The Winner Effect: The Science of Success and How to Use It

Name: The Winner Effect: The Science of Success and How to Use It
SKU: 1066
Availability: BackOrder

23,500 Ks

🏆The Winner Effect : အနိုင်ရခြင်းတွေရဲ့သော့ချက်၊ အောင်နိုင်မှုရဲ့ပြယုဂ်တစ်ခု🏆

“ချမ်းသာတဲ့သူတွေကဆက်တိုက်ချမ်းသာနေကြပြီး ဆင်းရဲတဲ့သူတွေကဆက်တိုက်ဆင်းရဲနေကြတယ်” ဆိုတဲ့စကားကို လက်ခံသလား ?🤔
Henry Ford ရဲ့“Whether you think you can, or you think you can’t – you’re right,” “မင်းလုပ်နိုင်လိုပဲတွေးတွေး၊မင်းမလုပ်နိုင်ဘူးလိုပဲတွေးတွေး ၊ မင်းတွေးတာမှန်တယ်” ဆိုတဲ့စကားတစ်ခွန်းဟာ ကျွန်တော်တိုရဲ့စိတ်သဘောထားတွေပေါ်မူတည်ပြီး အောင်မြင်မှုနဲ့ ရှံးနိမ့်တဲ့သူတွေရဲ့ကွာခြားမှုကိုမြင်သာစေပါတယ်။ “ငါလုပ်နိုင်တယ်၊ ရအောင်လုပ်မယ်”ဆိုတဲ့စိတ်ခံစားချက်နဲ့ ကျော်ဖြတ်ခဲ့တဲ့အခက်အခဲတွေကိုပြန်တွေးကြည့်ရင် ဒီ Winner Effect ရဲ့အကျိုးသက်ရောက်မှုကိုလက်တွေ့သိဖူးမှာပါ။

🔑ဒါဆိုဒီအရာရဲ့သော့ချက်ကဘာလဲ?

⬆️သင့်ကိုယ်သင် အောင်မြင်တယ်လိုထင်သလား ?
⬇️ရှုးနိမ့်နေတယ်လိုထင်သလား ? ထင်မြင်ချက်ပေါ်မူတည်ပြီး သင့်စိတ်ပိုင်းဆိုင်ရာသာမက ရုပ်ပိုင်းဆိုင်ရာပြောင်းလဲမှုတွေဟာ ဦးနှောက်မှာရှိတဲ့ အာရုံကြောလေးတွေအထိပြောင်းလဲနေပါတယ်။ အောင်မြင်မှုဟာ ပိုမိုအောင်မြင်မှုကိုယူဆောင်လာပေးတဲ့အကြောင်းကို ဇီ၀ဗေဒအရပြောင်းလဲမှုဖြစ်ပေါ်နေတဲ့အကြောင်းကို Ian H. Robertson က The Winner Effect ထဲမှာ လက်တွေ့စမ်းသပ်မှုတွေရရှိလာတဲ့ ဖြေရှင်းချက်တွေနဲ့အတူရှင်းပြထားပါတယ်။

🧠🏆အနိုင်ရမှုနဲ့ ဦးနှောက်ရဲ့လုပ်ဆောင်ချက် ( The Winner Effect and Brain’s Functions)
စမ်းသပ်ချက်တစ်ခုမှာ ကြွက်နှစ်ကောင် ( မှတ်လိုလွယ်အောင် ကြွက် A နဲ့ ကြွက် B ) ကိုလှောင်အိမ်ထဲထည့်ထားပြီး အနိုင်ရအောင် အချင်းချင်း တိုက်ခိုက်စေပါတယ်)။ကြွက် B ကိုအားနည်းအောင် ပြုလုပ်ထားပြီး ကြွက် A ကိုအနိုင်ရအောင်စမ်းသပ်ချက်ကိုဖန်တီးထားပါတယ်။ အနိုင်ရသွားတဲ့ ကြွက် A ဟာ နောက်ထပ်လာတဲ့ တိုက်ခိုက်မှုတွေမှာလည်း အနိုင်ရတဲ့အခွင့်အရေးပိုများတဲ့ အကြောင်းကိုရှာဖွေတွေ့ရှိပြီး Winner Effect နဲ့ဆက်နွယ်မှုကိုရှင်းပြထားပါတယ်။
အနိုင်ရမှုကိုခံစားလိုက်ရတာနဲ့ တပြိုင်နက် ဦးနှောက်က Testosterone နဲ့ Dopamine ကိုပိုမိုထုတ်လွှတ်ပေးပြီး ယုံကြည်မှုကိုတိုးမြှင့်စေတာကြောင့် နောက်ထပ် စိန်ခေါ်မှုတွေအတွက်ပိုမို ယုံကြည်မှုတိုးတက်တဲ့အကြောင်းကို
*Dopamine ပိုများလာရင် = ယုံကြည်မှုပိုများလာတယ်*
*ယုံကြည်မှုပိုများလာရင် = ပိုပြီးစွန့်စားရဲလာတယ်*
*ပိုပြီးစွန့်စားရဲရင်= အနိုင်ရဖိုပိုများလာတယ်* ဆိုတဲ့ Formula လေးကိုတွေ့ရမှာပါ။
ရှုးနိမ့်မှုကိုခံစားမိတဲ့သူတွေအတွက်တော့ ဒီ Testosterone နဲ့ Dopamine ရရှိမှုနည်းသွားတဲ့အတွက် ယုံကြည်မှုနည်းပါးသွားပြီး နောက်ထပ်စိန်ခေါ်မှုတွေကိုအနိုင်ရဖို ခက်ခဲသွားကြပါတယ်။

