Attached: The New Science of Adult Attachment and How It Can Help You Find-and Keep-Love

Related products

• 

  Quick View

  The Way of The Superior Man: A spiritual guide to mastering the challenges of women, work and sexual desire

  19,500 Ks

  ပထမဆုံးပြောချင်တာက စာအုပ်က ခက်ထန်တယ်၊ကြမ်းတမ်းတယ်။ ဖတ်နေရင်းနဲ့ အရှိက်ကိုအထိုးခံရသလို “Oof” ဆိုပြီးခံစားရမယ်။
  ဒီစာအုပ်ကလေးနဲ့အတူ မင်းရဲ့အရင်ကတလွဲအမှားတွေကို ခနဲ့တဲ့တဲ့ရယ်မောလိမ့်မယ် ပြီးတော့မှ စာအုပ်ကိုပိတ် မျက်နှာကျက်ကိုကြည့်ပြီး “ငါဒါတွေ အရင်ကဘာကြောင့်နားမလည်ခဲ့တာလဲ” လိုတွေးလိမ့်မယ်။
  ဒါကကြီးမားတဲ့အခက်အခဲတစ်ခုတော့မဟုတ်ပါဘူး။ သင့်ရဲ့လိုအပ်ချက်ကိုကိုယ်တိုင်သိရှိနားလည်ခြင်းဟာ အနာဂတ်မှာတည်ဆောက်မဲ့ တိုးတက်မှုတွေအတွက် မျိုးစေ့တစ်ခုဖြစ်ပါတယ်။

  Why Men love B*** စာအုပ်ကို မိန်းမကျမ်းလိုခေါ်ရင် The Way of The Superior Man က ယောင်္ကျားကျမ်းလိုပြောလိုရပေမယ့် တိုးတက်မှုကိုလိုချင်သူ တွေအားလုံးအတွက်သင့်လျော်ပါတယ်။လိုင်းပေါ်က SIGMA Male တွေ၊ ALPHA Male တွေအစား တကယ်တန်ဖိုးရှိတဲ့ Superior Manတစ်ယောက်ဖြစ်အောင် ကျင့်ကြံနေထိုင်ဖို လမ်းစဉ်တွေကို မီးမောင်းထိုးပြထားတဲ့စာအုပ်တစ်အုပ်လည်းဖြစ်ပါတယ်။ဒီစာအုပ်ဟာ စာမျက်နှာပေါ်ကစာလုံးတွေထက် အံ့အားသင့်မှု၊ ဝမ်းသာမှု၊ ဝမ်းနည်းမှုတွေနဲ့ပြည့်နှက်နေတဲ့ခရီးတစ်ခုလိုခံစားရမှာပါ။

  သင့်ရဲ့
  😨အကြောက်တရားကိုသတ္တိရှိရှိရင်ဆိုင်နိုင်ဖို
  🎯ဘ၀ရည်မှန်းချက်ကို ရဲရဲဝံ့ဝံ့ချမှတ်နိင်ဖို
  🤝အဓိပ္ပါယ်ရှိတဲ့ပေါင်းသင်းဆက်ဆံရေးတွေတည်ဆောက်နိုင်ဖိုနဲ့
  🧘‍♂️စစ်မှန်တဲ့လူတစ်ယောက်ဖြစ်ဖို အတွက် ဒီစာအုပ်မှာ ဘာသင်ခန်းစာတွေပါမလဲ?

  🥅ဘ၀ဟာ အဓိပ္ပါယ်မရှိတာမဟုတ်ပါဘူး သင့်မှာရည်ရွယ်ချက်ရှိမနေတာပါ။
  ရည်ရွယ်ချက်မရှိပဲနေထိုင်တာဟာ အဓိပ္ပါယ်မရှိပဲအသက်ရှင်နေတာနဲ့အတူတူပဲဆိုတာကို စာရေးဆရာကပြောပြထားပါတယ်။ အခုချိန်မှာ သင့်မှာရည်ရွယ်ချက်မရှိသေးဘူးဆိုရင် ဒီအရာကသင့်အရှိက်ကိုအထိုးခံရသလိုခံစားစေရမယ့်အကောင်းဆုံးအပိုင်းတစ်ခုလည်းဖြစ်တယ်။သင့်ရဲ့ ပျော်ရွှင်မှု၊ အလုပ်၊ ပေါင်းသင်းဆက်ဆံရေးတွေအကုန်လုံးဟာ ရည်ရွယ်ချက်ဆိုတာမရှိရင် အရာအားလုံးဟာ အလဟဿဖြစ်သလိုအမြဲခံစားနေရမှာပါ။
  ခဏရပ်ပြီးစဉ်းစားကြည့်ရအောင် 🤔
  -သင်လိုချင်တဲ့အရာတစ်ခုအတွက် ရည်ရွယ်ချက်တစ်ခုကိုပေးဆပ်ရင်း ဘ၀ရဲ့အဓိပ္ပါယ်ကိုရှာမလား ?
  -သင်မလိုချင်တဲ့အရာပေါင်းမြောက်များစွာအတွက် ရည်ရွယ်ချက်မရှိပဲ လေလွင့်မှုထဲမှာ အချိန်ဖြုန်းမလား ?

