Category: Communication

Showing all 15 results

• 

  Quick View

  12 Rules for Life : An Antidote to Chaos by Jordan B Peterson

  29,500 Ks

  🚦ပရမ်းပတာဖြစ်ခြင်းတွေကိုရှောင်ရှားနိုင်ဖို ဖြေဆေး ၁၂ ချက်🚦

  🦞ကျောက်ပုဇွန်တွေအကြောင်း
  💪ကြိုးစားရုန်းကန်မှုရဲ့အဓိပ္ပါယ်
  📅အစီအစဉ်မကျမှုတွေကိုထိန်းချုပ်နိုင်မှု
  😈အကြောက်တရားကိုရင်ဆိုင်ခြင်း
  👨‍👩‍👧‍👦ဘ၀ရဲ့ အဓိပ္ပါယ်နဲ့ အမှန်တရားရဲ့ဆိုလိုရင်း စတဲ့ အရာတွေကို ဒီစာအုပ်ထဲမှာရှာတွေ့နိုင်ပါတယ်

  📊Chaos လိုခေါ်တဲ့အစီအစဉ်မကျတာ မမျှော်လင့်ထားတာတွေဖြစ်လာတာ ပရမ်းပတာဖြစ်တဲ့အရာတွေဟာ ကျွန်တော်တိုပတ်ဝန်းကျင်မှာ အစဉ်အမြဲဖြစ်နေပါတယ်။ ကိစ္စတစ်ခု Project တစ်ခုအတွက် အများကြီးပြင်ဆင်ထားပြီး အနားနီးတော့မှပေါက်တတ်ကရတွေထဖြစ်တာမျိုးတွေ အားလုံးကြုံခဲ့ကြုံနေကျဆဲ ဖြစ်နေတုန်းပါ။ ဒီလိုအထိန်းအကွပ်မရှိတဲ့ Chaos ကိုကျွန်တော်တိုရင်ဆိုင်နိုင်တဲ့နည်းတွေကို စာရေးဆရာ Dr. Jordan Peterson ရဲ့ 12 Rules for Life စာအုပ်ထဲကအချက်ကလေးတွေကို ဒီ Post မှာ Share ပေးထားပါတယ်

  1. 💪Stand up straight with your shoulders back💪
  ခါးဆန့် ရင်ကော့ပြီး ခန့်ခန့်ငြားငြားမတ်မတ်တပ်ရပ်ပါ

  ကိုယ်နေဟန်ထားဟာ စိတ်သဘောထားနဲ့မှန်တစ်ချပ်လိုဒွန်တွဲနေတာကို ကျွန်တော်တိုသတိပြုမိမှာပါ။ ဥပမာ ရိုသေရမယ့်လူ ( မိဘ, ဘုန်းကြီး) စတဲ့ သူတွေရှေ့ရောက်ရင် အလိုလို ကိုယ်ကျုံသွားသလိုပေါ့ ။
  ကျွန်တော်တိုတွေရဲ့ Body Language ကစကားလုံးတွေထက် စကားအများကြီးပြောပါတယ်. ကျောကိုဆန့်ရင်ကိုဖွင့်ပြီး မတ်တပ်ရပ်နေတဲ့လူတစ်ယောက်ရဲ့ confidence, Responsibility နဲ့ Capability ကိုစကားပြောစရာမလိုပဲနဲ့ Automatic ကျွန်တော်တိုသိနိုင်ပါတယ်။ လူတွေနဲ့ဆက်ဆံတဲ့အချိန် မှာ ယုံကြည်ရတဲ့ Body Posture ကိုအသုံးပြုပြီးတာဝန်ယူနိုင်မှုကိုပြသနိုင်ခြင်းဟာ ကျွန်တော်တိုအတွက် အခွင့်အလမ်းသစ်တွေအများကြီးရနိုင်စေပါတယ်။

  2. 🚑Treat yourself like someone you’re responsible for helping🚑
  သင့်ကိုယ်သင် ကူညီပေးဖို တာဝန်ရှိသူတစ်ယောက်လို ဆက်ဆံပါ။

  တစ်ရက် ခင်ဗျားမွေးထားတဲ့ အချစ်ဆုံးခွေးလေးနေမကောင်းဖြစ်တယ်လိုဆိုကြပါစို။ သူအဖျားသက်သာဖို ချက်ချင်းဆေးခန်းပြေး၊ ကြက်ပေါင်းတွေတိုက် ဆေးဝယ် လုပ်ကြတယ်မဟုတ်လား ။ သင်ကိုယ်တိုင်နေသိပ်မကောင်းတဲ့အချိန်ကျရင်ရော သင်ဘာလုပ်သလဲ ? Paracetamol လေးသောက်လိုက်ရင်သက်သာသွားမှာပါဆိုပြီး နေကြတာများပါတယ်။ လေ့လာချက်တွေအရ ကျွန်တော်တိုဟာ ကိုယ့်ကိုယ်ကိုထက် အိမ်မွေးတိရစ္ဆာန်လေးတွေကိုပိုဂရုစိုက်တတ်ကြတာတွေ့ရှိရပါတယ်တဲ့။ ကျန်းမာခြင်းဟာလာဘ်တစ်ပါးဆိုသလို ကိုယ့်ကိုယ်ကို ဂရုစိုက်ဖို ကျွန်တော်တိုလိုအပ်ပါတယ်

  3. 🤝Make friends with people who want the best for you 🤝
  မိမိရဲ့အကောင်းဆုံးကိုလိုလားတဲ့သူတွေနဲ့အပေါင်းအသင်းလုပ်ပါ

  အပေါင်းအသင်းမိတ်ဆွေတွေတိုင်းက မတူပါဘူး ကောင်းတဲ့မိတ်ဆွေတွေရှိသလို သင့်ကိုဖျက်ဆီးဖိုကြိုးစားတဲ့ အယောင်ဆောင်မိတ်ဆွေတွေလည်း လောကကြီးထဲမှာရှိပါတယ်။ မိတ်ဆွေစစ် မိတ်ဆွေကောင်းကိုရှာဖွေဖိုကလည်းကျွန်တော်တို ရဲ့ တာဝန်တစ်ခုလို ဂရုစိုက်ရမှာပါ။

  4.🏃‍♂️Compare yourself to who you were yesterday, not to who someone else is today🏃‍♂️
  ဒီနေ့ရဲ့ တစ်စုံတစ်ယောက်နဲ့မပြိုင်ပါနဲ့ သင့်ကိုယ်သင် မနေ့ကသင်ကိုယ်တိုင်နဲ့နှိင်းယှဉ်ပါ,

  ဘယ်သူ့နဲ့မှယှဉ်ဖိုမကြိုးစားပါနဲ့ မိမိကိုယ်ကိုယ်သာနှိင်းယှဉ်ပါ။
  “ ဟိုတစ်ယောက်က ဘယ်မှာအလုပ်လုပ်တာ “ “ သူက ဘာဘွဲရထားတာလေ “ ဆိုတဲ့စကားလုံးတွေကြားဖူးကြမှာပါ။ အချိုစကားလုံးတွေဆိုရင် ငယ်စဉ်ကတည်းကကြားလွန်းလို ကျွန်တော်တိုဘ၀မှာ Trauma တွေတောင်ဖြစ်နေပြီမဟုတ်လား။ ဒါပေမယ့်ဘ၀ကိုဖြတ်သန်းရင်းရင့်ကျက်လာတာနဲ့အမျှ ကျွန်တော်တိုမှာ ကိုယ့်ဘာသာကိုယ်ပဲပြန်နှိင်းယှဉ် ရပါမယ်
  တစ်ပတ်ကို 1%ပဲ တိုးတက်အောင်ကြိုးစားရင် 71 ပတ်ကြာတဲ့အချိန်မှာ ကျွန်တော်တို စတဲ့အချိန်ကနေ 2 ဆ ပိုမိုကျွမ်းကျင်တဲ့သူတစ်ယောက်ဖြစ်နေမှာပါ

  5. 👪Do not let your children do anything that makes you dislike them👪
  မင်းရဲ့သားသမီးကို မင်းကိုယ်တိုင်မကြိုက်စေမဲ့အရာတွေကိုမလုပ်မိပါစေနဲ့

  ပထမဆုံး ဒီ Rule ကိုကြားတာနဲ့ပြန်ရမယ့်အဖြေက “ ကျွန်တော့်မှာသားသမီးမရှိပဲ ဒါကိုဘယ်လိုလုပ်မှာလဲ “ ဆိုတာပါပဲ
  မိဘတစ်ယောက်ရဲ့ တာဝန်၀တ္တရားဟာအရမ်းကြီးပြီးခက်ခဲပါတယ်။ ကိုယ့်သားသမီးက ကိုယ်မကြိုက်တဲ့အရာတွေလုပ်နေတာကို လက်ခံပြီးဆက်လုပ်ခွင့်ပေးလိုက်ရင် ဒီကလေးဟာပတ်ဝန်းကျင်နဲ့ဝင်ဆန့်ဖိုတစ်သက်လုံးခက်ခဲသွားမှာအမှန်ပါပဲ။ အတွေ့အကြုံရှိတဲ့ မိဘတစ်ယောက်လိုမျိုး လူတစ်ယောက်အနေနဲ့ကျွန်တော်တိုအောက်ကလူတွေကို အမှားမလုပ်ပဲ အမှန်ပြုနိုင်အောင် ဖေးမပေးဖိုကျွန်တော်တိုလိုအပ်ပါတယ်။

  6. 🏠Set your house in perfect order before you criticize the world🏠
  ကမ္ဘာကြီးကိုမဝေဖန်ခင် ကိုယ့်အိမ်ကိုအရင်စနစ်တကျဖြစ်အောင်ထားပါ

  မင်မင်ကြားဖူးတဲ့စကားပုံတစ်ခုရှိတယ် “ လူတိုင်းက ကိုယ့်အိမ်နဲ့ပတ်ဝန်းကျင်ကိုအမြဲသန့်ရှင်းရေးလုပ်နေရင် တစ်ကမ္ဘာလုံးအမှိက်ကောက်ဖိုလိုမှာမဟုတ်ဘူး “။ လူတွေက အကြောင်းအရာတစ်ခုခုကိုမြင်လိုက်ရင် အရင်ဆုံးဝေဖန်ဖို နဲ့ ဆရာကြီးလုပ်ဖို ပထမဆုံးတွေးတတ်ကြပါတယ် ။ မဝေဖန်ခင် မှာ ကိုယ့်အကြောင်းကိုယ်အရင်တွေးပြီး တိုးတက်အောင်လုပ်ဖိုကြိုးစားပါ။ စနစ်တကျစည်းကမ်းတကျ ဖြစ်တဲ့ မိမိကိုယ်ကိုမွေးမြူပါ။

  7.🦉Pursuit what is meaningful (Not what is expedient)🦉
  အဆင်ပြေတဲ့အရာနောက်ကို မလိုက်ပါနဲ့ အဓိပ္ပါယ်ရှိတဲ့ အရာကိုသာလုပ်ပါ

  လောကကြီးကတရားလိုက်တာတို ဘ၀ဆိုတာပျော်ပျော်နေဖိုဖြစ်လာတာ တိုဆိုတဲ့စကားတွေကိုဘယ်သူမှပြောလေ့ပြောထမရှိကြပါဘူး၊ စာရေးသူ Jorden Petersonက သူ့ရဲ့အမြင်ကို “ ဘ၀ဆိုတာပျော်ရွှင်ဖိုမဟုတ်ဘူး ဘ၀ဆိုတာအဓိပ္ပါယ်ရှိဖို” ဆိုပြီး ရေးသားထားပါတယ်။ ကိုယ့်ကိုယ်ကို ပြန်ဆန်းစစ်ကြည့်လိုက်ပါ။ ကျွန်တော်တိုတွေ ငွေကြေးချမ်းသာမှု၊ပျော်ရွှင်မှု၊ အသိအမှတ်ပြုခံရမှု စတဲ့ အရာတွေနောက်လိုက်ပြီးကုန်ခဲ့တဲ့အချိန်တွေ ဘယ်လောက်တောင်များနေပြီလဲ ? အဓိပ္ပါယ်ရှိတဲ့ အလုပ်ကို စလုပ်ဖို အခုအချိန်က အကောင်းဆုံးမဟုတ်လား ?

