7 Habits of Highly Effective People
24,500 Ks
အစွမ်းထက်တဲ့လူတစ်ယောက်ဖြစ်ဖို့ 7 Habits of Highly Effective People စာအုပ်ထဲက အလေ့အကျင့် ၇ခု
1️⃣ ကြိုတင်ပြင်ဆင်မှုအမြဲရှိပါ
ကျွန်တော်တို့ ထိန်းချုပ်လို့ရတဲ့အရာတွေအားလုံးအတွက်ကို အဆင်သင့်ဖြစ်အောင်အမြဲကြိုးစားပါ၊ ကျွန်တော်တို့ထိန်းချုပ်လို့မရတဲ့အရာတွေကို တွေးပူနေမဲ့အစား ဘယ်လိုအကောင်းဆုံးလုပ်မလဲဆိုတာကို စဉ်းစားထားပါ။
2️⃣ အလုပ်စလုပ်ကတည်းကနောက်ဆုံးအထိတွေးပါ
ကိုယ်လိုချင်တဲ့အရာကဘာလဲ ? အဲ့ဒါကိုရဖို့ဘယ်လောက်ထိအလုပ်လုပ်မလဲ ? ဘယ်အရာကကိုယ့်ကိုအောင်မြင်ပြီလို့သတ်မှတ်မလဲ ? ကိုယ်ဖြစ်ချင်တာကဘာလဲ ? စတဲ့အရာတွေကို အလုပ်တစ်ခုစလုပ်ကတည်းကအရင်ဆုံးတွေးပါ။
3️⃣ အရေးပါတဲ့အရာတွေကိုပထမဆုံးနေရာမှာထားပါ
အရေးပါတဲ့အရာနဲ့ ချက်ချင်းလုပ်ရမဲ့အရာ ( Important Vs Urgent ) ဟာမတူပါဘူး။ အရေးပါတဲ့အရာတွေခေါင်းထဲမှာရှိနေရက်နဲ့ အခြေအနေနဲ့အချိန်အခါကြောင့် ချက်ချင်းလုပ်ရမဲ့အရာတွေကို ရုတ်တရက်ဦးစားပေးမိသွားတတ်ပါတယ်။ Urgent ဖြစ်တဲ့အရာတိုင်းကို အမြဲချက်ချင်းတုံ့ပြန်ခြင်းဟာ ကျွန်တော်တို့တကယ်သွားရမဲ့ ပန်းတိုင်ကိုနှောင့်နှေးသွားစေတတ်ပါတယ်။
4️⃣ နှစ်ဘက်လုံး အနိုင်ရစေမယ့်အတွေးတွေကိုတွေးပါ
သူငယ်ချင်း မိတ်ဆွေတွေနဲ့ဖြစ်စေ ၊ မိသားစုနဲ့ဖြစ်စေ ၊ စီးပွားရေးမိတ်ဖက်တွေနဲ့ဖြစ်စေ နှစ်ဦးနှစ်ဖက်လုံး အမြဲအဆင်ပြေစေမယ့်နည်းလမ်းတွေကိုတွေးပါ။
အတူတကွအကျိုးဖြစ်ထွန်းစေခြင်းဟာ ရေရှည်အကျိုးတည်တံ့မှုနဲ့တိုက်ရိုက်အချိုးကျပြီး ခင်မင်တဲ့အပေါင်းအသင်း Network ပိုမိုတိုးပွားလာပါလိမ့်မယ်။
5️⃣ နားထောင်ဖို့အရင်ကြိုးစားပါ ပြီးမှနားလည်ဖို့လုပ်ပါ
သူငယ်ချင်းမိတ်ဆွေတစ်ယောက်ယောက်က အခက်အခဲတစ်ခုကိုရင်ဖွင့်တာကြုံတိုင်းကျွန်တော်တို့ပထမဆုံးလုပ်တာက အကြံပေးဖို့ပါပဲ။ တကယ်လုပ်သင့်တာက အရင်နားထောင်ပါ၊ ပြီးရင်သူ့အခက်အခဲကိုနားလည်ဖို့ကြိုးစားပါ။ လူအများစုကအကြံဉာဏ်တွေထက် သူတို့ရဲ့ပြသနာကိုနားလည်သဘောပေါက်အောင် သေသေချာချာနားထောင်ခြင်းကိုပိုလိုလားပါတယ်။
6️⃣ ပူးပေါင်းဆောင်ရွက်ပါ
ဦးနှောက်နှစ်ခု ဟာဦးနှောက်တစ်ခုထက်အမြဲပိုကောင်းပါတယ်။ ကိုယ်နဲ့ရင်းနှိးတဲ့မိတ်ဖက်တွေနဲ့ ပူးပေါင်းဆောင်ရွက်နိုင်မယ့်အရာတွေကိုအမြဲစဉ်းစားပြီးတိုင်ပင်ပါ။ တစ်ယောက်အားနှင့်ရွေ့သော်မရ တစ်သောင်းအားနှင့်ရွေ့သော်ရသည် ဆိုတဲ့စကားပုံရှိတယ်မဟုတ်လား။
7️⃣ အသိပညာဓားသွားကို ထက်နေအောင်အမြဲသွေးပါ
လောကကြီးက အမြဲတိုးတက်ပြောင်းလဲနေသလို အသိပညာတွေကလည်းစဉ်ဆက်မပြတ်အမြဲတိုးတက်နေပါတယ်။ကိုယ်သိသလောက်နဲ့ဘယ်တော့မှမရပ်လိုက်ပါနဲ့။ မိမိရဲ့ စိတ်၊ခန္တာ၊ခံစားချက်တွေကို တိုးတက်ပြောင်းလဲစေနိုင်မယ့် အရာတွေကိုအဆက်မပြတ်လေ့လာသင်ယူပါ။
Related products
-
Add to cart
🕰 တစ်နာရီမှာ ကုမ္ပဏီပေါင်း ၈၀ ကျော် ပေါ်ထွက်နေကြတယ်။
⭕️ အခု တစ်ကမ္ဘာလုံးမှာ ကုမ္ပဏီတွေ နေ့ချင်းညချင်း ပေါ်ထွက်နေကြတယ်။ ဒါပေမယ့် သုံးနှစ်အတွင်းမှာ ကုမ္ပဏီတွေရဲ့၈၀ ရာခိုင်နှုန်းက သေကုန်တယ်။ ငါးနှစ်အတွင်းမှာ ကျန်တဲ့ ၂၀ ရာခိုင်နှုန်းထဲက ၁၇ ရာခိုင်နှုန်းလောက် ထပ်ပြီးတော့ အရှုးပေါ်တယ်။ ကျန်တဲ့ ၃ ရာခိုင်နှုန်းလောက်ကသာ ရှင်သန်ကြတယ်။
