Category: Uncategorized
Showing the single result
-
Add to cart
‼️ ကျွန်တော်တိုအလုပ်သင့်ဆုံး အရာတွေက ကျွန်တော်တို မလုပ်ချင်ဆုံး အရာတွေပါ
💭 လူတွေ အကုန်လုံး Outside the Box တွေးရမယ်ဆိုရင်တော့ သေချာတာက တစ်ကယ်ပြင်ရမှာ အဲ့ Box ကိုပါ
– Malcolm Gladwell🏹 David And Goliath ဆိုတာကတော့ သာမန် သိုးကျောင်းသားလေး (David) က တစ်ခြားနိုင်ငံက Champion ဖြစ်တဲ့ Goliath ဘီလူးကြီးကို အနိုင်ယူလိုက်တဲ့ ပုံပြင်ပဲ ဖြစ်ပါတယ်။
🛡 ရှေးခေတ်က နိုင်ငံတွေ စစ်ဖြစ်တဲ့ အခါမှာ လူတွေ အသေအပျောက် မများအောင် တစ်နိုင်ငံချင်းဆီက အတော်ဆုံး၊ အကောင်းဆုံး လူတွေ နှစ်ယောက် ပဲ ထိုးသတ်ကြတယ်။ ထိုးသတ်တဲ့ပွဲမှာ နိုင်တဲ့သူ ဘက်က တစ်ဖက်နိုင်ငံကို သိမ်းနိုင်တယ်။ လွန်ခဲ့တဲ့ နှစ် ၃၀၀၀ လောက်က Philistines နိုင်ငံနဲ့Israelites နိုင်ငံ တိုစစ်ဖြစ်ကြတယ်။ Philistines နိုင်ငံက အရပ် ၇ပေ နီးပါး ရှိတဲ့ ဘီလူးကြီး တစ်ကောင် (Goliath) ကို သံချပ်ကာ အပြည့် ၀တ်ဆင်စေပြီးတော့ ရွေးချယ်လိုက်တယ်။ Israelites နိုင်ငံက လူတွေက Goliath ကို ကြောက်ပြီးတော့ ဘယ်သူမှ ရှေ့မထွက်ရဲ ကြဘူး။ နောက်ဆုံးမှာ သိုးကျောင်းသား David က Goliath ကို အနိုင်တိုက်မယ်လိုဘုရင်ကို တောင်းဆိုလိုက်တယ်။ ဘုရင်ကလည်း David ကို နိုင်မှာ မဟုတ်ပါဘူး လိုပြောပြီး တားတယ်။ ဒါပေမယ့် တစ်ခြားရွေးချယ်ရမယ့် သူမရှိတော့ David ကိုပဲ ရွေးချယ်လိုက်ရတော့တယ်။ David နဲ့Goliath တွေ့တဲ့ အချိန်မှာ David က Goliath ကို ခဏလေးနဲ့အနိုင်ယူလိုက်တယ်။
⭕️ Change the Game
🗡 ရှေးခေတ်က စစ်တိုက်တဲ့ အခါမှာ စစ်သား သုံးမျိုး ရှိတယ်။ Cavalry ဆိုတာကတော့ မြင်းစီး စစ်သားတွေပါ။ သူတိုက သံချပ်ကာ ၀တ်ဆင်ပြီးတော့ တိုက်ခိုက်ကြတယ်။ Infantry ဆိုတာကတော့ ခြေလျင်တပ်သားတွေပါ။ နောက်ဆုံးကတော့ Projectile Warriors တွေပါ။ သူတိုကတော့ လေးသမားတွေပေ့ါ။ သူတိုက ရန်သူကို ကိုက် ၂၀၀ အကွာကနေ ပစ်နိုင်ပါတယ်။ Goliath က စိန်ခေါ်တဲ့ အချိန်မှာ ဓားချင်း ခုတ်ဖိုစိန်ခေါ်တာပါ။ သူ့ကို ဓားချင်းခုတ်မယ်ဆို ဘယ်သူမှ နိုင်မှာ မဟုတ်ပါဘူး။ ဒီတော့ David က သူ့ရဲ Slinger နဲ့Goliath ရဲ့နဖူး တည့်တည့်ကို ပစ်လိုက်တဲ့အခါမှာ Goliath က လဲသွားပါတယ်။ လဲသွားတဲ့ အချိန်မှာ Goliath ရဲ့ဓားကို ယူပြီး လည်ပင်းကို တစ်ခါတည်း ခုတ်ပစ်လိုက်ပါတယ်။
➰ Think Outside of the Box, Change the Game.
