Hustle Harder, Hustle Smarter

Related products

• 

  Quick View

  Can’t Hurt Me

  23,500 Ks

  💪 What doesn’t kill you makes you stronger 💪

  😢 ကိုယ့်ဘဝကို အပြစ်တင်ခဲ့တယ်။ ဘာလို အဖေ က မိသားစုဝင်တွေကို ရိုက်တာလဲ။ ချမ်းသာတဲ့ မိသားစုက မကြီးပြင်းရတာလဲ၊ ဘာလို အရာရာမှာ နမ့်ကျနေရတာလဲ၊ ဘာလို လူမည်းတစ်ယောက်အဖြစ် မွေးဖွားလာခဲ့ရတာလဲ။

  🤡 လူတိုင်းမှာ ကိုယ်စီ စိတ်ဒဏ်ရာတွေ ရှိကြတယ်။

  ✖️ အောက်ခြေမှာ နေရတာကို လူတိုင်း နားမလည်ကြပါဘူး။ ကိုယ်တိုင်က အောက်ခြေမှာ မနေဖူးပဲနဲ့ စာနာပါတယ်၊ သနားပါတယ်၊ နားလည်ပါတယ် လို ပြောစကားတွေက ရင်ဘတ်ထဲမှာ အောင်းနေတဲ့ ဝေသနာတွေကို အမှန်တကယ် မသက်သာစေပါဘူး။ လူတွေကို မုန်းခဲ့တယ်၊ အပြစ်တင်ခဲ့တယ်၊ ကိုယ့်ကိုယ်ကို လည်း မုန်းခဲ့တယ်။

  ❓ ဟုတ်တယ်။ ကျွန်တော်တိုမှာ စိတ်ဒဏ်ရာတွေ၊ မုန်းတီးစရာတွေ၊ သိမ်ငယ်မှုတွေ ရှိကြတယ်။ ဒီတော့ ဘာလုပ်ကြမလဲ။ ဒီတိုင်း ဆက်‌ပြီး နေတော့မှာလား ❓

  🏋️‍♀️ စာရေးဆရာ David Goggins ကတော့ အဆိုးရွားဆုံး ငရဲကနေ တက်လာခဲ့တဲ့ လူတစ်ယောက်၊ အဖက်ဖက်မှာ ကျရှုးနေတဲ့ အခြေအနေတစ်ခုကနေ ထိပ်ဆုံးကို ရောက်အောင် ကြိုးစားခဲ့တဲ့ လူတစ်ယောက်၊ ဘယ်သူ့ကိုမှ အသနား မခံခဲ့ပဲ ကိုယ့်ခြေထောက်ပေါ်မှာ ကိုယ် ရပ်တည်နိုင်ခဲ့တဲ့ လူတစ်ယောက်
  သူ့ဘဝရဲ့ အခက်အခဲတွေကို ရင်နှင့်အောင် ခံစားပြီး ရေးသားထားတာမို မလွဲမချော် စာဖတ်သူတွေ ကြိုက်နှစ်သက်မယ့် စာအုပ်တစ်အုပ် ဖြစ်ပါတယ်။

  🔸 Accountability Mirror

  ဦးနှောဏ်က ခိုင်းစေတာကို လုပ်နေသမျှ မတိုးတက်နိုင်တဲ့နေရာ တစ်ခုမှာ ရှိနေဦးမှာပါပဲ။

  ဒီလို ဖြစ်ဖူးကြလား? မနက် နှိးစက် အသံကို လှမ်းပိတ်လိုက်တယ်။ နောက်ထပ် ၅ မိနစ်လောက် အိပ်လိုက်ရရင် ကောင်းမယ်လို တွေးနေချိန် ၁ နာရီလောက် အိပ်ပျော်သွားတယ်။
  ဝိတ်ချမယ်၊ အစားလျော့မယ်၊ အားကစား လုပ်မယ် တွေးပြီး အချိန်တွေသာ ကုန်သွားတယ် ဘာမှ ဖြစ်မလာဘူး။