🏛 ဒါဆိုရင် Amazon, Apple, Facebook နဲ့ Google တိုက ဘာလိုအချိန်အကြာကြီး ရှင်သန်နိုင်ရတာလဲ။ သူတိုတွေရဲ့ထူးခြားမှုတွေက ဘာတွေလဲ။ ပျက်ဆီးကုမ္ပဏီတွေနဲ့မတူတဲ့ သူတိုရဲ့ကွာခြားမှုတွေက ဘာတွေ ဖြစ်မလဲ။
✔️ Don’t Need A Great Idea to Start a Great Company
🔱 မြန်မာလူမျိုးတွေက လက်ဖက်ရည်ကို အရမ်းကြိုက်ကြတယ်။ ကျွန်တော်ဆိုလည်း တစ်ရက်ကို နှစ်ခွက်လောက်တော့ သောက်ဖြစ်တယ်။ လက်ဖက်ရည်ကို လူတိုင်း နီးပါးက နေ့တိုင်းလိုလို သောက်နေကြတယ်။ ဒီတော့ လက်ဖက်ရည်ဆိုင် ဖွင့်လိုက်ရင် ချမ်းသာမှာလား။
🍽 လက်ဖက်ရည်ဆိုင်၊ စားသောက်ဆိုင်ပဲ ဖွင့်မယ်ဆိုရင်တော့ ချမ်းသာမှာ မဟုတ်ပါဘူး။ ဒါဆိုရင် Rangoon Tea House လုပ်လိုက်တဲ့ Market ကို လေ့လာကြည့်ရအောင်။ Rangoon Tea House မှာ လက်ဖက်ရည် ရသလား။ လက်ဖက်ရည်က အင်မတန် ထူးခြားနေသလား။ မထူးခြားပါဘူး။ ဒါပေမယ့် Rangoon Tea House က ဘာလုပ်လိုက်သလဲဆိုတော့ မြန်မာ့လက်ဖက်ရည်ကို အရည်အသွေး မြင့်လိုက်တယ်။ ဆိုင်ကောင်းကောင်း နေရာကောင်းကောင်းမှာ စားသုံးသူတွေ အဆင်ပြေအောင် လုပ်ပေးလိုက်တယ်။ တစ်ခြား Product တွေ ပေါင်းပြီးတော့ Quality Product တွေကို ရောင်းချပေးတယ်။
👏 လူတွေ ကျေနပ်ကြတယ်။ သဘောကျကြတယ်။ Rangoon Tea House ကလည်း Brand တစ်ခု ဖြစ်လာခဲ့တယ်။
💢 Million idea အကောင်းစားကြီးတော့ မလိုပါဘူး။ ရှိနေတဲ့ Idea တွေကို အကောင်းဆုံး အသုံးချဖိုပဲ လိုတာပါ။
✔️ First Who, Then What
👥 ကျွန်တော်တိုက ခရီးသွားတာပဲ ဖြစ်ဖြစ်၊ ကုမ္ပဏီ တစ်ခုကို ဦးဆောင်နေရတာပဲ ဖြစ်ဖြစ် အရေးကြီးဆုံးက လူတွေပါ။
ခရီးသွားမယ်ဆိုပါတော့ ကား အရင်မောင်းပြီးတော့မှ လမ်းမှာ တွေ့ရာလူတင်လိုမရပါဘူး။ ကိုယ်နဲ့မကိုက်တဲ့ လူတွေ ဖြစ်နေရင် ခရီးစဉ်က ပျော်ဖိုကောင်းမှာ မဟုတ်ပါဘူး။ ကုမ္ပဏီတစ်ခု ဦးဆောင်ရင်လည်း ဒီလိုပါပဲ။ ကိုယ့် ကုမ္ပဏီရဲ့ Core Value တွေနဲ့ကိုက်ညီတဲ့ လူ ဖြစ်မှသာ ကုမ္ပဏီ ရှေ့လျှောက်လမ်းစဉ်တွေမှာ အောင်အောင်မြင်မြင်နဲ့ရှေ့ဆက်တိုးနိုင်မှာပါ။👣 ဘယ်ကို သွားမလဲဆိုတာထက် ဘယ်သူတွေနဲ့တူတူသွားမလဲဆိုတာ ပိုအရေးကြီးပါတယ်။
💣 ကိုယ့်အသိုင်းအဝိုင်းမှာ ကိုယ်နဲ့ရှေ့ခရီးကို တူတူ ဆက်လျှောက်မယ့်သူမဟုတ်ရင် ကိုယ့်ဘ၀ထဲက ဖယ်ထုတ်လိုက်ပါ။
✔️ Persevere
💃 တစ်ချိန်တစ်ခါက မိန်းကလေး တစ်ယောက်ကို ပိုးပန်းဖိုဆိုရင် အဲ့ဒီ့မိန်းကလေးကို သေချာလေ့လာရတယ်။ မိန်းကလေးက ဘာတွေ ကြိုက်တတ်လဲ။ ရည်းစားစာဆိုလည်း စကားလုံးတွေကို ဖွဲနွဲပြီး ရေးရတယ်။ သူမအတွက် ကြယ်တွေ ခေါက်ရတယ်။ စာတွေ အကြောင်းများစွာရေးပြီးတော့ စာအိတ်လှလှလေးတွေနဲ့သေချာထုပ်ပိုးပြီးမှ သူမ မသိအောင် ခိုးပေးရတယ်။ သူမဆီက အချစ်ကို ရယူဖိုအတွက် နည်းလမ်းပေါင်းစုံ စဉ်းစားပြီးမှ အဖြေရတယ်။ အဲ့သလိုမျိုး ခက်ခက်ခဲခဲ ရယူထားတဲ့ အရာတစ်ခု ဖြစ်တဲ့အတွက် တန်ဖိုးကြီးတယ်။ တန်ဖိုးထားကြတယ်။
📱 အခုချိန်မှာတော့ လူငယ်တွေက Messenger လေးဖွင့်ပြီး ချစ်တယ်လိုပြောလိုက်တော့ ကြိုးစားမှုတွေက မရှိ၊ ရလာတော့လည်း မကြိုးစားထားတော့ တန်ဖိုးမထားကြပဲ ခဏလေးနဲ့ပြန်ပြတ်ကြတယ်။ လူငယ်တွေမှာ Perseverance ရဲ့အရေးကြီးမှု၊ ခက်ခက်ခဲခဲကြိုးစားပြီးမှ ရလာတဲ့ ခံစားမှုမျိုးတွေ ပျောက်ကွယ်လာကြတယ်။
🏅 ကြိုးစားပါ။ သည်းခံပါ။ Comfort Zone ထဲမှာ ပျော်မနေပါနဲ့။ အရှုးမပေးပါနဲ့။
♦️ “Good is the Enemy of Great.”