⚡️🏃‍♂️အောင်မြင်မှု အဟုန်ရဲ့အကျိုးသက်ရောက်မှု ( The Momentum Effect )
အနိုင်ရခြင်း ရဲ့ အကျိုးသက်ရောက်မှုဟာ လှေကားထစ်တွေလိုပါပဲ။ အပေါ် တစ်လှမ်းတက်နိုင်လိုက်တိုင်း နောက်တစ်လှမ်းထပ်တက်ဖိုပိုမိုလွယ်ကူတဲ့ အဟုန်ကိုခံစားရတဲ့အကြောင်းကို တွေ့ရမှာပါ။ အနိုင်ရမှုတိုင်းကို သင့်ကိုယ်သင်ယုံကြည်မှုရဲ့ အခြေခံအုတ်မြစ်အဖြစ်ခံယူပြီးတည်ဆောက်ပါ။ ဒါက စွမ်းဆောင်ရည် အတွက် သက်သေသာဓကတွေအနေနဲ့ သင်ရဲ့ ယုံကြည်မှုကိုတိုးပွားစေပါလိမ့်မယ်။
ဥပမာ- သင်က မနက်စောစောထဖိုကြိုးစားတယ်။ပုံမှန် 7:00 AM မှာအိပ်ရာထတာကနေ၊ ပထမရက်မှာ 6:45 AM မှာ အိပ်ရာထတယ်။ ဒါဟာ သင့်ကိုယ်သင် အနိုင်ရခြင်းပဲ။ သင်အိပ်ရာထနိုင်တယ်ဆိုတာ ကို ပိုမိုယုံကြည်တဲ့အတွက် နောက်တစ်နေ့မှာ ဒီထပ်ပိုစောပြီး အိပ်ရာထနိင်လာတယ်။ တစ်ပတ်လောက်ကြာတဲ့အခါမှာ မနက်ခြောက်နာရီအိပ်ရာထတယ်ဆိုတာဟာ သင့်အတွက် ပုံမှန်လိုပဲခံစားရတော့တယ်။
ဒါပေမယ့် ဒီ Momentum effect ဟာ ကောင်းကျိုးရောဆိုးကျိုးရော သက်ရောက်မှုရှိပါတယ်။ သင်ဟာ အရှံးသမားတစ်ယောက်လိုခံစားပြီးတော့ ငါမလုပ်နိုင်ဘူးဆိုတဲ့ အရာကို အုတ်မြစ်အဖြစ်တည်ဆောက်နေရင်တော့ ဆန့်ကျင်ဘက် အကျိုးသက်ရောက်မှုတွေဖြစ်ပြီး အောင်မြင်မှုလှေကားပေါ်ကနေ အောက်ကို ဖြည်းဖြည်းချင်းရောက်သွားမှာပါ။

💀🏆အနိုင်ရခြင်းရဲ့ ကျိန်စာ ( The Curse of Winner Effect )
ဘယ်အရာမဆို တန်ဆေးလွန်ဘေးဆိုသလို အနိုင်ရမှုကပေးတဲ့ ဆိုးကျိုးအပြစ်တွေလည်းရှိပါတယ်။ သိသာအထင်ရှားဆုံးကတော့ မိမိကိုယ်ကို ယုံကြည်မှုလွန်ကဲလွန်း (Overconfidence) ဖြစ်လာတာပါ။ လေ့လာမှုတွေအရ အသက်ငယ်ငယ်နဲ့အောင်မြင်မှုရတဲ့ လူတွေဟာ မိမိကိုယ်ကိုကိုယ် ယုံကြည်မှုလွန်ကဲပြီးရူးသွပ်တဲ့ ဆုံးဖြတ်ချက်တွေကြောင့် ကျရှုးရတဲ့သင်ခန်းစာတွေကိုပြောပြထားပါတယ်။ စာအုပ်ထဲမှာ ငယ်ငယ်ရွယ်ရွယ်နဲ့ အောင်မြင်မှုရလာတဲ့ Mike Tyson ဟာ သူ့ရဲ့ စွမ်းဆောင်နိုင်မှုကို အထင်ကြီးပြီး ဆုံးဖြတ်ချက်အမှားတွေပြုလုပ်ခဲ့တဲ့အတွက် Buster Douglas ကို 1990မှာရှုးနိမ့်ခဲ့ပြီး ချန်ပီယံဘွဲကိုလက်လွှတ်ခဲ့ရပါတဲ့အကြောင်းကိုဥပမာအနေနဲ့ပြောပြထားပါတယ်။ ဒါနဲ့တင်မကပဲ ဒီကျိန်စာကလွတ်မြောက်ဖိုမကြိုးစားတာကြောင့် 2003 ခုနှစ်မှာ Mike Tyson ဟာ ဒေဝါလီခံခဲ့ရဖူးပါတယ်။