  💫အားနည်းချက်ဟာ ပျော့ညံ့မှုမဟုတ်ဘူး
  HOD တစ်ယောက်အနေနဲ့ ကျွန်တော် ကုမ္မဏီအလုပ်လုပ်ခဲ့စဉ်က Chairman ပြောခဲ့တဲ့ “ If you’re too strong, no one would dare to help you and you’ll be all alone in your strength. If you’re vulnerable, everyone wants to help you”
  “မင်းအရမ်း သန်မာလွန်းရင် မင်းကိုဘယ်သူမှကူညီကြမှာမဟုတ်ပဲနဲ့ မင်းရဲ့သန်မာမှုထဲမှာပဲမင်းအထီးကျန်ရလိမ့်မယ်။ မင်းရဲ့အားနည်းချက်ကိုပြရင် မင်းကိုကူညီမယ့်လူတွေပေါ်လာလိမ့်မယ်” ဆိုတဲ့စကားကိုအခုအချိန်ထိ ကျွန်တော်မှတ်မိနေသေးတုန်းပါ။ Relationship တစ်ခုတည်ဆောက်တဲ့အချိန်၊ Team building လုပ်တဲ့အချိန်တွေမှာ မိမိရဲ့အားနည်းချက်ကိုဖြည့်ဆည်းပေးနိုင်တဲ့သူတွေရှိနေဖိုလိုအပ်ပါတယ်။ သင့်ရဲ့အားနည်းချက်ကို လက်မခံပဲကာကွယ်ဖိုအတွက် အကာအရံတွေအထပ်ထပ်ကာရံထားခြင်းဟာ စစ်မှန်တဲ့သင့်ကိုနေရာမှန်ရောက်စေဖို အတားအဆီးတစ်ခုဖြစ်နေပါလိမ့်မယ်။

  ⚡️ယောင်္ကျားစွမ်းအင် နဲ့မိန်းမ စွမ်းအင်နှစ်ခုရဲ့အစွန်းနှစ်ခု
  David Deida က ယောင်္ကျားစွမ်းအင် (Masculine Energy) နဲ့ မိန်းမစွမ်းအင် (Feminine Energy) နှစ်ခုကို လောကကြီးကိုသာတူညီမျှဖြစ်နေအောင်ဖန်တီးပေးနေတဲ့စွမ်းအင် နှစ်ခုအနေနဲ့ပုံဖော်ထားပါတယ်။ ယောင်္ကျားစွမ်းအင် (Masculine Energy) ဟာ ရည်ရွယ်ချက်ရှိမှု၊အာရုံစူးစိုက်မှုနဲ့ စနစ်တကျဖြစ်မှုအတွက်တည်ရှိနေသလို မိန်းမစွမ်းအင် (Feminine Energy) ဟာလည်း တီထွင်မှု၊ အလှတရားနဲ့ စိတ်ခံစားမှုတိုအတွက်လုပ်ဆောင်ပေးတာဖြစ်ပါတယ်။ဒါဟာ ယောင်္ကျားမိန်းမခွဲခြားမှုမဟုတ်ပဲနဲ့ ပြီးပြည့်စုံတဲ့လူတစ်ယောက်ဖြစ်ဖို သဘာ၀ကတီထွင်ပေးလိုက်တဲ့ စွမ်းအင်နှစ်ခုကို စိန်ခေါ်မှုတွေနဲ့ရင်ဆိုင်ဖို၊ တီထွင်ဖန်တီးဉာဏ်တွေကိုဖွင့်ဟဖိုနဲ့ မိမိကိုယ်ကိုလက်ခံနိုင်ဖို အရေးကြီးတဲ့စွမ်းအင်နှစ်ခုပါ။

  🐉အကြောက်တရားဟာ သင့်ရဲ့ရန်သူမဟုတ်ဘူး
  ကျွန်တော်တိုနဲ့မရင်းနှီးတဲ့ပြဿနာ၊ အတွေ့အကြုံမရှိဖူးတဲ့ အခက်အခဲမျိုးနဲ့ကြုံမိရင် အကြောက်တရားကိုခံစားမိတာဟာ သဘာ၀ပါ။ ကြောက်စိတ်က သင်တန်ဖိုးထားတဲ့အရာတွေနဲ့ သင့်ရဲ့ လုံခြုံမှုအတွက် စိတ်မချနိုင်သေးဘူးဆိုတာကိုပြတာဖြစ်တယ်။ ဒါကို သင့်ကိုယ်ပိုင်ကန့်သတ်ချက်ရဲ့ဘောင်တစ်ခုလိုမြင်ရင် သင်တိုးတက်နေတာ၊ ထပ်မံတိုးတက်ဖို အခွင့်အရေးတွေရှိနေသေးတယ်ဆိုတာကို ကြောက်စိတ်ကမြင်အောင်ပြပေးနေတာဖြစ်ပါတယ်။ ကြောက်စိတ်ကိုရှောင်ပြေးမဲ့အစား ရဲရင့်တဲ့ စိတ်ဓာတ်ခွန်အား “ငါဒါကိုကျော်ဖြတ်နိုင်တယ်” ဆိုတဲ့စိတ်နဲ့ရှေ့ဆက်ပါ။ ဒီစိတ်ကိုနားလည်အောင်လုပ်ပါ။သူ့ရဲ့သင်ခန်းစာတွေကိုလေ့လာမှတ်သားပါ။ မုန်တိုင်းတွေအကုန်ကျော်ဖြတ်ပြီးသွားတဲ့အချိန်မှာ တိုက်လာတဲ့လေပြေအေးအေးလေးတွေက သင့်နှလုံးသားကို အနှောင်အဖွဲတွေကလွတ်မြောက်စေပါလိမ့်မယ်။