⭕️ Embrace Adversity
👤 တစ်ကမ္ဘာလုံးမှာ ထူးထူးခြားခြား အောင်မြင်ခဲ့သူတွေထဲက အများစုမှာ Dyslexia ရှိကြတယ်။ Dyslexia ဆိုတာကတော့ စာလုံးတွေက ရောထွေးနေပြီး စာဖတ်လို မလွယ်ကူတဲ့ ရောဂါတစ်မျိုးပေါ့။ ဥပမာအားဖြင့် Albert Einstein, Richard Branson, Walt Disney and Winston Churchill တိုမှာ Dyslexia ရှိကြတယ်။
💢 သူတိုကို မေးကြည့်တဲ့ အခါမှာ သူတိုအောင်မြင်ခဲ့တာက Dyslexia မရှိလိုမဟုတ်ကြပဲ Dyslexia ကြောင့် အောင်မြင်ခဲ့တယ်လိုပြောကြတယ်။ သူတိုတွေက စာဖတ်ဖိုမလွယ်ကူတဲ့ အခါမှာ အဲ့ဒီ့ အခက်အခဲကို ကျော်လွန်ဖိုကြိုးစားကြတယ်။ အတန်းထဲမှာ အတော်ဆုံးကျောင်းသားကို အိမ်စာ လုပ်ဖိုအကူအညီတောင်းတာတို၊ စာမေးပွဲကျလိုဆရာမဆီသွားပြီး Grade D ကနေ C တိုး ပေးဖိုတောင်းဆိုခဲ့တာတိုလုပ်ကြရတယ်။ ငယ်ငယ်ကတည်းကနေ Negotiation, Delegation, Self-Confidence တိုတတ်မြောက်အောင် လုပ်ခဲ့ရတယ်။ သူတိုဘဝတွေ မလွယ်ကူခဲ့ပါဘူး။ ဒါပေမယ့် ကျရှုံးမှုတွေကို ကျော်လွှားနိုင်ခဲ့တယ်။
🕳 လူတွေ လက်ရှိအခြေအနေထက် ပိုအောင်မြင်ဖိုဆိုရင် ကိုယ့်မှာ ရှိတဲ့ အခက်အခဲ တွေကို ကျော်လွှားနိုင်ရမယ်။ အခက်အခဲကို အသုံးချရမယ်။ အခက်အခဲကို ကိုယ် သွားချင်တဲ့ လမ်းကြောင်းပေါ်ရောက်အောင် ဖန်တီးယူရမယ်။ အပြစ်တင်နေရမှာ မဟုတ်ပါဘူး။
⭕️ Be Patient
👁🗨 လူငယ်တွေ အနေနဲ့အောင်မြင်မှုကို လိုလားတဲ့ အခါမှာ သည်းခံနိုင်မှု နည်းကြတယ်။ Malcolm က ပညာရပ်တစ်ခုမှာ ထူးချွန်သူ ဖြစ်ချင်တယ်ဆိုရင် အနည်းဆုံး နာရီ ၁၀,၀၀၀ ရင်းနှီးရမယ်လိုပြောထားတယ်။ Success က မွေးရာပါ အရည်အချင်းတစ်ခု မဟုတ်ပါဘူး။ အခွင့်အရေး အသုံးချနိုင်မှု၊ ပြင်းပြင်းထန်ထန် ကြိုးစားမှု၊ ကောင်းမွန်တဲ့ ဗီဇအကျင့်စရိုက်စတဲ့ အချက်တွေ ပေါင်းပြီးတော့ ရလာတဲ့ ရလာဒ် ဖြစ်ပါတယ်။ အောင်မြင်တဲ့ သူတွေရဲ့အောင်မြင်မှုတွေကိုသာ ကြည့်ပြီး သူတိုဘယ်လို ရုန်းကန်ခဲ့ရတာတွေကို မေ့လျော့နေကြပါတယ်။ Practice လုပ်တဲ့ အခါမှာလည်း ကိုယ့်အတွက် အဆင်ပြေပြီး သက်သက်သာသာ ဖြစ်တဲ့ အရာတွေကိုသာ လေ့ကျင့်မနေပဲ Desirable Difficulties လုပ်ရပါမယ်။ ပိုခက်ခဲလာတဲ့အရာ၊ ပို ကြိုးစားပြီး လုပ်ကိုင်ရမယ့် အရာတွေကိုပါ လေ့ကျင့်ရပါမယ်။