– Jim Collins✔️ Try a Lot of Stuff and Keep What Works
🎲 အရင် တစ်ချိန်ကလို ကုမ္ပဏီတွေက Product တစ်ခု ကောင်းရုံနဲ့မရတော့ပါဘူး။ Adidas တိုNike တိုဆိုရင် သူတိုProduct ကို ပြောပါဆိုရင်တော့ ဖိနပ်တစ်ခုထဲနဲ့မရတော့ပါဘူး။ Adidas ဆိုရင် ဖိနပ်အပြင် ရေမွှေး၊ အင်္ကျီ၊ ဘောင်းဘီ စသဖြင့် Product အသစ်တွေ ထပ်လုပ်နေရပါတယ်။ Nike ဆိုရင်လည်း အစကတော့ Football နဲ့American Super Bowl လောက်ပဲ Sponsor ပေးရုံကနေ နောက်ပိုင်းမှာ Golf အပိုင်းကိုပါ ထပ်လုပ်လာတာကို တွေ့မြင်ရမှာပါ။
🎈 Product သိုမဟုတ် Company တစ်ခုဟာ Market Peak ရောက်သွားတဲ့ အခါမှာ Market Share ပြန်လျော့ကျမသွားအောင် အသစ်အသစ်တွေ အမြဲလုပ်နေရပါတယ်။
🎯 ဒါမှလည်း Visionary Companies ကြီးတွေ ဖြစ်လာကြတာပါ။
🌊 စာအုပ်ကောင်း တစ်အုပ်မှာ စာရေးဆရာတစ်ယောက်က အချိန်တွေ အများကြီး ရင်းနှီးမြုပ်နှံထားတာကို တွေ့မြင်ရမှာပါပဲ။ Jim Collins က သူ့ခြောက်နှစ်ကြာ CEO တွေကို Research လုပ်ပြီးမှ ရလာတဲ့ အကြောင်းအရာတွေကို Built to Last စာအုပ်ထဲမှာ သေချာရှင်းလင်းပြောပြထားတာကို တွေ့မြင်ရမှာပါ။ Jim Collins ကို စီးပွားရေး Guru တစ်ယောက် အနေနဲ့တင်စားထားပြီး သူ့ရဲ့Built to Last နဲ့Good to Great စာအုပ်တွေဟာ Million Seller စာအုပ်တွေဖြစ်ခဲ့ကြပါတယ်။ 2017 ခုနှစ်မှာတော့ Jim ကို one of the 100 Greatest Living Business Minds လိုတင်စားထားပါတယ်။
〰️ Book Title – Built to Last: Successful Habits of Visionary Companies
✏️ Author – Jim Collins, Jerry I. Porras
🔖 Price – 29,500 MMK ( Premium++ Quality, Hardcover, Creamy Paper)
-
Add to cart
ဘယ်တော့မှမပြောင်းလဲတဲ့အရာတွေရဲ့အကြောင်း – Same As Ever by Morgan Housel📚
ကျွန်တော်တိုအမြဲရှာဖွေနေတဲ့အရာတွေဟာ တကယ်တော့ကျွန်တော်တိုရင်ထဲမှာအမြဲရှိနေပြီးသားအရာတွေဖြစ်တတ်ကြပါတယ်။ ရေဒီယို📻၊ တယ်လီဖုန်း📞၊ အင်တာနက်🌐၊ AI🤖 စသည်ဖြင့် ကမ္ဘာကြီးကအဆင့်ဆင့်တိုးတက်ပြောင်းလဲသွားပေမယ့် လူဆိုတဲ့သဘောသဘာ၀ကမပြောင်းလဲပဲတည်ရှိနေပါတယ်။
ဒီလိုမပြောင်းလဲတဲ့အရာတွေကိုနားလည်မှုက သင့်ဘ၀၊ အနာဂတ်နဲ့ ငွေကြေးစီမံခန့်ခွဲမှုကိုအကျိုးပြုတဲ့ဆုံးဖြတ်ချက်ချစေနိုင်တဲ့အကြောင်းကိုကို Morgan Houselက Same As Ever ထဲက ၀ထ္ထုတို 23 ပုဒ်နဲ့ရှင်းပြထားပါတယ်။
အကုန်လုံးကိုရှင်းပြဖို စာအရမ်းရှည်သွားမှာဖြစ်တဲ့အတွက် ကျွန်တော်အကြိုက်ဆုံးလေးတွေကိုပဲရွေးထုတ်ထားပါတယ်။1.လူတွေရဲ့ ခန့်မှန်းလိုရတဲ့ ပေါက်တတ်ကရတုံပြန်မှုတွေ🎭