  💖တကယ်ကိုလေးနက်ခိုင်မာတဲ့နှလုံးသားနဲ့တန်ဖိုးရှိတဲ့လူတစ်ယောက် တကယ်ဖြစ်ချင်ပြီဆိုရင်ဒီစာအုပ်ကလေးကသင့်ကို တန်ဖိုးရှိတဲ့သင်ခန်းစာတွေအများကြီးပေးပါလိမ့်မယ်။ ပေါ့ပျက်ပျက်စာလုံးတွေအစား ယောင်္ကျားကောင်းတစ်ယောက်အနေနဲ့ ဦးဆောင်နိုင်သူဖြစ်ဖိုအတွက်လိုအပ်တဲ့နည်းစနစ်တွေနဲ့ လိုက်နာရမယ့်ကျင့်စဉ်တွေ ပါဝင်တဲ့ ဒီစာအုပ်ကလေးနဲ့အတူ အံကိုကြိတ်၊ ခေါင်းကိုမော့ပြီး ဘ၀ရဲ့အခက်အခဲတွေကိုရဲရင့်စွာရင်ဆိုင်လိုက်ပါ။

  Add to cart
• 

  Quick View

  Surrounded by Bad Bosses (and Lazy Employees): How to Stop Struggling, Start Succeeding, and Deal with Idiots at Work

  21,500 Ks

  🤫Boss တွေအကြောင်းအတင်းပြောကြရအောင်

  😱ဘောစိက အဆင်မပြေတာလား ?
  🤡လုပ်ဖော်ကိုင်ဘက်တွေကအသုံးမကျတာလား ?
  🧑‍💼Management ကပဲ တလွဲတွေဖြစ်နေတာလား ?

  ⛔️ပထမဆုံးအနေနဲ့⛔️
  ဒီစာအုပ်ကို အလုပ်ကိုမယူသွားပါနဲ့
  ဖတ်နေကြောင်းလည်းဘယ်သူ့မှမပြောပါနဲ့

  ဒီစာအုပ်ကလေးကို အတိုချုံးပြောရရင်
  💡Thickness နဲ့ Thinness ကို Understood ပါ ( အထူအပါးနားလည်ပါလိုပြောတာ )
  အမြဲဆူပူကြိမ်းမောင်းနေတဲ့ Boss တစ်ယောက်ရဲ့အောက်မှာအလုပ်လုပ်ရတာအဆင်မပြေသလို၊ အစွမ်းအစမရှိတဲ့ အလုပ်သမားတွေကြောင့်လည်းခေါင်းကိုက်နေရတဲ့ Boss တွေအများကြီးရှိပါတယ်။ လုပ်ငန်းခွင်မှာ ခေါင်းဆောင်ကောင်းကိုမျှော်နေမဲ့ အစား မိမိကိုယ်တိုင် ခေါင်းဆောင်ဖြစ်အောင် လူတွေကိုဘယ်လိုစီမံခန့်ခွဲမလဲ ? လုပ်ငန်းရဲ့လိုအပ်ချက်တွေကိုဖြည့်ပေးနိုင်ဖိုအတွက် ကောင်းမွန်သော လုပ်ငန်းခွင်ပတ်ဝန်းကျင်ကိုဖန်တီးယူဖို အတွက် လူတွေရဲ့အကြောင်းကိုသိဖို အထူအပါးကိုနားလည်နိုင်အောင်လုပ်ရပါမယ်။

  ☠️အဆိပ်အတောက်တွေကိုဖယ်ရှားပါ။
  တာ၀န်တွေလွှချတာ ဘတ်စကတ်ဘောပုတ်တဲ့သူတွေနဲ့ ဝေးဝေးနေပါ။ လုပ်ငန်းခွင်မှာ အလုပ်များပြီးအလုပ်ပိလို ပင်ပန်းတာဟာ ကုန်းတိုက်ချောက်တွန်းတဲ့ လုပ်ဖော်ကိုင်ဘက်တွေ ကြားမှာနေရတာထက်အများကြီးသက်သာပါတယ်။ အရေးကြီးတဲ့အချက်တစ်ခုက လူတိုင်းဟာကိုယ့်အတွက်ကိုယ်လုပ်နေကြတယ်ဆိုတာကိုမမေ့ပါနဲ့။ ကိုယ့်အလုပ်တိုင်းကို Record မှတ်၊ ကိုယ့်ကြိုးစားမှုတွေကို သက်သေပြနိုင်အောင်ကြိုးစားပြီး ကြီးတဲ့အမှုငယ်အောင် ငယ်တဲ့အမှုပပျောက်အောင်လုပ်ဆောင်ရပါမယ်။

