ပြီး နေတော့မှာလား ❓
🏋️♀️ စာရေးဆရာ David Goggins ကတော့ အဆိုးရွားဆုံး ငရဲကနေ တက်လာခဲ့တဲ့ လူတစ်ယောက်၊ အဖက်ဖက်မှာ ကျရှုးနေတဲ့ အခြေအနေတစ်ခုကနေ ထိပ်ဆုံးကို ရောက်အောင် ကြိုးစားခဲ့တဲ့ လူတစ်ယောက်၊ ဘယ်သူ့ကိုမှ အသနား မခံခဲ့ပဲ ကိုယ့်ခြေထောက်ပေါ်မှာ ကိုယ် ရပ်တည်နိုင်ခဲ့တဲ့ လူတစ်ယောက်
သူ့ဘဝရဲ့ အခက်အခဲတွေကို ရင်နှင့်အောင် ခံစားပြီး ရေးသားထားတာမို မလွဲမချော် စာဖတ်သူတွေ ကြိုက်နှစ်သက်မယ့် စာအုပ်တစ်အုပ် ဖြစ်ပါတယ်။🔸 Accountability Mirror
ဦးနှောဏ်က ခိုင်းစေတာကို လုပ်နေသမျှ မတိုးတက်နိုင်တဲ့နေရာ တစ်ခုမှာ ရှိနေဦးမှာပါပဲ။
ဒီလို ဖြစ်ဖူးကြလား? မနက် နှိးစက် အသံကို လှမ်းပိတ်လိုက်တယ်။ နောက်ထပ် ၅ မိနစ်လောက် အိပ်လိုက်ရရင် ကောင်းမယ်လို တွေးနေချိန် ၁ နာရီလောက် အိပ်ပျော်သွားတယ်။
ဝိတ်ချမယ်၊ အစားလျော့မယ်၊ အားကစား လုပ်မယ် တွေးပြီး အချိန်တွေသာ ကုန်သွားတယ် ဘာမှ ဖြစ်မလာဘူး။ကျွန်တော်တိုတွေက လက်ရှိ အမှန်တကယ် ဖြစ်နေတဲ့ အရာတွေကို မမြင်နိုင်ပဲနဲ့ ဦးနှောဏ်ရဲ့ စေခိုင်းမှု အောက်မှာပဲ ရှိနေတတ်တယ်။ စောစော ထ မယ် စဉ်းစားလိုက်၊ ပြန် အိပ်လိုက်၊ ဝိတ်ချမယ် စဉ်းစားလိုက်၊ ည ဘက်ကြီး ခေါက်ဆွဲပြုတ်တွေ ထ စားလိုက်နဲ့ ဦးနှောဏ်ခိုင်းစေမှုရဲ့ ကျွန်တွေ ဖြစ်နေကြတယ်။
David Goggins ကတော့ မှန် ရှေ့မှာ မတ်တပ်ရပ်ပြီး သူ့ကိုယ်သူ မကြိုက်နှစ်သက်တဲ့ အရာတွေကို မညှာမတာ ပြောတယ်။ ပြီးရင်တော့ ဘယ်လို ကောင်းအောင် ပြောင်းလဲရမလဲ လို စဉ်းစားတယ်။ နေ့တိုင်းပြောတယ်။ တကယ် အကောင်အထည်ဖော်တယ်။ အဆင်မပြေတဲ့အရာတွေကို ကိုယ့်ကိုယ်ကို သနားညှာတာနေတာမျိုး မလုပ်ဘူး။
🔸 What if
David Goggins က Visualization လုပ်တဲ့နေရာမှာ တော်တယ်။ တကယ်လိုများ သူက Kilo 100 ပြေးနိုင်ခဲ့ရင် ဘယ်လို ခံစားရမလဲ? ပြေးပြီးလို အောင်မြင်သွားတဲ့ အချိန်မှာ ခံစားရမယ့် အနှစ်သာရ အကုန်လုံးကို ပုံဖော်ပြီး တစ်စိမ့်စိမ့် ခံစားတယ်။ ပြီးရင် ဖြစ်အောင် လုပ်တယ်။
ခက်ခဲတဲ့အရာတစ်ခု လုပ်ခါနီးတိုင်း “What if ဘယ်လို ခံစားရမလဲ” လို ပုံဖော်ပြီး စတင် လုပ်ဆောင်လေ့ရှိတယ်။
🔸 40% Rule
David Goggins က Kilo 100 အကွာအဝေး ပြေးနေတဲ့ အချိန်မှာ ကီလို ၇၀ ရောက်တော့ ခြေထောက် ၂ ဖက် စလုံးက အရိုးသေးသေးလေးတွေက ကျိုးကြေနေပြီ။ ခြေသည်းခွံတွေလည်း အကုန်နီးပါး လန် ကုန်ပြီ။ အဲ့ဒီ့အချိန်မှာ သူ့ကိုယ်သူ မေးလိုက်တယ်။ “တကယ်လိုများ Kilo 100 ပြေးနိုင်ခဲ့ရင် ဘယ်လို ခံစားရမလဲ” လို။ ပြီးတော့ ၁၀၁ ကီလို ရောက်တဲ့အထိ ပြေးနိုင်ခဲ့တယ်။ လူတွေက သူတို ခွန်အားရဲ့ ၄၀ ရာခိုင်နှုန်းလောက်မှာ အရှုးပေးတတ်ကြတယ်။ ကျန်တဲ့ ၆၀ ရာခိုင်နှုန်းကို အသုံးပြုနိုင်ဖို နည်းလမ်းတွေ ခွန်အားတွေ ရှာဖွေဖို မသိကြဘူး။
🦸♂️ David Goggins က ငယ်ငယ်ကတည်းက သူ့အဖေရဲ့ Abuse လုပ်ခံခဲ့ရပြီး အဆိုးရွားဆုံး ငရဲတွေကို တစ်ယောက်တည်း ခွန်အားနဲ့ ကျော်ဖြတ်နိုင်ခဲ့သူ တစ်ယောက်ဖြစ်ပါတယ်။ ၁၇ နာရီအတွင်းမှာ အကြိမ်ရေ “4030” Pull up လုပ်ခဲ့ပြီး Real-life Superman လို တင်စားခံရသူ တစ်ယောက်ဖြစ်ပါတယ်။ သူ့ရဲ့ Trauma တွေကို လေ့လာပြီး သူ့ဆီက သင်ခန်းစာတွေ အများကြီး သင်ယူရပါစေ။
Reviews
There are no reviews yet.