  8. ✔️Tell the truth or at least don’t lie✔️
  အမှန်ကိုပြောပါ။ အနည်းဆုံးတော့ မလိမ်ပါနဲ့

  ယုံကြည်မှုဟာ တည်ဆောက်ရဖိုခက်သလောက် ပျက်စီးသွားဖိုအရမ်းလွယ်ကူပါတယ်။အလုပ်မှာပဲဖြစ်စေ မိသားစု(သို)လူမှုပတ်ဝန်းကျင်မှာပဲဖြစ်စေ အမြဲလိမ်ညာဖိုကြိုးစားနေတဲ့လူတစ်ယောက်ဟာ ဘယ်တော့မှလူရာဝင်ဆန့်မှာမဟုတ်ပါဘူး။ အဆင်မပြေမှုတစ်ချိုရှိနိုင်ပေမယ့် အမှန်တရားကိုပြောရဲတဲ့ သတ္တိဟာအခက်အခဲအများစုကို ကျော်ဖြတ်နိုင်တဲ့သော့ချက်တစ်ခုဖြစ်ပါတယ်။

  9. 👂Assume that the person you are listening to might know something you don’t 👂
  မင်းနားထောင်နေတဲ့သူက မင်းမသိတဲ့အရာတစ်ခုခုကိုသိနေတယ်လို ယူဆပါ။

  “I know that I know nothing” ဆိုတဲ့စကားဟာ Socrates ပြောခဲ့တဲ့ထဲက အကျော်ကြားဆုံးစကားတစ်ခုဖြစ်ပါတယ်။ အရာအားလုံးကို ငါသိငါတတ်ဆိုပြီး ကိုတတ်ပ လုပ်ရင် ကျွန်တော်တိုအတွက် အတွေးအမြင်သစ်တွေ Idea အသစ်တွေရဖိုပိုခက်ခဲပါတယ်။ ကျွန်တော်တိုရဲ့ပြည့်နေတဲ့ခွက်ကို သွန်ချလိုက်ပါ။ အာရုံစိုက်ပြီးနားထောင်နိုင်တဲ့ Skillset တစ်ခုဟာ ကျွန်တော်တိုကိုယ်တိုင်မွေးမြူရမဲ့အရာတစ်ခုဖြစ်ပါတယ်10. 🗣️Be precise in your speech🗣️
  တိတိကျကျစကားပြောပါ

  စကားလုံးတွေဟာ ဓားထက်ပိုထက်ပြီးထိရောက်မှုပိုရှိပါတယ်။ ကျွန်တော်တိုခေါင်းထဲမှာရှိတဲ့စကားလုံးတွေကို အစီအစဉ်တကျမတွေးပဲ ခံစားချက်တွေအတိုင်းပြောမိတဲ့အခါမှာ ခုတ်ရာတခြားရှရာတလွဲဖြစ်တဲ့ အတွေ့အကြုံတွေ ကျွန်တော်တိုအားလုံးမှာကိုယ်စီရှိကြပါတယ်။ စကားလုံးတွေအများကြီးလျှောက်ပြောပြီး ဘာကိုဆိုလိုမှန်းမသိတဲ့အရာကိုရွေးချယ်မလား ? စကားလုံးနည်းနည်းနဲ့ကျွန်တော်တိုပြောချင်တဲ့ အရာကိုတိတိကျကျပြောတာကိုရွေးချယ်မလား ? လူအများစုကတော့ ကိုယ်သိလိုတဲ့အရာကို စကားနည်းနည်းနဲ့ အတိအကျပြောတတ်တဲ့သူကို ပိုခင်မင်ရင်းနှီးတတ်ကြပါတယ်။

  11. 🛹Don’t bother children when they are skateboarding🛹
  စကိတ်စီးနေတဲ့ကလေးတစ်ယောက်ကိုမနှောင့်ယှက်ပါနဲ့

  အမှားလုပ်မိမှာကိုစိုးရိမ်တဲ့စိတ် ကျွန်တော်တိုအားလုံးမှာရှိပါတယ်။ ထိခိုက်ဒဏ်ရာရသွားမှာကို ကာကွယ်ချင်တဲ့စိတ်နဲ့ ကလေးတစ်ယောက်စကိတ်စီးနေတာကို သွားတားလိုက်ရင် ဒီကလေးဟာ စကိတ်စီးတတ်တော့မှာမဟုတ်ပါဘူး ။ ဘ၀မှာလည်းကျွန်တော်တို အဆင်မပြေမှာကိုစိုးရိမ်တာနဲ့ Comfort Zone ထဲကရုန်းထွက်ဖို အခွင့်အရေးကို ဘယ်နှစ်ကြိမ်လောက်လက်လွှတ်ခဲ့ပြီးပြီလဲ? စကိတ်စီးရင်းချော်လဲတာကနေ ကလေးတစ်ယောက်ကို ကျွမ်းကျင်အောင်သင်ပေးရသလိုမျိုး ဘ၀မှာကျွန်တော်တိုရဲ့ အဆင်မပြေမှုတွေကနေ ကျွမ်းကျင်မှုကိုသင်ယူပါ။

  12. 🐈Pet a cat when you encounter one on the street🐈
  လမ်းမှာတွေ့တဲ့ကြောင်တစ်ကောင်ကို ပွတ်သပ်ယုယပါ

  ဘ၀ဟာ ခက်ခဲပါတယ်။ ကျွန်တော်တိုဘယ်လောက်ပဲကောင်းအောင်ကြိုးစားကြိုးစား အတားအဆီးတွေနဲ့ အခက်အခဲတွေဟာရပ်တန့်မသွားပါဘူး။ တစ်ခါတစ်ရံမှာကျွန်တော်တိုရဲ့ မွန်းကြပ်နေတဲ့ရုန်းကန်မှုတွေကိုခဏလောက်မေ့ပြီး ကိုယ့်ကြိုးစားမှုကို ကျေနပ်မှုရှိဖိုလိုပါတယ်။ကြောင်တစ်ကောင်ကို ပွတ်သပ်နေတဲ့အချိန်မှာ ရရှိတဲ့ကြည်နူးမှုလိုမျိုး ကျွန်တော်တိုဘေးနားမှာရှိတဲ့ အရာသေးသေးတွေ (သစ်ရွက်ကလေးတွေလှုပ်သံ၊ အပေါ်ကကောင်းကင်တိမ်တွေရွေ့နေတဲ့အရသာ၊ အသားကိုလာထိတဲ့လေအေးအေးလေးတဲ့ခံစားမှု)ကနေ မိမိစိတ်အေးချမ်းမှုကိုဖန်တီးပါ။

  ဘ၀ကြီးကသင့်အတွက်အဆင်ပြေနေပြီးတော့ လောကကြီးကသင်လိုချင်သမျှကိုပေးနေတယ်လိုခံစားရရင် ဒီစာအုပ်ကိုမဖတ်ပါနဲ့
  ဒီစာအုပ်က ကျွန်တော်တိုနေကာမျက်မှန်မပါပဲ နေကိုကြည့်မိသလို ဘ၀ကိုအမှန်အတိုင်းမြင်ရပြီး Reality ကိုတွေ့ကြုံဖူးတဲ့သူတွေအတွက် ရည်ရွယ်ပါတယ်။
  Messenger ထဲကို စာလေးတစ်ကြောင်းပိုရုံနဲ့ သင်လိုချင်တဲ့ဘ၀တိုးတက်မှုအတွက် လိုအပ်နေတဲ့အမှန်တရားကို ကိုယ်တိုင်ရယူလိုက်ပါ။

  Add to cart
• 

  Quick View

  Act Like a Lady, Think Like a Man

  19,500 Ks

  🙂 ယောကျာ်းတွေက အချစ်မရှိပဲနဲ့လည်း မိန်းကလေး တစ်ယောက်နဲ့ အတူနေ နိုင်တယ်။

  ❓ ယောကျာ်းတွေ အကြောင်း သိဖိုဆိုရင်

  🔷 ယောကျာ်းတွေက ငယ်ငယ်ကတည်းကနေ သန်မာဖို၊ မျက်ရည်မကျဖို၊ မိသားစုတာဝန်ကို ထမ်းဆောင်နိုင်ဖို၊ ရင်မဖွင့်ဖို သင်ကြားခံရတယ်။ 🔷

  What Makes Men

  🟥 Who He is (His Title)
  🟩 What he does (How He Gets the Title)
  🟦 The Reward he gets (How Much He Makes)
  အပေါ်က အချက် ၃ ချက် မပြည့်မချင်း ယောကျာ်းတစ်ယောက်က သူ့ကိုသူ အောင်မြင်ပြီလို မခံစားရဘူး။ ဒီတော့ Relationship တစ်ခုကို အောင်မြင်အောင် မဦးဆောင်နိုင်ဘူး။

  ❌ Our Love isn’t like your love ❌

  ❤️ မိန်းကလေးတွေရဲ့ အချစ်က ကြင်နာခြင်းနဲ့ ဂရုစိုက်တတ်ခြင်းပါ။ ယောကျာ်းတစ်ယောက်ကို မိခင် တစ်ယောက်လို ကြင်နာနိုင်ပြီး၊ သူငယ်ချင်းတစ်ယောက်လို အားပေးနိုင်တယ်၊ တစ်ပြိုင်နက်တည်းမှာပဲ ကလေး လေး တစ်ယောက်လို ချွဲနိုင်တယ်။

  ❤️ အားငယ်နေတဲ့ အချိန်မှာ အားပေးပြီး အောင်မြင်နေတဲ့ အချိန်မှာ လက်တွဲသွားချင်တာ အမျိုးသမီးတွေပါပဲ။

  ❤️ အမျိုးသမီးတွေက သူတိုအမျိုးသားတွေဆီက ကြင်နာဂရုစိုက်ခြင်းတွေကို အတူတူပဲ မျှော်လင့်ကြတယ်။
  ❤️ အမျိုးသမီးတွေ လိုချင်တဲ့ အရာတစ်ခုက ကြင်နာပြီး သူမကို ဂရုစိုက်မယ့် အမျိုးသား တစ်ယောက်၊ သူမကို မြတ်နိုးတန်ဖိုးထားတဲ့ အမျိုးသားကိုပဲ လိုချင်တာပါ။

  🖤 ဒါပေမယ့် ယောကျ်ားအများစုက မိန်းကလေးဘက်က ဒီ အချက်တွေ လိုချင်မှန်း သိတာတောင် မလုပ်ကြပါဘူး။ ဘာလိုလဲဆိုရင် ယောကျာ်းတွေက တီတီတာတာတွေ မလုပ်တတ်ပဲ လုပ်ရပ်တွေ နဲ့ပဲ သက်သေပြတတ်လို ဖြစ်ပါတယ်။

  ☁️ Men Go to Their Caves and Women Talk

  ပြဿနာ‌ ဖြစ်တဲ့ အခါမှာ အမျိုးသားတွေက ရည်ရွယ်ချက်တစ်ခု နဲ့ အဖြေ တစ်ခု ရဖို စကားပြောကြတယ်။ စကားပြောလို မရရင်တော့ ကိုယ်ပိုင် အတွေးကမ္ဘာထဲမှာပဲ သွားနေကြတော့တယ်။ အမျိုးသမီးတွေကတော့ အဖြေတစ်ခုလိုချင်တာထက် သူတို ရင်ဖွင့်ရရင် ပြဿနာတွေက ပြေလည်သွားတတ်ကြတယ်။

  🤵 Three Things Every Men Need

  1. Love
  2. Loyal Support
  3. Cookie

  📖 စာအုပ်ထဲမှာ

  အမျိုးသား တစ်ယောက်က အမျိုးသမီးတစ်ယောက်ကို

  🔷 အပျော်တွဲတာလား? အတည် ရည်ရွယ်တာလား?
  🔷 ယောကျာ်းတွေ ဘာလို ဖောက်ပြန်ကြတာလဲ?
  🔷 မိန်းကလေးတွေရဲ့ မှားယွင်းတဲ့ Myth တွေ
  🔷 The Five Key Question Every
  🔷 The Playbook: How to Win the Game

  🔷 Steve Harvey ရဲ့ Act Like a Lady, Think Like a Man စာအုပ်ထဲက အရောင်းရဆုံးစာရင်းဝင် စာအုပ်တစ်အုပ်ဖြစ်ခဲ့ပြီး Women Empowerment အကြောင်းကို ထင်ထင်ရှားရှား ပြသထားတဲ့ စာအုပ်တစ်အုပ်ဖြစ်တယ်။ Relationships တွေမှာ ဖြစ်တတ်တဲ့ ပြဿနာတွေ၊ ယောကျာ်း၊ မိန်းမ အတွေးအခေါ် မတူညီပုံတွေ၊ ယောကျ်ားတွေ မပြောတတ်တဲ့ အားသာချက်၊ အားနည်းချက်တွေကို ထုတ်ဖော်ရေးသားပြထားတဲ့ အတွက် မင်မင် recommend ပေးတဲ့ စာအုပ်တစ်အုပ် ဖြစ်ပါတယ်။ 🔷

  📚 Book Name – Act Like a Lady, Think Like A Man
  👨 Author – Steve Harvey
  💲 Price – 19,500 MMK (Premium++ Quality, Hard Cover, Creamy Paper)

  Add to cart
• 

  Quick View

  Attached: The New Science of Adult Attachment and How It Can Help You Find-and Keep-Love

  19,500 Ks

  ချစ်နေရုံနဲ့ တကယ်လုံလောက်ပြီလိုထင်သလား?
  အချစ်တွေရှိရုံနဲ့ အရာရာပြီးပြည့်စုံသွားမယ်လို မင်းယုံကြည်နေတုန်းပဲလား ?
  တစ်ယောက်တဲ့တစ်ယောက် ချစ်နေကြတာကိုသိလျက်နဲ့..
  လုံခြုံမှုကိုမခံစားရပဲဘာကြောင့် စိတ်ပင်ပန်းနေတတ်သလဲ?