  ကျွန်တော်တိုတွေက လက်ရှိ အမှန်တကယ် ဖြစ်နေတဲ့ အရာတွေကို မမြင်နိုင်ပဲနဲ့ ဦးနှောဏ်ရဲ့ စေခိုင်းမှု အောက်မှာပဲ ရှိနေတတ်တယ်။ စောစော ထ မယ် စဉ်းစားလိုက်၊ ပြန် အိပ်လိုက်၊ ဝိတ်ချမယ် စဉ်းစားလိုက်၊ ည ဘက်ကြီး ခေါက်ဆွဲပြုတ်တွေ ထ စားလိုက်နဲ့ ဦးနှောဏ်ခိုင်းစေမှုရဲ့ ကျွန်တွေ ဖြစ်နေကြတယ်။

  David Goggins ကတော့ မှန် ရှေ့မှာ မတ်တပ်ရပ်ပြီး သူ့ကိုယ်သူ မကြိုက်နှစ်သက်တဲ့ အရာတွေကို မညှာမတာ ပြောတယ်။ ပြီးရင်တော့ ဘယ်လို ကောင်းအောင် ပြောင်းလဲရမလဲ လို စဉ်းစားတယ်။ နေ့တိုင်းပြောတယ်။ တကယ် အကောင်အထည်ဖော်တယ်။ အဆင်မပြေတဲ့အရာတွေကို ကိုယ့်ကိုယ်ကို သနားညှာတာနေတာမျိုး မလုပ်ဘူး။

  🔸 What if

  David Goggins က Visualization လုပ်တဲ့နေရာမှာ တော်တယ်။ တကယ်လိုများ သူက Kilo 100 ပြေးနိုင်ခဲ့ရင် ဘယ်လို ခံစားရမလဲ? ပြေးပြီးလို အောင်မြင်သွားတဲ့ အချိန်မှာ ခံစားရမယ့် အနှစ်သာရ အကုန်လုံးကို ပုံဖော်ပြီး တစ်စိမ့်စိမ့် ခံစားတယ်။ ပြီးရင် ဖြစ်အောင် လုပ်တယ်။

  ခက်ခဲတဲ့အရာတစ်ခု လုပ်ခါနီးတိုင်း “What if ဘယ်လို ခံစားရမလဲ” လို ပုံဖော်ပြီး စတင် လုပ်ဆောင်လေ့ရှိတယ်။

  🔸 40% Rule

  David Goggins က Kilo 100 အကွာအဝေး ပြေးနေတဲ့ အချိန်မှာ ကီလို ၇၀ ရောက်တော့ ခြေထောက် ၂ ဖက် စလုံးက အရိုးသေးသေးလေးတွေက ကျိုးကြေနေပြီ။ ခြေသည်းခွံတွေလည်း အကုန်နီးပါး လန် ကုန်ပြီ။ အဲ့ဒီ့အချိန်မှာ သူ့ကိုယ်သူ မေးလိုက်တယ်။ “တကယ်လိုများ Kilo 100 ပြေးနိုင်ခဲ့ရင် ဘယ်လို ခံစားရမလဲ” လို။ ပြီးတော့ ၁၀၁ ကီလို ရောက်တဲ့အထိ ပြေးနိုင်ခဲ့တယ်။ လူတွေက သူတို ခွန်အားရဲ့ ၄၀ ရာခိုင်နှုန်းလောက်မှာ အရှုးပေးတတ်ကြတယ်။ ကျန်တဲ့ ၆၀ ရာခိုင်နှုန်းကို အသုံးပြုနိုင်ဖို နည်းလမ်းတွေ ခွန်အားတွေ ရှာဖွေဖို မသိကြဘူး။

  🦸‍♂️ David Goggins က ငယ်ငယ်ကတည်းက သူ့အဖေရဲ့ Abuse လုပ်ခံခဲ့ရပြီး အဆိုးရွားဆုံး ငရဲတွေကို တစ်ယောက်တည်း ခွန်အားနဲ့ ကျော်ဖြတ်နိုင်ခဲ့သူ တစ်ယောက်ဖြစ်ပါတယ်။ ၁၇ နာရီအတွင်းမှာ အကြိမ်ရေ “4030” Pull up လုပ်ခဲ့ပြီး Real-life Superman လို တင်စားခံရသူ တစ်ယောက်ဖြစ်ပါတယ်။ သူ့ရဲ့ Trauma တွေကို လေ့လာပြီး သူ့ဆီက သင်ခန်းစာတွေ အများကြီး သင်ယူရပါစေ။