  🛣ကိုယ့်ဘ၀လမ်းကိုကိုယ်တိုင်စဉ်းစားပါ။
  လူရယ်လိုဖြစ်လာကတည်းက အလုပ်လုပ်ရမှာပါပဲ။ မိမိနေ့စဉ်လုပ်နေတဲ့အလုပ်ဟာ ဘ၀အတွက်အထောက်အကူဖြစ်ရဲ့လားဆိုတာစဉ်းစားရပါမယ်။ “မင်းအခုလုပ်နေတဲ့အလုပ်က နောက်ငါးနှစ်မှာမင်းဘ၀အတွက်အထောက်အကူမဖြစ်ရင် အလုပ်ပြောင်းဖိုသာပြင်၊ မပြောင်းနိုင်ရင် ကိုယ်ပိုင် အလုပ်ရအောင်လုပ်” ဆိုတဲ့စကားတစ်ခွန်းကို ကျွန့်တော့်မိတ်ဆွေတစ်ယောက်ကပြောဖူးပါတယ်။ လကုန်ရင် လစာထုတ်ဖို ထက် လကုန်တိုင်း ငါဘာပညာရလဲ နောင်တစ်ချိန်မှာ ဒီပညာတွေဟာ ကိုယ့်အတွက်ဘယ်လိုအကျိုးဖြစ်မလဲဆိုတာကို အမြဲစဉ်းစားရပါမယ်။

  📖DISC Model ကိုအခြေခံပြီး လုပ်ငန်းမှာတွေ့ကြုံရမယ့် လူတွေရဲ့အကြောင်းနဲ့ သူတိုနဲ့ လိုက်လျောညီထွေစွာ ထက်အောင်ဘယ်လိုပညာသားပါပါနဲ့ ဆက်ဆံရမလဲဆိုတာကို စာရေးဆရာ Thomas Erikson က ဒီစာအုပ်မှာ ရိုးရိုးရှင်းရှင်း ရေးသားထားပါတယ်။ Workplace Communication တိုးတက်ချင်သူတွေ၊ ဝန်ထမ်းရေးရာစီမံခန့်ခွဲသူတွေ၊ အကြီးတန်း Senior Manager တွေ နဲ့ လုပ်ငန်းပိုင်ရှင်တွေ workforce managment တိုးတက်စေဖိုအတွက် ဖတ်ကိုဖတ်သင့်တဲ့စာအုပ်ကလေးတစ်အုပ်လည်းဖြစ်ပါတယ်။

  Add to cart
• 

  Quick View

  Talk Like TED: The 9 Public-Speaking Secrets of the World’s Top Minds

  19,500 Ks

  လူတွေ “WOW” ဆိုပြီးဖြစ်အောင် စကားပြောဖို နည်းလမ်း ၇ ခု

  1.သာမာန်စကားလုံးတွေထက် လူတွေရဲ့အာရုံကိုဖမ်းစားနိုင်တဲ့သန်မာတဲ့စကားလုံးတွေနဲ့စတင်ပါ။
  “ကျွန်တော်ဒီနေ့ပြောမဲ့အကြောင်းအရာက ယုံကြည်မှုဖြစ်ပါတယ် ” ဆိုတဲ့စကားလုံးတွေနဲ့စတင်ပြီးအချိန်မဖြုန်းမဲ့အစား
  “ယုံကြည်မှုဆိုတာဝယ်ယူလိုမရဘူး တည်ဆောက်ရတဲ့အရာဖြစ်တယ်” ဆိုတဲ့စကားတွေဟာ လူတွေကိုအာရုံစိုက်စေပါတယ်။

  2.စကားတိုတိုပြောပါ။
  ရှည်လျားထွေပြားတဲ့စကားတွေကိုလူတွေမမှတ်မိပါဘူး။
  လိုအပ်တဲ့စကားကိုပဲအဓိကပြောပါ။

  3.ဇာတ်လမ်းကောင်းတစ်ခုတည်းကိုပြောပါ။
  လူတွေရဲ့ခံစားချက်ကိုထိမိစေတဲ့ ဇာတ်လမ်းတစ်ခုဟာ ပေါက်ကရဇာတ်လမ်း ဆယ်ခုထက်ပိုကောင်းပါတယ်။

  4.တူနဲ့ထုလိုက်သလိုခံစားစေရမယ့်အမှန်တရားတစ်ခုကိုအသုံးချပါ။
  “ဒါအမှန်ပဲ” လိုလူတွေကိုခံစားစေရမယ့် အရာတစ်ခုကိုထုတ်ပြပါ။
  ဥပမာ – “ငါတိုမှာအချိန်မရှိတာမဟုတ်ဘူး အရေးမပါတဲ့အရာတွေကိုအာရုံစိုက်မိနေတတ်တာ”

  5.ရိုးရှင်းတဲ့စကားလုံးတွေနဲ့စကားပြောပါ။
  လူတွေနားမလည်တဲ့စကားလုံးကြီးတွေသုံးလို သင့်ကိုအထင်ကြီးမှာမဟုတ်ပါဘူး။
  ထက်မြတ်ပြတ်သားပြီးနားလည်လွယ်တဲ့စကားလုံးတွေနဲ့ စကားပြောပါ။