  သင်ကနီးနီးကပ်ကပ်နေချင်တဲ့အချိန်မှာ သူကအနားမှာမရှိချင်တဲ့ပုံစံလိုမျိုး ခံစားရတဲ့အတွေ့အကြုံတွေ ရှိလား?
  သင့်ရဲ့ Attachment Style က သင်တိုနှစ်ယောက်ကြားမှာသက်ရောက်မှုအများကြီးရှိတယ်
  ✔️ Anxious — စိုးရိမ်လွန်းတတ်သူ
  “သူက မင်းကိုမချစ်တော့ဘူး” ဆိုတဲ့အတွေးတွေခဏခဏတွေးမိနေတတ်တယ်။
  ✔️ Avoidant — ဝေးကွာဖိုလိုအပ်တတ်သူ
  တစ်ယောက်ကနီးချင်ရင်နောက်တစ်ယောက်ကဝေးချင်တယ်။ ချစ်ပေမယ့် လွတ်လပ်မှုကိုလိုအပ်တယ်
  ✔️ Secure — စိတ်ချမှုနဲ့ချစ်တတ်သူ
  တကယ်ချစ်တတ်သူက မင်းကို နားလည်တတ်တယ်။ ယုံကြည်မှုအပြည့်နီးနီးကပ်ကပ်နေတတ်တယ်။

  မင်းနဲ့ မင်းချစ်သူတိုအကြား အချစ်ရေးရှုပ်ထွေးမှုတွေဟာ နားလည်မှု မရှိရင် ချစ်ရုံနဲ့တင်မလုံလောက်တာကို ရှင်းပြနေတယ်။
  တစ်ခါတစ်လေ ပြသနာတွေဆက်တိုက်ဖြေရှင်းနေရပေမယ့် မင်းရဲ့ Attachment Styleကိုကိုယ်တိုင်မသိရင်ပြသနာကပိုရှုပ်ထွေးလာတတ်တယ်။ တစ်ဦးနဲ့တစ်ဦးနားလည်မှုကိုမတည်ဆောက်နိုင်ရင်စိုးရိမ်မှုတွေ၊မတည်ငြိမ်မှုတွေဖြစ်လာတာနဲ့အမျှ ရှည်ကြာတဲ့ဆက်ဆံရေးကိုပါထိခိုက်လာနိုင်တယ်။

  ဒါကြောင့် 📖Attached စာအုပ်ကလိုအပ်လာတယ်။ဒီစာအုပ်ကအချစ်ကို ပိုမိုချစ်ဖို၊ ပိုမိုနားလည်ဖို ဒီစာအုပ်က
  🔥မင်းရဲ့ Attachment Style ကိုသိစေတယ်
  🔥 မင်းချစ်တတ်တဲ့ပုံနဲ့ မင်းချစ်သူတိုရဲ့ပုံစံကိုနားလည်စေတယ်
  🔥 မင်းကိုယ်တိုင်နဲ့ မင်းချစ်သူတိုအတူတူလျှောက်မဲ့ဘ၀ခရီးလမ်းကို
  ဘယ်လိုလျှောက်လှမ်းရမလဲ၊ ချစ်ခြင်းကို ပိုမိုလုံခြုံအောင်လုပ်မလဲဆိုတာကို လမ်းညွှန်ပေးတယ်။

  📌 မင်းရဲ့ Attachment Style ကိုရောဘယ်လိုထင်လဲ? သင့်ချစ်ရသူနဲ့အတူတူဒီစာအုပ်ထဲမှာပါတဲ့ Quizတွေကိုရှာဖွေကြည့်လိုက်ပါ။
  တူနှစ်ကိုယ် ရေရှည်တည်တံ့မဲ့ ချစ်ခြင်းကိုတည်ဆောက်ရမယ့် နည်းလမ်းကို နားလည်ချင်ရင် — Attached ကို လက်မလွတ်ပါနဲ့။
  ပိုမိုချစ်တတ်တဲ့ချစ်ခြင်းတွေကို နားလည်သဘောပေါက်ပြီး အပေးအယူမျှတဲ့ချစ်ခြင်းတွေအတူတကွပိုင်ဆိုင်နိုင်ကြပါစေ။

  Add to cart
• 

  Quick View

  Beyond Order : 12 More Rules for Life

  29,500 Ks

  🙏အစီအစဉ်မကျမှု တလွဲတချော်ဖြစ်မှုတွေနဲ့ အတူတကွနေထိုင်နည်း ၁၂ ချက် – Part 1 🙏

  ဘယ်လောက်ပဲအစီအစဉ်ကျအောင်လုပ်လုပ် တလွဲတချော်ဖြစ်မှုတွေဟာအမြဲတမ်းရှိပါတယ်။
  No matter how much we try to set things in order, Chaos is bound to happen.

  👥ဒါတွေကကျွန်တော်တိုအားလုံးဖြစ်နေကျခံစားမှုတွေပါ။ ကျွန်တော်တိုကစနစ်တကျစီစဉ်ထားတယ်။ ဒါပေမယ့်လောကကြီးက တလွဲတွေကိုမဖြစ်ဖြစ်အောင်လုပ်ပေးတယ်။ တစ်ခါတစ်လေ အလုပ်တစ်ခု၊ အလေ့အကျင့်တစ်ခုလုပ်ဖိုတောင် ဘာတွေသောက်တလွဲဖြစ်ဦးမလဲဆိုတဲ့အတွေးနဲ့ စိုးရိမ်ပူပန်နေတာနဲ့ တင် အလုပ်တွေနှောင့်နှေးနေတာတွေဖြစ်တတ်ပါတယ်။
  ဒီလို တလွဲတချော်ဖြစ်နေမှုတွေနဲ့ အစီအစဉ်တကျအလုပ်ဖြစ်မှုဆိုတဲ့အရာနှစ်ခုကြားမှာဘယ်လိုနေထိုင်ရမလဲ ?အဆိုး အကောင်းနှစ်ခုကိုဒွန်တွဲပြီး သာတူညီမျှ ဖြစ်တဲ့ဘ၀ကို ဘယ်လိုနေထိုင်ရမလဲဆိုတာကို Jordan Peterson ရဲ့ Beyond Order မှာဖော်ပြထားပါတယ်။

  🏷Beyond Order ဟာ Jordan Peterson ရဲ့ Bestseller ဖြစ်တဲ့ 12 Rules for life ရဲ့ နောက်ဆက်တွဲဖြစ်ပြီးတော့ ဒီစာအုပ်ထဲမှာ တလွဲတချော်ဖြစ်မှုတွေနဲ့ အစီအစဉ်ကျမှုတွေကြားမှာ သာတူညီမျှစွာနေထိုင်နိုင်မဲ့နည်း တွေကို ရှင်းပြထားပါတယ်။ ဒီနည်းတွေကို အတူတူလေ့လာကြည့်ရအောင်

  🏢1. Do not carelessly denigrate social institutions or creative achievement.🏢
  အဖွဲအစည်းတွေနဲ့ တီထွင်အောင်မြင်မှုတွေကို ဂရုမစိုက်ပဲ မရှုချပါနှင့်
  တစ်ယောက်အားနှင့်ယူသော်မရ တစ်သောင်းအားနှင့်ယူသော်ရ၏ ဆိုတဲ့စကားပုံလိုပဲ လူသားတိုးတက်မှုမှာ အဖွဲအစည်းတွေက အရေးကြီးပါတယ်။ မိမိကိုတိုးတက်အောင်လုပ်ပေးနိုင်တဲ့ ပညာသင်ပေးနိုင်တဲ့ Mentor တွေ လက်တွေ့ယူရမယ့် Experience တွေဟာ အဖွဲအစည်းတွေမှာရှိပါတယ်။အဖွဲအစည်းတစ်ခုထဲကိုရောက်ရင် Complain တွေတက်ပြီးအမုန်းပွားနေမယ့်အစား ကိုယ့်ကို အပေါ်ရောက်အောင်လုပ်ပေးနိုင်တဲ့သူတွေနဲ့အတူ မိမိရဲ့ဘ၀ကို တိုးတက်အောင်ရှာဖွေပါ။ တီထွင်ကြံဆမှုတွေကိုလေ့လာပါ။

  🏃‍♂️2. Imagine who you could be and then aim single-mindedly at that.🏃‍♂️
  ကိုယ်ဘာဖြစ်နိုင်လဲဆိုတာကိုတွေးပြီး အဲ့ဒီ့အရာတစ်ခုတည်းကိုဦးတည်ပြီးအလုပ်လုပ်ပါ
  “ Hero တစ်ယောက်ဆိုတာ ပြီးပြည့်စုံအောင်ဖွံဖြိုးတိုးတက်ပြီးတဲ့ ကိုယ်ပိုင်အရည်အချင်းရဲ့ ဥပမာတစ်ခုဖြစ်တယ်” လို စာရေးသူကပြောထားပါတယ်။ငယ်ရွယ်စဉ်တုန်းက ကျွန်တော်တိုတွေဟာ Batman, Spiderman တိုလိုမျိုး Hero တွေကိုသဘောကျခဲ့သလို အခု ကျွန်တော်တိုလက်တွေ့မြင်ရတဲ့ Elon Mask တို Jeff Bezos တိုလိုမျိုး Hero တွေဖြစ်အောင် ကြိုးစားချင်တယ်မဟုတ်လား။ကိုယ် အားကျတဲ့ Hero တစ်ယောက်လို ကိုယ့်ကိုယ်တိုင်စိတ်ကူးယဉ်ပြီး သူကြုံခဲ့တဲ့အခက်အခဲတွေ ကိုရင်ဆိုင်သလိုမျိုး ရင်ဆိုင်ပြီး ရှေ့လျှောက်မယ့်လမ်း ကကျန်တဲ့မလိုတဲ့ အရာတွေကိုဖယ်ထုတ်နိုင်ရပါမယ်။

  🌫3. Do not hide unwanted things in the fog.🌫
  မလိုချင်တဲ့အရာတွေကို မီးခိုးငွေ့တွေထဲဖုံးကွယ်မထားပါနဲ့
  အဆင်မပြေမှုတွေနဲ့ကြုံတွေ့ရတဲ့ အချိန်မှာ ကျွန်တော်တိုလုပ်မိတတ်တာက အဲ့ဒီ့အရာတွေကို မမြင်ရအောင်ဖုံးကွယ်ထားဖိုကြိုးစားတာပါပဲ။ဥပမာ လုပ်ဖော်ကိုင်ဖက်တစ်ယောက်နဲ့ အဆင်မပြေကြောင်း တိုက်ရိုက်ပြောဖိုထက် အဲ့ဒီ့အရာကိုဖုံးကွယ်ပြီးအခြားအကြောင်းကိုပြောဖို ကျွန်တော်တိုပိုပြီး ကြိုးစားတတ်ပါတယ်။ ကိုယ်ကိုယ်တိုင်ဖုံးကွယ်ထားတဲ့အရာတွေဟာ ရုတ်တရက်ပေါ်ပေါက်လာတော့မှ အငိုက်မိပြီး ပြသနာတွေဟာ မထင်မှတ်ထားပဲအရမ်းကြီးမားသွားတတ်ပါတယ် ။ အခက်အခဲတွေကို ဖုံးကွယ်ဖိုမကြိုးစားပဲနဲ့ ရင်ဆိုင်ဖြေရှင်းနိုင်တဲ့ အရည်အသွေးကိုမွေးမြူမှသာ ကျွန်တော်တို ပိုမိုကောင်းမွန်တဲ့ လူတစ်ယောက်ဖြစ်လာမှာပါ။

  🌻4. Notice that opportunity lurks where responsibility has been abdicated.🌻
  တခြားသူတွေတာဝန်မယူရဲတဲ့နေရာတွေမှာ အခွင့်အလမ်းတွေရှိနေတတ်တာကိုသတိပြုပါ
  ဒီနေရာမှာ မင်မင်ရဲ့ ကိုယ်တွေ့အတွေ့အကြုံလေးတစ်ခု Share ချင်ပါတယ်။ အလုပ်မှာပွဲတစ်ခုစီစဉ်တုန်းက အစားအသောက်အတွက်ဘယ်သူမှတာဝန်ယူမယ့်သူမရှိတဲ့အချိန်မှာ မင်မင် က Volunteer အနေနဲ့တာဝန်ယူခဲ့မိပါတယ်။ ဘာမှသိပ်မတွေးပဲပုံမှန် အတိုင်းကူညီချင်ရုံသတ်သတ်နဲ့ တာဝန်ယူလိုက်တာရဲ့ အကျိုးဆက်က အလုပ်မှာ ရှိတဲ့လူအားလုံးနဲ့ ရင်းနှီးမှုပိုရခဲ့တဲ့အပြင် အရင်က သိပ်မတည့်တဲ့သူတွေပါကိုယ်နဲ့ သူငယ်ချင်းတွေဖြစ်သွားပြီး မင်မင့်ကို ဒီ Page ကလေး run ဖိုတွန်းအားပေးတဲ့ ဆရာကောင်းတွေနဲ့လည်းကြုံတွေ့ခဲ့ပါတယ်။ အဲ့ဒီတုန်းက တာဝန်သာမယူခဲ့ရင် ဒီ Page လေးဖြစ်လာဖိုဆိုတာလည်းအချိန်တစ်ခု ထပ်ကြာနေဦးမှာပါ။

  ⛔️5. Do not do what you hate.⛔️
  မင်းမုန်းတဲ့ အလုပ်ကိုမလုပ်ပါနဲ့
  “ဟိုး….. ထား ဆရာသမား” မုန်းတဲ့အလုပ်ကိုမလုပ်နဲ့ဆိုလို ကိုယ်မကြိုက်တဲ့အရာမှန်သမျှမလုပ်ခိုင်းတာမဟုတ်ဘူး။ ကိုယ်မုန်းတဲ့အရာတွေဆိုတာ ကိုယ့်ကိုယ်ကိုလည်းအကျိုးမပြု ၊သူများအတွက်လည်းစီးပွားမဖြစ်ထွန်း ၊ ပတ်ဝန်းကျင်ကလည်းလက်မခံနိုင်တဲ့ အရာတွေကိုပြောတာနော်။ ကိုယ့်အလုပ်ကို ကိုယ်မကျေနပ်ဘူး မကြိုက်ဘူးဆိုရင် ကိုယ်ကိုယ်တိုင်ဘာပြောင်းလဲနိုင်သလဲအရင်စဉ်းစားပြီး တိုးတက်ပြောင်းလဲနိုင်တဲ့ နည်းလမ်းကို လက်ခံကျင့်သုံးပါ။ အလုပ်က မပြောင်းလဲပေးနိုင်ဘူး ဆိုရင် အားလပ်ချိန်မှာ ကိုယ့် Personal Life ကိုတိုးတက်အောင်လုပ်ပြီး ဒီအလုပ်ကထွက်နိုင်မယ့်နည်းလမ်းကိုရှာပါ။