  Add to cart
• 

  Quick View

  Homo Deus: A Brief History of Tomorrow

  29,500 Ks

  🤖ငါတိုကဘယ်ကိုဆက်သွားမှာလဲ – Homodeus: A Brief History of Tomorrow
  မရဏတရားကိုအနိုင်ယူနိုင်ပြီး အသက်ရှင်သန်ဖိုအတွက် ပူပန်စရာမလိုတော့တဲ့အနာဂတ်မှာ လူတွေကပျော်ရွှင်မှုနောက်လိုက်ကြမှာလား ? အဓိပ္ပါယ်ရှိတဲ့အရာတွေနောက်လိုက်ကြမလား ? အနာဂတ်ရဲ့ ကန့်လန့်ကာအနောက်မှာ AI နဲ့ ကျွန်တော်တို လူသားတွေ ဘယ်လိုယှဉ်တွဲနေထိုင်ကြမလဲ ? တိုးတက်မှုနဲ့တကွ ရရှိလာမဲ့ ကောင်းကျိုး၊ ဆိုးကျိုးတွေအကြောင်းကို ဒီစာအုပ်ကလေးထဲမှာတွေ့ရမှာပါ။

  Add to cart
• 

  Quick View

  Hyperfocus: How to Work Less to Achieve More

  21,500 Ks

  သင့်ခေါင်းထဲကအတွေးမုန်တိုင်းတွေကို ဘယ်လိုကျော်ဖြတ်အနိုင်ယူရမလဲ?🤯🤯

  ☝️လက်တွေ့တစ်ခုနဲ့စလိုက်ရအောင်။ ခေါင်းထဲမှာအတွေးဆယ်မျိုးလောက်နဲ့ ဖုန်းပွတ်နေတဲ့အချိန်မှာ ဒီစာကိုမြင်ပြီး See More ကိုနှိပ်ရမလား၊ ဆက်ပြီး Doomscrolling လုပ်ရမလားဆိုပြီးသင်တွေးနေတယ်။သေချာတာတစ်ခုကတော့ ခင်ဗျားသက်တောင့်သက်သာဖြစ်မနေပဲ စိတ်ထဲမှာအတွေးပေါင်းသောင်းခြောက်ထောင်နဲ့ဗျာများနေတာပါ။
  ဒါက ပုံမှန်ပါပဲ။ Chris Bailey ရဲ့ Hyper Focus ကအခုလို စိတ်မုန်တိုင်းတွေကြားထဲက လေပြေသွေးကိုစောင့်မျှော်နေသူ သင့်အတွက်ရေးသားထားတဲ့စာအုပ်တစ်အုပ်ဖြစ်ပါတယ်။

  ✅Hyperfocus ဟာ နောက်ထပ် Productivity Hack တစ်ခုထက်စာရင် Action Plan အတွက်ဦးတည်ထားတဲ့ စာအုပ်တစ်အုပ်ဖြစ်ပါတယ်။ စိတ်ပျံ့လွင့်မှုကနေရုန်းထွက်ပြီး သင့်ဘ၀အတွက်အရေးအကြီးဆုံးဖြစ်တဲ့ အသိ၊သတိ ကိုရရှိစေဖိုအတွက် အသေးစိတ်အချက်အလက်တွေနဲ့ ရှင်းပြထားပါတယ်။

  “Setting specific intentions can double or triple your odds of success.”
  “တိကျတဲ့ရည်ရွယ်ချက်တွေဟာ အောင်မြင်နိုင်ချေကို နှစ်ဆ၊သုံးဆလောက်တိုးတက်သွားစေတယ်” ဆိုပြီး Chris Bailey ကပြောထားပါတယ်
  -ဟိုဟာလုပ်ရမလား ဒီဟာလုပ်ရမလားဆိုပြီး ခေါင်းထဲမှာ ဘယ်ညာလွန်ဆွဲနေတဲ့အတွေးတွေမရှိပဲအလုပ်တွေပြီးမြောက်နိုင်ရင်
  -အနှောင့်အယှက်တွေကြားကလွတ်မြောက်ပြီး လွတ်လပ်တဲ့တီထွင်မှုကိုအချိန်မရွေးဖန်တီးနိုင်မယ်ဆိုရင်
  -အလုပ်၊မိသားစုနဲ့ မိတ်ဆွေတွေကြားမှာ Work/Life balance ဖြစ်အောင်နေနိုင်မယ်ဆိုရင်
  သင့်ဘ၀ဟာ ဘယ်လောက်နေချင်စရာကောင်းလိုက်လိမ့်မလဲဆိုတာကို တွေးကြည့်ပါ။