အခက်အခဲတစ်ခုဖြစ်လာရင် လူတွေဘယ်လိုတုံပြန်မလဲဆိုတာကိုရုတ်တရက်တွေးကြည့်ရင်ခန့်မှန်းရခက်သလိုထင်ရပေမယ့် တကယ်တမ်းက ဒီတုံပြန်မှုတွေက စိတ်ခံစားချက်ပေါ်မူတည်ပြီး တူညီတဲ့အရာတွေ ဖြစ်တတ်ကြပါတယ်။ ဥပမာအားဖြင့်
-🤑စျေးကွက်တစ်ခုအခြေအနေကောင်းလာပြီဆိုရင် လောဘနောက်လိုက်ပြီးမဆင်မခြင်ရင်းနှီးမြှုပ်နှံမှုတွေလုပ်တာတွေ
-😨လုပ်ငန်းအခြေအနေမကောင်းရင် စိုးရိမ်စိတ်တွေလွန်ပြီး ပေါက်တတ်ကရတွေလျှောက်လုပ်တာ
-😱မသေချာမှုနဲ့တွေ့ကြုံတဲ့အခါ မစဉ်းစားပဲ တခြားသူတွေလုပ်သလိုလိုက်လုပ်တာ တွေဖြစ်တတ်ပါတယ်
📉2008 စီးပွားပျက်ကပ် ,🧻 2020 COVID Toilet Paper Shortage တွေဟာ ဒီပေါက်တတ်ကရတုံပြန်မှုရဲ့ အထင်ရှားဆုံးသာဓကတွေပါ။ ဒီတုန့်ပြန်မှုတွေဟာ ရုတ်တရက်ဖြစ်တဲ့ အခြေအနေတစ်ခုကြောင့်လို ထင်ရပေမယ့် တကယ်တော့ လူတွေရဲ့ အမူအကျင့်တွေထဲမှာ နက်ရှိင်းစွာအမြစ်တွယ်နေတဲ့အရာတွေဖြစ်ကြပါတယ်။ ဒီလို Pattern တွေကိုနားလည်ပြီး ကြိုတင်ခန့်မှန်းနိင်မှုဟာ စိတ်ဝင်စားဖိုကောင်းရုံသာမက အသုံးဝင်တဲ့ဆုံးဖြတ်ချက်တွေချနိုင်ဖိုအရေးကြီးတဲ့ အထောက်အကူဖြစ်စေမှာပါ။2.တိုးတက်မှုရဲ့ သဘောတရား (Paradox of Progress)🔄
စာရေးဆရာက တိုးတက်မှု (progress) ဆိုတဲ့အရာတောင် သူ့ရဲ့ကိုယ်ပိုင်မပြောင်းလဲတဲ့သဘောတရားရှိတယ်လိုရှင်းချက်ထုတ်ထားပါတယ်။
တိုးတက်ပြောင်းလဲမှုတိုင်းဟာ
💉Invention and Adoption: စမ်းသပ်တီထွင်ခြင်းနဲ့ လက်တွေ့သုံးစွဲခြင်း
⚠️Unintended Consequences:မထင်မှတ်ထားတဲ့ရလဒ်တွေထွက်ပေါ်လာခြင်း
🤝Adaptation: သာတူညီမျှဖြစ်တဲ့ ဖြေရှင်းချက်တွေနဲ့အတူနေထိုင်ခြင်းဆိုတဲ့ အဆင့်သုံးဆင့်နဲ့ အမြဲမပြောင်းလဲပဲတည်ရှိနေတယ်လိုပြောထားပါတယ်။
ဥပမာ လူတွေဟာ Social Animal တွေဖြစ်တဲ့အတွက်ကြောင့် အပေါင်းအသင်းဆန့်ဖို မိတ်ဆွေတွေပေါများဖိုဆိုတဲ့ရည်ရွယ်ချက်နဲ့ Social Media တွေပေါ်ပေါက်လာတယ်။ လက်တွေ့သုံးကြည့်ကြရင်းနဲ့ ခြေလွန်လက်လွန်တွေသုံးမိကြတဲ့အချိန်မှာ Personal လွတ်လပ်မှုဆုံးရှုးတာတို ADHD တို စိတ်ဓာတ်ကျရောဂါတိုအဖြစ်များတာတိုဖြစ်လာတယ်။ အခုအချိန်မှာ Dopamine Detox နည်းတွေ Focus Application တွေနဲ့အတူ သာတူညီမျှဖြစ်တဲ့ဖြေရှင်းချက်တွေနဲ့အတူ ကျွန်တော်တို လိုက်လျောညီထွေစွာနေထိုင်နေကြပါပြီ။
💡“Progress is not about avoiding problems—it’s about solving the same problems in better ways.”