  📡6. Abandon ideology.📡
  အယူဝါဒတွေကိုလက်ကိုင်စွဲမထားပါနဲ့
  Ideology တွေဟာ Smart ဖြစ်တဲ့ ငပျင်းတွေရဲ့ လက်နက်တစ်ခုဖြစ်ပါတယ်။( မယုံရင် ကိုယ့်ကိုယ်ကို ပြန်မေးကြည့်ပါ)။ နီတိတွေကျမ်းတွေ နဲ့ လူကြီးတွေပြောတဲ့ ဆုံးမမှုတွေဟာ အတိုင်းအတာတစ်ခု အထိလက်ခံကျင့်သုံးလိုကောင်းပါတယ်။ ဒါပေမယ့် ပြောင်းလဲနေတဲ့ ကမ္ဘာကြီးမှာ ရှေးဦးစာအုပ်တွေထဲကအတိုင်း လိုက်နေလိုကတော့ ကျွန်တော်တိုရဲ့တက်လမ်းကို စာအုပ်တွေထဲက နိယာမတွေနဲ့ပိတ်မိထားသလိုဖြစ်နေမှာပါ။ လွတ်လပ်စွာတွေးခေါ်ပါ။ စွန့်စားမှုကိုလက်သင့်ခံပါ။ မိမိလက်ခံထားတဲ့ မိမိရဲ့ ယုံကြည်မှုကို မေးခွန်းထုတ်ပြီး လိုက်လျောညီထွေနေနိုင်အောင် Upgrade လုပ်ပါ။

  💪7. Work as hard as you possibly can on at least one thing and see what happens.💪
  တစ်ခုကို ရှိသမျှအားအကုန်စိုက်ပြီးအလုပ်လုပ်ကြည့်ပြီး ဘာဖြစ်လဲစောင့်ကြည့်ပါ
  သင်မအောင်မြင်သေးတာမဟုတ်ပါဘူး ဖြစ်ချင်တာတွေအရမ်းများနေတာပါ။ ဆရာဝန်ကြီးဖြစ်ချင်တာလား ? အင်ဂျင်နီယာကြီးဖြစ်ချင်တာလား ? Vlogger ကြီးဖြစ်ချင်တာလား ? Influencer ကြီးဖြစ်ချင်တာလား ? ဖြစ်ချင်တာတွေတော့အရမ်းများပါရဲ့ အခုအချိန်ထိတော့ဘာမှတော့ဖြစ်မလာသေးဘူး လုပ်တာကတော့အကုန်လုပ်နေတာပဲ..
  အကုန်မလုပ်ပါနဲ့။ တစ်ခုတည်းကိုအချိန်အတိုင်းအတာတစ်ခုအထိအားစိုက်အလုပ်လုပ်ပြီး ရလဒ်ကို စောင့်ကြည့်ပါ။ အောင်မြင်တဲ့သူတိုင်းဟာ နေရာတိုင်းမှာမတော်ကြပါဘူး။ ကျွမ်းကျင်တဲ့နယ်ပယ်တစ်ခုမှာ ဘယ်သူမှမယှဉ်နိုင်တဲ့ Skill နဲ့ အလုပ်လုပ်နိုင် တာဟာ သင့်အောင်မြင်မှုရဲ့လမ်းစတစ်ခုဖြစ်ပါတယ်။

  💐8. Try to make one room in your home as beautiful as possible.💐
  မင်းအိမ်က အခန်းတစ်ခန်းကို လှနိုင်သမျှလှအောင်ထားပါ။
  စားပွဲပေါ်ကပန်းအိုးသေးသေးလေးတစ်လုံးလိုမျိုးရိုးရှင်းတဲ့ မြင်ကွင်းလေးတစ်ခုဟာ အံ့ဩဖွယ်ကောင်းတဲ့စိတ်ကြည်နူးမှုကိုပေးစွမ်းနိုင်ပါတယ်။ တွေးကြည့်လိုက်ပါ ခင်ဗျားအလုပ်ကနေတစ်နေကုန်ပင်ပန်းနွမ်းနယ်ပြီး အိမ်ပြန်ရောက်တဲ့အချိန်မှာ သန့်ရှင်းလတ်ဆတ်နေတဲ့အခန်းထဲကိုဝင်လိုက်တာနဲ့ ဘယ်လောက်တောင်စိတ်ချမ်းသာသွားလိမ့်မလဲ ဆိုတာ။ တကယ်လိုအခန်းတစ်ခန်းလုံးအတွက်အချိန်မရှိဘူး ဆိုရင်တောင် ဘုရားစင်ထဲက ဘုရားပန်းလေးလဲတာ သောက်တော်ရေလဲတာလေး နေ့စဉ်လုပ်ပေးမယ်ဆိုရင် သင့်ဘ၀အတွက် အေးချမ်းတဲ့နေရာတစ်ခု ဟာ သင့်အိမ်မှာနေ့စဉ်ရှိနေပါလိမ့်မယ်။

  📝9. If old memories still make you cry, write them down carefully and completely. 📝
  အတိတ်ကအကြောင်းအရာတွေနဲ့မျက်ရည်ကျမိနေသေးရင် သေသေချာချာပြည့်ပြည့်စုံစုံ ရေးချပါ။
  ဆုံးရှုးမှုဟာ လူသားတွေရဲ့အစိတ်အပိုင်းတစ်ခုပါပဲ။ ကျွန်တော်တိုချစ်တဲ့အရာတွေနဲ့ ခွဲခွာခဲ့ရတဲ့ ခက်ခဲတဲ့အချိန်တွေဟာ မေ့ပစ်ဖိုအရမ်းခက်ခဲပါတယ်( ဥပမာ မိသားစုဝင်တွေ တိရစ္ဆာန်လေးတွေ) ။ ဒီအရာတွေကို ကျွန်တော်တိုထပ်ခါတလဲလဲပြန်တွေးမိရင်း ဖြေသိမ့်မှုမရနိုင်ပဲ လိပ်ခဲတည်းလည်းဖြစ်လာတဲ့ ဝန်ထုပ်ဝန်ပိုးတွေဖြစ်လာတ်ပါတယ်။ ကျွန်တော်တိုတွေ လွတ်မြောက်မှုနဲ့ဖြေသိမ့်မှုရရှိနိုင်ဖိုကအတွက် သူတိုနဲ့ ပက်သက်တဲ့ သတိရမှု လွမ်းဆွတ်မှုတွေကို စာရွက်တွေပေါ်မှာချရေးထားပြီး လိုအပ်တိုင်းထုတ်ဖတ်ပါ။သင့်ဘ၀ထဲမှာ သူတိုတွေအကောင်းဆုံးဖြစ်အောင်သူတိုကြိုးစားခဲ့ပြီးပါပြီ သူတိုတွေဂုဏ်ယူရအောင် ကြိုးစားဖိုက သင့်တာဝန်ပါ။

  💓10. Plan and work diligently to maintain the romance in your relationship.💓
  အချစ်တွေဆက်လက်ရှင်သန်နေဖို အစီအစဉ်ချပြီး ကြိုးစားအားထုတ်ပါ။
  ချစ်နေရင်ပြီးရော ဆိုတဲ့ စကားလုံးက တကယ့်လက်တွေ့ဘ၀နဲ့ ထပ်တူကျမနေပါဘူး။ အိမ်ထောင်ဖက်ဘ၀မှာ မိသားစုဘ၀မှာ ရေရှည်တည်မြဲနေဖိုအတွက်အားစိုက်ထုတ်မှုတွေ နားလည်မှုတွေ ရှိရမှာပါ။ တစ်ယောက်နဲ့တစ်ယောက် လိုအပ်ချက်တွေနဲ့ လိုအင်တွေကို နားလည်သဘောပေါက်ပြီး လေးစားမှုအပြည့်နဲ့ မျက်နှာချင်းဆိုင်ဆွေးနွေးနိုင်မှုဟာ ကြာရှည်တည်မြဲတဲ့ Relationship တစ်ခုကိုအားသစ်လောင်းစေပါတယ်။
  အချစ်ရေးနဲ့ မိသားစုမှာ အဆင်ပြေမှုဟာ သင့်အောင်မြင်မှုဆီကို အမြန်ဆုံးရောက်အောင်တွန်းအားပေးနိုင်တဲ့ အစွမ်းအထက်ဆုံးသောအရာတစ်ခုလည်းဖြစ်တာကြောင့် ဒါကိုဂရုစိုက်ဖိုမလစ်ဟင်းမိပါစေနဲ့ ။

  💢11. Do not allow yourself to become resentful, deceitful, or arrogant. 💢
  ကိုယ့်ကိုကိုယ် နာကြည်းမှု ၊ လှည့်စားမှု နဲ့ မာနထောင်လွှားမှုတိုရဲ့သားကောင်အဖြစ်မခံပါနဲ့
  ဘ၀ရဲ့ ထိုးနှက်မှုတွေအများကြီးကို သင်ခံစားဖူးခဲ့ပြီးပါပြီ။ အောင်မြင်မှု၊ ကျရှုးမှု၊ နောက်ကျောဓားနဲ့အထိုးခံရမှု၊ ကွယ်ရာမှာအပုတ်ချခံရမှု စသည်ဖြင့်အခြေအနေအမျိုးမျိုးက သင့်ကို ဒီနေရာရောက်အောင် တွန်းပိုခဲ့တာမဟုတ်ပါလား။ အတိတ်ကအရာတွေကိုပြန်တွေးမိတဲ့အချိန်မှာ နာကြည်းမှု၊ ခံပြင်းမှုတွေနဲ့ မိမိကိုယ်ကိုယ်ပိတ်လှောင်မိနေခြင်းဟာ အဆိုးဝါးဆုံးသောအရာတစ်ခုဖြစ်ပါတယ်။ အရင်ကဖြစ်ခဲ့တဲ့အရာတွေကို လက်ခံလိုက်ပါ သူတိုဟာသင့်ကို ပိုကောင်းမွန်တဲ့လူတစ်ယောက်ဖြစ်အောင် သင်ခန်းစာတွေပေးခဲ့တာပါ။ ဒီသင်ခန်းစာတွေကိုပဲ ရင်ထဲမှာသိမ်းထားပြီးရှေ့ဆက်မယ့်လမ်းမှာ လက်နက်အဖြစ်အသုံးချပါ။

  🕊12. Be grateful in spite of your suffering. 🕊
  သင့်ရဲ့ အခက်အခဲတွေနဲ့ နာကျင်မှုတွေကိုကျေးဇူးတင်ပါ
  မီးပူပူထဲ အကြိမ်ပေါင်းများစွာဖြတ်သန်း၊ တူနဲ့ ထုရိုက်မှုပေါင်းမြောက်များစွာကိုမခံယူပဲနဲ့ ဓားကောင်းတစ်ချောင်းဖြစ်မလာသလို အခက်အခဲတွေကို မရင်ဆိုင်ပဲနဲ့လဲ လူတော်လူကောင်းတစ်ယောက်ဖြစ်မလာပါဘူး။ ကျွန်တော်တိုလျှောက်ခဲ့တဲ့လမ်းကို ပြန်ကြည့်မယ်ဆိုရင် ထိပ်တိုက်ရင်ဆိုင်ခဲ့တဲ့အခက်အခဲတွေ ဘယ်သူ့ကိုမှပြောပြလို နားမလည်နိင်လောက်တဲ့ ကိုယ်ကိုယ်တိုင်ပဲသိတဲ့ နာကျင်မှုတွေဟာ ကျွန်တော်တိုကို အကောင်းဆုံးသင်ခန်းစာတွေပေးခဲ့တာပါ။ဒါကြောင့် အခက်အခဲတွေထပ်ရင်ဆိုင်လာရရင် စိတ်ညစ်မယ့်အစားကျေးဇူးတင်ပါ။ ဘာလိုလဲဆိုတော့ သူတိုဟာ ကျွန်တော်တိုအတွက်အကောင်းဆုံးသင်ခန်းစာတွေထပ်ယူလာပေးတယ်ဆိုရင်လည်းမမှားပါဘူး။

  📔Beyond Order ဟာ ဘ၀ရဲ့ ရှုပ်ထွေးမှုတွေကို ခံနိုင်ရည်အပြည့်နဲ့ ခွန်အားရှိရှိရင်ဆိုင်နိုင်အောင် ညွှန်ပြပေးတဲ့ လမ်းပြမြေပုံတစ်ခုဆိုရင်လည်းမမှားပါဘူး။ လောကကြီးကကျွမ်းထိုးမှောက်ခုံဖြစ်နေတဲ့အချိန်မှာတောင် ကိုယ့်ဘ၀ကို ကျေနပ်ဖိုက ကိုယ့်မှာပဲတာဝန်ရှိတဲ့အကြောင်းကို Dr. Jordan Peterson က စာအုပ်ထဲမှာလှပစွာရှင်းပြထားပါတယ်။

  သင့်ဘ၀အတွက် လိုအပ်တဲ့ Balance ကိုရှာဖွေဖို အသင့်ဖြစ်နေပြီဆိုရင်တော့ Beyond Order ကို Airplane Bookstore မှာ အဆင်သင့်မှာယူလိုရပါတယ်။ ဒီစာအုပ်ထဲကဘယ်နည်းတွေကိုသင်အသုံးချဖိုစဉ်းစားထားသလဲ? တခြားသူတွေလည်း ဒီလိုအသိဉာဏ်တွေတိုးပွားအောင် ဒီ Post လေးကို ကူ Share လိုက်ပါ။

  Book Title – Beyond Order : 12 More Rules for Life
  Author – Jordan Peterson
  Price – 19,500 MMK

  Add to cart
• 

  Quick View

  Dare to Lead

  21,500 Ks

  Brené Brown’s “Dare to Lead” is a powerful call to courage, urging us to embrace vulnerability and brave the messy arena of leadership. It offers practical tools and insightful frameworks for cultivating braver, more authentic leadership in all aspects of life. A must-read for anyone seeking to lead with heart and make a real difference.