  6.သက်ရောက်မှုအတွက် ခေတ္တရပ်ပါ။
  သက်ရောက်မှုအမြင့်ဆုံးဖြစ်စေဖိုအတွက် အရေးကြီးတဲ့စကားလုံးတွေကိုပြောခါနီးတိုင်း‌ ခေတ္တရပ်တန့်ပါ။ သင့်ရဲ့တိတ်ဆိတ်မှုပေါ်လူတွေအာရုံစိုက်ပါစေ။

  7.”ပြီးပါပြီ”ဆိုတာနဲ့အဆုံးမသတ်ပါနဲ့
  လူတွေရင်ထဲကျန်စေမယ့်စကားလုံးတွေနဲ့အဆုံးသတ်ပါ။ သင်စကားပြောပြီးတဲ့နောက်သူတိုရင်ထဲမှာအတွေးတစ်စကျန်ခဲ့ပါစေ။

  Add to cart
• 

  Quick View

  12 Rules for Life : An Antidote to Chaos by Jordan B Peterson

  29,500 Ks

  🚦ပရမ်းပတာဖြစ်ခြင်းတွေကိုရှောင်ရှားနိုင်ဖို ဖြေဆေး ၁၂ ချက်🚦

  🦞ကျောက်ပုဇွန်တွေအကြောင်း
  💪ကြိုးစားရုန်းကန်မှုရဲ့အဓိပ္ပါယ်
  📅အစီအစဉ်မကျမှုတွေကိုထိန်းချုပ်နိုင်မှု
  😈အကြောက်တရားကိုရင်ဆိုင်ခြင်း
  👨‍👩‍👧‍👦ဘ၀ရဲ့ အဓိပ္ပါယ်နဲ့ အမှန်တရားရဲ့ဆိုလိုရင်း စတဲ့ အရာတွေကို ဒီစာအုပ်ထဲမှာရှာတွေ့နိုင်ပါတယ်

  📊Chaos လိုခေါ်တဲ့အစီအစဉ်မကျတာ မမျှော်လင့်ထားတာတွေဖြစ်လာတာ ပရမ်းပတာဖြစ်တဲ့အရာတွေဟာ ကျွန်တော်တိုပတ်ဝန်းကျင်မှာ အစဉ်အမြဲဖြစ်နေပါတယ်။ ကိစ္စတစ်ခု Project တစ်ခုအတွက် အများကြီးပြင်ဆင်ထားပြီး အနားနီးတော့မှပေါက်တတ်ကရတွေထဖြစ်တာမျိုးတွေ အားလုံးကြုံခဲ့ကြုံနေကျဆဲ ဖြစ်နေတုန်းပါ။ ဒီလိုအထိန်းအကွပ်မရှိတဲ့ Chaos ကိုကျွန်တော်တိုရင်ဆိုင်နိုင်တဲ့နည်းတွေကို စာရေးဆရာ Dr. Jordan Peterson ရဲ့ 12 Rules for Life စာအုပ်ထဲကအချက်ကလေးတွေကို ဒီ Post မှာ Share ပေးထားပါတယ်

  1. 💪Stand up straight with your shoulders back💪
  ခါးဆန့် ရင်ကော့ပြီး ခန့်ခန့်ငြားငြားမတ်မတ်တပ်ရပ်ပါ

  ကိုယ်နေဟန်ထားဟာ စိတ်သဘောထားနဲ့မှန်တစ်ချပ်လိုဒွန်တွဲနေတာကို ကျွန်တော်တိုသတိပြုမိမှာပါ။ ဥပမာ ရိုသေရမယ့်လူ ( မိဘ, ဘုန်းကြီး) စတဲ့ သူတွေရှေ့ရောက်ရင် အလိုလို ကိုယ်ကျုံသွားသလိုပေါ့ ။
  ကျွန်တော်တိုတွေရဲ့ Body Language ကစကားလုံးတွေထက် စကားအများကြီးပြောပါတယ်. ကျောကိုဆန့်ရင်ကိုဖွင့်ပြီး မတ်တပ်ရပ်နေတဲ့လူတစ်ယောက်ရဲ့ confidence, Responsibility နဲ့ Capability ကိုစကားပြောစရာမလိုပဲနဲ့ Automatic ကျွန်တော်တိုသိနိုင်ပါတယ်။ လူတွေနဲ့ဆက်ဆံတဲ့အချိန် မှာ ယုံကြည်ရတဲ့ Body Posture ကိုအသုံးပြုပြီးတာဝန်ယူနိုင်မှုကိုပြသနိုင်ခြင်းဟာ ကျွန်တော်တိုအတွက် အခွင့်အလမ်းသစ်တွေအများကြီးရနိုင်စေပါတယ်။

  2. 🚑Treat yourself like someone you’re responsible for helping🚑
  သင့်ကိုယ်သင် ကူညီပေးဖို တာဝန်ရှိသူတစ်ယောက်လို ဆက်ဆံပါ။