“တိုးတက်မှုဆိုတာ ပြသနာတွေကိုရှောင်လွှတာမဟုတ်ပဲ နဲ့တူညီတဲ့ပြသနာတွေကို ပိုမိုကောင်းမွန်တဲ့ ဖြေရှင်းချက်တွေထုတ်တာဖြစ်တယ်” ဆိုတဲ့ Morgan Housel ရဲ့ အမြင်ဟာကျွန်တာ်တိုလူတွေရဲ့ ပြသနာတွေကိုအဖြေထုတ်နေသရွေ့ ဒီ မပြောင်းလဲတဲ့သဘောတရားဟာ ထပ်ဆင့်ဖြစ်တည်နေဦးမယ်ဆိုတဲ့အဓိပ္ပါယ်ပဲဖြစ်ပါတယ်။3.ဆင့်ကဲတိုးပွားမှုရဲ့ နိယာမ ( The Principle of Compound Effect )📈
ကောင်းတဲ့အရာပဲဖြစ်စေ၊ မကောင်းတဲ့အရာပဲဖြစ်စေ လူတစ်ယောက်နေ့စဉ်ပြုလုပ်တဲ့အရာတွေဟာအချိန်တစ်ခုကြာလာတာနဲ့အမျှ သူကိုယ်တိုင်သာမက ပတ်ဝန်းကျင်မှာပါ သိသာထင်ရှားစေတဲ့ Compund Effect ဟာအခုအချိန်ထိမပြောင်းလဲတဲ့ နိယာမတစ်ခုဖြစ်ပါတယ်။ Compound Effect ဟာငွေကြေးစီမံခန့်ခွဲမှု💰သာမက လူမှုဆက်ဆံခြင်း🧑🤝🧑၊ အသိပညာရှာဖွေခြင်း🧠နဲ့ အလေ့အကျင့်တည်ဆောက်ခြင်း💪 တိုမှာပါ အစဉ်အမြဲအသုံးပြုနေတဲ့အရာတစ်ခုဖြစ်ပါတယ်။ဥပမာ
📖တစ်ရက်ကို စာဆယ်မျက်နှာလောက်ဖတ်တာဟာ ဘာမှအရေးမကြီးဘူးလိုခံစားရလိမ့်မယ်။နေ့တိုင်းဖတ်ရင် တစ်နှစ်ကြာတဲ့အချိန်မှာသင် စာအုပ် 10 အုပ် 15အုပ်လောက်ဖတ်ပြီးနေပြီ။ဒါက သင်လေ့လာတဲ့အရာရဲ့အမြင်ကိုလေးလေးနက်နက်ပြောင်းလဲဖိုအတွက်လုံလောက်တယ်။
🏋️တစ်ရက်ကို ဆယ့်ငါးမိနစ်လောက်လေ့ကျင့်ခန်းလုပ်ခြင်းဟာဘာမှမသိသာပေမယ့် သင့်စိတ်နဲ့ခန္ဒာကျန်းမာရေးဟာ အချိန်နှင့်အမျှပိုမိုကောင်းမွန်လာလိမ့်မယ်
🍺တစ်ရက်ကိုဘီယာတစ်ခွက်ပဲပုံမှန်သောက်ရင် အချိန်တစ်ခုရလာတာနဲ့အမျှ ဘီယာဗိုက်တစ်လုံးရလာ ပြီးလေးလံထိုင်းမှိင်းလာလိမ့်မယ်။ဒီလိုသေးငယ်တဲ့အကျင့်တွေဟာ လုပ်လိုလုပ်မှန်းတောင်မသိသာပေမယ့် အချိန်တစ်ခုကြာလာတာနဲ့ အမျှ မပြောင်းလဲတဲ့နိယာမအတိုင်း Compound Effect ရဲ့အကျိုးတရားကိုခံစားရမှာပါ။ ငါဒါလေးတစ်ကြိမ်လုပ်တာမသိသာဘူးလိုခံစားရပေမယ့်ဒီလိုတစ်ကြိမ်ပေါင်းမြောက်များစွာပြုမူနေတဲ့အမူအကျင့်တွေဟာ သင့်ရဲ့ အနာဂတ်ကိုဆုံးဖြတ်နေတယ်ဆိုတာသတိပြုပါ။
-Psychology Of Money ကိုဖတ်ပြီးကြိုက်နှစ်သက်သူတွေ
-လူတွေရဲ့ Behavior, Decision Making နဲ့ Thinking Pattern တွေကိုသဘောပေါက်ချင်သူတွေ
-အနာဂတ်မှာကြုံတွေ့ရမယ့်အရာတွေအတွက်ကြိုတင်ပြင်ဆင်ထားချင်သူတွေဒီစာအုပ်ကလေးကို ဆောင်ထားသင့်ပါတယ်🌍အမြဲပြောင်းလဲနေတယ်လိုမြင်ရတဲ့ ဒီကမ္ဘာကြီးမှာ ပြောင်းလဲမှုမရှိပဲထပ်ဖန်တလဲလဲပြန်လည်ဖြစ်ပေါ်နေတဲ့ ဖြစ်စဉ်တွေကို မတူညီတဲ့အမြင်သစ်တစ်ခုနဲ့ထိုးဖောက်မြင်နိုင်စွမ်းရှိတဲ့ အတွေးအမြင်သစ်တစ်ခုရအောင် ဒီစာအုပ်ကလေးက ကူညီပေးပါတယ်။ အာရုံလွှဖိုကြိုးစားနေတဲ့ အကြောင်းအရာတွေ၊ အရေးမကြီးတဲ့ သဘောသဘာ၀တွေကိုကျော်လွှားပြီး အတွေးသစ်နဲ့အတူအနာဂတ်မှာကြုံတွေ့ရမယ့်ဖြစ်စဉ်တွေအတွက်ကြိုတင်ပြင်ဆင်ထားဖိုအကောင်းဆုံးစာအုပ်တစ်အုပ်ပါ။
📕Book Title- Same as Ever: A Guide to What Never Changes
✒️Author – Morgan Housel
💵Price- 21,500 MMK (Premium++ Quality, Hardcover, Creamy Paper) -
Add to cart
“ချမ်းသာကြွယ်၀မှုက နေစပြီး ကျန်းမာမှုနဲ့ ပျော်ရွှင်မှု ဟာ ကျွန် တော်တို ဘ၀မှာအစဥ်လိုက်အတိုင်းရှာဖွေဖိုကြိုးစားတဲ့အရာသုံးခုဖြစ်တယ်။ ဒါပေယ့်သူတို့တွေရဲ့တကယ်အရေးကြီးမှုက ပျော်ရွှင်မှုကနေစပြီး ပြောင်းပြန်စပါတယ် ” – Naval Ravikant
“The three big ones in life are wealth, health, and happiness. We pursue them in that order, but their importance is reverse.” – Naval Ravikant💭ကျွန်တော်တို့နေကောင်းကျန်းမာနေတဲ့အချိန်မှာ ပျော်ရွှင်ဖိုအတွက် အများကြီးလိုအပ်တယ်( ဥပမာ ကော်ဖီဆိုင်ထိုင်ချင်တာ၊ မာလာရှမ်းကောစားချင်တာ ) စသည်ဖြင့်ပေါ့။ ဒါပေမယ့် နေမကောင်းတဲ့အချိန်မှာပျော်ရွှင်ဖိုအတွက် တစ်ခုပဲလိုတယ်၊ နေပြန်ကောင်းလာဖိုပဲ။
“ Desire is a contract you make with yourself to be unhappy until you get what you want “ – Naval Ravikant
မင်းလိုချင်တာတစ်ခုထဲရှိရင် Universe က မင်းလိုချင်တာကိုအမြန်ရအောင်ဖန်တီးပေးလိမ့်မယ်။ မင်းလိုချင်တာ အမျိုးတစ်ရာလောက်ဖြစ်နေရင်တော့ Universe ကမင်းကိုသူအဆင်ပြေတဲ့အရာကိုပဲရွေးချယ်ပေးလိမ့်မယ်။🕊“Peace is happiness at rest, and happiness is peace in motion.”