  Add to cart
• 

  Quick View

  Exactly What to Say

  13,000 Ks

  📚စကားလုံးလေးတစ်လုံးနှစ်လုံးပြောင်း သုံးလိုက်ရုံနဲ့ မတူညီတဲ့ဘ၀ကို လက်တွေ့မြင်ချင်လား 📚
  “Exactly What to Say: The Magic Words for Influence and Impact” 📚
  by Phil M. Jones

  🏆 စွဲဆောင်မှုရှိတဲ့ စကားတွေရဲ့ သော့ချက်
  -စကားလုံးတွေရဲ့လျှိဝှက်ချက်နဲ့ စကားပြောကောင်းသူတစ်ယောက်ဖြစ်ဖိုအတွက် လိုအပ်တဲ့လမ်းညွှန်မှုတွေ ကို စာရေးသူ Phil M. Jones က လက်တွေ့အကောင်အထည်ဖော်လိုရတဲ့နည်းပညာတွေ

  🏆အံ့ဩမှင်သက်သွားစေနိုင်တဲ့ စကားလုံးတွေဖန်တီးမှုအနုပညာ
  – စီးပွားရေး၊ လူမှုဆက်ဆံရေး၊ မိသားစု , မိမိနဲ့ပက်သက်ဆက်နွယ်နေတဲ့ သူတွေအားလုံး ကိုစကားလုံးတွေနဲ့ဖမ်းစားပြီး မှော်ဆရာတစ်ယောက်လို Showman ship အကောင်းဆုံးနဲ့ မိမိလိုချင်တဲ့ Target ကိုရယူနိုင်တဲ့ တော်ကီကြွယ်နည်း တွေရဲ့ လမ်းစတွေ

  🏆ကိုယ်ပြောသမျှလူတွေနားထောင်စေချင်ဖို
  – စကားပြောကောင်းတယ်လို လူတွေကကိုယ့်ကိုပြန်ပြောရတဲ့အထိ အခြားသူတွေကိုလွှမ်းမိုးနိုင်တဲ့ Communication Skill ကို ဘယ်လို လေ့ကျင့်ရမလဲ ?

  စကားလုံးတွေရဲ့ အဓီပ္ပါယ်ကိုလေးလေးနက်နက်သိဖိုနဲ့ ဘယ်စကားလုံးကို ဘယ်အချိန်မှာသုံးရမလဲဆိုတဲ့ Articulation Skill ကို level up ဖိုလုပ်နိုင်တဲ့ Skill တွေဒီစာအုပ်ထဲမှာပါဝင်ပါတယ် ။

  Add to cart
• 

  Quick View

  Games People Play: The Psychology of Human Relationships

  19,500 Ks

  🌀🌀ဘာကြောင့်မင်းကိုလူတွေက ဂိမ်းကစားသလိုလှည့်ဖြားနိုင်တာလဲ? ( Manipulate အလုပ်မခံချင်ရင် ဒီစာအုပ်ကိုဖတ်ပါ )

  ♟️လူတွေအားလုံးဟာ ဂိမ်းကစားပွဲတွေထဲမှာ ကိုယ်တိုင်ပါဝင်ကစားနေရတယ်။ ဒါကိုသတိမထားမိဘူးဆိုရင် သင်ဟာ ဒီကစားပွဲထဲမှာ လူများရွှေ့ရာလိုက်နေရတဲ့ နယ်ရုပ်လေးတစ်ရုပ်ထက်မပိုဘူး။ ပြိုင်ဆိုင်မှုကိုအနိုင်ရဖို့၊ ဂုဏ်ဒြပ်နဲ့ ပစ္စည်းဥစ္စာပိုင်ဆိုင်မှုရှိဖို့၊ ကောင်းသတင်းပျံ့လွင့်စေဖို့ စတဲ့အမျိုးမျိုးအဖုံဖုံသော  ‘အသိအမှတ်ပြုမှု’ (strokes) တွေကြားထဲမှာ တက်မပါတဲ့လှေတစ်စီးလို ဦးတည်ရာမဲ့ပြီး လူတကာရဲ့အသုံးချမှုကိုခံနေရတဲ့ဘ၀ကို သင်သတိထားမိရဲ့လား ?

  🕹️ဟုတ်တယ်… ဒါပေမယ့် Game ( Yes, But….. Game)

  လူတစ်ယောက်ကို အကြံပေးပြီးတဲ့အချိန်မှာ သူက မင်းကို ‘ဟုတ်ပါတယ်.. ဒါပေမယ့်…’ လို့ပြောလာပြီဆိုရင် သင်သတိထားမိလိုက်ပါ။ သူဟာ တကယ်တမ်း အကြံဉာဏ်ကောင်းလိုချင်တာမဟုတ်ဘဲ၊ သူ့ပြဿနာကို ဘယ်သူမှဖြေရှင်းနိုင်မှာမဟုတ်ဘူးဆိုတာ သက်သေပြချင်တာမျိုး၊ ဒါမှမဟုတ် အကူအညီမဲ့နေတာကို အာရုံစိုက်ခံချင်တာမျိုးဖြစ်နိုင်ပါတယ်။ ဒါဟာ ‘Yes, But…’ ကစားပွဲရဲ့ လက္ခဏာပါ။ ကစားပွဲတွေက သူ့ရဲ့အဆုံးမှာ  တစ်စုံတစ်ခု(Pay Off) ကိုအမြဲလိုချင်တဲ့အချိန်မှာဖြစ်ပေါ်တတ်ပါတယ်။ ဒီလိုမျိုး “If It Weren’t for You”, “See What You Made Me Do”, “I’m Only Trying to Help You” စတဲ့စကားလုံးတွေဟာ ရည်ရွယ်ချက်တစ်ခုနဲ့ Play နေတဲ့ ကစားပွဲရဲ့တီးလုံးသံတွေဖြစ်ပါတယ်။

  🔘Gimmick’ နဲ့ ‘Switch’: ဂိမ်းရဲ့ ဝှက်ဖဲတွေ

  ဒီဂိမ်းတွေမှာ ‘Gimmick’ (ဝှက်ဖဲ) တွေရှိတယ်။ ဒါက ဂိမ်းစဖို့အတွက် တစ်ယောက်က တစ်ယောက်ကို ‘ချိတ်’ (Hook) တဲ့ အချက်ပဲ။ ပြီးတော့ ‘Switch’ (အနေအထားပြောင်းလဲခြင်း) တစ်ခုက အမြဲဖြစ်ပေါ်တယ်။ ဥပမာ၊ ‘Yes, But…’ မှာ အစက ပြဿနာရှိသူလို ဟန်ဆောင်နေရာကနေ၊ Switch လုပ်ပြီး အကြံပေးတဲ့သူကို စိတ်ပျက်သွားအောင် လုပ်လိုက်တာမျိုးတွေရှိတတ်တယ်။ ဒီ ‘Gimmick’ နဲ့ ‘Switch’ ကို နားမလည်ရင် ဂိမ်းတစ်ခု ဘယ်လို အစပျိုးပြီး၊ ဘယ်လို နိဂုံးချုပ်လဲဆိုတာ သင်တကယ်နားလည်ဖို့ခက်ခဲလိမ့်မယ်။ 

  🦊Manipulation နဲ့ Game တွေကို သင်ရှောင်လွှဲလို့မရပါဘူး။

  လူ့အသိုင်းအဝိုင်းမှာနေထိုင်နေသရွေ့ အဆုံးမသတ်နိုင်တဲ့လိုအင်ဆန္ဒတွေနဲ့ လောဘတွေရဲ့ကြားမှာ ဒီ ကစားပွဲတွေဟာစဉ်ဆက်မပြတ်တည်ရှိနေပါတယ်။ လူ့အဖွဲ့အစည်းဆိုတဲ့ လှုပ်ရှားမှုတွေကြားထဲမှာ ပါးနပ်ကျွမ်းကျင်စွာ ရှင်သန်နိုင်ဖို့အတွက်

  🔹Parent:( စည်းကမ်း၊ဆုံးဖြတ်ချက်၊ဂရုစိုက်မှု)

  🔹Adult:(အစီအစဉ်တကျ၊ အချက်အလက်နဲ့တွေးခေါ်နိုင်မှု၊ ပြသနာဖြေရှင်းနိင်မှု)

  🔹Child:(ခံစားချက်၊တုံ့ပြန်မှု၊ရုတ်ချည်းဖြစ်စဉ်)

  စတဲ့ Ego State သုံးခုအကြောင်းကို စာရေးဆရာ Eric Berne ကသူ့ရဲ့ TA (Transactional Analysis) ကနေရှာဖွေတွေ့ရှိထားတဲ့ Research Data တွေနဲ့ရှင်းပြထားပါတယ်။

  🎃Manipulator တွေဟာ အမြဲ Child ဆိုတဲ့ Ego ကို Trigger ဖြစ်အောင်လုပ်ပြီး သူတို့လိုချင်တာကိုရအောင်လုပ်တတ်ကြပါတယ်။ သင့်ကိုယ်သင် Adult Ego နေရာမှာနေပြီး တုံ့ပြန်မှုတိုင်းကို ဓမ္မဓိဌာန်ကျကျဝေဖန်ပိုင်းခြားတတ်ရင် Manipulation အများစုကနေ သင်ရှောင်ရှားနိုင်ပါလိမ့်မယ်။

  ဒီGame တွေကိုသိထားဖို့လိုတယ်။⚠️⚠️⚠️

  🔸တချို့က မဆင်ခြင်ပဲ ကစားတယ်။ တချို့ကတော့ အရမ်းကျွမ်းကျင်အောင် ကစားတယ်

  နည်းစနစ်တွေကိုသင်ယူမှုနဲ့တင်မလုံလောက်ပါဘူး။ Technique တွေဘယ်လောက်ပဲကျွမ်းကျင်ကျွမ်းကျင် တကယ်ဆော့နေတဲ့ ကစားပွဲရဲ့ စည်းမျဉ်းကိုနားမလည်ရင် လူတွေရဲ့လှည့်ဖျားမှုကနေသင်ဘယ်တော့မှလွတ်မြောက်မှာမဟုတ်ပါဘူး။  အပေါ်ယံ ဆက်ဆံရေးတွေကနေ လွတ်မြောက်ပြီး တကယ် ရိုးသားတဲ့၊ ပွင့်လင်းတဲ့ ဆက်ဆံရေးတွေကို တည်ဆောက်နိုင်ဖို့က ဒီစာအုပ်ရဲ့ အဓိက ရည်ရွယ်ချက်ဖြစ်ပါတယ်။

  🖋️လေ့လာပါ။ သင်ယူပါ။ 

  ဒီစာအုပ်က ပေးတဲ့ Lesson တွေဟာ တစ်သက်တာလုံး အသုံးချဖို့ဖြစ်ပါတယ်။ ကစားပွဲတိုင်းမှာ သင့်ရဲ့ လှုပ်ရှားမှုတိုင်းဟာ ကြောင်တစ်ကောင်လို ပေါ့ပါးသွက်လက် ပိရိနေပါစေ။ ဒါဆိုရင် သင်ဟာ နယ်ရုပ်ဘ၀ကနေလွတ်မြောက်ပြီး ဂိမ်းကို နားလည်တဲ့ ကစားသမားကောင်းတစ်ယောက် ဖြစ်လာပါလိမ့်မယ်။

  စာရေးသူ Eric Berne သည် ကနေဒါစိတ်ပညာရှင်တစ်ဦးဖြစ်ပြီး Transactional Analysis (TA) လူမှုဆက်ဆံရေးစနစ်ကိုတီထွင်ခဲ့ပါတယ်။သူ့ရဲ့စာအုပ် “Games People Play” ကို 1964 ခုနှစ်တွင်ထုတ်ဝေခဲ့ပြီး လူမှုဆက်ဆံရေးကို ဂိမ်းပုံစံနဲ့ ရှင်းပြထားတဲ့ ဒီစာအုပ်ဟာ New York Times Bestseller စာရင်းတွင် နှစ်ပေါင်းများစွာ တင်နေခဲ့ပြီး ယနေ့တိုင် လူမှုစိတ်ပညာနယ်ပယ်တွင် အရေးပါသောစာအုပ်တစ်အုပ်ဖြစ်နေဆဲဖြစ်သည်။

  Add to cart
• 

  Quick View

  How to Talk to Anyone: 92 Little Tricks for Big Success in Relationships

  23,500 Ks

  👥လောကကြီးမှာလူနှစ်မျိုးပဲရှိတယ်။👥

  အခန်းထဲကိုဝင်လာတာနဲ့ “ကဲ…..ငါရောက်လာပြီ” လိုပြောတဲ့သူနဲ့ “ဟာ…. မင်းရောက်နေပြီပဲ” လိုပြောတဲ့သူ။
  ဘယ်သူ့ကိုလူချစ်လူခင်ပိုများမယ်ထင်သလဲ?

  🗣🗣🗣စကားလုံးတွေဟာအနုပညာတစ်ခုပါပဲ။ နေ့စဉ်နေ့တိုင်း ကျွန်တော်တို စကားလုံးတွေအများကြီးပြောတာခြင်းအတူတူ တချိုသူတွေစကားပြောရင် သံလိုက်နဲ့ဆွဲငင်ခံလိုက်ရသလို ခံစားရတဲ့လျှိဝှက်ချက်ကဘာလဲ ?