  တစ်ရက် ခင်ဗျားမွေးထားတဲ့ အချစ်ဆုံးခွေးလေးနေမကောင်းဖြစ်တယ်လိုဆိုကြပါစို။ သူအဖျားသက်သာဖို ချက်ချင်းဆေးခန်းပြေး၊ ကြက်ပေါင်းတွေတိုက် ဆေးဝယ် လုပ်ကြတယ်မဟုတ်လား ။ သင်ကိုယ်တိုင်နေသိပ်မကောင်းတဲ့အချိန်ကျရင်ရော သင်ဘာလုပ်သလဲ ? Paracetamol လေးသောက်လိုက်ရင်သက်သာသွားမှာပါဆိုပြီး နေကြတာများပါတယ်။ လေ့လာချက်တွေအရ ကျွန်တော်တိုဟာ ကိုယ့်ကိုယ်ကိုထက် အိမ်မွေးတိရစ္ဆာန်လေးတွေကိုပိုဂရုစိုက်တတ်ကြတာတွေ့ရှိရပါတယ်တဲ့။ ကျန်းမာခြင်းဟာလာဘ်တစ်ပါးဆိုသလို ကိုယ့်ကိုယ်ကို ဂရုစိုက်ဖို ကျွန်တော်တိုလိုအပ်ပါတယ်

  3. 🤝Make friends with people who want the best for you 🤝
  မိမိရဲ့အကောင်းဆုံးကိုလိုလားတဲ့သူတွေနဲ့အပေါင်းအသင်းလုပ်ပါ

  အပေါင်းအသင်းမိတ်ဆွေတွေတိုင်းက မတူပါဘူး ကောင်းတဲ့မိတ်ဆွေတွေရှိသလို သင့်ကိုဖျက်ဆီးဖိုကြိုးစားတဲ့ အယောင်ဆောင်မိတ်ဆွေတွေလည်း လောကကြီးထဲမှာရှိပါတယ်။ မိတ်ဆွေစစ် မိတ်ဆွေကောင်းကိုရှာဖွေဖိုကလည်းကျွန်တော်တို ရဲ့ တာဝန်တစ်ခုလို ဂရုစိုက်ရမှာပါ။

  4.🏃‍♂️Compare yourself to who you were yesterday, not to who someone else is today🏃‍♂️
  ဒီနေ့ရဲ့ တစ်စုံတစ်ယောက်နဲ့မပြိုင်ပါနဲ့ သင့်ကိုယ်သင် မနေ့ကသင်ကိုယ်တိုင်နဲ့နှိင်းယှဉ်ပါ,

  ဘယ်သူ့နဲ့မှယှဉ်ဖိုမကြိုးစားပါနဲ့ မိမိကိုယ်ကိုယ်သာနှိင်းယှဉ်ပါ။
  “ ဟိုတစ်ယောက်က ဘယ်မှာအလုပ်လုပ်တာ “ “ သူက ဘာဘွဲရထားတာလေ “ ဆိုတဲ့စကားလုံးတွေကြားဖူးကြမှာပါ။ အချိုစကားလုံးတွေဆိုရင် ငယ်စဉ်ကတည်းကကြားလွန်းလို ကျွန်တော်တိုဘ၀မှာ Trauma တွေတောင်ဖြစ်နေပြီမဟုတ်လား။ ဒါပေမယ့်ဘ၀ကိုဖြတ်သန်းရင်းရင့်ကျက်လာတာနဲ့အမျှ ကျွန်တော်တိုမှာ ကိုယ့်ဘာသာကိုယ်ပဲပြန်နှိင်းယှဉ် ရပါမယ်
  တစ်ပတ်ကို 1%ပဲ တိုးတက်အောင်ကြိုးစားရင် 71 ပတ်ကြာတဲ့အချိန်မှာ ကျွန်တော်တို စတဲ့အချိန်ကနေ 2 ဆ ပိုမိုကျွမ်းကျင်တဲ့သူတစ်ယောက်ဖြစ်နေမှာပါ

  5. 👪Do not let your children do anything that makes you dislike them👪
  မင်းရဲ့သားသမီးကို မင်းကိုယ်တိုင်မကြိုက်စေမဲ့အရာတွေကိုမလုပ်မိပါစေနဲ့

  ပထမဆုံး ဒီ Rule ကိုကြားတာနဲ့ပြန်ရမယ့်အဖြေက “ ကျွန်တော့်မှာသားသမီးမရှိပဲ ဒါကိုဘယ်လိုလုပ်မှာလဲ “ ဆိုတာပါပဲ
  မိဘတစ်ယောက်ရဲ့ တာဝန်၀တ္တရားဟာအရမ်းကြီးပြီးခက်ခဲပါတယ်။ ကိုယ့်သားသမီးက ကိုယ်မကြိုက်တဲ့အရာတွေလုပ်နေတာကို လက်ခံပြီးဆက်လုပ်ခွင့်ပေးလိုက်ရင် ဒီကလေးဟာပတ်ဝန်းကျင်နဲ့ဝင်ဆန့်ဖိုတစ်သက်လုံးခက်ခဲသွားမှာအမှန်ပါပဲ။ အတွေ့အကြုံရှိတဲ့ မိဘတစ်ယောက်လိုမျိုး လူတစ်ယောက်အနေနဲ့ကျွန်တော်တိုအောက်ကလူတွေကို အမှားမလုပ်ပဲ အမှန်ပြုနိုင်အောင် ဖေးမပေးဖိုကျွန်တော်တိုလိုအပ်ပါတယ်။