ပျော်ရွှင်မှုဟာ ဒီရေလိုမျိုးအတက်အကျရှိတယ်။ ငြိမ်းချမ်းခြင်းဟာ တည်ငြိမ်မှုကိုပေးစွမ်းတယ်။ Hedonic Happiness တွေဟာ ဘယ်တော့မှအဆုံးမသတ်ပါဘူး။ လစာလေး ဆယ်သိန်းရောက်ရရင် အဆင်ပြေပါပြီ -> ဆယ်သိန်းရတဲ့အခါ -> အိမ်လေးတစ်လုံးဝယ်နိုင်ရင်အဆင်ပြေပါပြီ -> အိမ်လေးပိုင်လာတဲ့အခါ -> ကားလေးတစ်စီးလောက် စသည်ဖြင့် ဘယ်တော့မှမရပ်တန့်ပါဘူး။ ရောင့်ရဲတင်းတိမ်နိုင်ခြင်းနဲ့ ငြိမ်းချမ်းမှုဟာ သင့်နေ့တိုင်းကိုအဓိပ္ပါယ်ရှိစွာနဲ့ဖြတ်သန်းနိင်မယ့်ပျော်ရွှင်မှုပါပဲ။🙏“Happiness requires presence”
ပစ္စုပ္ပန်မှာနေထိုင်ပါ။ အတိတ်ကိုနောင်တရ၊ အနာဂတ်ကိုစိုးရိမ်၊ ပစ္စုပ္ပန်မှာဖုန်းပွတ် ရုပ်ရှင်ကြည့်စသည်ဖြင့် ဦးနှောက်နဲ့မျက်လုံးကိုအနားမပေးပဲ Information overload တွေဖြစ်ပြီး “ ငါမပျော်ဘူး “ လိုအော်နေလို စိတ်ချမ်းသာလာမှာမဟုတ်ပါဘူး။ ဦးနှောက်ကတွေးချင်နေတဲ့အရာအားလုံးကိုခဏလောက်ရပ်တန့်ထားပြီး သင့်ဘေးနားမှာရှိတဲ့အရာ၀ထ္ထုသေးသေးလေးတွေ (ဥပမာ လေတိုးသံ,အသက်ရှုသံ) ကို ခံစားကြည့်ပါ။ ဒါလေးတွေနဲ့အတူနေတတ်လာရင် သင်လိုချင်တဲ့ ပြည့်စုံခြင်းဆိုတဲ့အရာကိုရပါလိမ့်မယ်။💵💵💵ကြွယ်၀ချမ်းသာမှုကိုဖန်တီးခြင်း💵💵💵
“ Building Wealth “⏲️မင်းရဲ့ကိုယ်ပိုင်အချိန်ကိုလူများကိုဌားပေးနေသရွေ့ ဘယ်တော့မှမင်းချမ်းသာမှာမဟုတ်ဘူး။
“You’re never going to get rich renting out your time”.
လူတွေလက်ခံထားတဲ့ဥပမာတစ်ခု တစ်ရက်ဆယ်နာရီအလုပ်လုပ်ရင် ဆယ်နာရီစာဝင်ငွေပြန်ရမယ်၊ ကြိုးစားသလောက်အရာထင်မယ် စသည်ဖြင့်ပေါ့။
ဒါ တကယ်မှန်ရဲ့လား ?
လမ်းထိပ်ကဆိုက်ကားသမားကြီးလည်းနေ့တိုင်း တစ်ရက် ဆယ်နာရီလောက်ဆိုက်ကားနင်းနေတာဆယ်နှစ်ကျော်နေပြီ၊ ဒါပေမယ့်အခုချိန်ထိသူကားမစီးနိုင်သေးဘူး။
လွန်ခဲ့တဲ့သုံးနှစ်ကလစာ နှစ်သိန်းခွဲရတဲ့အလုပ်ကထွက်ပြီး လုပ်ငန်းလေးစထောင်ခဲ့တဲ့ ကျွန်တော့်မိတ်ဆွေတစ်ယောက်က အခုလုပ်ငန်းနှစ်ခု နဲ့ ကားတစ်စီးပိုင်နေပြီ။
ဘာကွာခြားလဲ ?