  😁First Impression မှာတင်လူတွေသဘောကျအောင်ပြုံးနည်း ..
  👶မသိစိတ်က ကြိုက်နှစ်သက်တဲ့ ကလေးတွေရဲ့အမူအရာတွေ ကိုအသုံးချနည်း..
  💭လူစိမ်းတစ်ယောက်ရဲ့စိတ်ဝင်စားမှုကိုအချိန်တိုအတွင်း ဆုပ်ယူနိုင်တဲ့နည်းလမ်းတွေ
  အစရှိတဲ့ လူမှုဆက်ဆံရေးရဲ့လျှိဝှက်ချက်တွေကို ၀ထ္ထုတိုလေးတွေဖတ်ရသလို အေးအေးဆေးဆေး သင်ယူလိုရပါတယ်

  🤗🤗ဖော်ရွေတဲ့စကားလုံး၊ အမူအရာဟန်ပန်တွေကိုအသုံးပြုပါ။ 🤗🤗
  Use Open-ended Words/Gestures/Body Language
  ဘယ်တော့မှ စကားလုံးတွေကိုတုံးတိဖြတ်မချပါနဲ့။ မေးခွန်းတစ်ခုမေးတာပဲဖြစ်စေ စကားတစ်ခွန်းပြန်ဖြေတာပဲဖြစ်စေ တစ်ဖက်သူစကားဆက်နိုင်မယ့်စကားလုံးလေးတွေနဲ့အဆုံးသတ်ခြင်းဟာ တပါးသူအမြင်မှာ သင့်ကိုစကားပြောကောင်းတဲ့လူတစ်ယောက်အဖြစ်ခံစား‌စေပါတယ်။ ကျွန်တော့်ရဲ့ consulting session တစ်ခုမှာ သူ့ Manager ဆီက Report လိုချင်တဲ့ ကျွန်တော့်မိတ်ဆွေရဲ့ Communication Error ကို “မင်းဘာကြောင့် Report မရေးနိုင်ရတာလဲ” လိုမေးမဲ့အစား “မင်းReport ရေးနိုင်အောင်ငါဘာလုပ်ပေးရမလဲ” ဆိုတဲ့ စကားလုံးလေးပြောင်းပြောရုံနဲ့ သူတိုအခက်အခဲတွေဟာ ဖြေရှင်းပြီးဖြစ်သွားပါတယ် ။လူတွေကိုချောင်ပိတ်သွားစေတဲ့စကားလုံးတွေအသုံးပြုမဲ့အစား သူတိုပြန်ဖြေနိုင်တဲ့စကားစလေးတွေချန်ပေးတဲ့ အကျင့်ကိုမွေးမြူပါ။

  👄👄လူတွေရဲ့နာမည်ကိုမှတ်မိပါ။👄👄
  Remember the Names.
  လူတွေအတွက်တန်ဖိုးအထားဆုံးသောအရာတစ်ခုက နာမည်ပါပဲ။ လူတစ်ယောက်က ခင်ဗျားကိုနာမည်မှားပြီး အခေါ်ခံရတဲ့ခံစားချက်ကိုစဉ်းစားကြည့်ပါ။နည်းနည်းလေးမှ နှစ်မျိုဖွယ်မကောင်းပါဘူး။ မိတ်ဆွေအသစ်တစ်ယောက်နဲ့စကားပြောတဲ့အချိန်မှာ သူ့နာမည်ကို အနည်းဆုံးသုံးခေါက်လောက်ပါအောင် စကားပြောချိန်မှာထည့်ပြောရင် သူ့နာမည်ကို အလွယ်တကူမှတ်မိပြီး ပိုမိုကောင်းမွန်တဲ့ရင်းနှီးမှုကိုရဖိုအထောက်အကူဖြစ်စေမှာပါ။

  🦻🦻အာရုံစိုက်နားထောင်တဲ့အကျင့်ကိုမွေးမြူပါ။🦻🦻
  စကားပြောကောင်းတဲ့သူတွေဆိုတာက ပိုပြီးနားထောင်တတ်တဲ့သူတွေဖြစ်ကြပါတယ်။ သူများတွေနဲ့စကားပြောတဲ့အချိန်မှာ ပုံမှန်မဟုတ်တဲ့စကားလုံးလေးတွေ အသံအနေအထားပြောင်းသွားတဲ့အချိန်လေးတွေမှာရှိတဲ့ အရာလေးတွေကို ဂရုစိုက်ပြီး သူတိုပြောချင်နေတဲ့စကားလုံးတွေကို ကိုယ့်ကိုပြောပြဖို ဥယျာဉ်မှုးတစ်ယောက် ပန်းပင်လေးတွေစိုက်ပျိုးသလို တယုတယတူးဆွပါ။ များများနားထောင်တဲ့သူတစ်ယောက်နဲ့စကားပြောဖို ဝန်လေးတဲ့သူ ဘယ်သူမှမရှိပါဘူး။

  ☝️☝️☝️ဆိုတဲ့နည်းလမ်းတွေအပြင်
  🔎လူတွေရဲ့ ဟန်ပန်အမူအရာကိုအကဲခတ်နည်း
  💞ကိုယ်ချင်းစာတရားဟာဘယ်လိုအသုံးဝင်သလဲ
  🍞ပေါင်မုန့်အပိုင်းအစလေးတွေချပြီး စိတ်ဝင်စားအောင်စွဲဆောင်တဲ့နည်းလမ်းတွေ
  💓တူညီမှုတွေရဲ့ ရင်ဘတ်ချင်းဆက်နွယ်မှု ကရရှိမဲ့အကျိုး အစရှိတဲ့နည်းလမ်းတွေကို ခေါင်းစဉ်လေးတစ်ခုစီနဲ့ ခံစားရမှာပါ

  ကျွန်တော်တိုလူတွေမှာ ကိုယ့်ကိုကိုယ် သူများထက်ပိုပြီးအာရုံစိုက်တတ်တဲ့ မသိစိတ်က နေ့စဉ်လူမှုပတ်ဝန်းကျင်ဆက်ဆံရေးမှာဝှက်ဖဲတစ်ချပ်လို အမြဲတစေရှိနေတတ်ပါတယ်။ အနုပညာဆိုတဲ့အတိုင်း နှုတ်ခမ်းကထွက်တဲ့စကားသာမက ကိုယ်ဟန်အမူအရာ၊ အမူအကျင့်၊ လေယူလေသိမ်းတွေကအစရှင်းပြထားတဲ့ ဒီစာအုပ်ကလေးဟာ အမှောင်ထုကိုအလင်းပေးလိုက်သလို သင့်ကိုပတ်ဝန်းကျင်မှာ ကိုယ်ရောင်တောက်ပတဲ့လူတစ်ယောက်ဖြစ်အောင်စွမ်းဆောင်နိုင်ဖိုကူညီပေးမှာပါ။

  ⛵️စကားပြောကောင်းသူတစ်ယောက်ဖြစ်ချင်ရင် ဒါမှမဟုတ် လူတွေနဲ့စကားပြောဖို အခက်အခဲရှိနေတယ်လိုကိုယ့်ကိုကိုယ်ခံစားရရင် ဒီ စာအုပ်ကလေးနဲ့အတူ လူမှုဆက်ဆံရေး ပင်လယ်ပြင်ကြီးထဲမှာ ကျွမ်းကျင်တဲ့ captain တစ်ယောက်လို အမှားမုန်တိုင်းတွေ ကိုရှောင်ရှားပြီး သင်သွားချင်တဲ့ ရင်းနှီးမှုဆိပ်ကမ်းကို လွယ်လင့်တကူရောက်စေနိုင်တဲ့ နည်းလမ်း 92 ခုကို လက်တွေ့ အတူရှာဖွေကြည့်လိုက်ကြအောင်။

  Add to cart
• 

  Quick View

  How to Win Friends & Influence People

  21,500 Ks

  🪙လူတိုင်းက သူတိုဘဝမှာ အဓိက ဇာတ်ကောင်ပါပဲ🪙

  အချိန် ၂ လ‌ ကြာ ကိုယ့်အကြောင်းကို တစ်ဖက်လူ စိတ်ဝင်စားအောင် လုပ်ခြင်းထက် အချိန် ၂ ပတ်အတွင်း တစ်ဖက်သား အကြောင်းအရာကို စိတ်ဝင်စားခြင်းက မိတ်ဆွေ ပို ပေါများစေပါတယ်။

  💢You Can’t Win an Argument💢
  သူငယ်ချင်းတွေ အချင်းချင်းမှာလည်း အမြင်မတူမှုတွေ ရှိတတ်ပါတယ်။ လူတွေက မှန်တယ်၊ မှားတယ် ဆိုတာထက် သူတို အမြင်ကို ပိုပြီး အလေးနက် ထားပါတယ်။ တစ်ဖက်လူက ကိုယ်နဲ့ အမြင်မတူတဲ့ အခါမှာ မလိုအပ်တဲ့ အငြင်းပွားမှုတွေ ဖြစ်လာပါတယ်။ သူငယ်ချင်းတွေနဲ့ အငြင်းပွားမှု ဖြစ်တဲ့အခါမှာ ဘယ်သူပဲ နိုင်နိုင် နှစ်ဖက်စလုံးအတွက် မကောင်းပါဘူး။ နိုင်တဲ့သူဘက်က ကြည့်ရင် တစ်ဖက်လူရဲ့ စိတ်ဓာတ်ကို သေးသိမ်သွားအောင်၊ တစ်ဖက်လူရဲ့ မာန ကို ချိုးနှိမ်လိုက်ရတာပါ။ နောက်ဆုံးမှာတော့ သူငယ်ချင်းတစ်ယောက် ဆုံးရှုးရတာပဲ အဖက်တင်တယ်။

  ⛔️Never Tell a Man He is Wrong⛔️
  လူတစ်ယောက်ကို မှားတယ်လို ဘယ်တော့မှ မပြောမိပါစေနဲ့။ လူတိုင်း အမှားနဲ့ မကင်းပါဘူး။ မှားတယ်လို ပြောခံလိုက်ရတဲ့သူ ဘက်မှာ သူတိုရဲ့ မာနကို ထိပါး စော်ကားတယ်လို သတ်မှတ်ပြီး တန်ပြန် ပြောဆိုတတ်မိပါတယ်။
  တစ်ဖက်သူရဲ့ အမှားကို ထောက်ပြမယ့် အစား မေးခွန်းတွေ မေးပါ။ အခက်အခဲတွေကို ညှိနှိင်းပါ။ အဆင်ပြေအောင် ပြောဆို ဆွေးနွေဂပါ။

  🔎Ask Questions instead of Giving Orders🔎
  ကျွန်တော်တိုတွေက ခိုင်းစေခံရတာကို မကြိုက်ကြပါဘူး။
  အထူးသဖြင့် မိဘတွေနဲ့ ကလေးတွေကြားမှာ ဖြစ်လေ့ဖြစ်ထ ရှိတဲ့ကိစ္စလေး တစ်ခုကတော့။
  မိဘတွေက ကလေးတွေကို “ နင် ဒါ လုပ်စမ်း၊ ဟိုဟာ လုပ်လို မပြီးသေးဘူးလား၊ ဒါလေးတောင် ဖြစ်အောင် မလုပ်နိုင်ဘူးလား” စသဖြင့် ခိုင်းစေတတ်ကြပါတယ်။
  ကလေးတွေကတော့ စိတ်ဆိုးဒေါသဖြစ်ကြပြီး “မလုပ်တော့ ဘာဖြစ်လဲ” စသဖြင့် ကလန်ကဆန်လုပ် မုန့်လုံးစက္ကူကပ်ပြီး မိဘနဲ့ သားသမီးကြားမှာ စိတ်ဆိုးမှု တွေ ဖြစ်ကြပါတယ်။
  သင့် ပတ်ဝန်းကျင်မှာ “ကူညီပါ၊ ဝိုင်းကူပေးပါ၊ လုပ်ပေးလို ရနိုင်မလား” စတဲ့ စကားလုံးတွေကို ပြောင်းလဲ အသုံးပြုခြင်းအားဖြင့် မိတ်ဆွေ ပေါများလာပါမယ်။

  🆔️Remember Names🆔️
  နာမည်တွေကို မှတ်မိခြင်းက သင့်ကို လူချစ်လူခင် ပေါများစေဖို အဓိက အကြောင်းအရင်း တစ်ချက်ပါပဲ။

  🎣Talk in terms of Other’s Interests🎣
  ငါးမျှားတဲ့ ပြိုင်ပွဲတစ်ခုမှာပေါ့
  ပထမ လူက ငါးမျှားတဲ့ အခါ သူကြိုက်တတ်တဲ့ စတော်ဘယ်ရီတွေ၊ ချောကလက်တွေနဲ့ မျှားတယ်။
  ဒုတိယ လူကတော့ ငါးတွေ ကြိုက်မယ် ထင်တဲ့ တီကောင်တွေ နဲ့ မျှားတယ်။
  ဘယ်သူက အနိုင်ရမယ် ထင်လဲ?

  👬မိတ်ဆွေ ပေါများဖိုအတွက် အဓိက အချက်တစ်ချက်ကတော့ သူတို ကြိုက်နှစ်သက်တဲ့ အကြောင်းအရာတွေ ပြောဆိုဆွေးနွေးဖို ဖြစ်ပါတယ်။ ကိုယ့်အကြောင်းအရာတွေ ပြောနေရမှာ မဟုတ်ပါဘူး။
  အချိန် ၂ လ‌ ကြာ ကိုယ့်အကြောင်းကို တစ်ဖက်လူ စိတ်ဝင်စားအောင် လုပ်ခြင်းထက် အချိန် ၂ ပတ်အတွင်း တစ်ဖက်သား အကြောင်းအရာကို စိတ်ဝင်စားခြင်းက မိတ်ဆွေ ပို ပေါများစေပါတယ်။

  ⏰️75 နှစ်ကျော် အရောင်းရဆုံးစာရင်း၀င်စာအုပ်တွေထဲကအကောင်းဆုံးဖြစ်တဲ့ How to win friends and influence people နဲ့အတူ အပေါင်းအသင်းခြွေရံသင်းပင်း သိုက်သိုက်၀န်း၀န်းစုံစုံညီညီရှိတဲ့ ဘ၀မျိုးကိုပိုင်ဆိုင်ဖိုအသင့်ဖြစ်ပြီလား ?

  Add to cart
• 

  Quick View

  Limitless : Upgrade Your Brain, Learn Anything Faster, and Unlock Your Exceptional Life

  23,500 Ks

  မေ့တတ်တဲ့သူတစ်ယောက်ဆိုရင်

  Knowledge is Power ဆိုတာ မှန်သလား?