📛 ကျွန်တော်တိုအလုပ်သင့်ဆုံး အရာတွေက ကျွန်တော်တိုမလုပ်ချင်ဆုံး အရာတွေပါ။
❌ ဘ၀ရဲ အဆိုးရွားဆုံး ဖြစ်ရပ်တွေက အကောင်းဆုံးအခြေအနေတွေကို ဖန်တီးပေးတယ်။
➕ Malcolm က ကျွန်တော်တိုရဲ့ရှုံးနိမ့်မှုတွေ၊ အခက်အခဲတွေကို ရင်ဆိုင်ရတဲ့ အခါမှာ အတွေးအခေါ်တွေကို ပြောင်းလဲလိုရမယ့် နည်းလမ်းတွေကို ပြောပြထားပါတယ်။ Goliath လိုမျိုး အခက်အခဲကြီးမားတဲ့ အရာတွေနဲ့ကြုံတွေ့ရတဲ့ အခါ ဘယ်သူမှ မနိုင်ပါဘူးလိုပြောထားတဲ့ Goliath မှာလည်း အားနည်းချက်တွေ ရှိတဲ့ အကြောင်း ရှင်းပြထားတယ်။ ကျွန်တော်တိုတွေက သိမ်ငယ်စိတ်တွေနဲ့နေရပေမယ့်လည်း သိမ်ငယ်စိတ်ကို ယုံကြည်မှု၊ ဥာဏ်ပညာ နဲ့ခွန်အားအဖြစ် ပြောင်းလဲနိုင်တဲ့ အခါမှာ Goliath ကို အလွယ်တိုက်နိုင်တဲ့ David လိုမျိုး အခက်အခဲတိုင်းကို ကျော်လွှားနိုင်မယ်လိ်ပြောထားပါတယ်။
🗣 Malcolm Gladwell က Ted Talk မှာ ကြိမ်ဖန် များစွာ ပြောရတဲ့Author တစ်ယောက်ဖြစ်ပါတယ်။ Malcolm ရဲ့အတွေးအခေါ်တွေက လူငယ်တွေ ဘ၀ကို ပြောင်းလဲစေခဲ့ပြီး Malcolm ကို အကောင်းဆုံး Influencer တစ်ယောက်လိုလည်း တင်စားထားပါတယ်။ Malcolm Gladwell ရဲ စာအုပ်သုံးအုပ် ဖြစ်တဲ့ Blink, Outliers နဲ့David and Goliath စာအုပ်တွေက New York Times Best-sellers စာရင်း၀င် ဖြစ်ခဲ့ကြပါတယ်။ Outliers စာအုပ်ကတော့ New York Times မှာ ၁၁ ပတ်တိတိ အကောင်းဆုံး စာအုပ်တစ်အုပ်အနေနဲ့ရပ်တည်ခဲ့ပြီးတော့ David and Goliath စာအုပ်မှာတော့ အရင်တုန်းက အတွေးအခေါ်တွေ ကို ပြောင်းလဲတဲ့ စိတ်ပညာရပ်တွေ ပါ၀င်ပြီး ကိုယ့်ရဲ့အားနည်းချက်တွေကို အားသာချက်အဖြစ် အသုံးချပုံတွေကို ရှင်းပြထားတဲ့အတွက် လူငယ်တိုင်း ဖတ်သင့်တဲ့ စာအုပ်ကောင်းတစ်အုပ် ဖြစ်ပါတယ်။