“Quality is more important than Quantity” အလုပ်မှာပိုမိုကောင်းမွန်အောင်လုပ်နိုင်တဲ့အရည်အသွေး (Quality) ဟာ အလုပ်တစ်ခုမှာ သင်အချိန်ဘယ်လောက်ကြာကြာပိုလုပ်သလဲ ( Quantity ) ထက်ပိုအရေးကြီးပါတယ်။🏗“Learn to Sell, Learn to Build. If you can do both, you’ll be unstoppable”
ရောင်းတတ်အောင်သင် ဒါမှမဟုတ် တည်ဆောက်တတ်အောင်သင် ။ နှစ်ခုလုံးကိုမင်းတတ်ကျွမ်းရင် ဘယ်အရာမှမင်းကိုမတားဆီးနိုင်တော့ဘူး။
လူတိုင်းဟာမွေးကတည်းက Talent တစ်ခုတော့ရှိကြတယ်။ အခြားသူတွေအတွက်က ခက်ခဲနေပေမယ့် သူ့အတွက်ကအရမ်းလွယ်ကူနေတဲ့အရာမျိုး ( ဥပမာ သီချင်းဆိုတာ၊ ဆက်ဆံရေးကောင်းမွန်တာ )ဖြင့်ပေါ့။သူများတွေအတွက်အလုပ်လုပ်သလိုခံစားရပေမယ့် သင့်အတွက် အပျော်ကစားနေတယ်လိုခံစားရစေတဲ့အလုပ်မျိုးကို အာရုံစိုက်ပါ။တစ်ရက်ကို 16 နာရီလောက် သင်အတွက်ပျော်ရွှင်စေတဲ့အလုပ်ကို ဘယ်သူကမှ တစ်ရက်ဆယ်နာရီဆက်တိုက်အလုပ်လုပ်ပြီးရေရှည် မယှဉ်ပြိုင်နိင်ပါဘူး။📈“Compound Interest”
Compound Interest လိုပြောတာနဲ့ ပထမဆုံးက Money အတွက်ဆိုပြီးမြင်ကြတယ်။ ဒါပေမယ့် Compound Interest ကို Networking, business relationship နဲ့ reputation အပိုင်းတွေမှာပါသုံးလိုရပါတယ် လို Naval ကပြောထားပါတယ်။
“ Intentions don’t matter. Action do. That’s why being ethical is hard”.သင့် ပတ်ဝန်းကျင်ကိုယုံကြည်မှုရှိစေတဲ့ Trust နဲ့ Integrity ကိုတည်ဆောက်ခြင်းဟာ Social Ladder ရဲ့ထိပ်ကိုအမြန်ဆုံးရောက်ရှိစေပါလိမ့်မယ်။✍️ဒီစာအုပ်ထဲမှာပါတဲ့အရာတွေကို Full Content အဖြစ်ပြန်ရေးရင်တောင် နောက်စာအုပ်တစ်အုပ်စာလောက်ရှည်သွားနိုင်ပါတယ်။ တကယ့် Practical Knowledge တွေအများကြီးကို Condense ဖြစ်အောင်ပေါင်းစုထားတဲ့ အတွက် ဒီစာအုပ်ထဲက Knowledge တွေဟာ တကယ်ကိုများပါတယ်။ စာအုပ်သာမက လောကကြီးအကြောင်း၊ ပျော်ရွှင်မှုရဲ့အကြောင်း၊ဘ၀ရဲ့ အဓိပ္ပါယ်၊သင့်ကိုယ်သင် ဂရုစိုက်နည်းအစရှိတဲ့ Naval ရဲ့
နှစ်လေးဆယ် Experience ကို နှစ်နာရီအတွင်းမှာ ရနိုင်တဲ့ Joe Rogan နဲ့ Podcast ကိုဒီမှာ နားထောင်ပါ->https://www.youtube.com/watch?v=3qHkcs3kG44
🏈America ကိုအသက်ကိုးနှစ်အရွယ် immigrant တစ်ယောက်အနေနဲ့ရောက်လာတဲ့ ဘ၀ကနေ ကုမ္မဏီပေါင်း 362 ခုကို angel investor ဖြစ်အောင်ကြီုးစားခဲ့တဲ့ Naval Ravikant ရဲ့ ဘ၀လမ်းမှာ ငွေကြေးကြွယ်၀မှုသာမက၊ ဘ၀ရဲ့ လမ်းကြောင်းကိုရွေးချယ်နည်း၊ကံကောင်းအောင် နေထိုင်နည်း၊ ငြိမ်းချမ်းမှုနဲ့ နေထိုင်နိုင်ခြင်းနည်းလမ်းတွေကို ဖော်ပြထားပါတယ်။ Biography တစ်ခုကိုဖတ်ရတာထက် Naval ရဲ့ Tweet Storm တွေ Podcast တွေထဲကအရေးပါတဲ့အချက်တွေကို ကျစ်ကျစ်လစ်လစ်စုစည်းထားတဲ့အတွက် ကိုယ်လိုချင်တဲ့အပိုင်းတွေကိုမှတ်သားရတာပိုမိုအဆင်ပြေစေမှာပါ။Naval ရဲ့စာအုပ်ကလေးဟာ သင့်ရဲ့ ဘ၀ကိုလျှောက်လမ်းတဲ့အချိန်မှာ ဥစ္စာဓနသာမက ငြိမ်းချမ်းပျော်ရွှင်မှုနဲ့ နေထိုင်နိုင်တဲ့ဘ၀ကို လမ်းညွှန်မှုတွေဖြစ်ပါစေ။
📕Book Title – The Almanack of Naval Ravikant : A Guide to Wealth and Happiness
🔖Author – Eric Joregenson
🪙Price – 19,500 MMK ( Premium++ Quality, Hard Cover, Creamy Paper) -
Add to cart
🤔ဘာကြောင့်လူအများစုက သာမာန်ဘ၀မှာ နေထိုင်နေကြတာလဲ ?
👶💭မှတ်မိကြသလား???
ငယ်ငယ်တုန်းက အိမ်မက်တွေရည်မှန်းချက်တွေအများကြီးရှိခဲ့ကြတယ်လေ
ဒါပေမယ့် အသက်အရွယ်ရလာတာနဲ့အမျှဒီရည်မှန်းချက်တွေတဖြည်းဖြည်းနဲ့ပျောက်ကွယ်ပြီး လူအုပ်ကြီးထဲမျောပါရင်း သာမာန်လူတစ်ယောက်ဘာကြောင့်ဖြစ်နေတာလဲ?