  နေ့တိုင်း စာအုပ်တွေ ဖတ်၊ Video တွေ Podcasts တွေ ကြည့်ပြီး လက်တွေ့ အသုံးမချနိုင်ရင် စာအုပ်ကြီး အတိုင်းဖြစ်ပြီး ပုံပြင်တွေ ပြောတတ်တဲ့ အဘိုးအိုကြီး တစ်ယောက်လိုပဲ ဖြစ်နေမှာပါ။

  သင်ယူနေတဲ့အရာတွေကို အကောင်းဆုံး အသုံးချနိုင်ခြင်းကသာလျှင် အမှန်တကယ် စစ်မှန်တဲ့ Power ဖြစ်တယ်။ “Jim Kwik”

  Elon Musk , Will Smith တိုက Jim Kwik ကို သူတိုရဲ့ Brain Coach အနေနဲ့ အားကိုးခဲ့တယ်။

  Jim Kwik က ကမ္ဘာ ‌ကျော် ဦးနှောဏ်တွေကို Train ပေးခဲ့တဲ့ သူတစ်ယောက်ပေါ့။

  Jim Kwik က ငယ်ငယ် က ဖြစ်ရပ်တစ်ခုကြောင့် ဦးနှောဏ်ထိခိုက်မှု ဖြစ်ခဲ့ပြီး စာ ဘယ်လိုမှ မလုပ်နိုင်တဲ့ လူငယ်တစ်ယောက်ဖြစ်ခဲ့တယ်။ နှစ်တွေ အကြာကြီး ဒုက္ခရောက်ပြီးတော့ နောက်ပိုင်းမှာ သူက ဦးနှောဏ်ရဲ့ အလုပ်လုပ်ပုံ အကြောင်းတွေကို အကောင်းဆုံး နားလည်လာခဲ့တယ်။ အဲ့ဒီနည်းလမ်းတွေပေါင်းပြီး Limitless စာအုပ်ဖြစ်လာခဲ့တယ်။

  စာအုပ်ထဲက အချက်တွေကတော့

  Upgrade your Mindset

  တစ်လောကလုံးမှာ လူ ၂ မျိုးပဲ ရှိတယ်။

  ” တစ်ခြားသူ ချမှတ်ထားတဲ့ ဘောင် ထဲမှာ နေတဲ့သူ”
  ” ကိုယ်ပိုင် ဘောင် ထဲမှာ လှောင်ပိတ်မိနေသူ”

  အောင်မြင်တဲ့ သူတွေက ဘယ်ထဲမှာ ပါမယ်ထင်လဲ?

  ဘယ်မှာမှ မပါဘူး။

  သူတိုက သူကို ကိုယ်ပိုင် ချမှတ်ထားတဲ့ စည်းဘောင်တွေကို ကျော်လွန်ပြီး သူတို မဖြစ်နိုင်ဘူးလို ထင်ခဲ့တဲ့ အရာတွေကို လက်တွေ့ အကောင်အထည် ဖော်နိုင်လိုပဲ။

  ကိုယ့်ကိုယ်ကို မကောင်းပြောပြီး လုပ်နိုင်မယ့်အရာတွေကို တားမြစ်တတ်တဲ့ Negative Self Talk တွေကို အရင် ဖျောက်ပါ။ မလုပ်နိုင်ဘူး ထင်တဲ့ စိတ်တွေကို ဖျောက်ပါ။ ကိုယ့်ကိုယ်ကို ခတ်ထားတဲ့ ဘောင်တွေထဲကနေ ရုန်းထွက်ပါ။

  Sustainable Motivation (PxExSSS)

  တစ်သမတ်တည်း ဖြစ်နေတဲ့ Motivation ရှိဖိုဆိုရင်
  Purpose ရှိရမယ်
  Energy ပြည့်နေရမယ်
  Small Simple Steps တစ်လှမ်းချင်းဆီ တစ်ခုချင်းဆီ စ လုပ်ရမယ်။
  ခုချက်ချင်း စလုပ်ရမယ့် အရာလေးတွေကို စဉ်းစားရမယ်။

  Upgrade Your Methods

  သင်ယူဖိုအတွက် နည်းလမ်း အသစ်တွေကို ရှာဖွေပါ။

  စာအုပ်ကတော့ သင့်ကိုယ်သင် ခတ်ထားတဲ့ ဘောင်တွေထဲကနေ သင့်ကို ခေါ်ထုတ်သွားမယ့် စာအုပ်ကောင်း တစ်အုပ်ဖြစ်ပါတယ်။
  Jim Kwik က သင့်ကိုယ်သင် မယုံကြည်ထားတဲ့ အောင်မြင်မှုတွေဆီကို ခေါ်ဆောင်သွားမှာ ဖြစ်လို သင်ယူရင်း ဖတ်လို ကောင်းတဲ့ စာအုပ်ကောင်း တစ်အုပ်ဖြစ်ပါတယ်။

  Add to cart
• 

  Quick View

  Never Split the Difference: Negotiating As If Your Life Depended On It

  19,500 Ks

  💵လစာတိုးပေးဖိုအထက်လူကြီးကိုဘယ်လိုညှိရမလဲ??

  ပထမဆုံးတွေးမိတဲ့အဖြေက “NO” လိုဆိုရင် ခင်ဗျားဟာ Negotiation ရဲ့ ပထမဆုံးသောအဆင့်ကိုစရောက်ပါပြီ။
  ဒါဆိုဘယ်လိုရှေ့ဆက်ကြမလဲ ???

  -> အဆင်ပြေမှာမဟုတ်ပါဘူး ဆိုပြီးဆက်မပြောတော့ပဲနေမှာလား😢
  -> ကိုယ်ဝင်ငွေတိုးပေးအောင်ညှိနှိင်း နိုင်မယ့် Skill ကိုရှာမလား 🧐

  🧠ဒီskill တွေကို စာရေးဆရာ Chris Voss ရေးတဲ့ Never Split the Difference ထဲမှာတွေ့နိုင်ပါတယ်
  ညှိနှိင်းဆွေးနွေးမှု ဆိုတာ ကျွန်တော်တိုရဲ့ အစိတ်အပိုင်းတစ်ခုပါ။ မနက်အိပ်ရာထပြီး မနက်စာဘာစားမလဲလိုစပြီးတိုင်ပင်တာကအစ အလုပ်မှာ အိမ်မှာ အမြဲတမ်းကျွန်တော်တိုလိုချင်တဲ့အရာတွေ ရရှိဖိုအတွက်အမြဲ တစ်စုံတစ်ယောက်နဲ့ တိုင်ပင်ကြရပါတယ်။

  နှစ်ဦးနှစ်ဖက်အဆင်ပြေတဲ့ညှိနှိင်းမှုအများစုမှာ ကျွန်တော်တိုဟာ ကိုယ့်လိုအပ်ချက်ကို လျော့ပေါ့ပြီးအလုပ်ဖြစ်အောင် အနစ်နာခံလိုက်ကြရတာများပါတယ်။ ကိုယ်လိုချင်တဲ့အရာအများစုကိုကိုယ့်လက်ထဲရောက်အောင်လုပ်နိုင်တဲ့ Negotiation Skill ကိုလူအနည်းစုသာ တတ်ကျွမ်းကြပါတယ်။

  ဒီ Negotiation Skill ကို ကျွမ်းကျင်ဖိုဒီစာအုပ်ထဲမှာဘာတွေပါလဲ ??
  🌻 Tactical Empathy
  🦻Active Listening
  🪞Mirroring
  🤔65 85 95 rule
  🏷Labeling
  ❓Calibrated Question စတဲ့ Skill တွေ
  ⛔️“NO” ဆိုတဲ့စကားလုံးရဲ့အရေးပါပုံ
  👌“Yes” ဆိုတဲ့ အဖြေသုံးမျိုး
  🗣Negotiator သုံးမျိုး အကြောင်း
  🦢စကားလုံးတွေထဲက Black Swan တွေနဲ့ သူတိုကို အသုံးချနည်းတွေ

  Business Owner တွေ ,Business Developmentလောကထဲက သူတွေ , Community နဲ့ Relationship Management လုပ်နေတဲ့သူတွေအပြင် ကိုယ်ပိုင်လုပ်ငန်းလုပ်နေတဲ့သူတွေ ဒီစာအုပ်ကိုဖတ်သင့်ပါတယ်။ အထူးသဖြင့် စီးပွားရေး၊ မိသားစုနဲ့ အလုပ်မှာ စကားပြောတာပိုအဆင်ပြေတဲ့ သူ၊ လူတွေနဲ့ ညှိနှိင်းမှု skill ကို Level Up လုပ်ချင်တဲ့သူတွေအတွက်တော့မရှိမဖြစ်ဆောင်ထားသင့်တဲ့ စာအုပ်တစ်အုပ်ပါ။

  Add to cart
• 

  Quick View

  Radical Candor: Be a Kick-Ass Boss Without Losing Your Humanity

  21,500 Ks

  “ငါ့ညီ အဆင်ပြေတဲ့တခြားနေရာတစ်ခုမှာ အလုပ်အသစ်ရှာတာကပိုအဆင်ပြေပါလိမ့်မယ်”
  အစမ်းခန့်သုံးလခန့်ပြီး Permanent assessment meeting ထဲမှာအသစ်ခေါ်ထားတဲ့ Manager လေးကိုကျွန်တော်ပြောလိုက်တဲ့စကားအဆုံးမှာ သူ့မျက်လုံးထဲက မျှော်လင့်ခြင်းတွေတစ်စစီပြိုလဲသွားတာကို မြင်လိုက်ရတယ်။ လေးလံတဲ့ခြေလှမ်းတွေနဲ့ Meeting ခန်းထဲကထွက်သွားတဲ့ သူ့နောက်ကျောကိုမြင်ရပေမယ့် စိတ်ထဲဘာမှမခံစားရသလိုပဲ။
  “ငါမကောင်းဆိုးဝါးတစ်ကောင်ဖြစ်နေပြီလား ?” ဆိုတဲ့အတွေးတစ်ခု အဲ့နေ့ညမှာ ကျွန်တော့်ခေါင်းထဲဝင်လာတယ်။ ဒီအတွေးတွေရဲ့အနောက်ကိုလိုက်ရင်း အဖြေရှာမတွေ့တဲ့ညတစ်ညကုန်ဆုံးပြီးတဲ့နောက်နေ့မှာ Bossကိုဒီမေးခွန်းကိုပဲပြန်မေးခွန်းထုတ်တော့ ရိုးရှင်းတဲ့အဖြေတစ်ခုကိုသူပြန်ပေးတယ်။
  “Did you try your best not to fire him?”
  “သူ့ကိုအလုပ်မထုတ်ရဖိုအတွက် မင်းအကောင်းဆုံးကြိုးစားပြီးသွားပြီလား?”
  Boss ရဲ့ဒီမေးခွန်းက ကျွန်တော့်ကို အဖြေတွေအများကြီးပေးခဲ့တယ်။ အလုပ်ရဲ့လိုအပ်ချက်အရ ထိရောက်မှု (Efficiency) ကို ဦးစားပေးရတာနဲ့၊ လူသားတစ်ယောက်အနေနဲ့ တစ်ဖက်သားရဲ့ ခံစားချက်ကို နားလည်စာနာမှု (Empathy) ပေးရတာ – ဒီနှစ်ခုကြားမှာ ခေါင်းဆောင်တစ်ယောက်အနေနဲ့ ဘယ်လို ချိန်ဆရမလဲဆိုတာ အဖြေမရှိတဲ့ ပုစ္ဆာတစ်ပုဒ်လိုပဲ။ စကားတစ်ခွန်းကိုပြောချင်ပေမယ့် တစ်ဖက်သားနာကျင်သွားမှာ စိုးရိမ်ပြီးမပြောပဲနဲ့ ထိန်ချန်ထားရာကနေ နောက်ဆုံးဖုံးမနိုင်ဖိမရတော့မှ အရမ်းဆိုးရွားတဲ့အခြေအနေကိုရောက်သွားတဲ့ ခံစားချက်မျိုးကို ခေါင်းဆောင်တိုင်းခံစားခဲ့ရဘူးတယ်။
  ဒါဆို လိုအပ်တဲ့စကားကို တစ်ဖက်သားစိတ်မထိခိုက်ရအောင်ဘယ်လိုပြောမလဲ?
  လူတစ်ယောက်ကို စိတ်ရင်းနဲ့ ဂရုစိုက်ပြီး (Care Personally)၊ တစ်ချိန်တည်းမှာပဲ လိုအပ်တဲ့ မှန်ကန်တဲ့ စကားကိုလည်း တည့်တည့်ပြောဖို(Challenge Directly)။ ဒီနှစ်ခုပေါင်းစပ်ထားတဲ့ ‘Radical Candor’ ကမှ ခေါင်းဆောင်တစ်ယောက်အတွက် အကောင်းဆုံး ဆက်သွယ်ပြောဆိုမှုပုံစံဖြစ်တယ်။
  Kim Scott ရဲ့ Alex ဇာတ်လမ်း ဟာ ခေါင်းဆောင်တွေရဲ့ လူသားဆန်မှုနဲ့ အလုပ်ပြီးမြောက်မှုကြားက ရုန်းကန်မှုတွေ၊ အထူးသဖြင့် စိတ်မကောင်းဖြစ်မှာစိုးလို အားနည်းချက်ကို မပြောဘဲ ထိန်ချန်ထားရာကနေ ပိုဆိုးရွားတဲ့အခြေအနေကို ရောက်သွားရတဲ့အကြောင်း (Ruinous Empathy) တွေကို Radical Candor နဲ့ ဘယ်လိုဖြေရှင်းနိုင်လဲဆိုတာကို ရှင်းပြထားပါတယ်။
  လူတွေကိုစီမံခန့်ခွဲနေရတဲ့သူတွေအတွက် ဒီစာအုပ်က မဖတ်မဖြစ်ဖတ်ကိုဖတ်ရမယ့်စာအုပ်တစ်အုပ်ထဲပါပါတယ်။
  အလုပ်ပြီးမြောက်မှု (Efficiency) နဲ့ ကိုယ်ချင်းစာမှု (Empathy) နှစ်ခုလုံးပေါင်းစပ် နိုင်တဲ့အရည်အချင်းရှိတဲ့ခေါင်းဆောင်တစ်ယောက်အတွက် တိုးတက်မှုဟာ မလွဲမသွေရောက်ရှိလာမှာပါ။ မှန်တာကို စိတ်ရင်းနဲ့ အားမနာပဲ ဂရုစိုက်မှုရှိစွာ ပြောနိုင်တဲ့အခါ လူသားဆန်မှု (humanity) ကို မဆုံးရှုးဘဲ ပိုမိုခိုင်မာပြီး အောင်မြင်တဲ့ အဖွဲအစည်းတွေကို ဖန်တီးနိုင်တဲ့ ခေါင်းဆောင်တစ်ယောက်သင်ကိုယ်တိုင်ဖြစ်လာပါလိမ့်မယ်။

  Add to cart
• 

  Quick View

  Surrounded by Bad Bosses (and Lazy Employees): How to Stop Struggling, Start Succeeding, and Deal with Idiots at Work

  21,500 Ks

  🤫Boss တွေအကြောင်းအတင်းပြောကြရအောင်

  😱ဘောစိက အဆင်မပြေတာလား ?
  🤡လုပ်ဖော်ကိုင်ဘက်တွေကအသုံးမကျတာလား ?
  🧑‍💼Management ကပဲ တလွဲတွေဖြစ်နေတာလား ?