  🕒✨Hyper Focus and Scatter Focus
  -အလုပ်တစ်ခုကို မီးမောင်းထိုးပြထားသလို အာရုံစိုက်ပြီး အနှောင့်အယှက်တွေမရှိအောင်လုပ်နိုင်ဖိုအတွက် – Hyper Focus
  -အကြံသစ် ဉာဏ်သစ်နဲ့ သူမတူတဲ့တီထွင်ဖန်တီးမှူတွေလုပ်ဖိုအတွက် – Scatter Focus

  သင့်စိတ်ကိုပြဇာတ်ရုံတစ်ခုလိုမြင်လိုက်ရင် စင်ပေါ်မှာရှိတဲ့အရာအားလုံးကိုမြင်ရဖိုအတွက်ထိုးထားတဲ့မီးလုံးတွေဟာ Scattter Focus ဖြစ်ပြီးတော့ သရုပ်ဆောင်တွေကိုထိုးပြနေတဲ့ဆလိုက်မီးဟာ Hyper Focus နဲ့တူပါတယ်။

  🕒Hyper Focus – အလုပ်ကိုအာရုံစိုက်တဲ့ Framework
  1.အာရုံစိုက်မဲ့အရာနဲ့ အချိန်ကိုရွေးချယ်ပါ။ (အရေးကြီးတဲ့ဘယ်အရာကိုအချိန်ဘယ်လောက် အာရုံစိုက်မှာလဲ)
  2.အနှောင့်အယှက်ဖြစ်နိုင်မယ့်အရာတွေကိုဖယ်ထုတ်ပါ။(ဖုန်းကို Noti Off ထားပါ၊ အလုပ်လုပ်တဲ့နေရာကမလိုအပ်တာတွေအကုန်ဖယ်ထုတ်ပါ)
  3.အာရုံစိုက်မှုကိုစီမံခန့်ခွဲပါ။ (ဖြည်းဖြည်းချင်း Flow State ထဲကိုစီးမျောဝင်ရောက်ပါ။ အရမ်းတွေးတာတွေ၊ Multitasking တွေမလုပ်ပါနဲ့)
  4.အာရုံကိုပြန်ပြန်ဖမ်းပါ။(စိတ်ပျံ့လွင့်မှုဖြစ်ပေါ်တာသတိထားမိရင် မိမိရဲ့ Goal ဆီကိုအာရုံပြန်ပြောင်းပါ)
  5.အာရုံစူးစိုက်တဲ့အချိန်ပြည့်ပြီးရင် ပြန်လည်ဆန်းစစ်ပါ။(မိမိအတွက်အသုံးဝင်တဲ့အရာအလုပ်ဖြစ်တဲ့အရာတွေကိုဆန်းစစ်ပြီး နောက်Session တွေတိုးတက်မှုကိုတည်ဆောက်ပါ။

  ✨Scatter Focus – တီထွင်မှု၊ အကြံအစည်ကောင်းတွေအတွက် Framework
  1.အကြံဉာဏ်အသစ်တွေအတွက် Scatter focus လုပ်ဖို အခြေအနေ ကိုရှာဖွေပါ (အလုပ်/Personal Life က အခက်အခဲတစ်ခု)
  2.စိတ်ကူးယဉ်၊ ဉာဏ်ကွန့်မြူးလိုရတဲ့နေရာ/အလုပ်ကို ဖန်တီးပါ။ ( ကျွန်တော့်အတွက်က Outdoor ထိုင်လိုရတဲ့ကော်ဖီဆိုင် )
  3.မလိုအပ်တဲ့အရာ၊ အာရုံအရမ်းစိုက်ရမယ့်အရာတွေကို မလုပ်ပါနဲ့ (ဖုန်းကြည့်တာ၊ ဂိမ်းဆော့တာစသည်ဖြင့်)
  4.ရိုးရှင်းတဲ့အတွေးကိုထပ်ခါထပ်ခါတွေးပြီး စိတ်ကူးယဉ်ပါ။ (ဥပမာ ပြသနာကိုအစကနေမတွေးပဲ ဖြေရှင်းပြီးသွားတဲ့နေရာကနေစပြီးတွေးတာမျိုး)
  5.ပေါ်လာတဲ့အတွေးတွေကိုမှတ်သားဖိုအတွက် Notebook လိုမျိုးတစ်ခုခုဆောင်ထားပါ။
  6.Scatter Focus Session တွေကိုခဏခဏလုပ်ပေးပါ (Stress လျော့စေပြီး အတွေးသစ်တွေအများကြီးရတတ်ပါတယ်)