အနိုင်ရမှုရဲ့ကျိန်စာတွေဖြစ်တဲ့
ယုံကြည်မှုလွန်ကဲခြင်း- အထင်ကြီးလွန်ပြီး ဆုံးရှုးမှုကို မချိန်ဆပဲ တဇွတ်ထိုးလုပ်မှုနဲ့
အားစိုက်ထုတ်မှုလျော့နည်းခြင်း – အရာရာကိုလွယ်ကူတယ်ထင်ပြီး ကြိုးစားမှုလျော့ကျလာတာတွေမဖြစ်အောင် မိမိကိုယ်ကိုအကြိမ်ကြိမ်ဆင်ခြင်သုံးသပ်ပြီး လိုက်လျောညီထွေဖြစ်စွာနေထိုင်ရပါမယ်။

💪😎4. Winner Effect ကိုကျွမ်းကျင်ပိုင်နိုင်စွာအသုံးချနည်း
Winner Effect ရဲ့ မာယာကျော့ကွင်းထဲကို မကျရောက်ပဲ ကျွမ်းကျင်ပိုင်နိုင်မှုအပြည့်နဲ့ဘယ်လိုအသုံးချမလဲ?
🎯အောင်မြင်မှုတွေအားလုံးအတွက် ဂုဏ်ပြုပါ- အပြုသဘောဆောင်တဲ့ လုပ်ငန်းစဉ်တိုင်းကိုကျေနပ်ဖိုအတွက် သေးငယ်သောအောင်မြင်မှုလေးတွေကစပြီး ဂုဏ်ပြုတတ်တဲ့အကျင့်ကိုမွေးမြူပါ။
🎯စိန်ခေါ်မှုနဲ့နေထိုင်ပါ – အသစ်အဆန်းတွေကိုကြိုက်နှစ်သက်တဲ့သင့်ဦးနှောက်အတွက် သင့်ကန်သတ်ချက်တွေကိုကျော်လွန်တဲ့ စိန်ခေါ်မှုတွေအမြဲဖန်တီးပါ။
🎯လူသားဆန်ပါ – အောင်မြင်မှုရဲ့ လိုအပ်ချက်တွေကို သေချာဆန်းစစ်ပါ။ Winning ဟာ Perfection မဟုတ်ပါဘူး။
🎯ရှုးနိမ့်မှုကသင်ခန်းစာယူပါ – ရှုးနိမ့်မှုတွေဟာအဆုံးသတ်မဟုတ်ပါဘူး။ သင်အနိုင်ရဖိုအတွက် ပြင်ဆင်ဖိုအခွင့်အလမ်းတစ်ခုလိုမှတ်ယူပါ။

💡အကြံပြုချက်-ညစဉ်အိပ်ခါနီးတိုင်း ဒီနေ့အတွက် သင့်အနိုင်ရမှု သုံးခုကိုစာအုပ်ထဲချရေးပါ။ ဒါကသင့်ဦးနှောက်ကိုအောင်မြင်မှုကိုရှာဖွေဖိုမျှော်လင့်ချက်တွေကိုနေ့စဉ်ပေးစွမ်းပါလိမ့်မယ်။

☀️ပြောင်းလဲမှုတစ်ခုကိုတည်ဆောက်တိုင်းကျွန်တော်တိုဟာ Physical Change နဲ့ Mental Change ကိုအာရုံစိုက်ပြီးပြောင်းလဲဖိုစိတ်အားထက်သန်ကြပါတယ်။ Ian Robertson ရဲ့ The Winner Effect ဟာ Neurological Change ကိုတည်ဆောက်ဖိုနဲ့ ဦးနှောက်ရဲ့ Build in system တွေကို အကောင်းဆုံးအသုံးချနိုင်ဖိုအတွက်ရေးသားထားတဲ့စာအုပ်တစ်အုပ်ဖြစ်ပါတယ်။ အနိုင်ရမှုဆိုတာ တခဏတာခံစားရတဲ့ Dopamine ထက်ပိုတဲ့အကြောင်းနဲ့ဒီအနိုင်ရမှုတွေကိုစနစ်တကျထပ်ဆင့်တည်ဆောက်နိုင်ဖိုအတွက် လက်တွေ့အသုံးဝင်တဲ့သော့ချက်တွေကို အံ့အားသင့်လောက်အောင် လေ့လာဖတ်ရှုရမှာမှာဖြစ်ပါတယ်။

ကဲဒါဆို သင်ရော အနိုင်ရဖိုအတွက်အဆင်သင့်ဖြစ်ပြီလား ?
The Winner Effect ကိုအခုပဲမှာယူပြီး သင့်ဦးနှောက်ရဲ့ကန့်သတ်ချက်ကို ရိုက်ချိုးလိုက်ပါ။

Available on backorder