  6. 🏠Set your house in perfect order before you criticize the world🏠
  ကမ္ဘာကြီးကိုမဝေဖန်ခင် ကိုယ့်အိမ်ကိုအရင်စနစ်တကျဖြစ်အောင်ထားပါ

  မင်မင်ကြားဖူးတဲ့စကားပုံတစ်ခုရှိတယ် “ လူတိုင်းက ကိုယ့်အိမ်နဲ့ပတ်ဝန်းကျင်ကိုအမြဲသန့်ရှင်းရေးလုပ်နေရင် တစ်ကမ္ဘာလုံးအမှိက်ကောက်ဖိုလိုမှာမဟုတ်ဘူး “။ လူတွေက အကြောင်းအရာတစ်ခုခုကိုမြင်လိုက်ရင် အရင်ဆုံးဝေဖန်ဖို နဲ့ ဆရာကြီးလုပ်ဖို ပထမဆုံးတွေးတတ်ကြပါတယ် ။ မဝေဖန်ခင် မှာ ကိုယ့်အကြောင်းကိုယ်အရင်တွေးပြီး တိုးတက်အောင်လုပ်ဖိုကြိုးစားပါ။ စနစ်တကျစည်းကမ်းတကျ ဖြစ်တဲ့ မိမိကိုယ်ကိုမွေးမြူပါ။

  7.🦉Pursuit what is meaningful (Not what is expedient)🦉
  အဆင်ပြေတဲ့အရာနောက်ကို မလိုက်ပါနဲ့ အဓိပ္ပါယ်ရှိတဲ့ အရာကိုသာလုပ်ပါ

  လောကကြီးကတရားလိုက်တာတို ဘ၀ဆိုတာပျော်ပျော်နေဖိုဖြစ်လာတာ တိုဆိုတဲ့စကားတွေကိုဘယ်သူမှပြောလေ့ပြောထမရှိကြပါဘူး၊ စာရေးသူ Jorden Petersonက သူ့ရဲ့အမြင်ကို “ ဘ၀ဆိုတာပျော်ရွှင်ဖိုမဟုတ်ဘူး ဘ၀ဆိုတာအဓိပ္ပါယ်ရှိဖို” ဆိုပြီး ရေးသားထားပါတယ်။ ကိုယ့်ကိုယ်ကို ပြန်ဆန်းစစ်ကြည့်လိုက်ပါ။ ကျွန်တော်တိုတွေ ငွေကြေးချမ်းသာမှု၊ပျော်ရွှင်မှု၊ အသိအမှတ်ပြုခံရမှု စတဲ့ အရာတွေနောက်လိုက်ပြီးကုန်ခဲ့တဲ့အချိန်တွေ ဘယ်လောက်တောင်များနေပြီလဲ ? အဓိပ္ပါယ်ရှိတဲ့ အလုပ်ကို စလုပ်ဖို အခုအချိန်က အကောင်းဆုံးမဟုတ်လား ?

  8. ✔️Tell the truth or at least don’t lie✔️
  အမှန်ကိုပြောပါ။ အနည်းဆုံးတော့ မလိမ်ပါနဲ့

  ယုံကြည်မှုဟာ တည်ဆောက်ရဖိုခက်သလောက် ပျက်စီးသွားဖိုအရမ်းလွယ်ကူပါတယ်။အလုပ်မှာပဲဖြစ်စေ မိသားစု(သို)လူမှုပတ်ဝန်းကျင်မှာပဲဖြစ်စေ အမြဲလိမ်ညာဖိုကြိုးစားနေတဲ့လူတစ်ယောက်ဟာ ဘယ်တော့မှလူရာဝင်ဆန့်မှာမဟုတ်ပါဘူး။ အဆင်မပြေမှုတစ်ချိုရှိနိုင်ပေမယ့် အမှန်တရားကိုပြောရဲတဲ့ သတ္တိဟာအခက်အခဲအများစုကို ကျော်ဖြတ်နိုင်တဲ့သော့ချက်တစ်ခုဖြစ်ပါတယ်။

  9. 👂Assume that the person you are listening to might know something you don’t 👂
  မင်းနားထောင်နေတဲ့သူက မင်းမသိတဲ့အရာတစ်ခုခုကိုသိနေတယ်လို ယူဆပါ။

  “I know that I know nothing” ဆိုတဲ့စကားဟာ Socrates ပြောခဲ့တဲ့ထဲက အကျော်ကြားဆုံးစကားတစ်ခုဖြစ်ပါတယ်။ အရာအားလုံးကို ငါသိငါတတ်ဆိုပြီး ကိုတတ်ပ လုပ်ရင် ကျွန်တော်တိုအတွက် အတွေးအမြင်သစ်တွေ Idea အသစ်တွေရဖိုပိုခက်ခဲပါတယ်။ ကျွန်တော်တိုရဲ့ပြည့်နေတဲ့ခွက်ကို သွန်ချလိုက်ပါ။ အာရုံစိုက်ပြီးနားထောင်နိုင်တဲ့ Skillset တစ်ခုဟာ ကျွန်တော်တိုကိုယ်တိုင်မွေးမြူရမဲ့အရာတစ်ခုဖြစ်ပါတယ်10. 🗣️Be precise in your speech🗣️
  တိတိကျကျစကားပြောပါ