  ဒီနှစ်ခုဟာ အာရုံစိုက်တာနဲ့ အာရုံများတာ နှစ်ခုကြားကယှဉ်ပြိုင်မှုမဟုတ်ပါဘူး။ အခြေအနေနဲ့အချိန်အခါကိုလိုက်ပြီးလိုက်လျောညီထွေစွာ သင့်ဦးနှောက်ကိုအသုံးချနိုင်အောင်ကူညီပေးတဲ့ အရာနှစ်ခုပါ။

  သင်ဟာ
  -အချိန်နဲ့ လုပ်အားကိုမျှတပြီး Work Life Balance ဖြစ်အောင်ပြုလုပ်ချင်ရင်
  -အာရုံစူးစိုက်မှုနဲ့ တီထွင်နိုင်မှု နှစ်ခုကို အတူတူကိုင်ဆောင်နိုင်တဲ့အရည်အချင်းကိုလိုချင်ရင်
  -အဓိပ္ပါယ်ရှိတဲ့ အလေ့အကျင့်တွေနဲ့ စနစ်တကျတိုးတက်မှုကိုတည်ဆောက်ဖိုရည်ရွယ်ချက်ရှိနေတယ်ဆိုရင် Hyper Focus ကသင့်အတွက် လမ်းညွှန်တစ်ခုဖြစ်စေမှာပါ။

  📝စာရေးသူရဲ့ လက်တွေ့နည်းစနစ်တွေဟာ စာဖတ်ရုံတင်မက သင့်ရဲ့ အတွေးတွေကို အနာဂတ်အတွက် အကျိုးရှိမယ့်ရင်းနှီးမြုပ်နှံမှုပြောင်းလဲပေးပါလိမ့်မယ်။
  အာရုံစူးစိုက်မှုဟာ ရှုပ်ထွေးတဲ့အရာမဟုတ်ပါဘူး။ ဒီစာအုပ်ကလေးနဲ့အတူ ကောင်းမွန်တဲ့အလေ့အထတွေကိုတည်ဆောက်နိုင်မယ်ဆိုရင် သင်လိုချင်တဲ့ပျော်ရွှင်ပြည့်စုံတဲ့ ဘ၀ကိုပိုင်ဆိုင်နိုင်မှာပါ။

  📈သင့်ဘ၀တိုးတက်မှုအတွက် အာရုံစူးစိုက်ဖိုအသင့်ဖြစ်ပြီလား?
  🏁အခုပဲစလိုက်ကြရအောင်

  Add to cart
• 

  Quick View

  Good Vibes, Good Life: How Self-Love Is the Key to Unlocking Your Greatness

  19,500 Ks

  မင်းရဲ့ Vibe = မင်းရဲ့ Superpower 🚀🌟

  🔥လူတိုင်းမှာကိုယ်ပိုင် Vibe တွေရှိကြတယ်။ လူတစ်ယောက် အနားရောက်လာနဲ့ စိတ်အေးသွားသလိုခံစားရတဲ့ Vibe ကိုခံစားဖူးသလား။ ဘာကြောင့်လဲဆိုတော့ Energy ဆိုတာ စကားလုံးတွေထက်ပိုပြီးအစွမ်းထက်လို့ပါ။

  Vibe ဆိုတာက မသိစိတ်လိုမျိုးအထဲမှာကိန်းအောင်းနေတဲ့အရာမဟုတ်ပဲ ရေဒီယိုတာဝါတစ်ခုလိုမျိုး ပြင်ပလောကကို သင်ကိုယ်တိုင် ထုတ်လွှတ်နေတဲ့အရာတစ်ခုဖြစ်တယ်။