  ⛔️ပထမဆုံးအနေနဲ့⛔️
  ဒီစာအုပ်ကို အလုပ်ကိုမယူသွားပါနဲ့
  ဖတ်နေကြောင်းလည်းဘယ်သူ့မှမပြောပါနဲ့

  ဒီစာအုပ်ကလေးကို အတိုချုံးပြောရရင်
  💡Thickness နဲ့ Thinness ကို Understood ပါ ( အထူအပါးနားလည်ပါလိုပြောတာ )
  အမြဲဆူပူကြိမ်းမောင်းနေတဲ့ Boss တစ်ယောက်ရဲ့အောက်မှာအလုပ်လုပ်ရတာအဆင်မပြေသလို၊ အစွမ်းအစမရှိတဲ့ အလုပ်သမားတွေကြောင့်လည်းခေါင်းကိုက်နေရတဲ့ Boss တွေအများကြီးရှိပါတယ်။ လုပ်ငန်းခွင်မှာ ခေါင်းဆောင်ကောင်းကိုမျှော်နေမဲ့ အစား မိမိကိုယ်တိုင် ခေါင်းဆောင်ဖြစ်အောင် လူတွေကိုဘယ်လိုစီမံခန့်ခွဲမလဲ ? လုပ်ငန်းရဲ့လိုအပ်ချက်တွေကိုဖြည့်ပေးနိုင်ဖိုအတွက် ကောင်းမွန်သော လုပ်ငန်းခွင်ပတ်ဝန်းကျင်ကိုဖန်တီးယူဖို အတွက် လူတွေရဲ့အကြောင်းကိုသိဖို အထူအပါးကိုနားလည်နိုင်အောင်လုပ်ရပါမယ်။

  ☠️အဆိပ်အတောက်တွေကိုဖယ်ရှားပါ။
  တာ၀န်တွေလွှချတာ ဘတ်စကတ်ဘောပုတ်တဲ့သူတွေနဲ့ ဝေးဝေးနေပါ။ လုပ်ငန်းခွင်မှာ အလုပ်များပြီးအလုပ်ပိလို ပင်ပန်းတာဟာ ကုန်းတိုက်ချောက်တွန်းတဲ့ လုပ်ဖော်ကိုင်ဘက်တွေ ကြားမှာနေရတာထက်အများကြီးသက်သာပါတယ်။ အရေးကြီးတဲ့အချက်တစ်ခုက လူတိုင်းဟာကိုယ့်အတွက်ကိုယ်လုပ်နေကြတယ်ဆိုတာကိုမမေ့ပါနဲ့။ ကိုယ့်အလုပ်တိုင်းကို Record မှတ်၊ ကိုယ့်ကြိုးစားမှုတွေကို သက်သေပြနိုင်အောင်ကြိုးစားပြီး ကြီးတဲ့အမှုငယ်အောင် ငယ်တဲ့အမှုပပျောက်အောင်လုပ်ဆောင်ရပါမယ်။

  🛣ကိုယ့်ဘ၀လမ်းကိုကိုယ်တိုင်စဉ်းစားပါ။
  လူရယ်လိုဖြစ်လာကတည်းက အလုပ်လုပ်ရမှာပါပဲ။ မိမိနေ့စဉ်လုပ်နေတဲ့အလုပ်ဟာ ဘ၀အတွက်အထောက်အကူဖြစ်ရဲ့လားဆိုတာစဉ်းစားရပါမယ်။ “မင်းအခုလုပ်နေတဲ့အလုပ်က နောက်ငါးနှစ်မှာမင်းဘ၀အတွက်အထောက်အကူမဖြစ်ရင် အလုပ်ပြောင်းဖိုသာပြင်၊ မပြောင်းနိုင်ရင် ကိုယ်ပိုင် အလုပ်ရအောင်လုပ်” ဆိုတဲ့စကားတစ်ခွန်းကို ကျွန့်တော့်မိတ်ဆွေတစ်ယောက်ကပြောဖူးပါတယ်။ လကုန်ရင် လစာထုတ်ဖို ထက် လကုန်တိုင်း ငါဘာပညာရလဲ နောင်တစ်ချိန်မှာ ဒီပညာတွေဟာ ကိုယ့်အတွက်ဘယ်လိုအကျိုးဖြစ်မလဲဆိုတာကို အမြဲစဉ်းစားရပါမယ်။

  📖DISC Model ကိုအခြေခံပြီး လုပ်ငန်းမှာတွေ့ကြုံရမယ့် လူတွေရဲ့အကြောင်းနဲ့ သူတိုနဲ့ လိုက်လျောညီထွေစွာ ထက်အောင်ဘယ်လိုပညာသားပါပါနဲ့ ဆက်ဆံရမလဲဆိုတာကို စာရေးဆရာ Thomas Erikson က ဒီစာအုပ်မှာ ရိုးရိုးရှင်းရှင်း ရေးသားထားပါတယ်။ Workplace Communication တိုးတက်ချင်သူတွေ၊ ဝန်ထမ်းရေးရာစီမံခန့်ခွဲသူတွေ၊ အကြီးတန်း Senior Manager တွေ နဲ့ လုပ်ငန်းပိုင်ရှင်တွေ workforce managment တိုးတက်စေဖိုအတွက် ဖတ်ကိုဖတ်သင့်တဲ့စာအုပ်ကလေးတစ်အုပ်လည်းဖြစ်ပါတယ်။

  Add to cart
• 

  Quick View

  Talk Like TED: The 9 Public-Speaking Secrets of the World’s Top Minds

  19,500 Ks

  လူတွေ “WOW” ဆိုပြီးဖြစ်အောင် စကားပြောဖို နည်းလမ်း ၇ ခု

  1.သာမာန်စကားလုံးတွေထက် လူတွေရဲ့အာရုံကိုဖမ်းစားနိုင်တဲ့သန်မာတဲ့စကားလုံးတွေနဲ့စတင်ပါ။
  “ကျွန်တော်ဒီနေ့ပြောမဲ့အကြောင်းအရာက ယုံကြည်မှုဖြစ်ပါတယ် ” ဆိုတဲ့စကားလုံးတွေနဲ့စတင်ပြီးအချိန်မဖြုန်းမဲ့အစား
  “ယုံကြည်မှုဆိုတာဝယ်ယူလိုမရဘူး တည်ဆောက်ရတဲ့အရာဖြစ်တယ်” ဆိုတဲ့စကားတွေဟာ လူတွေကိုအာရုံစိုက်စေပါတယ်။

  2.စကားတိုတိုပြောပါ။
  ရှည်လျားထွေပြားတဲ့စကားတွေကိုလူတွေမမှတ်မိပါဘူး။
  လိုအပ်တဲ့စကားကိုပဲအဓိကပြောပါ။

  3.ဇာတ်လမ်းကောင်းတစ်ခုတည်းကိုပြောပါ။
  လူတွေရဲ့ခံစားချက်ကိုထိမိစေတဲ့ ဇာတ်လမ်းတစ်ခုဟာ ပေါက်ကရဇာတ်လမ်း ဆယ်ခုထက်ပိုကောင်းပါတယ်။

  4.တူနဲ့ထုလိုက်သလိုခံစားစေရမယ့်အမှန်တရားတစ်ခုကိုအသုံးချပါ။
  “ဒါအမှန်ပဲ” လိုလူတွေကိုခံစားစေရမယ့် အရာတစ်ခုကိုထုတ်ပြပါ။
  ဥပမာ – “ငါတိုမှာအချိန်မရှိတာမဟုတ်ဘူး အရေးမပါတဲ့အရာတွေကိုအာရုံစိုက်မိနေတတ်တာ”

  5.ရိုးရှင်းတဲ့စကားလုံးတွေနဲ့စကားပြောပါ။
  လူတွေနားမလည်တဲ့စကားလုံးကြီးတွေသုံးလို သင့်ကိုအထင်ကြီးမှာမဟုတ်ပါဘူး။
  ထက်မြတ်ပြတ်သားပြီးနားလည်လွယ်တဲ့စကားလုံးတွေနဲ့ စကားပြောပါ။

  6.သက်ရောက်မှုအတွက် ခေတ္တရပ်ပါ။
  သက်ရောက်မှုအမြင့်ဆုံးဖြစ်စေဖိုအတွက် အရေးကြီးတဲ့စကားလုံးတွေကိုပြောခါနီးတိုင်း‌ ခေတ္တရပ်တန့်ပါ။ သင့်ရဲ့တိတ်ဆိတ်မှုပေါ်လူတွေအာရုံစိုက်ပါစေ။

  7.”ပြီးပါပြီ”ဆိုတာနဲ့အဆုံးမသတ်ပါနဲ့
  လူတွေရင်ထဲကျန်စေမယ့်စကားလုံးတွေနဲ့အဆုံးသတ်ပါ။ သင်စကားပြောပြီးတဲ့နောက်သူတိုရင်ထဲမှာအတွေးတစ်စကျန်ခဲ့ပါစေ။

  Add to cart
• 

  Quick View

  The Concise Laws of Human Nature

  19,500 Ks

  လူတိုင်းက မင်းလိုရိုးသားမယ်လို။
  မင်းယုံကြည်နေတုန်းပဲလား ?? 😔💔

  “လောကကြီးကတရားမမျှတတာမဟုတ်ဘူး လူတွေအကြောင်းမင်းမသိသေးတာပါ”

  🙏 မင်းယုံကြည်ခဲ့တယ်။
  🙂မင်းနားလည်မှုတွေ ပေးခဲ့တယ်။
  🤗မင်းကြင်နာမှုတွေ ရှိခဲ့တယ်။
  😇မင်းလို လူကောင်းတစ်ယောက်ဖြစ်လိမ့်မယ်လို တွေးခဲ့တယ်။
  🛡ရိုးသားမှုက မင်းကို ကာကွယ်ပေးမယ်လို ယုံခဲ့တယ်။

  ဒါပေမယ့်…
  အဆုံးသတ်မှာ မင်းပဲ နာကျင်ရတယ်။
  လူတွေရဲ့ လှည့်စားမှု၊ သစ္စာဖောက်မှုတွေ ကို သံသယမရှိဘဲ သတိမမူမိပဲ မင်းပဲခံစားခဲ့ရတယ်။ 🔪
  ဘာကြောင့်လဲ???
  နောက်လှည့်ကြည့်လိုက်တော့ သင့်ကိုယ်သင် မသနားမိဘူးလား?🥺

  သင့်စိတ်ထဲမှာ
  🔸လူတွေက “သင့်လိုကြင်နာတတ်မယ်”လိုထင်ခဲ့တယ်။
  🔸လူတွေက “သင့်လိုနားလည်မှုပေးတတ်မယ်”လိုထင်ခဲ့တယ်။
  🔸လူတွေက “သင့်လိုယုံကြည်မယ်”လိုထင်ခဲ့တယ်။
  တကယ်တော့သူတို ဟာသင်တွေးထားသလိုမဟုတ်ခဲ့ဘူး။

  “The greatest danger is not the enemy you can see.
  It’s the enemy you refuse to see.”
  “ မင်းမြင်ရတဲ့ အန္တရာယ်တွေထက် မင်းမြင်ဖိုငြင်းဆန်တဲ့ အန္တရာယ်ဟာ ပိုကြီးမားတယ်”

  သင်သတိမထားမိတဲ့
  ▫️အပြုံးတွေရဲ့ အနောက်က မနာလိုဝန်တိုမှုတွေ
  ▫️ချီးမွမ်းစကားတွေရဲ့အနောက်က လှည့်စားဖိုအကွက်တွေ
  ▫️ဒေါသရဲ့ဖုံးကွယ်ထားတဲ့ အနောက်က အားနည်းချက်တွေ
  ▫️တိတ်ဆိတ်မှုရဲ့နောက်ကွယ်က အုံပုန်းဒေါသတွေအပြင်
  ▫️လူတွေရဲ့ရင်ထဲက Shadow လိုခေါ်တဲ့အမှောင်ထုရဲ့အကြောင်း ကိုနားလည်ဖိုမကြိုးစားရင် Chess ခုံပေါ်ကနယ်ရုပ်လေးတစ်ရုပ်လို သူများရွှေ့တဲ့အကွက်ထဲပဲလိုက်မျောပါနေရမှာပါ။

  ဒါဆိုဘာလုပ်မှာလဲ ?🤔
  သင့်ဘ၀ကို လူရွှင်တော်တစ်ယောက်လို တခြားသူတွေ ရယ်မောစရာအဖြစ်ခံမလား ?
  ပရိသတ်ထောင်ပေါင်းများစွာရဲ့ လက်ခုပ်သံတွေကြားထဲမှာ အောင်ပွဲခံမလား ?

  သင်မမြင်ရအောင်တားဆီးထားတဲ့ ကန့်သတ်ချက်တွေကို ဒီစာအုပ်လေးနဲ့အတူ ရိုက်ချိုးပြီး လူတွေရဲ့အကြောင်း သင့်အသိဉာဏ်တံခါး အလင်းဖွင့်လိုက်ပါ။

  Add to cart