  စကားလုံးတွေဟာ ဓားထက်ပိုထက်ပြီးထိရောက်မှုပိုရှိပါတယ်။ ကျွန်တော်တိုခေါင်းထဲမှာရှိတဲ့စကားလုံးတွေကို အစီအစဉ်တကျမတွေးပဲ ခံစားချက်တွေအတိုင်းပြောမိတဲ့အခါမှာ ခုတ်ရာတခြားရှရာတလွဲဖြစ်တဲ့ အတွေ့အကြုံတွေ ကျွန်တော်တိုအားလုံးမှာကိုယ်စီရှိကြပါတယ်။ စကားလုံးတွေအများကြီးလျှောက်ပြောပြီး ဘာကိုဆိုလိုမှန်းမသိတဲ့အရာကိုရွေးချယ်မလား ? စကားလုံးနည်းနည်းနဲ့ကျွန်တော်တိုပြောချင်တဲ့ အရာကိုတိတိကျကျပြောတာကိုရွေးချယ်မလား ? လူအများစုကတော့ ကိုယ်သိလိုတဲ့အရာကို စကားနည်းနည်းနဲ့ အတိအကျပြောတတ်တဲ့သူကို ပိုခင်မင်ရင်းနှီးတတ်ကြပါတယ်။

  11. 🛹Don’t bother children when they are skateboarding🛹
  စကိတ်စီးနေတဲ့ကလေးတစ်ယောက်ကိုမနှောင့်ယှက်ပါနဲ့

  အမှားလုပ်မိမှာကိုစိုးရိမ်တဲ့စိတ် ကျွန်တော်တိုအားလုံးမှာရှိပါတယ်။ ထိခိုက်ဒဏ်ရာရသွားမှာကို ကာကွယ်ချင်တဲ့စိတ်နဲ့ ကလေးတစ်ယောက်စကိတ်စီးနေတာကို သွားတားလိုက်ရင် ဒီကလေးဟာ စကိတ်စီးတတ်တော့မှာမဟုတ်ပါဘူး ။ ဘ၀မှာလည်းကျွန်တော်တို အဆင်မပြေမှာကိုစိုးရိမ်တာနဲ့ Comfort Zone ထဲကရုန်းထွက်ဖို အခွင့်အရေးကို ဘယ်နှစ်ကြိမ်လောက်လက်လွှတ်ခဲ့ပြီးပြီလဲ? စကိတ်စီးရင်းချော်လဲတာကနေ ကလေးတစ်ယောက်ကို ကျွမ်းကျင်အောင်သင်ပေးရသလိုမျိုး ဘ၀မှာကျွန်တော်တိုရဲ့ အဆင်မပြေမှုတွေကနေ ကျွမ်းကျင်မှုကိုသင်ယူပါ။

  12. 🐈Pet a cat when you encounter one on the street🐈
  လမ်းမှာတွေ့တဲ့ကြောင်တစ်ကောင်ကို ပွတ်သပ်ယုယပါ

  ဘ၀ဟာ ခက်ခဲပါတယ်။ ကျွန်တော်တိုဘယ်လောက်ပဲကောင်းအောင်ကြိုးစားကြိုးစား အတားအဆီးတွေနဲ့ အခက်အခဲတွေဟာရပ်တန့်မသွားပါဘူး။ တစ်ခါတစ်ရံမှာကျွန်တော်တိုရဲ့ မွန်းကြပ်နေတဲ့ရုန်းကန်မှုတွေကိုခဏလောက်မေ့ပြီး ကိုယ့်ကြိုးစားမှုကို ကျေနပ်မှုရှိဖိုလိုပါတယ်။ကြောင်တစ်ကောင်ကို ပွတ်သပ်နေတဲ့အချိန်မှာ ရရှိတဲ့ကြည်နူးမှုလိုမျိုး ကျွန်တော်တိုဘေးနားမှာရှိတဲ့ အရာသေးသေးတွေ (သစ်ရွက်ကလေးတွေလှုပ်သံ၊ အပေါ်ကကောင်းကင်တိမ်တွေရွေ့နေတဲ့အရသာ၊ အသားကိုလာထိတဲ့လေအေးအေးလေးတဲ့ခံစားမှု)ကနေ မိမိစိတ်အေးချမ်းမှုကိုဖန်တီးပါ။

  ဘ၀ကြီးကသင့်အတွက်အဆင်ပြေနေပြီးတော့ လောကကြီးကသင်လိုချင်သမျှကိုပေးနေတယ်လိုခံစားရရင် ဒီစာအုပ်ကိုမဖတ်ပါနဲ့
  ဒီစာအုပ်က ကျွန်တော်တိုနေကာမျက်မှန်မပါပဲ နေကိုကြည့်မိသလို ဘ၀ကိုအမှန်အတိုင်းမြင်ရပြီး Reality ကိုတွေ့ကြုံဖူးတဲ့သူတွေအတွက် ရည်ရွယ်ပါတယ်။
  Messenger ထဲကို စာလေးတစ်ကြောင်းပိုရုံနဲ့ သင်လိုချင်တဲ့ဘ၀တိုးတက်မှုအတွက် လိုအပ်နေတဲ့အမှန်တရားကို ကိုယ်တိုင်ရယူလိုက်ပါ။

  Add to cart