  အခန်းတစ်ခန်းထဲကို၀င်သွားတာနဲ့ ဒီအခန်းရဲ့ Energy ကိုပြောင်းလဲသွားစေနိုင်မယ့် ပါဝါကိုပိုင်ဆိုင်နိုင်မယ်ဆိုရင် သင်ဘာလုပ်မလဲ? Stress  တွေပိ၊ အဆိုးမြင်စိတ်နဲ့ သံသယတွေကြားမှာ တခြားသူတွေပိတ်မိနေတဲ့အချိန်မှာ ကြည်လင်တဲ့စိတ်ဓာတ်နဲ့ ငြိမ်းချမ်းစွာနေထိုင်နိုင်ဖို့အတွက် သင့်မှာ Good Vibes တွေရှိနေဖို့လိုအပ်ပါတယ်။

  ✨Abundance ဖြစ်တဲ့ Life ကိုရရှိဖို့။

  ✨မိမိကိုယ်ကို ချစ်ခင်တတ်စေဖို့။

  ✨သင့်တန်ဖိုးနဲ့ဘ၀ကိုချိန်ညှိတတ်စေဖို့ ဒီစာအုပ်ကလေးကကူညီပေးပါလိမ့်မယ်။‌

  🔥သင့်ရဲ့စိတ်အနေအထား၊ အမူအကျင့်၊ လုပ်ဆောင်မှုအားလုံးဟာ သင်ထားရှိတဲ့ Vibration ပေါ်မှာအများကြီးမူတည်နေပါတယ်။ “ငါမလုပ်နိုင်ဘူး” ဆိုတဲ့ Vibration ပေါ်မှာရှိနေသရွေ့ “ငါလုပ်နိုင်တယ်”ဆိုတဲ့ အရာဟာဖြစ်မလာပါဘူး။ သင့်စိတ်ကို “ငါလုပ်နိုင်တယ်” ဆိုတဲ့ Vibration ကိုရွှေ့လိုက်တာနဲ့တပြိုင်နက်ဒီ Frequency ပေါ်မှာရှိနေတဲ့ သင့်ကိုကူညီမယ့်အရာတွေ Skillset တွေ အရာအားလုံးဟာသင့်အနားကိုအလိုလိုရောက်လာမှာပါ။ Negative Vibe မှာနေမယ့်အစား Postitive Viber တွေနဲ့ ဝန်းရံထားခြင်းဟာ သင့်အတွက် ကောင်းမွန်မှုတွေကိုသယ်ဆောင်လာပါလိမ့်မယ်။

  အိမ်မှာအမှိုက်ရှုပ်မနေအောင်မလိုအပ်တဲ့အရာတွေကိုလွှင့်ပစ်ရသလို ရှုံးနိမ့်မှု၊နောင်တ၊ဝမ်းနည်းမှုဆိုတဲ့အရာတွေကိုစိတ်ထဲကလွှင့်ပစ်ပြီး အခွင့်အရေးကောင်းတွေ အခွင့်အလမ်းအသစ်တွေကိုလက်ခံဖို့ ကောင်းမွန်တဲ့ Vibration ကိုလက်ခံပါ။

  Good Vibe Formula – ကောင်းမွန်တဲ့ Vibration အတွက် Formula

  💭သင့်အတွေးတွေက သင့်အတွက် အမှန်တရားကိုပုံဖော်တယ်။

  💛မိမိကိုယ်ကိုယ်ချစ်တတ်ဖို့ ဘယ်တော့မှမတွေဝေပါနဲ့။

  ⚡သင့်ဆွဲငင်တဲ့စွမ်းအင်တွေပဲသင့်ဆီကိုရောက်လာလိမ့်မယ်။

  🕯️ကောင်းချီးပေးခြင်းဟာ Frequency ကိုမြှင့်တင်ဖို့အကောင်းဆုံးအရာတစ်ခုဖြစ်တယ်။

  ကံကောင်းဖို့၊ ချီးမြှောက်မှုကိုရရှိဖို့ဆိုတဲ့ မျှော်လင့်ချက်တွေနောက်လိုက်နေစရာမလိုပါဘူး။ ကောင်းတဲ့စွမ်းအင်ဟာကောင်းမွန်တဲ့အရာတွေကိုယူဆောင်လာပေးပါတယ်။ အဆိုးသံသရာတွေထဲကရုန်းထွက်ပြီး ကောင်းမွန်တဲ့ဘ၀မှာနေထိုင်နိုင်ဖို့ Vex King ရဲ့ Good Vibe, Good Life နဲ့စတင်လိုက်ပါ

   

  Add to cart