အဖြေကတော့ ကျွန်တော်တို့ရဲ့ ပုံမှန်တွေးခေါ်မှုစနစ် (Default Thinking System) ကြောင့်ပါ။ ဒီစနစ်က ကျွန်တော်တို့ကို အလိုအလျောက် ထိန်းချုပ်ထားပြီး အောက်ပါအတိုင်း တွေးခေါ်စေပါတယ်။
🧠အတ္တကိုဦးစားပေးခြင်း ( Ego over evidence ): အထောက်အထားထက် ကိုယ့်အထင်ကိုပဲယုံကြည်တာ ။
⚡မြန်မြန်ပြီးဖို့ပဲအရေးကြီးတယ် ( Speed over accuracy): တိကျမှုထက် အလျင်စလိုလုပ်ဖို့ အားသန်တာ။
🛌သက်တောင့်သက်သာပဲ လိုချင်တယ် (Comfort over discomfort): အခက်အခဲမရှိပဲ လွယ်ကူတာပဲလုပ်ချင်တာ။
👥အမှန်တရားထက် လူအများလက်ခံတာပဲလိုက်လုပ်တာ (Conformity over truth): ကိုယ့်အတွေးအခေါ်ထက်လူများပြောတာကိုလိုက်လုပ်တာ
စတဲ့ Default Thinking System ရဲ့လွှမ်းမိုးမှုအောက်မှာ Autopilot နဲ့နေထိုင်ကြရတယ်။
🤯 ဘာမဟုတ်တဲ့ပြသနာလေးတွေအတွက် နေ့တိုင်းခေါင်းခြောက်နေတဲ့လူတွေကိုမြင်ဘူးသလား ? ဒီ Autopilot ဟာစိတ်ရှုပ်ထွေးမှုကိုဖြစ်ပေါ်စေပြီး မှန်ကန်တဲ့အရာကိုတွေးခေါ်နိုင်ဖို့ထက် ထပ်တလဲလဲစဉ်းစားတွေးခေါ်မှုမှာအထိုင်ကျနေတဲ့အရာတစ်ခုဖြစ်တယ်။
🚀 Autopilot ကနေလွတ်မြောက်ပြီး ကြည်လင်ရှင်းလင်းတဲ့အတွေးအခေါ်နဲ့ ရှင်းလင်းပြတ်သားတဲ့ ဘ၀ကိုပိုင်ဆိုင်နိုင်ဖို့အတွက်
🧠Neural Network ကိုတည်ဆောက်တာ
📝 Decision Making Process ကိုစနစ်တကျတည်ဆောက်တာ
🔍High Fidelity (HiFi) နဲ့ High Expertise (HiEx) တို့ကိုအသုံးချနိုင်ဖို့လေ့လာရပါမယ်။
🧠Neural Network ကိုတည်ဆောက်ဖို့အတွက်
📌သတိတရား (Awareness): ကိုယ့်အတွေးတွေကို သတိထားခြင်း
📌ခေတ္တရပ်တန့်ခြင်း (Pause): အလျင်စလို မဆုံးဖြတ်ခြင်း
📌ရှင်းလင်းစွာ တွေးခေါ်ခြင်း (Clarity): ရှုပ်ထွေးမှုကို ရှင်းအောင်လုပ်ခြင်း
📌စည်းကမ်းရှိခြင်း (Discipline): ရည်မှန်းချက်ကို ဆက်တိုက်အရောက်လှမ်းခြင်း
စတဲ့အရာတွေကို စဉ်ဆက်မပြတ်တိုးတက်အောင်လေ့ကျင့်ရပါမယ်။
📝Decision Making လို့ခေါ်တဲ့ဆုံးဖြတ်ချက်ချနိုင်တဲ့အရည်အချင်းဟာ အလိုအလျောက်ဖြစ်လာတာမဟုတ်ပါဘူး။
📍ပြဿနာကိုသတ်မှတ်ခြင်း
📍ဖြစ်နိုင်ချေရှိတဲ့ ဖြေရှင်းချက်တွေကိုစူးစမ်းခြင်း
📍ဖြေရှင်းချက်ကို ရွေးချယ်ခြင်း
📍အကောင်းဆုံးအဖြေကိုအကောင်အထည်ဖော်ခြင်းစတဲ့
အောက်ကအဆင့်လေးဆင့်ကို ဆုံးဖြတ်ချက်တိုင်းအတွက် ဦးနှောက်ကဖြတ်ကျော်ရပါတယ်။
🔍High Fidelity(HiFi) နဲ့ High Expertise (HiEx)ကိုလေ့ကျင့်ခြင်း
💎အမှန်တရားကို ရှင်းလင်းပြတ်သားစွာ မြင်နိုင်တဲ့ High Fidelity(HiFi) ကိုပိုင်ဆိုင်ဖို့အတွက်
🔺အချက်အလက်များကို ဝေဖန်ပိုင်းခြားနိုင်စွမ်းကို မြှင့်တင်ပါ။
🔺မိမိ၏ အယူအဆများနှင့် အမှားများကို ပြန်လည်စစ်ဆေးပါ။
🔺အခြားသူများ၏ ရှုထောင့်များကို နားထောင်ပြီး ထည့်သွင်းစဉ်းစားပါ။
🔺ဖြစ်ရပ်တစ်ခုကို ဘက်ပေါင်းစုံမှ ရှုမြင်သုံးသပ်ပါ။
💎အတွေ့အကြုံမှ ရလာတဲ့ ကျွမ်းကျင်မှု ဖြစ်တဲ့ High Expertise(HiEx) ကိုရရှိဖို့
🔺လုပ်ငန်းနယ်ပယ်တွင် ကျွမ်းကျင်သူများထံမှ သင်ယူပါ။
🔺လက်တွေ့လုပ်ဆောင်ခြင်းမှ အတွေ့အကြုံများရယူပါ။
🔺အမှားများမှ သင်ခန်းစာယူပါ။
🔺မိမိ၏ အတွေ့အကြုံကို ပြန်လည်သုံးသပ်ပြီး အကောင်းဆုံးဖြစ်အောင် ပြုပြင်ပါ။
✨HiFi နဲ့ HiEx ပေါင်းစပ်တွေးခေါ်နိုင်တဲ့အချိန်မှာသင့်အတွေးတွေဟာ အစွမ်းထက်လာပါလိမ့်မယ်။
“သင့်ရဲ့ အတွေးအခေါ်ကို သင်ကိုယ်တိုင် ထိန်းချုပ်နေသလား၊ ဒါမှမဟုတ် သင့်ရဲ့ အတွေးအခေါ်က သင့်ကို ထိန်းချုပ်နေတာလား?” 🚀🚀🚀
လူအများစုနစ်မွန်းနေတဲ့ Mediocrity (သာမာန်ဘောင်) ကနေရုန်းထွက်ပြီး ကိုယ်ပိုင် System နဲ့ ရှင်းလင်းပြတ်သားတဲ့ အတွေးအခေါ်ရှိတဲ့ ဆုံးဖြတ်ချက်ကိုပိုင်ဆိုင်နိုင်ဖို့ Shane Parrish ရဲ့ Clear Thinking ကိုလက်ဝယ်ပိုင်ဆိုင်လိုက်ပါ။
Reviews
There are no reviews yet.